မြန်မာကဗျာဆိုတာ ဂျို(ချို)နဲ့လား (၁၅)

‎‎လေးချိုးကြီး‎
‎
လေးချိုးကြီးမှာ -‎
‎၁။ ရှေးရိုးလေးချိုးကြီး ‎
‎၂။ ကာလပေါ် လေးချိုးကြီး ဆိုပြီး ရှိပါတယ်။‎

တစ်ခါ ကာလပေါ်လေးချိုးကြီးမှာ -‎
‎၁။ ကာလပေါ် စာထောင့်လေးချိုးကြီး‎
‎၂။ ကာလပေါ် စာဖြောင့်လေးချိုးကြီး .. ဆိုပြီး နှစ်မျိုးထပ်ကွဲပါတယ်။‎

အဲဒီတော့ ရှေးရိုးလေးချိုးကြီးကို အရင်စကြည့်ကြရအောင်။‎

ရှေးရိုးလေးချိုးကြီး‎

ရှေးရိုးလေးချိုးကြီးတွေကို ကုန်းဘောင်ခေတ်မှာ ဖိုးသူတော်ဦးမင်း၊ လူဦးမင်း၊  ဦးဖုန်း စတဲ့ ပညာရှိစာဆို တွေ ‎‎တွင်တွင်ကျယ်ကျယ် ရေးသားခဲ့ပေမယ့် ဒီဘက်ခေတ်မှာ မတွေ့ရတော့ဘူးလို့ဆိုပါတယ်။ ရေးပုံ ရေးည်းကတော့ ...‎

‎၁။ အချိုးလေးခု ပါပါတယ်။‎
‎၂။ လေးလုံးစပ်လင်္ကာသွားနဲ့ စပ်ဆိုတာများပြီး တခါတလေ တပိုဒ်မှာ ငါးလုံး၊ ခြောက်လုံး ရေးပါတယ်။‎
‎၃။ အပိုဒ်ရေ အကန့်အသတ်မရှိပါ။‎

လင်္ကာသွားနဲ့ရေးတဲ့အတွက် တချို့ဆရာတွေက လင်္ကာလေးချိုးကြီး လို့လည်း ခေါ်ပါတယ်။‎
ပုံစံကိုကြည့်ရင် ရေးလို့ရပါတယ်။‎

‎‎ဖိုးသူတော်ဦးမင်း ရေး - ရှေးရိုးလေးချိုးကြီး‎

လှိုက်လို့သာနူးတော့တယ်၊ ရိုက်ကျူးသံစုံနှင့်၊ အမ္ဗုံဗွေ သိန်ပြတဲ့၊ ချိန်လမှာ။‎

ကသစ်ကယ် ဥကင်၊ ဗွေပလ္လင်မှာ၊ ရွှေပင်သခွတ်၊ နန်းတမွတ်က၊ အထွတ်ကယ်တူမည်၊ စစ်ဦးပဲ
ရည်ဆဲမို့၊ ပန်းစည်တဲ့ ‎စုံခြေမှာ၊ ‎ငွေစကဖီ ရွှေစံကားတို့၊ ညွန့်သားတဂုဏ် ပျို့ပါဘိ၊ ဖူးစို့ကိုက်ညှာ။‎

မှုန်လည်တင်ငယ်၊ ပဉ္စင်နရည်း၊ ငြိမ့်ငြိမ့်သည်းမျှ၊ ရိုက်ဟီးသုန်သုန်၊ ကြက်နှစ်စုံက၊
စောပုညစက်၊ ဇေယျာဖက်မှာ၊ ‎‎အနက်ကယ်မင်နည်၊ ဇော်ရန်းရည်နှင့်၊ စိန်ရည်မျက်လျှပ်၊
မြဖဲရံသတ်မယ်လို့၊ အောင်ရပ်ကယ်ကျွန်းဘုံ၊ ‎လွမ်းရည်မာန်ခြုံကြတဲ့၊ ‎နယုန်တာကို၊
ညီလာဘုံဦးက မောက်ပါဘိ။‎

‎မြတ်ခေါင်ငယ်ဝံသ၊ နတ်ရောင်ပသည်၊ အလှငယ်ဆုံးစွန်၊ မာန်မလွန်တဲ့၊
ရန်ချွန်ဘုန်းတောက်၊ ဖျားရွှေမှောက်မှာ၊ ‎‎ဖျောက်ရေးဖြေဖွယ်၊ သော့မလွယ်နှင့်၊
နောင့်နယ်ညွှတ်ပြို၊ ဆွတ်ဆွေးသာပိုတော့တယ်၊ မြင့်မိုရ်နန်းဦးကိုင်ဝယ်၊
‎‎သူရာနိုင်အောင်တဲ့မိုးငယ်လို့၊ တိုးချဲ့လေသိ။‎

‎ဒီ ရှေးရိုးလေးချိုးကြီးကို ကြည့်လိုက်ရင် အခံနှစ်ပိုဒ် အချကာရန်ညီ၊ ဂရုချ၊ ပထမအအုပ်ပိုဒ်ဆုံးကာနီး နောက်ဆုံးနှစ်ပိုဒ်မှာ ‎အဲဒီ ‎ကာရန်ပြန် ကိုယူ၊ အအုပ်နှစ်ပိုဒ် ကာရန်ညီ လဟုချ၊ သာမန် လေးချိုးစပ်နည်းအတိုင်း
‎ဆိုပြီးစပ်ထားတာကိုတွေ့ရပါမယ်။ ‎အဲဒီမှာမှကြားအပိုဒ်ငယ်လေးတွေမှာ လေးလုံးစပ်လင်္ကာသွား နဲ့ အပိုဒ်
ငယ်လေးတွေ ‎ညှပ်ရေးသွားတာပါပဲ။ ဒီတော့ ‎လေးချိုးငယ်၊လေးချိုးလတ်တွေထဲမှာ လေးလုံးစပ် ညှပ်ရေး
လိုက်ရင် ‎ရှေးရိုးလေးချိုးကြီးဖြစ်တယ်လို့ အကြမ်းဖျဉ်း မှတ်ယူရင် ‎ရပါလိမ့်မယ်။‎ နာက်ထပ်ဥပမာတပုဒ်အနေ
နဲ့ သီပေါမင်း အိန္ဒိယပြည်၊ ရတနာဂီရိအရပ်မှာ နတ်ရွာစံတဲ့အခါ လယ်တီပဏ္ဍိတ ‎‎ဆရာဦးမောင်ကြီးက
 ရှေးလေးချိုးကြီးမူအတိုင်း စပ်ဟပ်လိုက်တဲ့ လေးချိုးကြီးတပုဒ်ကို ထပ်တင်ပြလိုက်ပါတယ်။‎

တဇာတ်သိမ်းပြန်ပေါ့၊ ခပ်သိမ်းမြန်ပြေမှာ၊ ဉာဏ်သံဝေ ကိုယ်တော်ပြပါလို့၊ ဓမ္မပြီပြီ ဟောနိုင်တဲ့၊ 
သီပေါဘုရင်။‎

တထောင့်နှစ်ရာ၊ နှစ်ဆယ်ငယ်သာ၊ ကောဇာကာလ သဇင်နှင်းဖျော်၊ နတ်ပေါင်းငယ်ပျော်သည်၊
နတ်တော်လ၏၊ ‎‎ကျော်တဆုတ်ပက်၊ ဆယ့်သုံးရက်ဟု၊ အာစက်ဝှန်ဝှေ့၊ နဂါးနေ့မှာ၊
ဘုန်းငွေ့စီရင်၊ မီးရှုးမြင်ပြီး၊ တိုင်းခွင်စိုးရန်၊ ‎ကုန်းဘောင်ရိုး ‎တန်ခိုးဖန်၍၊
မဟန္တာရိုက်၊ မြန်မာတိုက်ဝယ်၊ မကိုဋ်ကယ် ဆောင်ချိန်၊ ပြက္ခဒိန်မို့၊ ဝတိန်ပြိုင်နတ်၊
‎ဖေးတူမတ်လျက်၊ စတ္ထာလီသာ၊ ‎အစွန်းဖြောင့်သည့် ထောင့်နှစ်ရာ၊ ရွှေကြာခိုင်နွှဲ၊ တူ
မီးပွဲတည့်၊ ဆန်းဆဲတေရသ်၊ ‎ခါရက်မြတ်တွင်၊ သမတ်ကယ်နည်းတူ၊ ‎ကဒဏ်ရှက် ကနက်ထူလို့၊
ရှစ်ဆူရန်ဟန့်၊ ဖြူဝန်းသာဖြန့်တော့၊ ‎တိုင်းဘုံပြန့်မြန်နယ်မှာ၊ ရန်သွယ်သွယ်
ကြောက်ရှောင်ပုန်းရ၊ ‎ဘုန်းလွှင့်အနှင်။‎

ကုန်းဘောင်ရန်နည်၊ စည်ဆက်ကယ်တည်သည်၊ ပင်စည်ကွန့်ကွန့်၊ ဆယ်တညွန့်ဟု၊
ချွန့်ချွန့်ခိုင်ဖူး၊ ပွါးလူးလူးတွင်၊ ‎‎ကံဆူးကံညောင့်၊ ဘုန်းကိုမှောင့်လို့၊
တထောင့်နှစ်ရာ၊ လေးဆယ်မှာလျှင်၊ သတ္တာစွန်းဆဲ၊ သင်္ကန်းပွဲနှင့်၊ ခဝဲပွင့်ချိန်၊
‎‎ကျော်ရှစ်ရက်ဟု ပြက္ခဒိန်မှာ၊ ဝတိန်စံနတ်၊ သိကြားပြတ်သို့၊ မင်းမြတ်ကယ် သီပေါ၊
နန်းကလျောလို့၊ ရေကြောအဏ္ဏဝါ၊ ‎‎ပတ်ဝန်းကာသည့်၊ ရတနာဂီ၊ ကျွန်းငယ်မှီလို့၊
ဝသီစင်စင်၊ တရားသာမင်တော့၊ မြန်ဘုရင်ကို၊ ကံပင်ဆောင်ညွှန်း၍၊ ‎‎ကွန်းဆိုင်ရာပို့။‎

