ဝှစ်မင်းနဲ့ ဟုခ်ျတို့ကို ကဗျာနိုင်ငံရေးသမား (ဝါ) တော်လှန်သူများဆိုတာ ထင်သာမြင်သာရှိပေမယ့် မိန်းမသား ဒစ်ဆင်ရဲ့ကဗျာဆိုတာကလည်း ကောင်းမှုလုပ်ခြင်းအစွန်းနဲ့မကင်းတဲ့အတွက် တချို့က နိုင်ငံရေးလို့ပဲယူဆထားကြတယ်။ ဆောင်းပါးရှင်ကတော့ အဲဒီစကားဝိုင်းနဲ့ပတ်သက်ပြီး ဖိတ်ကြားခြင်းခံရတဲ့ ကဗျာဆရာတစ်ဦးပါ။ သူက စကားဝိုင်းက နိုင်ငံရေးကို ဖယ်ထုတ်ပြီး ပြောဖို့က အခက်အခဲဖြစ်စေလိမ့်မယ် (It would have been difficult to keep politic out of conversation) လို့ ဆိုတယ်။ ကဗျာဆရာကြီးဝှစ်(ထ)မင်းရဲ့ ကာရန်မဲ့ အရေးအသားဟာ သူ့ခေတ်ကပင်မရေစီးကို ပုန်ကန်ခဲ့တယ်။ ပြီးတော့ဝှစ်(ထ)မင်းဟာ ဒီမိုကရေစီနဲ့ ပတ်သက်ပြီး အက်ဆေးတစ်ပုဒ်ကို ကျကျနန ရေးသွားသူပါ။ ဟုခ်ျကလည်းလူမည်းတွေရဲ့ နိမ့်ပါးမှုကို ကဗျာနဲ့ဖော်ပြခဲ့သူတစ်ယောက်ပဲ။ သူတို့ဟာ သူတို့ခေတ်က ပင်မရေစီးရဲ့ သူပုန်တွေပဲ။ အထက်ဖော်ပြပါ သုံးဦးဖြစ်တဲ့ ဝှစ်(ထ)မင်း၊ ဒစ်ဆင်နဲ့ ဟုခ်ျတို့ကို နိုင်ငံရေးရှုထောင့်က ကြည့်ရအောင်။ သူတို့အကြောင်းပြောရင် ဘာကြောင့်နိုင်ငံရေး ပါဝင်သင့်သလဲဆိုတဲ့ ဆင်ခြေကို ကျွန်တော်တို့ သိဖို့လိုတယ်။
ဝှစ်(ထ)မင်းနဲ့ နိုင်ငံရေး (ဝါ) လူသားနယ်နမိတ်ကို ကျော်ဖြတ်ခြင်း
ကာရန်မဲ့မှာ ရှေးဦးတီထွင်သူကြီးရယ်လို့အမေရိကန်ကဗျာသမိုင်းက အသိအမှတ်ပြုခံထားရတဲ့ ဝှစ်(ထ)မင်း အမြဲတမ်းပြောလေ့ရှိတဲ့ စကားတစ်ခွန်းရှိတယ်။ အဲဒါကတော့ “But really I am neither for nor against institutions” (နိုင်ငံသားများရဲ့လိုအပ်ချက်တွေကို ဖြည့်ဆည်းပေးတဲ့ အဆောက်အအုံအဖွဲ့အစည်းများနဲ့ပတ်သက်ပြီး ဆန့်ကျင်ခြင်း၊ထောက်ခံခြင်း ကျွန်ုပ်၌ အမှန်တကယ်မရှိပေ။) ဒါဆိုရင် ဝှင်(ထ)မင်းက ဘာလဲ။
သူယုံကြည်တာကတော့ ကိုယ်ချင်းစာတရားမျိုးလို့ ဆိုရမယ်။ သူ့စကားနဲ့ ပြောရရင်တော့ မျှဝေခံစားတဲ့ချစ်ခြင်းတရား (The dear love of comrades) သာဖြစ်တယ်။ ဝှစ်(ထ)မင်းက ကျွန်စနစ်နဲ့ ဆင်းရဲမွဲတေမှုကိုအပြင်းအထန် ဆန့်ကျင်သူတစ်ဦးဖြစ်တယ်။ သူဟာ ကဗျာကို ဖွဲ့ဆိုရာမှာ စကားလုံးအလှအပတွေ သုံးပြီးဖတ်သူကို ဖျော်ဖြေမှုပေးတဲ့ တည်ဆောက်ဟန်ကို လက်မခံဘူး။ မှန်တဲ့ကဗျာဟာ ဘယ်လိုမှ မလှပနိုင်ဘူးလို့ဆိုတယ်။ ယနေ့အထိ ဝှစ်(ထ)မင်းကို ဒီမိုကရက်ကဗျာဆရာတစ်ဦးအဖြစ် သတ်မှတ်ခဲ့တာကတော့ “ကျွန်ုပ်ကိုယ်တိုင်ဖြစ်တည်မှု၏တေးသွား” (Song of Myself) ပဲ ဖြစ်တယ်။
I celebrate myself, and sing myself
And what I assume you shall assume,
For every atom belonging to me asgood belongs to you.
