အီးအီးကမ်းမင်းနဲ့ပတ်သက်ပြီး ကျွန်တော့်မှာပြောစရာစကားတချို့ရှိပါတယ်။ ပထမဦးဆုံး ကျွန်တော် ဘာသာပြန်ခဲတဲ့ ကဗျာဟာ ကမ်းမင်းရဲ့ “ကျုပ်ဟာဘုရားကျောင်းငယ်ဖြစ်သည် (မဟာဘုရားကျောင်းမဟုတ်)” “I am a little church” (no great cathedral) ဖြစ်ပါတယ်။ အဲဒီအချိန်က ကျွန်တော်ဟာ ကမ်းမင်းကို သာမန်ကဗျာဆရာလို့ထင်ခဲ့မိတယ်။ အဲဒီတုန်းက ကမ်းမင်းနဲ့ နာမည် ခပ်ဆင်ဆင်ဖြစ်နေတဲ့ ဂျော်ဂျီယာကဗျာဆရာမ အေအီးစတောလင်း(စ) (A.E. Stallings) ရဲ့ ကဗျာတွေကိုပဲဖတ်ဖြစ်ခဲ့တယ်။ နောက်ပိုင်း ကဗျာပုံစံကွဲများကိုလေ့လာတော့မှ အီးအီးကမ်းမင်း ကို ထိတ်လန့်စွာပဲသိခွင့်ရခဲ့တယ်။ ပြောချင်တာက အီးအီးကမ်းမင်းကို လိုအပ်တာထက်နောက်ကျပြီးမှ လေ့လာဖြစ်ခဲ့တယ်။ တကယ်တော့ ကမ်းမင်းနဲ့ ကဗျာဆရာမ စတောလင်းတို့ဟာ အတော်ကွဲပြားတဲ့ ရေးဟန်ရှိသူတွေဖြစ်တယ်။ ဂျော်ဂျီယာ အနွယ်ဝင်ဖြစ်တဲ့ ဆရာမစတောလင်းကိုနယူးဖော်မယ်လစ်ဇင် (New Formalism) လို့ ခေါင်းစဉ်တပ်ပြီး အီးအီးကမ်းမင်းက မော်ဒန်အုပ်စုထဲမှာပါဝင်ခဲ့ပါတယ်။ ကမ်းမင်းကို မလေ့လာခင်မှာ ပန်းချီကဗျာ (Visual Poetry) ကို လေ့လာစေချင်တယ်။ ပန်းချီကဗျာဟာ ဒီနေ့ထိ ကွန်တန်ပိုရာရီစာရင်းထဲမှာ ထည့်သွင်းခြင်းခံရတဲ့ ကဗျာအမျိုးအစားတစ်ခုဖြစ်တယ်။ တချို့က ပုံသဏ္ဍာန်ကဗျာ ( Concrete or Shape poetry) လို့ ခေါ်ကြတယ်။ ဂျီအော့(ဖ)ဟု(သ) (Geof Huth) ဆိုတဲ့ ကဗျာဆရာရေးတဲ့ ယနေ့ပန်းချီကဗျာ (Visual Poetry Today) မှာတော့ ပန်းချီကဗျာကို “ကဗျာနဲ့ပန်းချီကမွေးဖွားပေးလိုက်တဲ့ ခလေးငယ်ဖြစ်ပြီး သူတို့နှစ်မျိုးလုံးရဲ့ စိတ်ဝင်စားဖွယ်ရာများ (အစုနှစ်ခု) ပါဝင်ကာ ပုံသဏ္ဍာန်အားဖြင့် ရေတွက်လို့မရနိုင်အောင်ရှိတယ်” (The child of both poetry and the visual art, visual poetry has a double set of interests and it forms are myriad) လို့ ရေးခဲ့ပါတယ်။ သူ့လို ပန်းချီကဗျာရေးသူတွေရဲ့ ရည်ရွယ်ချက်ကအသေဖြစ်နေတဲ့ ကဗျာပုံစံဟာ ဝေဖန်သူတွေရဲ့ စာပေဝေဖန်ရေးအကြောင်းအရာထဲမှာ ပုံဟောင်း (old school) ကဗျာတွေရဲ့ မလှုပ်သာမလူးသာဖြစ်နေခြင်းကိုလျော့ပါးစေတယ်။ ပန်းချီကဗျာရေးသူတွေဟာ မူလ မီတာကဗျာတွေ ရေးကောင်းရေးမယ်။ ဒါပေမယ့် သူတို့တည်ဆောက်တဲ့ (ဝါ) code လုပ်ထားတဲ့ ကဗျာစာသားထဲမှာ အသွင်ကွဲကို တည်ဆောက်ပြီး ဝေဖန်ရေး အစိတ်အပိုင်းတစ်ခုအဖြစ်ပါဝင်စေခဲ့တယ်။ တစ်နည်းပြောရရင်တော့ အသွင်ကွဲစာသားတစ်ခု (A unified text) အဖြစ် တည်ဆောက်တယ်။သူတို့ဟာ လမ်းရိုးကဗျာရဲ့ တည်ဆောက်ပုံနဲ့ ပန်းချီအနုပညာကို သားစပ် ရောနှောပေးခဲ့တယ်။ ဒီလိုရောစပ်ပေးခဲ့တာကို ဂျီအော့(ဖ)ဟု(သ)က ဟိုက်ဘရစ်ဒိုင်ဇေးရှင်း (Hybridization) လို့ သုံးတယ်။ ပန်းချီကဗျာဟာ လွန်ခဲ့တဲ့နှစ်ပေါင်း တစ်ထောင့်ငါးရာလောက်ကတည်းကရှိနှင့်နေပြီလို့ တချို့က ဆိုပါတယ်။ ဒါပေမယ့် ဂျက်ဖရီဝိန်းရိုက်ရဲ့ ကဗျာအခြေခံကျမ်းမှာတော့ ၁၇ ရာစုက ဂျော့(ခ်ျ)ဟားဗတ် (George Herbert) ရဲ့ အီစတာ တောင်ပံများ (Easter Wings) ဟာအစောဆုံးမှတ်တမ်းတင်ခဲ့တဲ့ ကဗျာဖြစ်တယ်။ ဂျော့(ခ်ျ)ဟားဗတ်ရဲ့ စာအုပ်နာမည် ကတော့ “The Temple” ဖြစ်တယ်။
Easter Wing ပုံနှိပ်မူကတော့ ၁၆၃၃ ခုနှစ်ဖြစ်တယ်။ ပန်းချီကဗျာဆိုတဲ့ အသုံးအနှုန်းကတော့ ၁၉၅၆ ခုနှစ် အပြည်ပြည်ဆိုင်ရာအမြင်ကဗျာပြပွဲတစ်ခုရဲ့ နောက်ပိုင်းကစလို့ ဒီနေ့ထိ ခေါ်ဝေါ်သုံးစွဲနေတယ်။ အဲဒီပွဲကတော့ဘရာဇီးနိုင်ငံ ဆာပေါ်လို မြို့မှာ ပြုလုပ်ခဲ့တာဖြစ်ပြီး နွိုင်ဂန်ဒရီ (Noigandre) လို့အမည်ရတဲ့ အုပ်စုက ပြုလုပ်ခဲ့တာဖြစ်တယ်။ ဒီအုပ်စုဟာ ဘရာဇီးကဗျာဆရာဖြစ်တဲ့ အော်ဂတ်စတိုဒီကမ်းပို့(စ်)၊ ဖာရီရာဂူလာ (FerraGuller) တို့ ပါဝင်ခဲ့တယ်။ နောက်နှစ်နှစ် အကြာမှာ ပန်းချီကဗျာ ကြေညာစာတမ်းထွက်လာတယ်။
ပန်းချီကဗျာတွေဟာ စက္ခုအာရုံအတွက် ရေးတယ်။ ဒီတော့ ကဗျာဖတ်သူတွေဟာ အရင်ကတစ်လမ်းသွား သောတအာရုံနဲ့ ကဗျာကို ခံစားရုံတင်မကပဲ နှစ်လမ်းသွားအပွင့်စနစ်ကို အသုံးပြုပါတော့တယ်။ ဒါက ပန်းချီကဗျာရဲ့ အားသာချက်ပါ။ တချို့သော ပန်းချီကဗျာသမားတွေဟာ ပန်းချီကဗျာ (သို့) “visual” ရဲ့ အခွဲအမျိုးအစား “verbovisual” ကဗျာဘက်ကို ရောက်သွားပါတယ်။ ဒါကို တချို့ကတော့ စာလုံးပုံစံစစ်စစ်ကဗျာ (purely verbal poetry) လို့ ခေါ်ပြန်တယ်။ ဗာဗိုဗစ်ရှူရယ် (သို့မဟုတ်) ဗာဗယ်အစစ်တွေဟာ သင်္ချာစကားလုံးတွေနဲ့ ညီမျှခြင်းတွေကို ကဗျာထဲဆွဲသွင်းလာကြပါတယ်။ သူတို့ရဲ့စာသား (text) တွေဟာ ဖော်မြူလာတွေ၊ အီကွေးရှင်းတွေနဲ့ သင်္ချာအမှတ်အသား (symbols) များ ဖြစ်လာတယ်။ တချို့ကတော့ ဆက်စပ်အပိုင်းအစများနဲ့ ကောလေ့ခ်ျကဗျာ (collage poem) နည်းစနစ်တွေကို သုံးခဲ့ပြီး တချို့က မိတ္တူကူးစနစ် (Xerography) မှ အပိုင်းအစများကိုဆက်စပ်ပေးခဲ့တယ်။ ပန်းချီကဗျာရဲ့ အခန်းကဏ္ဍဟာ ပိုပြီး ကျယ်ပြန့်လာခဲ့တယ်။ ဗစ်ရှူရယ်အနုပညာ၊ စာလုံးတွေရဲ့ပုံသဏ္ဍန် နဲ့ နည်းပညာတိုးတက်မှုဟာ ကဗျာလောကကို ကွန်ပြူတာဖန်သားပြင်ဆီ ဆွဲခေါ်ဖို့ကြိုးပမ်းလာခဲ့တယ်။