ကံအမွေကို၊ ခံစေထုံးတမ်း၊ ကမ္ဘာငြမ်းနှင့်၊ စည်းကမ်းမသွေ၊ တမြေတိုက်သို့၊
လိုက်ပါချေလည်း၊ သံဝေနှစ်ဆူ၊ ထီးသစ်ထူလို့၊ ‎‎မြန်ဘူပတိ၊ ကျွန်းဂီရိတွင်၊
ဓမ္မိကဉာဉ်၊ သင်္ခါရုဉာဉ် စုယှဉ်လျက်၊ ဓမ္မဉ္စရော်၊ သုံးမွေ့လျော်၍၊ ကိုယ်တော်စံတုန်း၊
သံရာဝဋ် ‎‎အလွတ်ရုန်းစဉ်၊ ပုန်းမလွတ်သာ၊ ဘေးသေခင်း အတင်းလာ၍၊ နတ်ရွာနန်းမြင့်၊
ကြငှန်းဖွင့်ဘို့၊ ချိန်သင့်ကွန်းထောက်၊ ‎‎ခါတော်လျှောက်လို့၊ ခေတ်ရောက် ကောဇာ၊ အဋ္ဌ်
သတ် ဒွေး ဧက္ကေးခါတည့်၊ မာဂသီရော်၊ စန်းညှိုးလျှော်သည့်၊ ‎‎နတ်တော်ဆုတ်ပက်၊
ကျော်ခြောက်ရက်မှာ၊ ချုပ်ပျက်ကယ်ဇီဝိန်၊ ဥပစ္ဆိန်ဖြင့်၊ ဝတိန်ယာယီ၊
ကွန်းထောက်သာချီတော့၊ ‎‎လောကီဝန့်ခန္ဓာကို၊ မြန်မကြာ အလျင်သုဉ်းတဲ့အောင်၊
မှုန်းကြမြန်တို့။ 

ကာလပေါ် စာထောင့် လေးချိုးကြီး‎

ကာလပေါ် စာထောင့်လေးချိုးကြီး ရေးပုံ ရေးနည်းကတော့ ...‎

‎၁။ အချိုးလေးခု ရှိရပါမယ်‎

‎၂။ အပိုဒ်အရေအတွက်ကတော့ - မ အချိုး (ပထမအချိုးနဲ့ တတိယအချိုး) တွေမှာ ၃ပိုဒ်က
၇ပိုဒ်အထိ ထားနိုင်ပါတယ်။ ‎‎‎ဒါပေမယ့် ၄-၅ ပိုဒ်လောက်ပဲ ထားတာများတယ်လို့ဆိုပါတယ်။
စုံ အချိုး (ဒုတိယနဲ့ စတုတ္ထအချိုး) တွေမှာတော့ ‎အနည်းဆုံး ‎၇ပိုဒ်ကနေ
အဲဒီအထက်ကိုကြိုက်သလောက်ပိုထားလို့ရပါတယ်။ ဒါပေမယ့် ဒုတိယအချိုးထက် စတုတ္ထအချိုးကို
‎‎အပိုဒ်ပိုများများထားပြီး အရှည်ဆုံးရေးလေ့ရှိ တယ်လို့လဲ ဆိုပါတယ်။‎

‎၃။ အက္ခရာလုံးရေအနေနဲ့ ဒုတိယအချိုးအဆုံးမှာ လေးလုံး၊ စတုတ္ထအချိုးရဲ့ အစမှာ
သုံးလုံး(သို့မဟုတ်) လေးလုံး ‎‎ပဲထားရပါမယ်။ ကျန်အပိုဒ်တွေမှာတော့ အနည်းဆုံး
၆လုံးကနေ အများဆုံး ၁၅လုံး၊ ၁၆လုံး လောက်အထိ ‎ထားနိုင်ပါတယ်။ ‎အဲဒီထက်
ပိုသွားရင်တော့ ဆိုတဲ့နေရာမှာ လေမမီတော့ဘဲ စည်းဝါးလည်း မကိုက်တော့ဘူးလို့ဆိုပါတယ်။‎
ကျန်တဲ့ ကာရန်ယူပုံ၊ ဂရု၊ လဟု ထားပုံတွေကတော့ လေးချိုးရဲ့ စည်းမျဉ်းအတိုင်းပါဘဲ။ ‎
အချုပ်တန်းဆရာဖေရဲ့ ကာလပေါ်စာထောင့်လေးချိုးကြီးကို နမူနာ ဖတ်ကြည့်ပါ။‎

‎‎မန္တလေးမြို့၊ အချုပ်တန်းဆရာဖေ ရေး - နေပြည်တော် အလွမ်းဖွဲ့စာထောင့်လေးချိုးကြီး

မြတ်ကောဇာ လှစ်ဆိုပြရမှာဖြင့်၊ သတ်ဇောဒွါ-ဧစ်ကိုကျကာမှ၊ ခေတ်ညိုလှ-မြန်မာပြေ၊
(အမယ်လေး) "ဟစ်ငိုစရာ့-‎အခါပေ"။‎