From“Song of myself”
ကျုပ်ဟာ ကိုယ်တိုင်ကျင်းပ၊ ပြီးတော့ ကိုယ်တိုင်သီဆို
နောက် ခင်ဗျားတို့ ယူဆမယ့်အတိုင်း ကျုပ်ယူဆ
ခင်ဗျားတို့ဆီ ကောင်းခြင်းမင်္ဂလာ ပိုင်ထားသလိုမျိုးအက်တမ်တစ်ခုစီတိုင်း ကျုပ်လည်း ပိုင်ဆိုင်ဖို့အတွက်။
အထက်ပါကဗျာရဲ့တည်ဆောက်မှုအောက်မှာတော့ ဒီမိုကရေစီရဲ့ ထူးခြားတဲ့ အာရုံတစ်ခုဟာ ရုပ်ခန္ဓာ (body) နဲ့ နာမ် (soul) နှစ်ခုစလုံးပါဝင်တဲ့ လူမှုအဖွဲ့အစည်း ရှုထောင့်ကပေးတဲ့ အမြင်နဲ့အတူ တည်ရှိနေတယ်လို့ဒီဆောင်းပါးကိုရေးတဲ့ ပါမောက္ခ “ဂျေး” က ဆိုပါတယ်။ ဝှစ်(ထ)မင်းဟာ ဒီကဗျာကို တည်ဆောက်မှုမှာတော့သင် (You) နဲ့ ကျုပ် (ငါ) ကြားက အကွာအဝေးကို ဖျောက်ပစ်ခဲ့သလို ငါပိုင်တဲ့အရာ (mine) နဲ့သင်ပိုင်တဲ့အရာ (Yours) ကြားက နယ်နမိတ်ကိုလည်း ငြင်းဆန်ခဲ့ပါတယ်။ ကဗျာဆရာဟာ သူ့အတွက်သူသီချင်းဆိုသလို ကျန်နေတဲ့သူတွေ၊ ပြည်သူတွေအတွက်လည်း သီချင်းကို သီဆိုပါတယ်လို့ ဝေဖန်သူတွေကဆိုတယ်။ အဲဒီအချိန်ကတော့ ကဗျာလောကမှာ အဲဒီလို လူထုကို ကိုယ်စားပြု တည်ဆောက်မှုတွေက ခပ်နည်းနည်းရယ်။ နောက်တော့ ဝှစ်(ထ)မင်း လောင်းရိပ်မိတဲ့ ကဗျာဆရာ အနည်းငယ်ကသာ ဒီလိုပုံစံကို ဆက်ရေးကြတယ်လို့ဆိုတယ်။ ဝှစ်(ထ)မင်းဟာ လူတွေရဲ့ မိတ်ဆွေ (ဝါ) အဖော်ကောင်း ဖြစ်တယ်။ သူဟာ အတန်းအစားမရွေးတဲ့လူထုကိုယ်စားပြု ဖြစ်တယ်။
ရာထူးရှိသော၊ မဲ့သော၊ (Rank and File)၊
ဇတ်နိမ့် ဇတ်မြင့် (Highborn and Lowborn)၊
လူကြီးလူငယ် (Young and Old)၊
လူဖြူလူမည်း (Black andWhite) တွေရဲ့ အစွန်းနှစ်ဖက်ကို ဝှစ်(ထ)မင်းက လက်မခံပါ။
အားလုံးကို ကိုယ်စားပြုသောဝှစ်(ထ)မင်း (Walt Whitman a kosmos) လို့ ဝေဖန်သူတွေက ဆိုပေမယ့် ဝှစ်(ထ)မင်းကတော့ ကျားမ လိင်ကွဲပြားမှုရဲ့ အပြင်ဘက် (သို့မဟုတ်) သွေဖယ်နေမှု ကိုလည်း လက်မခံပါဘူး။ ဝှစ်(ထ)မင်းရဲ့အကောင်းဆုံးလက်ရာ “မြက်ရွက်များ” (Leaves of Grass) ဟာ နိုင်ငံရေးအတွေးတွေ အမြောက်အများပါဝင်တည်ဆောက်ထားတဲ့ ကဗျာစာအုပ်တစ်အုပ် ဖြစ်တယ်။ ဒါပေမယ့် ဖတ်သူတွေကို တိုက်ရိုက်ဝါဒဖြန့်တာမျိုးတော့မဟုတ်ဘူး။ ဒါကြောင့် သူ့စာအုပ်နဲ့ သူဟာ အမြဲတမ်းခေတ်မီနေတယ်လို့ ဆိုပြန်တယ်။ ဝှစ်(ထ)မင်းရဲ့“ငါ၊သူတပါး၊ယောင်္ကျား၊မိန်းမ” ခွဲခြားမှုမရှိဘဲ လူထုကိုယ်စားပြုစိတ်ဓါတ်ဟာ သူ့ရဲ့ အမေရိကန်ပြည်တွင်းစစ် (Civil War) တုန်းက ဆေးရုံမှာ ဝင်ရောက်လုပ်အားပေးသွားတဲ့ လုပ်ရပ်နဲ့ ပုံဖော်ပေးခဲ့တယ်။ ဝှစ်(ထ)မင်းဟာ ကဗျာနဲ့ နယ်ခြားစည်းမျဉ်းများကို ကျော်ဖြတ်ခဲ့သူဖြစ်တယ်။
ဒါကြောင့် လော်ရာဘုရ်ှမသိသေးတဲ့ အချက်က ဝှစ်(ထ)မင်းအကြောင်းပြောမယ်ဆိုရင် နိုင်ငံရေးမပါလို့ မဖြစ်ဘူး ဆိုတာပါပဲ။
အင်မလီဒစ်ဆင်နဲ့ နိုင်ငံရေး (သို့မဟုတ်) မင်းကဘာကောင်လဲ ?
အင်မလီဒစ်ဆင်ရဲ့ ကဗျာတွေဟာ ဝှစ်(ထ)မင်းလိုတော့နိုင်ငံရေးကို ဗြောင်ကျကျချဉ်းကပ်ခွင့် မရပါဘူး။ ၁၉ ရာစု အမေရိကန်ပြည်ထောင်စုအနေနဲ့အမျိုးသမီးကဗျာဆရာမတစ်ဦးက လူထုကို ကိုယ်စားပြုခွင့်ရဖို့ဟာ ဘယ်လိုမှ မဖြစ်နိုင်တဲ့အနေအထားမှာကိုပဲ အင်မလီရဲ့ ကဗျာတွေမှာ လူထုအသံကို တွေ့ရတယ်။ အင်မလီဟာ အသက်ရှင်နေတဲ့အချိန်မှာ သူ့ကဗျာတွေဟာ လူထုရှေ့မှောက်ကို ရောက်မလာခဲ့ပါဘူး။ ဒေသတွင်း သတင်းစာတချို့မှာပဲတွေ့ခဲ့ရတယ်။ သူ့ကဗျာတွေဟာ ကွယ်လွန်သွားမှ လူထုအသိအမှတ်ပြုခံခဲ့ရပြီး အခုဆိုရင် အမေရိကန်ကဗျာလောကမှာ အင်မလီဟာ ချန်ရစ်ထားလို့မရတဲ့ အမျိုးသမီးကဗျာဆရာမ ဖြစ်နေပါပြီ။
အင်မလီဟာ သူမရဲ့ကဗျာ “ငါကတော့ ဘာကောင်မှမဟုတ်ဘူး၊ သင်ရော” (I am nobody! Who are you?) လို့ သူမရေးသားခဲ့တာ ဒီနေ့အထိ အံ့သြချီးမွမ်းရတဲ့တွေးလုံးမျိုးလို့ ဆိုတယ်။ ဒီကဗျာလေးဟာ လေးကြောင်း နှစ်ပါဒ (two quatrains) အမျိုးအစားဖြစ်တယ်။ ငါက ဘာကောင်မှမဟုတ်ဘူး (I am