“Dry-photocopy” လို့အသိများတဲ့ ဇီရိုဂရပ်ဖီနည်းကိုသုံးပြီး စာသားမပါတဲ့စကားလုံးပုံတွေကို ဖြတ်ဆက်လုပ်ခဲ့ကြတယ်။ ပန်းချီကဗျာတွေဟာ ပုံမှန်ကဗျာတွေလမ်းဆုံးသွားလို့ဖတ်သူကိုမကူညီနိုင်တော့တဲ့ ဖော်ပြချက်တွေကို ဖြည့်ပေးလိုက်တယ်။ ဘာသာပြန်မှု နည်းစနစ်နဲ့ ကဗျာရဲ့ အချက်အလက်တွေကို ပုံမှန်ကဗျာတွေထက်ပိုပြီး ကျယ်ပြန့်စွာပေးတယ်။ လမ်းဟောင်းနဲ့ ရိုးရာကဗျာတွေဟာ ရေပြင်ညီအရေးအသား လီနီယာတွေကို ဆန့်ကျင်တဲ့ ခေတ်သစ်ပန်းချီကဗျာတွေဟာ ဖတ်သူကို အထူးပြင်ဆင်ထားတဲ့ စာလုံးတွေဆီ နက်နက်ရှိုင်းရှိုင်းဝင်ရောက်ဖို့နဲ့ အဓိပ္ပါယ်တွေကိုပိုပြီး ဖော်ဆောင်ဖို့အတွက် စကားလုံးပြတ်တွေကနေ ဝါကျအပိုင်းအစဆီ ခေါ်ဆောင်ပြီး ဖတ်သူကိုအလုပ်များအောင် ဖိအားပေးပါတယ်။ သူက အဓိပ္ပါယ်ကို စာသားမှတစ်ဆင့် ဖတ်သူအားပေးခြင်း (via text) လို အရင်လမ်းဟောင်းကဗျာတွေလို လီနီယာအရေးအသား က ဖတ်သူကို အဓိပ္ပါယ်ပို့တဲ့နည်းထက်သာလွန်ပြီး အရောင်များမှတစ်ဆင့် (via color)၊ ပုံသဏ္ဍန်များမှတစ်ဆင့် (via shape) နဲ့ စာလုံးအစီအစဉ်များမှတစ်ဆင့် (via arrangement) ဆိုပြီး အခြားသောနည်းလမ်းများစွာနဲ့ ဖတ်သူဆီကို ချဉ်းကပ်တယ်။ ခုတော့ဝက်ဘ်တွေ၊ ဘလော့ခ်တွေနဲ့ အွန်လိုင်း မီဒီယာတွေဟာ ပန်းချီကဗျာ ကွန်တန်ပိုရာရီတွေ အတွက်အကောင်းဆုံး ခြေစမ်းကွင်းတွေဖြစ်တယ်။
(၁.၂) - အီးအီးကမ်းမင်းနှင့်သစ်ရွက်ကြွေသော နေ့ရက်များအကြောင်း
But It’s Nicer To Lie In Bed
- eh? I’m
Not. Again. Hush. God. Please hold. Tight
- (E.E.Cummings)
Selected Poems, (P- 76)
ဒါပေမယ့် အိပ်ယာထဲလှဲမယ်ဆိုရင် ပိုကောင်းမှာပဲ
- အာ?...ငါက
မဟုတ်ဘူး။ နောက်တစ်ကြိမ်၊ တိတ်တိတ်လေးငြိမ်။ ဘုရားသခင်။ကျေးဇူးပြုပြီးဖက်ထား။ တင်းတင်းကျပ်ကျပ်
(အီးအီးကမ်းမင်း)
လက်ရွေးစင်ကဗျာများ(စာ-၇၆)
ခရစ်မပေါ်ခင်သုံးရာစုနဲ့ နှစ်ရာစု အလက်ဇန္ဒားခေတ်ကတည်းက ဘာသာရေး အဆောက်အအုံတွေမှာ ကဗျာတွေကို တောင်ပံပုံနဲ့စာတွေ၊ ပုဆိန်ပုံနဲ့ စာလုံးတွေ စီထားတာကို တွေ့ရတယ်။ ကဗျာတွေရဲ့ ပိုင်ရှင်တွေကတော့ ဆီမီအက်(စ) (Simias) နဲ့ သီအိုခရေးတပ်(စ်) တို့ပဲဖြစ်တယ်။ တတိယအနေနဲ့ ထင်ရှားတာကတော့ လူအများသိတဲ့ အံ့ဖွယ်ကမ္ဘာမှ အဲလစ်(စ)ရဲ့ စွန့်စားခန်းများ (Alice’s Adventures in Wonder Land) ဖြစ်ပြီး ၁၈၆၅ မှာ ထုတ်ဝေတဲ့ လူးဝစ်ကာရိုး (Lewis Carrol) ရဲ့ ဒီစာအုပ်ထဲမှာ ကြွက်တစ်ကောင်ရဲ့အမြီးပုံထဲမှာ စာလုံးတွေ သွတ်သွင်းခဲ့တယ်။ ပန်းချီကဗျာဟာ အနာဂတ်ဝါဒီ (Futurism) တွေရဲ့ စိတ်ကြိုက်ရေးဖွဲ့ဟန်ဖြစ်ပြီး ကဗျာသမားတချို့အပေါ်မှာသြဇာသက်ရောက်မှု ရှိခဲ့ပါတယ်။ အပိုလီနရေး (Guillaume Apollinaire) နဲ့ ကမ်းမင်း (E.E. Cumming) တို့ရဲ့ ကွဲပြားတဲ့ ကဗျာပုံသဏ္ဍန်များဟာ အနာဂတ်ဝါဒီတွေရဲ့ အရိပ်မကင်းဘူးလို့အဆိုရှိခဲ့တယ်။ မော်ဒန်ဆရာကြီး အက်ဇရာပေါင်း ဟာ တရုတ်ရိုးရာ စာလုံးသင်္ကေတ အိုင်ဒီယိုဂရမ် (Chinese Ideograms) နဲ့ ဒါဒါဝါဒီများ (Dadaists) တွေဆီက မျိုးစေ့တွေနဲ့ သူ့ကိုယ်ပိုင်ပန်းချီကဗျာကို ရှင်သန်စေခဲ့တယ်။ ဘာသာဗေဒရဲ့ စကားလုံးသဏ္ဍာန်အပြောင်းအလဲနဲ့ အကွာအဝေးတည်ဆောက်မှု တိုက်ပိုဂရပ်ဖီ (Typography) ကို အသုံးပြုပြီး ကဗျာတွေကို သောတအာရုံခံစားမှုကတစ်ဆင့် စက္ခုအာရုံ ခံစားမှုကို ပေါင်းစပ်ပြီး ပန်းချီကဗျာတွေ တည်ဆောက်ကြတယ်။ ဒီကနေ့ဖန်သားစာမျက်နှာ (Screen Page) ဆီကို ရွေ့လျားလာတဲ့ ပန်းချီကဗျာဟာ ကွန်ပြူတာအထူးပြုဆော့(ဖ)ဝဲလ်ပရိုဂရမ်တွေရဲ့ အကူအညီကိုယူပြီး ကွန်ကရိကဗျာရဲ့ ဒုတိယမျိုးဆက်တွေဆီကို သယ်ယူလာခဲ့တယ်။ ဒုတိယမျိုးဆက်တွေဟာ အနည်းဆုံး ပါဝါပွိုင့် တင်ပြမှုတွေမှာ စကားလုံးတွေကို အသက်သွင်းခွင့်ရသွားပြီဖြစ်တယ်။ ဒီလိုပဲ စာရွက်ပေါ်က စာသား (Paper Text) ဟာ ကွန်ပြူတာ ဖန်သားပေါ်မှာ ဟိုက်ပါတက်(စ်) (Hyper Text) တွေ ဖြစ်လာခဲ့တယ်။ အင်္ဂလိပ်စာပေသမိုင်းမှာ ပန်းချီကဗျာဆရာတွေအဖြစ် လူသိများတဲ့ သူတွေကတော့ ၁၉၆၃ မှာ “Rapel” ဆိုတဲ့ ကဗျာပေါင်းချုပ်နဲ့ ထင်ရှားလာတဲ့ စကော့ကဗျာဆရာကြီး အီယန်ဟာမစ်တန်ဖင်လေ (Ian Hamiton Finaly)၊ စာလုံးစီခြင်းနဲ့ ပန်းချီကဗျာပေါင်းစပ်မှုကဗျာအမျိုးအစားများ (*Typestracts) နဲ့ ၁၉၆၀ တစ်ဝိုက်မှာ လူသိများလာတဲ့ ဒွန်(မ)ဆာဗက်စတာ (Dom (Pierre-)Sylvester Houe’dard)၊ မာရီလင်မွန်ရိုးသေဆုံးခြင်း (The Death of Marilyn Monroe-1962) စနက်(ခ)ဘားထဲဝယ် (In the Snack bar) တို့နဲ့ ထင်ရှားလာတဲ့ စကော့အမျိုးသားကဗျာဆရာကြီး အက်ဒွင်ဂျော့ခ်ျမော်ဂန် (Edwin George Morgan) တို့ပဲဖြစ်တယ်။ စာလုံးများနဲ့ ပန်းချီကဗျာရေးတဲ့သူတွေကို လွှမ်းမိုးထားတဲ့ အခြားသော အကြောင်းအရာတစ်ခုကတော့ မိုက်ခရိုဂရပ်ဖီ (Micro-graphy) ပဲ ဖြစ်တယ်။ စာလုံးပန်းချီကဗျာကို တခြားတစ်နည်းနဲ့ ကယ်လီဂရမ် (Calligram) လို့ ခေါ်တယ်။ အဲဒီလို ကဗျာရေးသူကိုတော့ ကယ်လီဂရမ်းမီ(စ) (Calligrammes) လို့ ခေါ်ပြန်တယ်။ မိုက်ခရိုဂရပ်ဖီ ဆိုတာ တကယ်တော့ ဂျူးလူမျိုးတွေရဲ့ ကယ်လီဂရမ်ပါပဲ။ မိုက်ခရိုဂရပ်ဖီဟာ ကိုးရာစုလောက်မှာ ခရစ်ယာန်နဲ့ အစ္စလမ် ဘာသာရေးတွေမှာ အပြိုင် ပေါ်ပေါက်လာတယ်။များသောအားဖြင့် အဖြူနဲ့အနက်ကို သုံးပြီး စာလုံးတွေနဲ့ ပန်းချီလုပ်တာဖြစ်တယ်။
