ဒုတိယဆယ်စုနှစ်မှာတော့ မော်ဒန်လှုပ်ရှားမှု အမြင့်ဆုံးကာလဖြစ်ပြီး လက်ဟောင်း "ပေါင်း" နဲ့ "အဲလီးယော့" တို့ရဲ့ ဒီရေအမြင့်ဆုံးကာလဖြစ်ကာ လူမည်းလှုပ်ရှားမှု ဟာလမ်း (Harlem Renaissance) ၊ ဘလက်(ခ)အတ်(ထ) လှုပ်ရှားမှု (The Black Arts Movement) ထဲက လင်စတန်ဟုခ်ျ (Langston Hughes) တို့ရဲ့ နီဂရိုးသစ် (New Negro) တွေ ဆက်တိုက်ပေါ်လာခဲ့တယ်။ မက်ဟန်တန်အပေါ်ပိုင်း (Upper Manhattan)မှာ လူမည်းတွေရဲ့လူဦးရေ ပေါက်ကွဲမှု ဖြစ်လာတယ်။ အရပ်ရပ်က အနုပညာရှင်တွေရဲ့ ချီတက်ရမယ့်နေရာကတော့ "ဟာလမ်း" ကိုပါပဲ။ ဂျမေကာဖွား ကလောဒီမက်ကေး (Claude Mckay) ရဲ့ "အကယ်၍များ ကျုပ်တို့သေရမည်ရှိသော်" (If we must die) ဟာ အကြီးအကျယ်ပေါက်ခဲ့တဲ့ ကဗျာတစ်ပုဒ်ဖြစ်ပြီး "မက်ကေး" ဟာ "ဟာလမ်း" ရဲ့ ဦးဆောင်သူ ဖြစ်လာခဲ့တယ်။
လူမည်းလှုပ်ရှားမှုနဲ့အတူ ကဗျာဟာလူထုရဲ့မကျေနပ်ချက်တွေဘက်ကိုလှည့်ခဲ့တယ်။ ဒါပေမယ့် နယူးနီဂရိုးကဗျာတွေဟာ ဟာလမ်းနဲ့အသားအရောင်ခွဲခြားမှုကိုပဲ ကိုယ်စားပြုနေသေးတယ်။ နယူးနီဂရိုးတွေရဲ့ ကလောင်ဟာ ပိုပြီး ဗြောင်ကျပွင့်လင်းတဲ့ နိုင်ငံရေးဘက်ကိုရောက်သွားတယ်။ စတာလင်ဘရောင်း (Sterling Brown) ရဲ့ "Old lem" ကဗျာဟာ အဘိုးကြီး "လမ်း" ရဲ့ လူမည်းခံစားချက်ကို ပေါ်လွင်စေတယ်။ "Black Arts" တွေက မြို့ပြအခွင့်အရေးများ (Civil Rights) ကို တည်ပြီးသွားတယ်။
Theygot the judges သူတို့မှာတရားသူကြီးတွေရှိခဲ့ပါရဲ့
Theygot the lawyers သူတို့မှာရှေ့နေများလည်း ရှိခဲ့ပါရဲ့
Theygot the jury-rolls သူတို့မှာဂျူရီလူကြီးလုပ်ခွင့်များလည်း ရခဲ့ပါရဲ့။
Theygot the law သူတို့မှာတရားဥပဒေဆိုတာမျိုး ရှိခဲ့ဖူးပါရဲ့
အဲဒီဆယ်စုနှစ်ကာလများမှာတော့ ကောင့်တီကူလန် (CounteeCullen) တို့ နူဘိုဆစ် (W.E.B Du Bosis) တို့ ပေါ်ထွက်လာခဲ့တယ်။ "NewNegro"တွေဟာ နိုင်ငံရေး (Politic) ထက် လူထု (Public) ဘက်ကို ပိုသွားတယ်။ သူတို့ဟာနာကျင်မှုများ လွန်မြောက်လာပေမယ့်လည်း သူတို့ကဗျာတွေကတော့ ခုထိနာကျင်နေဆဲပါပဲ။
သုံးဆယ်ခုနှစ်များနောက်