nobody) ဆိုတာဟာ အင်မလီရဲ့ ကိုယ်ပိုင်အမှတ်တံဆိပ် (highly typical) ဖြစ်လာတယ်။ တည်ဆောက်ပုံအရ နိမ့်မြင့်သံစုံတွဲမီတာ ရေးဖွဲ့မှု (Iambic trimester) နဲ့ နိမ့်မြင့်လေးစုံတွဲမီတာ (Iambic tetrameter) ကို တစ်လှည့်စီသုံးသွားတာကို တွေ့ရတယ်။ အတိအကျ လိုက်နာမှုကင်းတဲ့ နိမ့်မြင့်သုံးစုံတွဲမီတာ အရေးအသားကိုတော့အင်မလီဆီက စ,ခဲ့တယ်လို့ ပညာရှင်တွေက ဆိုပါတယ်။ အင်္ဂလိပ်အခေါ် Iambic tri-meter ပါ။ သိပ်ပြီးအတိအကျမရှိဘဲ တစ်ခါတရံမီတာစနစ်ကို ချိုးဖောက်တတ်တာက အင်မလီရဲ့ ရဲတင်းမှုလို့ လေ့လာသူတွေက ဆိုပါတယ်။ ဒီကဗျာဟာ လေးခုမြောက် စာလုံးရဲ့အသံကို မြင့်သံယူထား (stress) ပေးထားတာက အင်မလီရဲ့ ပုံစံအမှတ်တံဆိပ်ဖြစ်ပြီးကာရံပိတ် (Rhyme Scheme) ပုံစံဟာ (ABCB) ဖြစ်တယ်။ ပထမပါဒမှာ “you” နဲ့ “too” က ရိုင်း(မ်) (rhyme) ဖြစ်ပြီး မပြည့်ရိုင်းမ်အနေနဲ့က “know” ဖြစ်နေတဲ့အတွက် မူလ ABCB အထားအသိုကသွေဖယ်ပြီး AABC ပုံစံကို ဖြစ်ပေါ်စေပါတယ်။ ကဗျာထဲမှာ အနောက်တိုင်းကဗျာရဲ့ အလှအပအင်္ဂါရပ်တွေဖြစ်တဲ့ အသံများ ထပ်ဆင့်သုံးစွဲသောစနစ် (alliteration)၊ ထိပ်စည်းတူ တည်ဆောက်မှုစနစ် (anaphora)၊ သရော်ဟန် (satire)၊ ဥပမာပေးနှိုင်းယှဉ်မှုစနစ် (simile) နဲ့ အတွင်းရိုင်းမ်တူရေးဖွဲ့မှုစနစ် (Internal Rhyme) တွေကို သုံးထားတာ တွေ့ရတယ်။ ဒီကဗျာရဲ့ ထူးခြားချက်က ကာရံပိတ်စနစ် ပုံမှန်မရှိခြင်း (No Regular End Rhyme) ပဲဖြစ်တယ်။ ကဗျာလေးကို ကြည့်ရအောင်။
I am no body! Who are you?
Are you no body, too?
Then there’s a pair of us
Don’t tell they’d banish us, youknow.
How dreary to be somebody
How public-like a frog-
To tell your name the livelong day
To an admiringbog!
ငါကဘာကောင်မှမဟုတ်ဘူး၊ သင်ရော?
သင်လည်း ဘာကောင်မှမဟုတ်ဘူးပဲလား?
