- သရိုင်းတေးအိမ်
အဲဒီပို့စ်နဲ့ ပတ်သက်တဲ့အမြင်တွေကို စကားဝိုင်းပုံစံ လုပ်ချင်ပါတယ်။ ပါဝင်ဆွေးနွေးဖို့ စိတ်ဝင်စားသူတွေ ရှိမယ်ဆိုရင် Comment Box မှာ "စကားဝိုင်းဆွေးနွေးတဲ့ပုံစံ" မျိုးနဲ့ မန့်ထားနိုင်ပါတယ်။ အမြင်တူတာတွေ ရှိနေရင်လည်း အမြင်တွေကို စုစည်းပေးထားချင်ပါတယ်။ အမြင်မတူ ကွဲပြားခြားနားနေတာတွေ ရှိနေမယ်ဆိုရင်လည်း လက်ခံနိုင်ပါတယ်။ ဆွေးနွေးချက်တွေကို စကားဝိုင်းပုံစံ ပြန်စီစဉ်ပေးသွားပါ့မယ်။
ဆွေးနွေးချက်များ
မောင်သစ်ကြည် ။ ။ လွတ်လပ်မှုလဲရှိရမယ်။ ကိုယ့် စာကိုယ်တာဝန်ယူမှုလဲရှိရမယ်။ ရေးတယ်ဆိုတာ အဖြူ အမည်း။ ထုတ်ဖော်ပြောတာ ကိုယ်ယုံကြည်ချက်။ ကိုယ့် ခံယူချ က်ကိုယ့် အမြင်ကို ကိုယ်တာဝန်မယူရင်ဘယ်သူတာဝန်ယူမလဲ။ အကြံဥာဏ်တောင်းခံလာရင် ဆွေးနွေးလာရင် ခင်ဗျားလွတ်လပ်မှုနဲ့ ခင်ဗျားကိုယ်တိုင်ရွေးပါ။ နောင်တရမယ်ဆိုလဲ ကိုယ့် တာဝန်ပဲ။ ပြစ်တင်ကဲ့ရဲ့ ခံရရင်လဲ ကိုယ့် တာဝန်ပဲ။ ဂျီးတော်နွားကိုဘယ်သူမှအလကား မကျောင်းပေးဘူး။ သူများပိုက်ငှားပြီး ဓားထိုးခံသလိုဖြစ်မှာပေါ့ ။ တာဝန်မယူရင်ပေါက်ကရလေးဆယ်ရေးမှာပေါ့ ။ မင်းမဲ့ စရိုက်ဖြစ်သွားမှာပေါ့။
***
လွန်းဆက်နိုးမြတ် ။ ။ ယေဘုယျအားဖြင့်တော့ ကိုယ်ရေးတာ ကိုယ်တာဝန်ယူရမှာပေါ့။ ပြီးတော့ ကိုယ်ရေးတာ ကိုယ်တာဝန်ယူရတယ်ဆိုတာက စာရေးသူတစ်ယောက်ရဲ့ အခြေခံကျင့်ဝတ်လည်း မည်ပါတယ်။ ဒါပေမယ့် အခြေအနေတွေ ရှိပါတယ်။ အတိုင်းအတာတွေရှိပါတယ်။ အမြဲတမ်းလည်း ကိုယ့်အရေးအသားတစ်ခုကို လိုက်ရှင်းပြမနေနိုင်သလို လိုက်တာဝန်လည်း မယူနိုင်ပါဘူး။ ဘာကြောင့်လဲ ဆိုတော့ အရေးအသားတစ်ခုဟာ ရေးသူမှာသာ လုံးလုံးလျားလျားတာဝန်ရှိတာ မှန်နိုင်သော်ငြား များသောအားဖြင့်တော့ အဲဒီ့အရေးအသားရဲ့ ရှိသင့်တဲ့ နေရာ တန်ဖိုးစံနှုန်းတွေက စာဖတ်သူနဲ့ စာပေအင်စတီကျူရှင်းတွေက ဆုံးဖြတ်ပေးနေကြတာ များပါတယ်။ ဒီလို ဆုံးဖြတ်တာကလည်း အမှန်တရားစစ်စစ်လို့ ပြောလို့ မရနိုင်ပြန်ပါဘူး။ ဒါပေမယ့် ဒါက အရေးအသားတစ်ခုရဲ့ အခြေခံတန်ဖိုးတွေ ဆုံးဖြတ်ရာမှာ စာဖတ်သူရဲ့ အခန်းကဏ္ဍအရေးပါပုံကို ပြောပြခြင်းပါ။ ဒါကြောင့် အရေးအသားတစ်ခုဟာ မူလစာရေးသူအပေါ်မှာ တာဝန်ရှိနိုင်ကောင်း ရှိနိုင်ပေမယ့် စာဖတ်သူမရှိရင်လည်း အဲဒီ့အရေးအသားဟာ နေရာရလာနိုင်မယ် မဟုတ်ဘူး။ ဆိုတော့ အရေးအသားတစ်ခုကို စာရေးသူက တာဝန်ယူရတယ်ဆိုတာ အခြေခံသိမှုကျင့်ဝတ်ဖြစ်ပြီး များသောအားဖြင့်တော့ ဒီတာဝန်ဟာ စာဖတ်သူတွေနဲ့လည်း တိုက်ရိုက်ပတ်သက်နေတဲ့ ကိစ္စလို့လည်း မြင်ပါတယ်။
***
ကသစ်နီ ။ ။ တချို့အနုပညာဖန်တီးမှုတွေဟာ ဖန်တီးနေတဲ့အချိန်မှာဖြစ်ပေါ်နေတဲ့စိတ်ခံစားမှုအပေါ် မူတည်ပြီး ထွင်းခြစ်ရေးဖွဲ့ခဲ့တာမျိုးတွေဖြစ်တာကြောင့် ဖန်တီးသူရဲ့ နေထိုင်ရပ်တည်မှုနဲ့ တိုက်ရိုက်အချိုးကျချင်မှကျမှာမို့ ကိုယ်ရေးတာကိုယ်တာဝန်ယူရမယ်ဆိုတာကို အပြည့်လက်မခံနိုင်ပါ။ ရေးသူဖတ်သူကြားမှာ ရှိနေတဲ့ အနုပညာ ပစ္စည်းမှာ (ဥပမာ) ကဗျာမှာ ရေးသူက သူရဲ့နှလုံးသား(ခံစားမှု)ဆီလာထိခတ်တဲ့ စိတ်ခံစားမှုကို ဘာသာဗေဒဆီကစကားလုံးတွေယူငင်သုံးစွဲပြီး သူဖြတ်သန်းခဲ့တဲ့ အတွေ့အကြုံနဲ့ဖွဲ့ဖြစ်ခဲ့ပေမဲ့ဖတ်သူဆီအပြည့် (ရသ) ခံစားမှု ရောက်ချင်မှ ရောက်မှာပါ။ ရေးသူရဲ့ ထိရှခံစားမှုထက်ကျော် လွန်ပြီးလည်း ခံစားမိတာမျိုးလည်းရှိနေနိုင်ပါတယ်။ ဒီနေရာမှာ ခံစားမှုအားအပြင် ရေးသူနဲ့ဖတ်သူရဲ့ ဖြတ်သန်းခဲ့ရတဲ့ အတွေ့အကြုံပေါ်မှာလည်း ကွာဟနေတာမျိုးတွေရှိနေနိုင်လို့ ပါ။ အဲ့ဒီလို အခြေအနေတွေကြောင့် ရေးသူဟာ တာဝန်ရှိတယ်။ တာဝန်ယူရမယ်ဆိုတဲ့အချက်ကို အပြည့်အဝလက်မခံပါဘူး။
***
မောင်သစ်ကြည် ။ ။ အနုပညာထုတ်လုပ်ဖန်တီးတဲ့ ပစ္စည်းတခုကို မူလထုတ်လုပ်သူက တာဝန်ယူရပါတယ်။ လိုအပ်ရင် အဲဒီစကားလုံးကို သူ့ စကားလုံးဖြစ်ကြောင်း မှတ်ပုံတင်ထားရမယ်။ ဥပမာ ဝေါဒစ္စနေအပြာ ဆိုရင် ဆရာဒဂုန်တာရာစကားလုံး၊ ကတ္တီပါလမ်းခွဲဆိုရင် ဇော်(ပျ ဉ်းမနား) စကားလုံး၊ ဒါကြောင့် အနုပညာထုတ်လုပ်/ဖန်တီးမှုမှာ လွတ်လပ်ရမယ်၊ တပြိုင်နက်ထဲ တာဝန်ယူမှုလည်းရှိရမယ်။ ဒီအဆိုနဲ့ ဆန့် ကျ င်ဘက်အမြင်ရှိလျှ င် ဆွေးနွေးပေးပါ။ ဝေဖန်ဆန်းစစ်မှုတော့ရှိရမယ်။ ထိုအမြင်နှစ်ခုထိပ်တိုက်တိုးပြီးလျှင် အတွေးအခေါ်အမြင်သစ်တခုရနိုင်ပါတယ်။ ကျွန်တော်အယူအဆကို တရားသေကိုင်မထားပါဘူး။ Dialectic သဘောအရ ကျွန်တော့်ထက်ခိုင်မာတဲ့  အယူအဆကို Critical Theory အရ ကျွန်တော့် အယူအဆ ဘာမှားနေလဲ၊ ကျွန်တော့် အယူအဆကို ဘယ်လိုပြင်ရမလဲဆိုတာ ထောက်ပြဝေဖန်ပေးပါ။ အဖြူ မဟုတ်ရင် အမည်းဖြစ်ရမယ်လို့ ကျွန်တော်မစွပ်စွဲပါဘူး။ အဖြူ မဟုတ်သောအခြားအရောင်များလဲ ရှိနိုင်။ ဥပမာ မီးခိုးရောင် စသဖြင့် ။ အနုပညာလွတ်လပ်ခြင်းဆိုတာ ပုဂ္ဂလိက Individual သဘောပါ။ တာဝန်ယူမှု Responsibility မှာ အဓိကရေးသူတာဝန်ယူမှုနဲ့  ဖတ်သူတာဝန်ယူမှုဆိုပြီး ၂ ပိုင်းရှိနိုင်။ တာဝန်ယူမှုကို ဆင်ခြင်တုံတရားပေါ် အခြေခံမလား၊ ဆင်ခြင်မဲ့ မှုဝါဒပေါ် အခြေခံမလား၊ ပြီးပြည့် စုံသောအမှန် Totality/ Universality ဆိုတာမရှိနိုင်ပါ။ အနုပညာကျင့် ဝတ် Ethic အရ အကောင်းနဲ့ အဆိုးကို တန်ဖိုးဆိုတဲ့ Value ပေါ်အခြေခံမလား၊ Moral အရ အမှန်နဲ့ အမှားကို Norm ဆိုတဲ့ နူန်းစံပေါ်အခြေခံမလား။ ကျွန်တော့်အမြင်က Ethic က ကိုယ့်လုပ်ဆောင်မှုဖြစ်ပြီး Moral က တာဝန်ယူမှုလို့ နားလည်ပါတယ်။
***
နွေဦးငယ် + သရိုင်းတေးအိမ် ။ ။ ကျနော့်ပို့စ်မှာ ဆွေးနွေးချက်ပါ။ မ Aye Myat Mon ခွင့်ပြုမယ်ယူဆလို့ ဆွေးနွေးဝိုင်းထဲထည့်လိုက်ပါတယ်။ (အဆင်မပြေရင် ပြန်ဖြုတ်ပါမယ်။)
မအေးမြတ်မွန် =>
ကိုယ်ရေးတာကိုယ် တာဝန်မယူလို့ ဘယ်သူကလာတာဝန်ယူမလဲ။ အဲ့ဒါလဲ သိချင်ပါတယ်။ အနုပညာဖန်တီးသူဟာ သူမယုံကြည်တဲ့ အကြောင်းအရာတစ်ခုကို ယုံကြည်ချင်ယောင်ဆောင်ပြီးဖန်တီးလို့လဲမရဘူး။ ကိုယ့်လက်ရာ ကိုယ်တာဝန်ယူတယ်ဆိုတာက ဘယ်သူ့အတွက်မှ မဟုတ်ပါဘူး။ ကိုယ့်ဖန်တီးမှုကို လေးစားသမှုပြုခြင်းပါပဲ။ ဒီလို ယုံကြည်တယ်။
သရိုင်းတေးအိမ် =>
၁။ ကိုယ်ရေးတာ ကိုယ်တာဝန်မယူလို့ ဘယ်သူက လာယူမလဲဆိုတဲ့အမေးမှာ စာတစ်ကြောင်း/တစ်ပုဒ်အတွက် တာဝန်ယူမည့်သူ (တစ်ဦးဦးသို့မဟုတ်အစုအဖွဲ့) ရှိကိုရှိရမယ်လို့ တင်ကြိုခံယူထားတဲ့ အသိရှိနေလို့ လို့ ကျနော်ထင်ပါတယ်ခင်ဗျ။