*Typestract=“typestract,” a combination of “typewriter” and “abstract”.
ကျွန်တော်တို့ရဲ့နားများနဲ့ မျက်လုံးများကို နိုးထစေခဲ့သော အီးအီးကမ်းမင်း - (E.E. Cummings)
အီးအီးကမ်းမင်းကို ၁၈၉၄ မှာ မက်ဆာချူးဆက်ပြည်နယ်မှာ မွေးတယ်။ နာမည်ကြီး ဟားဗတ်တက္ကသိုလ်မှာ ပညာသင်ခဲ့ဖူးတယ်။ တကယ်တန်းကတော့ သူဟာ ပန်းချီဆရာတစ်ယောက်ပါ။ ဒါကြောင့် ကဗျာကို အမြင်အာရုံနဲ့ ပို့ဆောင်ဖို့အတွက်ကြိုးပမ်းခဲ့တာ အံ့သြစရာတော့ မရှိပါဘူး။
အီးအီးကမ်းမင်းဟာ ကျူဗစ်ဇင်နဲ့ အနာဂတ်ဝါဒကိုရှာတွေ့ပြီး နောက်ပိုင်းမှာ သူ့အနုပညာဟာ သိသိသာသာကြီး တိုးတက်ပြောင်းလဲ သွားတော့တာပဲ။ နောက်တော့ နော်တွန်ဟာဂျီး(စ)အဖွဲ့ (The Norton-Harjes Ambulance Corps) ထဲကို ဝင်ရောက်ခဲ့ပြီး ၁၉၁၇ မှာ ပြင်သစ်ကို စေလွှတ်ခြင်းခံခဲ့ရတယ်။ အရေးပေါ် ကားမောင်းသူ အနေနဲ့ပါ။ အဲဒီမှာပြင်သစ်မှာရှိတဲ့ မော်ဒန်အရွေ့နဲ့ သွားတိုးတိုက်ဖြစ်ခဲ့တယ်။ စထရာဗန်စကီး (Stravinsky) ရဲ့ ဘဲလက်(ဒ) ကို တွေ့ခဲ့တယ်။ ပီကာဆိုကို သိခဲ့တယ်။ လူဇင်ဘတ်ပြတိုက် (Luxembourg Gallery) က ဆေဇန်း ကို တွေ့ခဲ့တယ်။ မာတိ (Matisse) ရဲ့ လက်ရာတွေကို ဝယ်ဖို့ အခွင့်အရေးရခဲ့တယ်။ အဲဒီမှာ ခေတ်ပေါ် အနုပညာရဲ့အဓိက လက္ခဏာ နှစ်ခုကို ကောင်းကောင်း သဘောပေါက်သွားတယ်။ အဲဒါတွေက -
၁။ အစိတ်စိတ်ပြိုကွဲစေခြင်း (Breakup)
၂။ အသစ်တဖန်ပြန်လည်တည်ဆောက်ခြင်း (Restructuring) တို့ပါပဲ။
ကမ်းမင်း သုံးခဲ့တဲ့ နည်းတွေကတော့-
၁။ နေရာလွတ်များကို ကျွမ်းကျင်စွာအသုံးပြုကစားခြင်း (Handling of spacing)
၂။ စကားလုံးများ၏ ပုံသဏ္ဍာန်အား အသုံးပြုကစားခြင်း (Typography)
၃။ ဝါကျသင်္ကေတ အဖြတ်အတောက်များ ကစားခြင်း (Punctuation provides visual guidance)