ပြီးတော့ အဲဒီမှာ ငါတို့ပိုင်တဲ့တစ်စုံရှိတယ်လေ
ပြန်မပြောနဲ့နော်- သိတယ်မဟုတ်လား သူတို့ကမောင်းထုတ်ချင်နေတာ
တစ်စုံတစ်ယောက်ဖြစ်ဖို့ (အကောင်ဖြစ်ဖို့)ဆိုတာဘယ်လောက်ပျင်းစရာကောင်းသလဲ
လူထုဆိုတာ ဘယ်လောက်- ဖားတစ်ကောင်နဲ့တူလဲ
မင်းအကြောင်းတစ်နေကုန် ပြောပြဖို့အတွက်
တစ်ခုသော ဗွက်ကောင်းကောင်းရှိတဲ့ နေရာဆီကို
ဒီကဗျာလေးရဲ့စာကြောင်း ၁ နဲ့၂၊ ၆ နဲ့၈ (line 1 and 2 and line 6 and 8) တွေဟာ ဖိသံပေး (stress) ထားတဲ့အသံထွက် စကားလုံးတွေနဲ့ အဆုံးသတ်ထားတဲ့ သံမြင့်ပိတ် (masculine rhymes) တွေနဲ့ အဆုံးသတ်ထားတယ်။
(you, too) (frog, bog) တို့ဖြစ်တယ်။ ဒါက ထူးခြားချက်တစ်ခု။ (ကဗျာတစ်ပုဒ်လုံး အကြောင်းတိုင်း သံမြင့်ပိတ် (masculine) တွေချည်း သုံးထားတာတော့ ရှိပါတယ်။ ၁၆ ရာစုနှောင်းက ဂျွန်ဒုံး (John Donne) ရဲ့ အရိပ်ပေါ်ကလက်ချာ (Lecture Upon the Shadow) ရဲ့ ရှစ်ကြောင်းစလုံးဟာသံမြင့်ပိတ်တွေ ချည်းပါပဲ။)
နောက်ထပ်ထူးခြားချက်တစ်ခုကတော့ အင်မလီရဲ့စာလုံးအသုံးပြုမှုပါပဲ။ လူထု (Public) အသုံးကို ဖား (Frog) စာလုံးနဲ့ တွဲသုံးပစ်တာဟာ အဲဒီခေတ်ကထိတ်လန့်တုန်လှုပ်ဖွယ် အရေးအသားမျိုးပဲလို့ ဆိုတယ်။ ဖားတွေ (Frogs) ဟာ လူထုကို ကိုယ်စားပြုတဲ့နာမည်ကြီးရုပ်ပုံတွေ၊ ထင်ရှားသူတွေ (public/like public figures) သာမန် မထင်မရှားမဟုတ်တဲ့သူတွေ (somebodies) သူတို့ဟာ သူတို့နာမည်တွေကို စဉ်ဆက်မပြတ် ဖားတွေလို အော်နေတဲ့ သူတွေဖြစ်ပြီး ဗွက်တွေစွတ်စိုနေတဲ့ နေရာကိုသွားရင်း သူတို့ဖားတွေဖြစ်ကြောင်း အမှတ်တံဆိပ်ကို ဂုဏ်ဖော်ပြီးအော်နေသူတွေရယ်လို့ အင်မလီက ဆိုပါတယ်။
အင်မလီဟာ အမ်ဟီရပ်(စ) (Amherst) မက်ဆာချူးဆက် (Massachusetts) အရပ်မှာနေသွားသူ၊ ကဗျာပေါင်း တစ်ထောင့်ရှစ်ရာလောက် ရေးသွားတဲ့သူ၊ သူ့ကဗျာပုံနှိပ်စာလုံးကိုဆယ်ပုဒ်ပြည့်အောင် မမြင်သွားရရှာသူ ကဗျာဆရာမတစ်ဦး ဖြစ်တယ်။ (ဒီဘက်ခေတ် ပို့စ်မော်ဒန်အန်းကာဆင် (Anne Carson) ကနေ ဂျွန်အက်ရ်ှဘရီထိ သူ့အရိပ်လွတ်သူ မရှိဘူး။ ဒီနေရာမှာ ကဗျာရဲ့နိုင်ငံရေး (The Politic of Poetry) ခေါင်းစဉ်နဲ့ ပါမောက္ခဂျေးပါရီနီရဲ့ “WhyPoetry Matter” စာအုပ်ထဲ အင်မလီကဗျာနဲ့ပတ်သက်ပြီး ဆွေးနွေးတာ ကျွန်တောာ့်အတွက် ကံကောင်းစွာပဲအင်မလီ့အကြောင်းကို ရေးဖြစ်သွားတယ်။
