၂၀၁၂ ခုနှစ် အောက်တိုဘာ၂၄ ကနေ နိုဝင်ဘာ ၃၁
အင်္ဂလန်ခရီးက တကယ့်ကိုအရိုးခိုက်အောင်အေးစက်ပြီး အလျင်စလို ခရီးနှင်ရမှုတွေနဲ့ အတော်အသင့် မောပမ်းစေခဲ့တဲ့ခရီးပါပဲ။ အင်္ဂလန်ဟာ ဒဏ္ဍာရီဆန်ဆန်သိပ်ကို လှပြခန့်ငြားတဲ့ တိုင်းပြည်တစ်ပြည်ပါလို့လည်း တင်စားပြောဆိုချင်ပါသေးတယ်။
ကျွန်မအနေနဲ့တော့ တစ်ခါမှ ဒီလောက် မအေးစက်ဖူး၊ တစ်ခါမှ ဒီလောက်မနွေးထွေးဖူး၊ တစ်ခါမှ ဒီလောက် ပင်ပမ်းမနေဘူး၊ တစ်ခါမှ ဒီလောက်စိတ်လှုပ်ရှားပျော်ရွှင်မနေဖူးခဲ့ပါဘူး..။ ကျွန်မတို့ ခရီးက တကယ့်ကို ကဗျာဆန်လှပခဲ့ပါတယ်။
အထူးသဖြင့် ဆယ်လ်ဗီယာ့ဂူသချီုင်းမှာ လွမ်းသူ့ပန်းအိုးလေးတင်ခွင့်ရအောင် ဆယ်လ်ဗီယာ့ရှေ့မှာ ကဗျာရွတ်သီခွင့်ရအောင်သေသေချာချာ စီစဉ်ပေးခဲ့တဲ့ အစီအစဉ်ပါပဲ။ ဒီကိစ္စဟာ Arc ကို တင်နေရတဲ့ကျေးဇူးတွေထဲက အပြောင်မြောက်ဆုံးကိစ္စတစ်ခုပါပဲ..။ ဒါဟာ ကျွန်မ အိပ်မက်တောင်မမက်မိခဲ့တဲ့အရာပါ။
Arc Publications ကိုကျေးဇူးတင်စကားဆိုရမှာစကားလုံးတွေ မလုံလောက်သလို ခံစားနေရပါတယ်။ နောက် အရမ်းကို ဂရုစိုက်ကြင်နာတတ်တဲ့ရင်ထဲက လှိုက်လာတဲ့ အသံနဲ့ ကဗျာရွတ်ကောင်းတဲ့ Sarah နောက် လှိုက်လှိုက်လှဲလှဲအားပေး၊ အားထုတ်ခဲ့တဲ့ ကဗျာကို အရိုးထိအောင်ရူးတဲ့ James ကဗျာစာအုပ်တစ်အုပ်ထုတ်ဝေဖို့ အရမ်းစဉ်းစားလေ့ရှိတယ်လို့ပြောပြပြီး Bones Will Crow ကတော့ အထူးအစီအစဉ်ပါလို့ဆိုတဲ့ Publisher Tonny အကြည့်တွေ လှုပ်ရှားဟန်တွေကပါ ကဗျာဆန်နေတဲ့ ကဗျာဆရာမကြီး Angela ကျေးဇူးတင်ရမယ့်သူတွေကတော့အများကြီးပါပဲ။ ဒီခရီးတစ်လျှောက်လုံးမှာရှိအနေစေ့ချင်ဆုံးသူကတော့ ကိုကိုသက်ပါပဲ။ သူ့ကို ခရီးစဉ်တစ်လျှောက်လုံးသတိရနေမိပါတယ်။