တို့ပဲဖြစ်တယ်။ ပြင်သစ်မှာ သုံးလနေပြီးတော့ သူ့ရဲ့ပထမဆုံးစာအုပ်ဖြစ်တဲ့ ကျူးလစ်များနှင့် မီးခိုးခေါင်းတိုင်များ (Tulips and Chimneys) ကို ထုတ်ဝေတယ်။ သူ့ဘဝတလျှောက်လုံးကဗျာတွေရေး၊ ပန်းချီတွေဆွဲရင်း ၁၉၆၂ မှာ ကွယ်လွန်သွားသူပါ။ သူဟာ ပါရမီရှင် တစ်ဦးအဖြစ် ကဗျာလောကကို ဖြတ်သန်းခဲ့သူဖြစ်ပြီး နှစ်ဆယ်ရာစု မော်ဒန်ကဗျာအကြောင်း ပြောရင် မဖြစ်မနေဆွေးနွေးရမယ့်သူပါ။ တချို့ဝေဖန်ရေးဆရာတွေက သူ့ကို မော်ဒန်ရဲ့ အဆုံးသတ်လို့ ခေါ်ဆိုကြသလို တချို့က သူ့ကို ပို့စ်မော်ဒန်ရဲ့ အစလို့ ဆိုကြတယ်။ အီးအီးကမ်းမင်း၏ အတ္ထုပတ္တိ များတွင်တွေ့ရသော သူ၏ ကဗျာတစ်ပုဒ်မှာ “ဘဖလိုးဘေး(လ)၏” ပဲဖြစ်တယ်။
Buffalo Bill’s
defunct
who used to
ride a watersmooth-silver
stallion
and break onetwothreefourfive pigeonsjustlikethat
Jesus
he was a handsome man
and what i want to know is
how do you like your blueeyed boy
Mister Death
]]
}}
- From “Buffalo Bill’s”(1920)
ဘတ်ဖလိုးဘေး(လ) ၏
ကွယ်ပျောက်သွားသော
တစ်စုံတစ်ယောက်ဟာ ချောမွေ့
ငွေရောင်ညက်ညက် မြင်းထီးတစ်ကောင်
ကိုစီးခဲ့ဖူးရဲ့
ပြီးတော့ တစ်နှစ်သုံးလေးငါး ယေရှုနဲ့တူတဲ့ ခိုများ
ကိုထိုးခွဲ
သူဟာ ရုပ်ချောချော ငနဲတစ်ယောက်ဖြစ်ခဲ့
နောက် ငါသိချင်တဲ့အရာဆိုတာ
သင့်ရဲ့မျက်လုံးပြာကောင်ကလေးကို သင်ဘယ်လိုချစ်သလဲ
မစ္စတာသေခြင်းတရားကြီးငဲ့
]]
}}
- ဘတ်ဖလိုးဘေး(လ)၏မှ
ဒီကဗျာမှာပါတဲ့ကမ်းမင်းရဲ့ စာသားတချို့ဟာ ပုံမှန်ကို သွေဖယ်နေတာ တွေ့ရတယ်။ ဥပမာ “ချောမွေ့ ငွေရောင်ညက်ညက်မြင်းထီးတစ်ကောင်” (A watersmooth-silver stallion) မှာ “watersmooth” ဆိုတာ အစင်းကြောင်း အနာကင်းတဲ့ရေလိုချောမွ့နေတဲ့အရာကို ဆိုလိုတယ်။ မြင်းရဲ့အရောင်တွေကို ကျွန်တော်တို့ ယေဘုယျ ဖော်ပြတဲ့အခါမှာငွေရောင်ကို သုံးခဲတယ်။ ဒါပေမယ့် ငွေရောင်သန့်သန့်ကို ဖော်ပြရာမှာတော့ ကမ်းမင်းဟာ (watersmooth-silver) လို့ သုံးခဲ့တယ်။ ဆောင်းပါးရှင်က “Critics have often said that Cumming was “ahead of his time” လို့ ရေးတယ်။” ဒီကနေ့ထိ ကမ်းမင်းကို အဓိပ္ပါယ်ဖွင့်ဖို့ပညာရှင်တွေ ခက်ခဲနေတုန်းပါပဲ။ “ပညာရှင်တွေဟာ ကမ်းမင်းကို သူ့ခေတ်သူ့အခါမှာ ရှေ့ကိုကြိုရောက်နေသူအဖြစ်မကြာခဏ ဖော်ပြခြင်းခံရတယ်” ဆိုတဲ့ အဓိပ္ပါယ်ပါပဲ။
အီးအီးကမ်းမင်း (E.E Cumming) ရဲ့ သူ့ဘဝ သူ့ကဗျာ
l(a
le
af
fa
ll
s)
one
1
iness
- E.E.Cumming’s Selected Poems (p-39)
ဒီကဗျာလေးဟာ ကမ်းမင်းကို ဖော်ပြနိုင်တဲ့အရေးအသားဖြစ်တယ်။ သစ်ရွက်ကြွေကျ အထီးကျန်မှု (leaf fall loneliness) ကို သစ်ရွက်ကြွေကျတဲ့ သဏ္ဍာန်ရေးဖွဲ့ထားတာဖြစ်တယ်။
n
OthI
n
g can
s
urPas
s
the m
y
SteR
y
of
s
tilLnes
s