၂။ အနုပညာဖန်တီးသူဟာ သူမယုံကြည်တဲ့အကြောင်းအရာတစ်ခုကို ယုံကြည်ချင်ယောင်ဆောင်ပြီးဖန်တီးလို့လဲမရဘူး ဆိုတဲ့ အချက်ကိုတော့ ကျနော်ငြင်းပါရစေ အမ။ ကိုယ်တကယ်မခံစားရတာကိုလည်း ခံစားရသယောင်၊ ကိုယ်တကယ်မယုံကြည်ပေမဲ့လည်း ယုံကြည်သယောင်ဆောင်တာဟာ အနုပညာတို့ ရသတို့နဲ့ မဆိုင်ဘူးလို့ ကျနော်ယူလို့ပါ။ (ဆိုလိုတာက ကိုယ်ယုံကြည်မှ အနုပညာဖန်တီးရတယ်၊ ကိုယ်မယုံကြည်ရင်အနုပညာမဖန်တီးနဲ့ဆိုတဲ့ ဘောင်မရှိသင့်ဘူး၊ လွတ်လပ်တဲ့အနုပညာဆိုတာ အဲ့တာတွေကိုကျော်လွန်နေတယ်။)
၃။ ကိုယ့်လက်ရာ ကိုယ်တာဝန်ယူတယ်ဆိုတာက ဘယ်သူ့အတွက်မှမဟုတ်ဘူး။ ကိုယ့်ဖန်တီးမှုကို လေးစားသမှုပြုခြင်းပါပဲ ဆိုတဲ့အချက်ကို ကျနော် လက်ခံပါတယ်။ ဒါပေမဲ့ ကျနော်သံသယပွားနေတာက ကျနော် ဖန်တီးခဲ့တဲ့ ကိုယ့်အနုပညာကို အဲ့အချိန်မှာ ကိုယ်တိုင်လေးစားပါတယ်။ တခါတခါ (တချို့တလေကျ) အချိန်တစ်ခုမှာ ပြန်ဖတ်ရင် သိပ်အားမရတော့တာ၊ မကြိုက်တော့တာ၊ တခါတခါ ဘယ်သူ့မှမပြရဲလောက်အောင် ဖြစ်တာ ကြုံရဖူးတဲ့အတွက် ကိုယ့်ဖန်တီးမှုကိုလေးစားမှုဆိုတာဟာ ဝေဝါးလှပါတယ်။ (မသေချာပါဘူး၊)
နောက်ထပ်စဉ်းစားမိတာက စာဖတ်သူအနက်ပြန်မှုကိစ္စတွေပါ။ ဘာသာစကားကို အနက်ပြန်တာနဲ့ပတ်သက်လို့ စာရေးသူဆိုလိုတဲ့အတိုင်း စာဖတ်သူအနက်ပြန်လိမ့်မယ်လို့ ဘယ်တော့မှအာမခံလို့မရပါဘူး၊ စာဖတ်သူဟာသူ့ရဲ့သိမှုအဆောက်အအုံနဲ့ သူ့ရဲ့လူမှုရေးအလေ့အကျင့်အတွင်းကနေပဲ အနက်ပြန်မှာဖြစ်တဲ့အတွက် အဲ့အထိ စာရေးသူက လက်လှမ်းမမှီပါဘူး။ ရိုလန်ဘာ့ထ် ပြောသလိုထိဆို "စာရေးသူ သေဆုံးခြင်း" လို ဖြစ်မယ်ထင်တယ်။ အဲ့အတွက် စာရေးသူက အလုံးစုံ တာဝန်မခံ/မယူသင့်ဘူး လို့ ကျနော်ယူဆမိလို့ပါ။