သုံးဆယ်ခုနှစ်များဟာ နိုင်ငံရေးကဗျာနဲ့ ပုဂ္ဂလနောင်တကို ဖွင့်ဆိုသောကဗျာများ တပြိုင်ထဲရောနှော ပေါ်ထွက်လာတဲ့ကာလဖြစ်တယ်လို့ သုံးသပ်ကြတယ်။ အော်ဒင်နှင့်သူ့မျိုးဆက်များ (Auden and hisgeneration) ပေါ်လာတယ်။ ကားဆန်းဘတ် (Carl Sandburg)၊ မူရီရယ်ဂူကေတာ (MurielRukeyser) တို့ ပါလာတယ်။ နောက်တော့ အော့ဂျက်တစ် (Objective) အုပ်စုထဲက ဂျော့(ချ)အော်ပန် (George Oppen) တို့ အုပ်စုက အနီလွှမ်းတဲ့အမြင်နဲ့ ကဗျာကိုတည်ဆောက်တယ်။ သူတို့အုပ်စုထဲမှာတော့ လူးဝစ်ဇိုကော့စကီး (Louis Zukofsky)၊ ချာလီရက်ဇနီကော့(ဖ) (Charles Reznikoff) နဲ့ ကား(လ်)ရာကိုဇီ (Carl Rakosi) တို့ ထင်ရှားတယ်။ ဒုတိယ ရာစုဝက်ရောက်တော့ အက်ဇရာပေါင်း ကို ၁၉၄၈ အတွက် "ဘိုလင်ဂျင်ဆု" ရေဝတီဆန့်ကျင်ရေးစာပိုဒ် (Anti-Semitic Passages) တွေကိုထုတ်ဝေသူတွေက တည်းဖြတ်ပေးခဲ့တယ်။ ဒီကိစ္စဟာ အနုပညာရှင်တစ်ယောက်ဟာ ဘယ်လို လူစားမျိုးဖြစ်သင့်တယ်ဆိုတာထက် ဘယ်လိုအနုပညာမျိုး ဖန်တီးသလဲဆိုတာ ပြဿနာရဲ့အဖြေပဲ။
ရာစုဝက် ငါးဆယ်ခုနှစ်များဟာ ကဗျာဆရာတွေရဲ့နိုင်ငံရေးအားအကောင်းဆုံးကာလ ဖြစ်တယ်လို့ သတ်မှတ်ကြတယ်။ အလန်ဂျင်းစဘတ် (AllenGinsberg) ရဲ့ အူသံ (Howl) ခေတ် ပေါ်လာပြီး ချားလ်အိုဆင် (Charles Olson) နဲ့ ရောဘတ်ခရီလေ (Robert Creely) တို့ထင်ရှားလာတယ်။ ခြောက်ဆယ်နဲ့ခုနစ်ဆယ်ခုနှစ်များဟာ ကဗျာဆရာ လောကမှာနိုင်ငံရေးပေါက်ကွဲမှုဖြစ်တဲ့ ကာလပါပဲ။ ဒါကလည်း အများသိပြီးတဲ့အတိုင်း သမိုင်းနောက်ခံအကြောင်းအရာ ဗီယက်နမ်စစ်ပွဲကြောင့်ပါပဲ။
ခရီလေကတော့ အနက်ရောင်တောင်တန်း (Black Mountain School) ဂိုဏ်းက ပို့စ်မော်ဒန်ကဗျာဆရာ တစ်ဦးဖြစ်ပြီး အလန်ဂျင်းစဘတ် တို့လို ခြောက်ဆယ်ကဗျာသူရဲကောင်းတစ်ဦးပါ။ ၁၉၉၁ မှာ အယ်ပီဒွန် တွေရှိတဲ့ဘဖလိုတက္ကသိုလ် (Buffalo University of New York) ကို ဘရောင်းတက္ကသိုလ်ကနေ ရွေ့သွားတယ်။ သူရေးခဲ့တဲ့ အမေရိက (America) ဆိုတဲ့ ကဗျာကတော့ ရှယ်အဆင့်ဆိုပဲ။
America
America,you ode for reality!
Giveback the people you took!
Letthe sun shine again
onthe four corners of the world
youthought of first but do not
own,or keep like a convenience.
Peopleare your own word, you
inventedthat locus and term.
Here,you said and say, is
wherewe are, Give back
whatwe are, these people you made,
us,and nowwhere but you to be.
- RobertCreely
အမေရိက
အမေရိက၊ သင်အစစ်အမှန်အတွက် ကဗျာရှည်ကိုလုပ်သလား!
သင်ယူသွားခဲ့သောလူများအားပြန်ပေးပါလေ။
ဒီနေမင်းကို နောက်တစ်ကြိမ်ထွန်းလင်းခွင့်ကိုပေး
ကမ္ဘာမြေ၏ အရပ်လေးမျက်နှာစလုံးဆီမှာ
သင်က ပထမဆိုတဲ့အတွေးကိုရပေမယ့် သင်
မပိုင်ဘူး၊ ဒါမှမဟုတ် ရမထားဘူး အဆင်ပြေမှုတစ်ခုလိုပ
လူသားတွေဟာ သင်၏ကိုယ်ပိုင်စကားလုံးပါ၊ သင်
နေရာနဲ့အဓိပ္ပါယ်သတ်မှတ်ချက်လို တီထွင်ခဲ့
ဒီမှာ၊ သင်ပြောခဲ့တာ နောက်ပြောတတ်တာက
ငါတို့ဘယ်နေရာမှာလဲ။ ပြန်ပေးပါလေ
ငါတို့ဘာတွေလဲ၊ သင်လုပ်ခဲ့ပါသော ဒီလူများ၊
ကျွန်ုပ်တို့၊ နောက် သင်ကလွဲပြီးဘယ်နေရာမှ လူဖြစ်ရန်မရှိပါ။
- ရောဘတ်ခရီလေ
ကဗျာဆရာတွေဟာ တစ်ကြိမ်မဟုတ် တစ်ကြိမ်မှာတော့ သူတို့ရဲ့ ကဗျာတွေထဲမှာ နိုင်ငံရေးနဲ့ ပတ်သက်တဲ့ အမှန်အမှားဆင်ခြေများကို သွတ်သွင်းမိလေ့ရှိတယ်။ ဒါကို (voicing the political convictions inthe poetry) လို့ ခေါ်ပါတယ်။ ရည်ရွယ်ချက်ရှိလို့ပဲဖြစ်ဖြစ်၊ ဒါမှမဟုတ် မရှိလို့ပဲဖြစ်ဖြစ်ကဗျာဆရာဟာ နိုင်ငံရေးကို ဆင်ခြင်မိတာ (ဝါ) "judge" လုပ်တာမျိုးရှိတယ်။ အမေရိကန်ကဗျာဆရာတွေဟာသူတို့မကြိုက်နှစ်သက်တဲ့ နေရာလေးတစ်ခုရှိပါသည်။ အဲဒါကတော့ ယဉ်ကျေးမှု သုတေသီ အက်ဒွပ်ဆက်(ဒ)ရဲ့စကားနဲ့ သုံးရရင်တော့ "နိုင်ငံ၏ နိုင်ငံရေးမဆန်သော အနုပညာမြောက်သော တင်ပြမှု" (Edward said terms the nation's depoliticized or aesthecized submission) ဆီက လွတ်မြောက်လိုပါတယ်။ဒါကတော့ အမေရိကန်ကဗျာဆရာတွေရဲ့ ထူးခြားချက်ပါပဲ။
- လူ့အခွင့်အရေးနဲ့ ဒီမိုကရေစီကို ယဉ်ကျေးမှုဘက်ကနေတင်ပြနိုင်တဲ့ အက်ဒွပ်ဆက်(ဒ)ရဲ့ နောက်ဆုံးထွက်ထားတဲ့ စာအုပ်ထဲက စာကြောင်းတစ်ကြောင်းကိုထပ်ပြီး ကိုးကားရရင်တော့ မော်ဒန်ရဲ့အကောင်းဆုံး လက္ခဏာများထဲက တစ်ခုကတော့ အခုဆိုရင်အတော်လေးကို အတော်လေးကို နက်နက်ရှိုင်းရှိုင်းရှိ နေရာတွေင် ရသပညာနှင့် လူမှုရေးဟာ တွဲထားဖို့လိုအပ်ပြီး ညှိနှိုင်းညီညွတ်ရန်မလွယ်သော တင်းမာမှုဘဝအခြေအနေတွင် သတိထား၍ အမြဲလိုလို တွဲဖက်ခြင်းခံရမြဲဖြစ်သည်လို့ရေးပါတယ်။
ပြောချင်တာက ရသအနုပညာဟာ လူမှုဗေဒနဲ့တွဲဖက်ပါမှ ပဋိပက္ခများကို ထိန်းချုပ်နိုင်မယ်လို့ဆိုပါတယ်။ အက်ဒွပ်ရဲ့မူရင်းစာသားကတော့ (the aesthetic and the social need to keep in astate of irreconcilable tension) လို့ ရေးပါတယ်။ အီရတ်စစ်ပွဲ ဖြစ်တုန်းကလည်း အမေရိကန်ကဗျာဆရာတွေရဲ့အခန်းကဏ္ဍဟာ လူထုဝန်းကျင် (Public Sphere)မှာ ပိုပြီး ထင်ရှားလာပါတယ်။
- ခေတ်ပေါ်ကဗျာဆရာ လီရောင်လီး (Li-Young Lee) က စိန့်ပီတာစဘတ်သတင်းထောက်ကို ကဗျာဟာ နိုင်ငံရေးကင်းဖို့ဘယ်လိုမှ မဖြစ်နိုင်ပါဘူး (It's impossible for poetry not to be political) လို့ ဆိုခဲ့တယ်။
- ဆရာကြီး ဂေါဝေးကင်နယ်လ်ကတော့ "ထုတ်ဖော်ပြောဆိုခြင်းဆိုတာ ကဗျာရဲ့တာဝန်နဲ့သူ့ရဲ့အခန်းကဏ္ဍတစ်စိတ်တစ်ပိုင်းဖြစ်တယ်" (It's poetry's duty and parts of it's role tospeak out) လို့ ဆိုပါတယ်။
- ဆမ်ဟာမေး (Sam Hamill) ရဲ့ အိတ်ဖွင့်ပေးစာမှာကတော့ "ကမ္ဘာသူကမ္ဘာသားဖြစ်နေခြင်းသည်ပင် နိုင်ငံရေးဖြစ်သည်။" (Being a citizen of the world ispolitical) လို့ ရေးထားတယ်။
- ကဗျာဆရာက စိတ်ကူးစိတ်သန်းတီထွင်ကွန့်မြူးသူဖြစ်တယ်။ (The poet is intellectual) လို့ အီတလီတော်လှန်ရေးသမားကြီး အန်တိုနီယိုဂရမ်ဆီ (Antonio Gramsci) က ပြောတယ်။ သူကပဲ "စိတ်ကူးစိတ်သန်းမရှိတဲ့ အရာများက မတည်ရှိဘူး" (Non-intellectuals do not exist) လို့ဆိုတယ်။ လူသားရဲ့လှုပ်ရှားမှုမှန်သမျှမှာ စိတ်ကူးစိတ်သန်းကွန့်မြူးမှုပါရင် အဲဒါကို ဘေးဖယ်ထားလို့ မရတော့ဘူးလို့ ဆိုပါတယ်။
- ရှေးမော့ဟေနီ (Seamus Heaney) ကတော့ သူ့ရဲ့"လျှာများ၏အစိုးရ" (The Government of tongue) စာအုပ်မှာတော့" ကဗျာတစ်ပုဒ်သည် သမိုင်းအရွေ့နှင့်ကပ်၍၊ ပြိုင်၍ပေါ်လာမြဲဖြစ်သည်" (Apoem floats adjacent to, parallel to the historical moment) လို့ရေးတယ်။
ကဗျာဆိုတာအခြားသော အနုပညာများကဲ့သို့ပင် လူထုနှင့် သက်ဆိုင်သော ပုံစံတစ်ခုပင်ဖြစ်သည်။ ကဗျာဆရာတွေဟာ အမြဲလိုလိုရှုပ်ထွေးလှတဲ့ လောကဓံတွေကြားကပဲ သူတို့ရဲ့အနေအထား (Role) ကို တောင်းဆိုတတ်ကြပါတယ်။ အဲဒါကတော့ လူ့အဖွဲ့အစည်းထဲက ကဗျာဆရာရဲ့နေရာ (Poet's role in society) ပါပဲ။ ကဗျာဆရာ၏တစ်သီးပုဂ္ဂလအသံ (solo voices) များက သံစုံတီးဝိုင်းအသွင်ကိုပြောင်းလဲသွားပြီး နိုင်ငံရေးနဲ့ပတ်သက်တာတွေကိုပြောဖို့အတွက် ထွက်လာတဲ့ စကားလုံးတွေ လို့ဆိုတယ်။
- ဇော်ဇော်ထွန်း