မသွေစောင်းပေဘု၊ ရေကြောင်းဗျူဟာချီ၍၊ တူရာသီဆန်းရက်ငါးမှာလ၊ နယ်ခြားမြေကျောက်တိုင်
ရပ်ဆီက၊ ‎‎ကင်းတပ်သင်္ချေကိုနော်ကွယ် "ခွင်းဖြတ်ဝင်မွှေ"။ 

ရက်အဋ္ဌာ ကြုံအတွင်းမှာတော့၊ စက်မဟာအဟုန် ပြင်းတာကြောင့်၊ မင်းလှမြို့မှန်ဆိုက်လေ၊
ရန်မိုက်ချွေမဲ့ မြန်မာများ၊ ‎‎‎"ခံတိုက်ပေမဲ့ အကွာသား"။ ။‎

စခန်းငယ်ယှဉ်၊ လမ်းအစဉ်တပ်တော်ရှိပြီဘု၊ သတင်းလျှံ မြင်းခြံထိကာမှ၊ အသိဉာဏ်
နုစတောင်းငယ်နှင့်၊ ‎ကဝိဟန် ‎ပြုမူကောင်းသူက၊ အကြောင်းကို မမြင်လေ၍၊ စကားပြေ
ပြောရင်လွှတ်ပါဖျ၊ ပြားဝတ်ကာ ‎ရှိပန်တောင်းသော်ကြောင့်၊ ‎ကျောက်မြောင်းဝန်
အမြန်ပြေးရှာရ၊ အရေးပိုင် မိန့်ဆိုချက်မှာလ၊ လက်နက်ကုန် အပ်နှံသ ‎လျှင်ဖြင့်၊
ခွင့်လိုရာ တောင်းပန်ပ ‎မယ်လို့၊ ချိုလှစွာ ဉာဏ်နီစွက်ထာမို့၊ ခွင့်လိုရာ
ယူစေလို့မြွက်မိတယ်၊ (အမယ်လေး) ‎ပျိုးပျက်သွယ်ဘွား။ 

‎[ဘုံတပြည်စံ မှောက်လှန်မည်ပ၊ မိုးထက်ကြယ်များ၊ ကုန်အညီပြန် တောက်လျှံချီပ
 အမတ်တွေ မြင်းထက်ဖျင်း၊ ‎ငကင်းခေါင်ဖျာ့ ‎သိုက်မြညှာအပ် မဘွေရှစ်ရက်တွင်း .. ၊
အတင်းဆောင်သွား၍လိုက် ရရှာ၊ ဆက်ဆက်ယူမတဲ့ ဆိုတ ကာ၊ ‎‎ကြွက်ကြွက်ဆူသနဲ့ ‎ငိုကြရှာ၊
ရက်စက်သူမကွဲ့ ချိုလှစွာ၊ ထိုခါငိုရှာ ဗိုလ်ပါ လူတလွှားငယ်တို့၊ ရိုင်းလေ-မှိုင်းဝေ တိုင်းပြေ ‎
ပစ်ခွါသွားရှာရတယ်၊ ‎‎(အမယ်မင်း) အဝါးမဝငြား၊ တရားဓမ္မ မမှားရှာဘု၊ (သခင့်ကိုကွယ်) 
သိကြားကလဲ မ,မ၊ ‎မယားလှရယ်ကြောင့်၊ ကုလားက ‎သင်္ဘောနှင့် တင်ယူပါပြီ တကား။]‎

မှတ်ချက်။ ။ [ ... ] ဤကွင်းအတွင်း စာသားမှာ လေးချိုးကဗျာမဟုတ်၊ အဓိပ္ပာယ်စုံလင်ရန်
သံဆန်းဆက်ထားခြင်း ‎ဖြစ်သည်။‎

‎အယ်ဒီတာ ဆရာလွန်း ရေးသားသော ဘွိုင်းကောက်ဋီကာ ကျမ်းမှ - ‎‎ကာလပေါ်
စာထောင့်လေးချိုးကြီး

တဇေယျုံ ချောင်တွေ မြှောင်ဘွေ မြန်းခဲ့ရပါတော့၊ ရွှေတိဂုံ တောင်ခြေခပန်းတွင်မှ၊
ညောင်သပြေပန်းတွေနှင့်-သွန်းသနဲ့ ‎‎ကသိုဏ်းရေဗြဟ္မစိုရ်၊ (ကွယ်တို့ရယ်)
"အောင်မြေဗဟန်းဆီသို့ -လွန်းရဲ့ မှိုင်းရွှေကိုယ်" ။‎