၁၉၃၂ မှာ သူ့အဖေ ဆုံးသွားတော့ သူ့လက်ရာ “CLOPW” နဲ့ “Viva” တို့ ထွက်ရှိပြီး တစ်နှစ်ပဲရှိသေးတယ် ၁၉၂၇ မှာ သူ့ရဲ့လက်ရာ ပြဇတ် “Him” ဟာ သိပ်မအောင်မြင်လှဘူး။ သူဟာ (Anne Barton) နဲ့လက်ထပ်ပြီးတော့ ကွာရှင်းတယ်။ နောက်တော့ သူ့ဘဝမှာ အရေးပါဆုံး အမျိုးသမီးတစ်ဦး ပေါ်လာတယ်။ မာရီယွန်ဟောက်(စ)ပါပဲ။ သူမဟာ သူ့ထက် တစ်ဆယ့်နှစ်နှစ်တိတိငယ်တယ်။ ၁၉၃၂ က စလို့ အသက်ထက်ဆုံး ကမ်းမင်းဟာ အဲဒီအမျိုးသမီးနဲ့ပဲနေသွားတယ်။ ကမ်းမင်းဟာ အဲဒီဇနီးချောလေးနဲ့ ကမ္ဘာကြီးကိုလှည့်ပတ်ကြည့်ရှုတယ်။ တူနီးရှား၊ မက္ကဆီကို၊ ပြင်သစ်နဲ့ အတ္တလန္တိတ်ကို ဖြတ်ကူးတယ်။ ဒီခရီးစဉ်အတွင်းမှာသူ့လက်ရာတွေကို ဖြန့်ချိတယ်။
၁။ အနီရောင်စာမျက်နှာ (The Red Front)- ၁၉၃၃
၂။ အီမီ (Eimi) - ၁၉၃၃
၃။ ရပါတယ်ကျေးဇူးပဲ (No thanks) - ၁၉၃၅
၎။ တွမ် (Tom) - ၁၉၃၅
၅။ လက်ရွေးစင်စုပေါင်းကဗျာများ(Collected Poems) - ၁၉၄၀
၆။ ၁x၁ (1x1) - ၁၉၄၄
၇။ ဆန်တာကလော့ (Santa Claus) - ၁၉၄၆ တို့ အပါအဝင်ဖြစ်တယ်။
ဥရောပမှာ နေတုန်း စစ်ဆန့်ကျင်ရေးတွေ ရေးခဲ့တယ်။ ဥရောပနဲ့ ပစိဖိတ်ဒေသမှာ အမေရိကန်ပါဝင်မှုကို သူကန့်ကွက်တယ်။ “ပလေတိုပြောခဲ့သမျှ”(Plato told) ကဗျာဟာ “World Peace Foundation” မှာ သူ့အဖေ လုံခြုံရေးလုပ်ခဲ့တာကိုပြန်အသက်သွင်းတာ ဖြစ်တယ်။ နောက်တော့ သူ့အမေဟာ လေသင်တုန်းဖြတ်သွားပြီး ကိုမာ ရသွားခဲ့တယ်။ ကမ်းမင်းဟာ အဲဒီအချိန်မှာ ဘာမှ မရေးဖြစ်ခဲ့။ ၁၉၄၇ ဇန်နဝါရီလမှာ သူ့အမေ ရေဗက္ကာ (Rebecca) ဈာပန အခမ်းအနားမှာ သူကဗျာလေးတစ်ပုဒ်ကို ရွတ်ပေးခဲ့တယ်။ (If there are any heavens) ဆိုတဲ့ ကဗျာလေးပါပဲ။ သူဟာ မိဘကို တွယ်တာစိတ်ကြီးသူဖြစ်တယ်။ သူ့အဖေဟာစာဖတ်ရင်း သူ့အမေကို နိဗ္ပ္ဗန်ဘုံက စောင့်နေပုံကို ရေးဆွဲတယ်။ သူ့အမေသေဆုံးပြီး ဆယ့်ငါးနှစ်အကြာမှာတော့ ကမ်းမင်းဟာ လူ့လောကကို နှုတ်ဆက်သွားခဲ့တယ်။ သူသေဆုံးသွားပြီး နောက်မှာတော့ သူ့လက်ရာတွေအများအပြားထွက်လာတယ်။ စကားပြေများ၊ ကဗျာများ၊ မီးသွေးနဲ့ ခဲခြစ်ပန်းချီများ စုစုပေါင်း၂၅ အုပ်တိတိ ထွက်ခဲ့တယ်။ ဒါတွေကို သူ့အသက် ၆၈ နှစ်မှာ ဖန်တီးခဲ့တာဖြစ်တယ်။ ကျွန်တော်တို့ဟာဒီလို အံ့ဘနန်းအနုပညာတွေအတွက် ဘုရားသခင်ကို ကျေးဇူးတင်ရမှာ ဖြစ်တယ်။ ကျွန်တော်တို့ရဲ့နားများနဲ့ မျက်လုံးများကို နိုးထစေခဲ့သော ကမ်းမင်းရဲ့ လက်ရာများအတွက် ကျေးဇူးတင်ရမှာဖြစ်တယ်။အီးအီးကမ်းမင်းရဲ့ လက်ရွေးစင်တွေထဲက စာမျက်နှာ (၄၃) မှာ ပါတဲ့ စာသားလေးတွေကို ကြည့်ပါ။
U