ဗြိတိသျှလူမျိုးတွေဟာ မြန်မာကဗျာအပေါ်မှာ ဒီလောက် လေးလေးနက်နက်စိတ်ပါဝင်စားမှုရှိနေလိမ့်မယ်လို့ ထင်ကိုထင်မထားခဲ့တာပါ။ မြန်မာကဗျာတင်မဟုတ် မြန်မာနိုင်ငံရေး၊ မြန်မာ ယဉ်ကျေးမှု၊ မြန်မာစာ မြန်မာစကားနဲ့ မြန်မာအ၀တ်အစားကိုပါ စိတ်ဝင်စားကြတာကိုတွေ့တော့ ကျွန်မဂုဏ်ယူဝမ်းသာလို့ မဆုံးနိုင်အောင်ပါပဲ။ နောက်လှိုက်လှိုက်လှဲလှဲနွေးနွေးထွေးထွေးနဲ့ အားပေးစကားဆိုတတ်ကြတာကလည်း သိပ်ကိုခမ်းနားတဲ့ အကျင့်စရိုက်ပါပဲ။ ကျွန်မအနေနဲ့ အနောက်နိုင်ငံရဲ့စာဖတ်သူပရိတ်သတ်ရှေ့မှာ ပထမဆုံး မတ်တပ်ရပ်ရတာဖြစ်ပြီး အဲဒီ့အတွေ့အကြုံသစ်ကို အလှပဆုံးဖြစ်အောင်ပံ့ပိုးအားပေးခဲ့တဲ့ လူပုဂိုလ်တစ်ဦးတစ်ယောက်မကျန်ကျေးဇူးတင်ကြောင်းလည်း ဒီစာလေးထဲမှာပဲ လေးလေးနက်နက်ပြောကြားပါရစေ..။
ကျွန်မကဗျာကို အပြောင်မြောက်ဆုံးရွတ်သီပေးခဲ့တဲ့ Ruth Padel , Sarah , Angela နဲ့ Astrid Alben တို့ရဲ့ ကျွန်မကဗျာအပေါ် ၀င်စားခံစားပေးနိုင်မှုကလည်း အံသြစရာကောင်းလောက်အောင်ပါ။ ကျွန်မ ဘယ်လောက်ပဲကောင်းအောင် ရွတ်ရွတ် သူတို့သာ ခံစားချက်အပြည့်အ၀မရှိခဲ့ရင် ဘယ်လိုမှပရိတ်သတ်ရင်ထဲကိုရောက်နိုင်မယ်မထင်ပါဘူး။ ဒီပွဲတွေမှာ ကျွန်မအောင်မြင်ခဲ့တယ်ဆိုရင်၂၀ ရာခိုင်နှုန်းသာ ကျွန်မ အရေးအဖွဲ့အတွက်ဖြစ်ပြီး ၄၀ ရာခိုင်နှုန်းက ကိုကိုသက်နဲ့ ဂျိန်းစ်တို့ရဲ့ပြောင်မြောက်တဲ့ ဘာသာပြန်မှု၊ ကျန်တဲ့ ၄၀ ရာခိုင်နှုန်းက သူတို့ရဲ့ လှပထက်ရှတဲ့ ရွတ်သီမှုသာဖြစ်ပါတယ်။ တကယ့်ကို သြဇာကြီးမားတဲ့ကဗျာဆရာမကြီးတွေက ကျွန်မလို မြန်မာပြည်က ကဗျာဆရာမ ပေါက်စသာသာရဲ့ ကဗျာကို ကဗျာအဆင့်အတန်းမခွဲကဗျာပုံသဏ္ဍန်မခွဲ ကဗျာကို ကဗျာအတိုင်း ခံစားရွတ်သီပေးခဲ့တာကလည်း ကျွန်မ မမျှော်မှန်းဖူးတဲ့ဆုလာဘ်လိုပါပဲ။
ဘာတွေပေးခဲ့တယ် ဆိုတာမျိုးတော့ ကျွန်မကြီးကြီးကျယ်ကျယ် မပြောချင်ပါဘူး။ ကျွန်မ အစွမ်းရှိသလောက်သော အနုပညာလေးကို ချပြနိုင်ခဲ့တယ်။ မြန်မာပြည်မှာလည်း ကဗျာတွေ ဒီလို ရေးကြဖွဲ့ကြတယ်။ မြန်မာအမျိုးသမီးကဗျာဆရာမတွေလည်း ဒီလိုကဗျာစီးကြောင်းထဲမှာ ပါနေတယ်ဆိုတာမျိုးတော့ သူတို့ နားထဲအရောက် ပြောနိုင်ခဲ့တယ်လို့ထင်ပါတယ်။ နောက်သူတို့ မေးတဲ့ မေးခွန်းတွေ ဆွေးနွေးပွဲက မေးခွန်းတွေကိုလည်း သူတို့ ကျေကျေနပ်နပ်ပြုံးသွားနိုင်တဲ့အထိ အဖြေပေးနိုင်တဲ့ အတွက်လည်း ကိုယ့်ကိုယ်ကို ကျေနပ်မိခဲ့ပါတယ်။