အင်မလီဟာ တင်းကြပ်လွန်းတဲ့ ကာရန်စနစ်ကို စတင်ဖြိုဖျက်ဖို့နှပ်ကြောင်းပေးသွားသူတစ်ဦးလို့ အဆိုရှိတယ်။ ဒါကြောင့် ကာရန်မဲ့ “Free Verse” ရာဇဝင်ကိုလှန်ရင်တော့ အင်မလီအကြောင်းလေးရေးဖို့ကောင်းတယ်လို့ ထင်မိတယ်။ ဒါပေမယ့် “Free Verse” နဲ့ အခြားသောပုံစံများကို ကျွန်တော်ရေးနေတဲ့ ကျမ်းငယ်မှာ အင်မလီကို ပါစေချင်တယ်။ ဒါပေမယ့် သူက Free Verse ထိကို မသွားခဲ့ဘူး။ ဒီတော့ တစ်စုံတစ်ယောက်က အင်မလီဒစ်ဆင်ကိုဘာကြောင့်မရေးလဲလို့ ကျွန်တော့်ကိုမေးရင် အဖြေမရှိပါဘူး။ ကျွန်တော်ကိုယ်တိုင် အင်မလီကိုပါစေတယ်။ အခု ဒီစာအုပ်မှာ အင်မလီ့ကဗျာကို ရေးလိုက်ရလို့ ဝမ်းသာမိတယ်။ အကြောင်းက တိုက်ဆိုင်တာကိုး။ ဒါကြောင့် ပါမောက္ခ ဂျေးရဲ့ မူရင်းထက်ပိုပြီး အင်မလီ့ကဗျာဖွဲ့စည်းပုံကို အထက်ကအတိုင်းရှင်းဖြစ်သွားတယ်။ ဒီတော့ ခေါင်းစဉ်အောက်က အင်မလီကဗျာဖွဲ့စည်းပုံဟာ “ဂျေး” ရဲ့ စာအုပ်ထဲကအတိုင်း မဟုတ်ဘဲ ကျွန်တော့်ရဲ့ရှင်းလင်းမှုသာ ဖြစ်တယ်။ အချက်အလက်တွေကိုတော့ SparkNotes ဆိုဒ်ကနေ ယူပါတယ်။)
အင်မလီရဲ့ ကဗျာကနေ မူရင်းနိုင်ငံရေးဆီကိုဆက်ကြစို့။ အင်မလီ တစ်ခါကပြောခဲ့ဖူးတယ်။ အမှန်ကိုသာပြောပါ (Tell all the truth) တဲ့။ ဒါပေမယ့် ဒဲ့ဒိုးကြီးမပြောမိစေနဲ့။ (But tell it slant) ကွေ့ဝိုက်ပြီးပြောပါတဲ့။ ဒါဟာသိပ်ကို ကောင်းမွန်တဲ့ စာသားပါ။ အမေရိကန် ဘာသာရေးဝန်ကြီး (American UnitarianMinister) သောမတ်(စ)ဝမ့်ဝေါ့(ဒ) ဟက်ဂျင်ဆင် (Thomas Wentwort Higginson) ဆိုတဲ့ ပုဂ္ဂိုလ်ကြီးက အင်မလီနဲ့ စာပေးစာယူ အင်မတန်ခင်တဲ့ ပုဂ္ဂိုလ်ကြီးပါ။ သူက စစ်သား၊ ကျွန်စနစ်ဆန့်ကျင်သူ (Abolitionist) ဒီလိုပုဂ္ဂိုလ်ကြီးမျိုး နိုင်ငံရေးထဲ ထဲထဲဝင်ဝင် ပါဝင်ပတ်သက်နေသူကြီးက အင်မလီကို အမ်ဟီရပ်(စ)က ကျုပ်ကိုယ်ပွားကဗျာဆရာမ (My partially cracked poetess atAmherst) ရယ်လို့ ဆိုခဲ့တယ်။
- ဇော်ဇော်ထွန်း