အော် ... ဇရပ်အမတို့ကိုလ၊ အမှတ်ရမိတဲ့ပြင်၊ ကဿပထေရ် အရှင်ဆရာစံတဲ့၊ သာလာယံ အထိကရ
ကျောင်းရဲ့ပြင်၊ ‎‎စာဝါတညံညံ တပည့်မအပေါင်းတွေနှင့်၊
မဂ်ကြောင်း-ဖိုလ်ဝင်လှည့်ပေမဲ့၊ အရိယာ လင်္ကာခေါ်သည့်၊
‎မင်္ဂလာအကျော်အမော်-‎အရာမ်တွင်းရဲ့ပြင်၊ မှန်ကင်းနေရဒင်သို့၊ မြေပလ္လင် ရွှေကျင်
တိုက်ဆီသို့၊ ဦးခိုက်ကာ ပဏာလှုံလို့မို့၊ ‎အညာရဂုံ-တောဟိတ် ‎ဝါသနာမသေးသူက၊
တအာရုံ-မနောစိတ်မှာ မအေးသော်လဲ၊ တွေးဆ-ကြည်ညိုတယ်နော်ကွယ် .. ၊ ‎‎"ဝေးကမှီခို"။‎

စိန်စမုခ် အဆောင်ဆောင်-အလျှံမနော် ပတ္တမြားတွေနဲ့၊ သိင်္ဂုတ်တောင် ဆံတော်ဘုရားကိုလ၊
အော် ... အများသော ‎‎တပည့်တွေနဲ့ ကတိတောင်းဆုဆို၊ ကောင်းမှုထိုထိုရယ်နှင့်
ဓမ္မရွှေဗျာကျွေး၊ ၎င်း "ကုသိုလ် တွေကိုဖြင့် အမျှ အမျှ ‎ဝေကာပေး"။‎

ကောလိပ်အပျက်တွင်၊ ဇောစိတ်လက် ဆရာ မရွှင်သနဲ့၊ အညာတခွင် လှည့်ခဲ့ပြီး၊ ဇာတိမြေ
အလုံကျေးပေပေါ့၊ မုံရွေးမှာ ‎‎တနွေကြာတော့၊ ဇေယျာသူ ကေသာတို့ပင့်ပေသမို့၊
အခွင့်ကြုံရာ တွယ်ရော့မကွဲ့လို့၊ ပုညာစွယ်-တောင်ခပန်းတွင်မှ၊ ‎အောင်ပန်း
‎ကဗျာဂီတာတို့နဲ၊ ရှောင်မလမ်း ယာယီသာဘို့လို့၊ ဆရာသည်တဝါမှာ ပါရမီမာလာ
ကလေးတို့ရဲ့ပြင်၊ ‎ဆေးပေးမီးယူ ‎နှစ်ကျိပ်ကျော်မျှတွင်မှ၊ အနှိပ်တော် ဒကမတွေ
စုံညီညာနှင့်၊ ယမုံသီတာ တောင်ခြေဝိုင်းပေတဲ့၊ ဘုံသီဟာ ‎‎အောင်မြေကသိုဏ်းတွင်မှ၊
(အမယ်မင်း) သမိုင်းအလျှောက်-တဂိုဏ်း တဂိုဏ်း မထောက်တဲ့၊ ကြောက်ဖွယ့်
‎ပြည်ရွာအရေးပေမို့၊ ‎အော် ... "မှိုင်းတယောက် အနှီတဝါဖြင့် မအေးရပေဘု"၊ (စန္ဒာရယ်)
"စစ်ကိုင်းချောက်ဆီက-‎ဘွိုင်းကောက်ဋီကာရေး"။ 

အယ်ဒီတာ ဆရာလွန်း ဆိုတာဟာ ဆရာကြီး အလင်္ကာကျော်စွာ သခင်ကိုယ်တော်မှိုင်း ဖြစ်ပါတယ်။
ဆရာကြီးက ‎ကာလပေါ် ‎စာထောင့်လေးချိုးကြီးကို မဟာကဗျာလေးချိုးကြီး လို့လည်းခေါ်ဝေါ်သမုတ်
ထားပါတယ်။ ‎‎ဒီလေးချိုးကြီးတွေကိုကြည့်ရင် အချိုးတစ်ခုရဲ့ အဆုံးပိုဒ်တွေမှာ မျက်တောင်ကွင်း "
.. " နဲ့ပြထားတဲ့အပိုဒ် တွေဟာ ရှေ့အပိုဒ်နဲ့ ‎‎နဘေယူပြီး နှစ်ထပ်ကျော့ချထားတာကိုတွေ့ရပါလိမ့်မယ်။
အဲဒီလို နှစ်ထပ်ကျော့ ချထားတာကိုပဲ "စာထောင့်" ‎လို့ခေါ်ပါတယ်။ ‎နှစ်ထပ်ကျော့လေးချိုး လို့လည်း
 ခေါ်ပါသေးတယ်။ တစ်ခါအပိုဒ်တိုင်းလိုလိုမှာ နဘေထပ်နည်းတွေနဲ့ ‎‎ထပ်ကာထပ်ကာတွန့်ထား၊
ကွန့်ထားတဲ့ တွန့်ပိုဒ်တွေထည့် ထားတာကြောင့် ထပ်တွန့်လေးချိုးကြီး လို့လည်း ခေါ်ပြန်ပါတယ်။