n:star Tbirds(IEAp)Openi ng
t hing ; s(
sing
)all are aLl(cry alLSee)o(ver All)Th(e green
?eartH)N,ew
- လက်ရွေးစင်တွေ.............စာမျက်နှာ (၄၃)
i thank you God for most this amazing
i thank You God for most this amazing
day:for the leaping greenly spirits of trees
and a blue true dream of sky; and for everything
which is natural which is infinite which is yes
(i who have died am alive again today,
And this is the sun’s birthday; this is the birth
day of life and love and wings: and of the gay
Great happening inimitably earth)
how should tasting touching hearing seeing
breathing any-lifted from the no
of all nothing-human merely being
doubt unimaginable You?
(now the ears of my ears awake and
now the eyes of my eyes are opened)
- E.E Cummings
ဤအံ့သြဖွယ်များအတွက် ဘုရားသခင်အား ကျွန်တော်ပို၍ကျေးဇူးတင်မိ
ကျွန်တော်ဘုရားသခင်အားကျေးဇူးတင်ရခြင်းမှာ ဒီလိုပို၍ အံ့သြဖွယ်
နေ့၊သစ်ပင်များ၏ စိမ်းမြစွာ ဝိဥာဉ်များ ခုန်ပေါက်ခြင်းအတွက်
နှင့်ကောင်းကင်၏ အပြာရောင် စစ်မှန်သော အိပ်မက်တစ်ခု
အရာအားလုံးအတွက်
အဲဒါကသဘာဝကျတဲ့အရာ အဲဒါက အဆုံးမရှိခြင်း အဲဒီအရာက
ဟုတ်မှတ်ခြင်းပဲပေါ့
(ငါသေဆုံးခဲ့ပြီးသူဟာ ဒီကနေ့ ပြန်လည်အသက်ဝင်၊
နောက်ဒီအရာက နေမင်းရဲ့ မွေးနေ့မင်္ဂလာ; ဒီအရာက
ဘဝ၊ချစ်ခြင်းနဲ့တောင်ပံများရဲ့: ပြီးတော့ ဒီညို
မောင်းကြီးမားတဲ့အတိုင်းအဆမဲ့စွာ ဖြစ်တည်မှု ရှိခွင့်ပေးတဲ့ ကမ္ဘာမြေရဲ့ မွေးနေ့မင်္ဂလာ)
(မဟုတ်ခြင်းကို
ပိုင်တဲ့အားလုံးသော အနတ္တလူသားဘဝတွေရဲ့ သံသယ
ကိုစိတ်ကူးနိုင်စွမ်းမရှိသော သင့်ထံမှ အရသာခံခြင်း
ထိတွေ့စမ်းသပ်ခြင်း၊အကြားအမြင် ရှူရှိုက်ခြင်းများက
ဘယ်ပုံဘယ်နည်းနဲ့အနည်းငယ် တိုးတက်နိုင်မတုန်း?
(ခုများတော့ငါ့နားများရဲ့ နားများ နိုးထကာ
ခုများတော့ငါ့မျက်လုံးများရဲ့ မျက်လုံးများဟာ ဖွင့်လေပြီ)
- Special thanks to Ko Bo Bo Win who has given to me ''The Selected Poems of E.E.Cumming'' as a present.
- Ref:Avant-Grade Poet or Cowboy from the Future by Trent Sandusky “i carry your heart with me” at Poetry Foundation
ရစ်ချတ်အက်(စ်)ကနေဒီတည်းဖြတ်သော အီးအီးကမ်းမင်း (E.E. Cummings)၏ လက်ရွေးစင်ကဗျာများမှ
- ဇော်ဇော်ထွန်း