ဘာတွေရခဲ့လည်းဆိုရင်တော့ အများကြီးလို့ပြောရမှာပါ။ ပညာရှင်ဆန်ဆန် ဝေဖန်ချက်မျိုးတွေတော့ ကျွန်မ မပေးတတ်ပါဘူး။ ကျွန်မ ကြုံခဲ့ရတဲ့ ခရီးပေါ်မှာပဲ မူတည်ပြီး ဒီအဖြေကိုချရေးကြည့်ချင်ပါတယ်။ ကဗျာအပေါ်မှာ အဆင့်အတန်းခွဲခြားတာ၊ ကဗျာအမျိုးအစားအပေါ်ငြင်းခုန်နေတာမျိုး မရှိပဲ ကဗျာကို ကဗျာအတိုင်း အလေးအနက်ခံစားကြပါတယ်။ အေးစက်နေတဲ့ ဆောင်းဦးပေါက်ညဦးယံတွေမှာ အခကြေးငွေ ပေးဝင်ရတဲ့ ကဗျာရွတ်ပွဲကို စိတ်ပါလက်ပါလာကြတဲ့ ကဗျာပရိတ်သတ်တွေရှိနေပါတယ်။ ကဗျာနဲ့ ပတ်သက်တဲ့ စာကြည့်တိုက် သီးသန့်တွေ ၊ ကဗျာရွတ်ပွဲ၊ ကဗျာဆွေးနွေးပွဲတွေနဲ့ ကဗျာကို တကယ့်ကို တခမ်းတနား နေရာထားကြတာလည်း ကျွန်မတို့ အတုခိုးရမှာပါပဲ။ ကဗျာနဲ့ ပတ်သက်တဲ့ ကျောင်းတွေ ရှိနေပြီး ကဗျာကို တကယ့် ပညာရှင်တွေက ပညာတတ်ဆန်ဆန်ချဉ်းကပ်လေ့လာအကဲဖြတ်မှုတွေရှိနေတာဟာလည်း ကျွန်မအရမ်းအားကျမိတဲ့ ကိစ္စရပ်ပါပဲ..။
ပြောင်းလဲလာတဲ့ နိုင်ငံအခြေအနေနဲ့အတူတူ နောက် Bones Will Crow ကိုအစပြုပြီး ကျွန်မတို့ မြန်မာကဗျာလောကလည်း ဒီ့ထက် သေသပ်ခိုင်မာတဲ့အားထုတ်မှုတွေ ပံ့ပိုးမှုတွေရှိလာဖို့ ၊ နိုင်ငံတကာနဲ့ ရင်ဘောင်တန်းနိုင်ဖို့ ကျွန်မတို့ကြိုးစားကြရမယ့် အချိန်သင့် အခါသင့် လို့ထင်မိပါတယ်။
အခု တံခါးလေးတစ်ချပ်အသားလေး ဖွင့်လိုက်နိုင်ပါပြီ…။ ကျွန်မတို့မြန်မာကဗျာတွေ အင်္ဂလန်မှသည် ကမ္ဘာကို ထဲထဲဝင်ဝင်ခြေဆန့်နိုင်ဖို့ ကျွန်မမှာလည်း တာဝန်ရှိလာတယ်လို့ ဒီခရီး အပြီးမှာ အလေးအနက် ခံယူလိုက်မိပါတယ်…။ အဲဒီ့ တံတားတစ်စင်းအတွက်ကျွန်မဟာ အုတ်တစ်ချပ်ပဲဖြစ်ဖြစ် သဲတစ်ပွင့်ပဲဖြစ်ဖြစ်……။
- အိန္ဒြာ