‎‎နောက်ထပ်ပြီး ဒီလေးချိုးကြီးတွေရဲ့ ပထမအချိုးရဲ့ အတွင်းမှာ၊ ဒါမှမဟုတ် အဆုံးမှာ၊ ဒုတိယအချိုးရဲ့
အတွင်းမှာ၊ ‎‎ဒါမှမဟုတ် ‎အဆုံးမှာ၊ တတိယအချိုးရဲ့ အတွင်းမှာ၊ ဒါမှမဟုတ် အဆုံးမှာ လေးချိုးကဗျာရဲ့
ကာရန်နဲ့လည်း ‎ဆက်စပ်ရအောင် စကားပြေ၊ ‎လင်္ကာတွေကို ကြားညှပ်ပြီး ထည့်သွင်းစပ်ဆိုလေ့
ရှိကြပါတယ်။ ဒီလို အကွေ့အထောက်၊ ‎အနှောက်အယှက်ပြုပြီး ‎စပ်ဆိုတဲ့အတွက်လည်း
စာထောင့်လေးချိုးကြီး လို့ခေါ်ကြပါသေးတယ်။ လေးချိုး ဖြစ်တဲ့အတွက် ‎စကားပြေလင်္ကာ သုံးပိုဒ် ‎
ညှပ်ပြီးထည့်တာကလွဲလို့ စပ်ဆိုပုံက အတူတူပါပဲ။ ဒီအတွက် အထွေအထူး နမူနာ ‎မဖေါ်ပြတော့ပါဘူး။‎
အရေးကြီးတဲ့အချက်ကတော့ လေးချိုးတွေရေးကြရာမှာ "မ" အချိုး ဖြစ်တဲ့ ပထမ နဲ့ တတိယအချိုးတွေမှာ
အပိုဒ်ရေ ‎‎နည်းနည်းရေးပြီး "စုံ" အချိုးဖြစ်တဲ့ ဒုတိယ နဲ့ စတုတ္ထအချိုးတွေမှာ အပိုဒ်ရေ များများ၊ အထူး
သဖြင့် စတုတ္ထအချိုးမှာ ‎အပိုဒ်ရေ ‎အများဆုံးရေးကြတာကို သတိပြုသင့်ပါတယ်။‎ ‎‎ဒီ လေးချိုးကြီး တွေ
ကတော့ ဒီခေတ်မှာ ရေးတာ မတွေ့ရသလောက်ဖြစ်နေပါပြီ။ ဆရာတင်မိုးတော့ ရေးထားတာ ‎ဖတ်
ဖူးပါတယ်။‎

ကာလပေါ် စာဖြောင့်လေးချိုးကြီး‎

အပေါ်မှာပြခဲ့တဲ့ ကာလပေါ် စာထောင့်လေးချိုးကြီးကို "နှစ်ထပ်ကျော့" မချဘဲ တစ်ထပ်တည်း (နဘေ
ထပ်တွန့်ပိုဒ် ‎‎မထည့်တော့ဘဲ) ချလိုက်ရင် ကာလပေါ် စာဖြောင့်လေးချိုးကြီး ဖြစ်သွားပါတယ်။ "..."
မတိုင်ခင် အပိုဒ်ကို ‎ဖြုတ်လိုက်ရုံပါပဲ။ ‎ဒီတော့ နမူနာ အထွေအထူးမပြတော့ပါဘူး။‎

သံချိုလေးချိုး‎

သံချိုလေးချိုးကို သံချို လို့လည်း ခေါ်ကြပါတယ်။ သံချိုလေးချိုးဆိုတာကတော့ ဒီလေးချိုးတွေကိုဘဲ အသံ
 လေးပါး (တက်သံ၊ ‎‎သက်သံ၊ နိမ့်သံ၊ တိုင်သံ)တွေနဲ့ ပျော့ပျော့ပြောင်းပြောင်း၊ ချိုချိုသာသာနဲ့ နားထောင်
ချင်စဖွယ်ဖြစ်အောင် ‎စပ်ဟပ်ရတဲ့အတွက် ‎သံချို လို့ခေါ်ပါတယ်။ လေးချိုးရေးနည်းနဲ့ ဥပဒေသချင်း အတူ
တူပါပဲ။ အက္ခရာ ကတော့ ‎လေးချိုးလတ်လိုပဲ တပိုဒ်ကို ၅လုံး၊ ‎၆လုံးလောက်ထားပါတယ်။ ကာလပေါ်လေး
ချိုးကြီးတွေလောက် အလုံးရေလည်းမများ၊ ‎တွန့်ပိုဒ်လည်း မများရပါဘူး။
‎အချပိုဒ်တွေမှာတော့ ..‎
ပထမအချိုးကို ၅လုံး၊ ၆လုံး‎
‎ဒုတိယအချိုးကို ၄လုံး‎
တတိယအချိုးကို ၅လုံး၊‎
စတုတ္ထအချိုး ၄လုံး ... ချပေးရပါတယ်။‎

နမူနာအနေနဲ့ ၁၂၃ဝ ပြည့်နှစ်က ရွှေဓါးဗိုလ် အမည်ခံ ပညာရှိတစ်ဦး စပ်ဆိုခဲ့တဲ့
ဟန်လင်းကြီးမြို့ရဲ့ အံ့ဘွယ် ၉ပါး ‎‎သံချိုလေးချိုးကို ပြလိုက်ပါတယ်။‎

‎‎‎ဟန်လင်းမြို့ အံ့ ၉ပါး ဘွဲ့ သံချို‎

ရွှေလင်းမြေအံ့ဘွယ်ကိုး၊ စာထိုးကာ ရွှေမင်နှင့်၊ သပြေခွင် ပေတင်နောက်လူတို့၊
နည်းမှတ်လောက် သိစဘွယ်။‎

စံတရာတယောက် မင်းတွင်မှ၊ နောင်ရင်း ပြူမဟာနှင့်၊ တအူချာ ညီတော်ပြုံးတို့တွင်၊
နောင်ဘုန်း ကံတော်ရှိန်ကြောင့်၊ ဥန္နဒိန် ‎‎မျှော်လျှင်ထွက်ရ၊
ညီမျက်နှာချိုလို့ပြုံးပြန်တော့၊ ထစ်ချုန်းကာ ရတနာမျိုး၊ မိုးကျအကယ်။‎

‎ဧ-ချို-ငန်-ပူရေပြွမ်းတဲ့အပြင်၊ သာထန်း ပင်ပဒေက၊ အင်နှစ်ထွေ ထညေနို့ကိုလ၊
ပြည်စို့သောက် မကုန်ခမ်းနိုင်ဘု၊ အိုင်စမ်း ‎‎နဒီလျှံက၊ တညီစံ
ဝေဿန်ကိုရောက်ပြန်တော့၊ ခန်းခြောက်တယ် ဆိုတဲ့ ကုန်း ရယ်နှင့်၊ ပင်လုံးစုံ
လျှော်ဖြူဟာက၊ စကားဝါ ‎‎အမြွှာပွင့်တဲ့ပြင်၊ တီးသံဆင့် အသွယ်သွယ်၊ နာဘွယ်သည့်
နတ်ဆိုင်း။‎

ဇာတ်ဘာသာ၊ သတ္တဝါ ရွှေဘီလားရယ်တို့၊ နှစ်ပါး ဒွန်ဂဟေပ၊ အင်နှစ်ထွေ ကိုယ်ကိုပြတော့၊
အဗ္ဘ န္တရာ ခေါ်သည့် ‎သရက်မော် ‎ခက်ပေါ်ကိုးဘို့မှာ၊ ခြောက်မျိုးရတနာဝင်မို့၊ ဇရာရှင်
လျှာတွင်ရစ်ရလျှင်၊ နှစ်ခါပင် ကညာစင် ဖြစ်လောက်ကဲ့၊ ‎သည်ခေတ်ကို ‎ကြုံချင်စမ်းပါဘိ၊
ကျမ်းထွက်သမိုင်း။‎

နောက်ထပ်ပြချင်တာကတော့ မှတ်သားဖို့ကောင်းလှတဲ့ ကဗျာ့ပါရဂူ မာန်လည်ဆရာတော်ဘုရားကြီးရဲ့
သံချိုတွေပါပဲ။ ‎‎စကားလုံးအသုံးအနှုန်းက အလွန်ပဲပြောင်မြောက်လှပါတယ်။ အဲ ... ဒါပေမဲ့ နည်းနည်းတော့
ကြမ်းပါတယ်။ ဂမ္မဒေါသသင့်တဲ့ ‎‎အသုံးအနှုန်းတွေပါနေပေမယ့်လည်း ဗန်းမော်ဆရာတော်ရဲ့ စာတွေလိုပဲ
ပြောင်မြောက်လွန်းလှလို့ ဖေါ်ပြလိုက်ပါတယ်။ ‎‎နည်းနည်းတော့ သည်းခံပြီးဖတ်ပါလို့တောင်းပန်ပါတယ်။‎

‎ကဗျာ့ပါရဂူဖြစ်တော်မူသော မာန်လည်ဆရာတော်ဘုရားကြီးရေးသော ‎‎ပဒုမောဝါဒ-သံချိုလေးချိုးများ

‎(၁)‎
သူ မတို့လေမှ၊ သူတို့လျှင် တကယ်မြည်တဲ့၊ မြို့မာန်လည် ရွှေစည်ကြီးပါကွဲ့၊ တီးသမျှ
ဖိမ့်ဖိမ့်တုန်။‎

သူမာလျှင်-မာစိန်စောင်းပါတဲ့၊ သူပျောင်းလျှင် အရေဖြစ်နိုင်ငဲ့၊ မယုံလျှင် မအေနှင့်
စစ်လှည့်တော့၊ စနစ်ကို ‎ကုန်မလင်းသော်လဲ၊ ‎အပြစ်ဆို ဂုဏ်သတင်းကိုလ၊ လေညှင်းရာ
သင်းကာပျံ့၊ ပန်းရနံ့ပုံ။‎

‎ဓာတ် မသိဟာမို့၊ ဟတ္ထိ-ယုန်ငယ်ထင်ထင့်၊ ဟိုအောက်ခွင် ငစင်ရိုင်းဟာနှင့်၊ ငသိုင်းတွေ
အညာဆန်တို့ကို၊ တံငါလန် ‎‎ရွှေလည်ကွေ့တွင်ဖြင့်၊ တခါပြန် ဆန်မရွေ့ရအောင်၊
ဘေးတွေ့စိမ့် တက်တက်ကုန်၊ မစုန်ရသည့်တိုင်း။‎

‎ရိုးသိသိ၊ ငါးပိ-ငါးချဉ် သိပ်ပါလို့၊ ထောင်းကြိတ်ချေ ကြေအောင် ညက်စေမှ၊ နောင်ဆက်ကာ
အရေစစ်သည့်ပြင်၊ ခွေးဖင် ‎‎ချေးပင်ဖြစ်ရမယ်၊ ငါးညစ် တလိုင်း။ ။‎

‎(၂)‎
မာန်မလုပ်ချင်ဘု၊ မာန်လုပ်လျှင် လွယ်သည်သာပ၊ ငယ်မည်မှာ န ကို သတ်ရုံပဲ၊ နေရပ်ကွယ်
မာန်ရွှေလည်နှင့်၊ မာန်နှစ်လီ ‎‎မာန်စုံကွန့်၊ ဖူးအညွန့် ခေါင်ကတင်။‎

သို့ကတဲ၊ လုပ်ဘဲ သမ္ပဇဉ်နှင့်၊ မာန်မယှဉ် ဉာဏ်ယဉ်အုပ်ပါလို့၊ ထိန်းချုပ်ကာ
မာန်ကိုကင်းစေရ၊ ယင်းခုခေတ်တွင်။‎

တကယ်ဆို တကယ်လားပါတဲ့၊ အကျယ်ဆို ကျယ်မပွားပြီဘု၊ မြတ်ဖျားငယ် စိန္တေယျာမှ၊ လူပြိတ္တာ
ပူရာဏ တို့ကို၊ ယူမိစ္ဆာ ‎‎သကာကျအောင်လို့၊ မီးရေပြ တန်ခိုးဆင်၊ အရိုးပင်လာကျမ်း။‎

ထို့တူသာ၊ ပြိုင်လိုလျှင် ပြိုင်လာတော့၊ ပြိုင်လာလျှင် ကြာမနှေးစေနှင့်၊ ရှုံးသူဟာ
နှမပေးပါလို့၊ လိုသေးလျှင် ‎ကိုယ်တိုင်ယူမပ၊ ‎နိုင်တဲ့သူ ယောက်ဖကြီးပါပဲ၊ ဇက်ပေါ်မှာ
ဒေါက်ခွစီးတဲ့ပြင်၊ -ီးစုတ်ကြတမ်း။ ။‎

‎(၃)‎
ပဒုမ၊ တုပကာ နင်မယောင်နှင့်၊ ဆင်ပြောင်ကို ခြင်ကောင်ဝါးသည်သို့၊ ယားရုံမျှသာ။‎

ဉာဏ်အသက်ကိုလဲ၊ စံဖက်ကာသင်မမျှော်ဘု၊ သင့်မယ်တော်ရှင်ဇလာနှင့်၊
ခင်ဆရာအိမ်ထောင်ကျလျှင်လ၊ ပဒုဆို မောင်ရွှေမ ‎‎မှာ၊ သား ငယ်မျှသာ။‎

ပညာကို ယှဉ်ကာချင့်ရလျှင်၊ အခွင့်ငယ် အရာနှင့်၊ ယောဇနာ သမ္ဗန်မျိုးကိုလ၊
နည်းရိုးပင်ဘာမကျခင်က၊ မင်းရန်စ ငါ့ကိုရှာ၊ ‎‎ငါဘာပြုဖြုန်မတုန်း။‎

နှစ်ဖက်ကန်း၊ မျက်ခမ်း နေကိုပြိုင်သို့၊ ခွင်လုံးယိုင် မင်းစာမှားပြီမို့၊ အလားငယ်
ပါယ်မကျစေနှင့်၊ သာအယာ ‎ခွင့်ကျေကျအောင်ပ၊ ‎ငါဆရာ မင့်ဘေဘကိုကွယ် ...
ဦးချလှဲ့အုန်း။ ။‎

‎ဒါဆိုရင် လေးချိုးအကြောင်းက အဆုံးသတ်ပါပြီ။ ‎မြန်မာအချိုးကဗျာတွေရဲ့ အပိုဒ်ရေ၊ ကာရန်စပ်ဟပ်ပုံ၊
 အချီအချ လေယူလေထားပုံ (ဂရု၊ လဟု ယူပုံ) တွေကို အလွယ်တကူ ‎မှတ်ရအောင် ဇယားလေးနဲ့
 ပြလိုက်ပါတယ်။

‎

အချိုးကဗျာတွေပြီးတော့ ဆိုလို့အလွန်ကောင်းတဲ့ တေးထပ် အကြောင်း ‎ဆက်ချင်ပါတယ်။‎

- ဟယ်ရီလွင်