***
နှင်းလူ ။ ။ ဒီစကားဝိုင်းမှာနားထောင်တဲ့ပရိတ်သတ်အနေနဲ့ပါဝင်ချင်ပါတယ်ခင်ဗျာ။ ဒါပေမယ့်ပရိတ်သတ်တစ်ယောက်အနေနဲ့နားလည်သလောက်မန့်ချင်ပါတယ်ခင်ဗျာ။ "အနုပညာကိုတော့ လွတ်လွတ်လပ်လပ်ဖန်တီးခွင့်ရှိတာမှန်ပါတယ်။ ဒါပေမဲ့ ရေးသူဟာ ကိုယ်ရေးတာတော့ ကိုယ်တာဝန်ယူရမယ်" လို့ တချို့က ပြောတတ်ကြတယ်။ "ရေးသူဟာ ကိုယ်ရေးတာတော့ ကိုယ်တာဝန်ယူရမယ်" ဆိုတဲ့ အမြင်ကိုလည်း ပြန်ဆန်းစစ်သင့်တယ်။ [သရိုင်းတေးအိမ်] ဆရာသရိုင်းတေးအိမ်ရဲ့ပိုစ့်ဟာ ရိုးရှင်းပေမယ့် အလွန်နက်နဲတယ်လို့ ကျနော်မြင်ပါတယ်။ ဒီနေရာမှာ ရေးသူဆိုတာဟာ စာရေးဆရာလား ၊ တေးရေးဆရာလား ၊ ကဗျာဆရာလား အဲလိုမျိုး ဘယ်လိုအနုပညာရှင်မျိုးပါလဲ။ ပြီးတော့ အနုပညာဆိုတာ အပေါ်ကဆရာတွေအားလုံးပြောခဲ့သလို လွတ်လပ်ရမယ်ဆိုတဲ့အရာမျိုးအရ ကျနော်နားလည်သလောက်တော့ ဥပမာ - ဆရာအောင်သင်းစကားအရပါ။ ငါက စာရူးပေရူးကိုအချစ်ဆုံးဆိုတာတွေ၊ ကဗျာဆရာမောင်ချောနွယ်က ဘဝမှာနှစ်ခုပဲလိုတာမျိုးတွေ၊ ကဗျာဆရာလှသန်းက ကဗျာဆရာတွေသေဖို့သာပြင် ဆိုတဲ့ ရဲရဲတောက်ကဗျာတွေဟာ လက်ရှိမရှိတဲ့သူတွေပါ။ ပြောချင်တာက အဲလိုကဗျာမျိုးတွေ စာမျိုးတွေဟာ ရေးသူကတာဝန်ယူတယ်၊ မယူတယ်ဆိုတာထက် ဖတ်သူကကို တာဝန်ယူပေးလိုက်တာပါပဲ။ ပြီးတော့ အနုပညာဟာခံစားမှုကိုအခြေခံတယ်လို့သိရသလို ဦးဏှောက်နဲ့လည်း စဉ်းစားဆုံးဖြတ်ရမယ်လို့လည်း သိရပါတယ်ခင်ဗျ။ ဆိုတော့ အနုပညာတစ်ခုဟာ ဘယ်လိုအနုပညာပဲဖြစ်ဖြစ်ပေါ့ခင်ဗျာ သဘင်လား၊ ဂီတလား၊ စာပေလား အစရှိသဖြင့် ခံစားမှုကိုအခြေခံတဲ့အရာမျိုးဆိုတော့ အရာအားလုံးကို တာဝန်ယူခြင်းတာဝန်မယူခြင်းဆိုတာကလည်း ဖတ်သူအပေါ်မှာမူတည်သလို ရေးသူအပေါ်မှာလည်းမူတည်ပါတယ်။ ဆိုတော့ကဗျာတစ်ပုဒ်မှာပေါ့ အားလုံးကိုတာဝန်ယူရမယ်လို့ပြောရင် ဖတ်သူကကောတာဝန်ယူပါတယ်ပြောတဲ့ကဗျာဆရာရဲ့တာဝန်ခံမှုကို ဘယ်အတိုင်းအတာထိလက်ခံပေးနိုင်မလဲဆိုတာလည်းရှိသေးတာကို။ ဆိုတော့စာပေနဲ့ပတ်သက်လို့ကဗျာမှာဆိုပါတော့ ရေးသူကအားလုံးကိုတာဝန်ယူပါတယ်လို့မပြောလောက်ဖူးထင်တာပါပဲခင်ဗျာ။ အဲသလိုပဲရေးသူကဘယ်လောက်တာဝန်ယူပါတယ်ဆိုပေမယ့် ဖတ်သူကတာဝန်ယူမပေးတာတွေလည်းရှိနိုင်ပါတယ်။ ဆိုတော့ဆရာတွေပြောသလို အနုပညာဟာဘောင်ပိတ်ထားခြင်းမရှိတဲ့ လွတ်လပ်တဲ့ ရိုးရှင်းမှုတွေနဲ့သီးသန့်ရပ်တည်နေတဲ့အရာမျိုးမလို့ပါပဲ။ ဟုတ်ကဲ့ခင်ဗျာ - ကျနော်ခုလို ကျနော်နားလည်သလောက်ပြောခွင့်ရတာကိုပဲကျေးဇူးတင်မိပါတယ်ခင်ဗျ။ ကျနော့်ရဲ့ဝါကျအစီအစဉ်မကျ စိတ်ထဲပေါ်ရာကိုဆရာတွေရဲ့အမြင်တွေမှတ်မိသလောက်တွေကိုလေ့လာကိုးကားပြီးပြောတာဖြစ်တဲ့အတွက် အမှားပါရင်တောင်းပန်ပါတယ်ခင်ဗျ။ ကျနော်ဒီစကားဝိုင်းမှာနားထောင်သူတစ်ယောက်ရဲ့အမြင်နဲ့ပြောခွင့်ရလို့အားလုံးကိုကျေးဇူးတင်ပါတယ်ခင်ဗျာ။
***
အောင်ရင်ငြိမ်း ။ ။ အနုပညာရှင်တစ်ယောက်ဟာ အနုပညာလက်ရာတစ်ခုကို ပြင်ပလူမှုပယောဂ လုံးဝမပါ စိတ်ကြိုက်လွတ်လပ်စွာ ဖန်တီးနိုင်ခွင့်ရှိပြီး သူဖန်တီးလိုက်တဲ့ လက်ရာအတွက်လည်း ဘယ်လို နိုင်ငံရေးနဲ့ လူမှုရေးဆိုင်ရာ ကိုယ်ကျင့်တရားနဲ့ ကျင့်ဝတ်ဆိုင်ရာ တာဝန်ခံမှုနဲ့ တာဝန်ယူမှုမျိုးတွေကိုမှ ခံယူဆောင်ရွက်ပေးစရာ မလိုအပ်ဘူးလို့ ကိုယ်ယူဆပါတယ်။ အနုပညာလက်ရာ လွတ်လပ်စွာဖန်တီးခွင့်ကို လူအတော်များများ လက်ခံနိုင်ကြပေမဲ့ လွတ်လပ်ခွင့်အတွက် တာဝန်ယူမှု တာဝန်ခံမှု တစ်စုံတစ်ရာမလိုအပ်ဘူးလို့ ပြောတာကိုတော့ လူအတော်များများ အလွယ်တကူလက်သင့်ခံနိုင်ဖို့ ခက်ခဲနေလိမ့်မယ် ထင်ပါတယ်။ ဒဿနရေးရာအရ လူသားရဲ့တစ်သီးပုဂ္ဂလလွတ်လပ်မှုနဲ့ တာဝန်ယူမှုကြားက ဆက်စပ်မှုအကြောင်း အယူအဆတွေကလည်း ရှိနေသေးတော့ အဲဒီအယူအဆတွေကို လက်ခံထားသူတွေအနေနဲ့ " အနုပညာ လွတ်လပ်စွာဖန်တီးခွင့်မှာ နောက်ဆက်တွဲ ဘာ တာဝန်ယူမှုမှ မလို" ဆိုတဲ့အယူအဆကို လက်ခံဖို့ ပို ခဲယဉ်းနေပါလိမ့်မယ်။
အဲဒီလို လက်မခံနိုင်သူတွေကို မေးခွန်းပြန်ထုတ်စရာ ရှိတာက " အနုပညာရှင်က လက်ရာဖန်တီးမှုအပြင် သူ့လက်ရာအတွက် ဘာတာဝန်တွေ နောက်ဆက်တွဲ ယူပေးရဦးမှာလဲ" ဆိုတဲ့ မေးခွန်းပဲ ဖြစ်ပါတယ်။ လူတစ်ယောက်ဟာ သူ့ရဲ့ နိုင်ငံရေး/ လူမှုရေး/ ဘာသာရေး/ ဒေါသအမျက်/ ပြစ်မှုကျုးလွန်မှု/ တရားဥပဒေဖောက်ဖျက်ကျူးလွန်မှု/ ကုန်ပစ္စည်းထုတ်လုပ်မှုနဲ့ ကိုယ်ကျင့်တရားဆိုင်ရာ အပြုအမူတွေအတွက် လူမှုရေးအရဖြစ်စေ ကျင့်ဝတ်အရဖြစ်စေ တာဝန်ယူမှုတစ်ခုခု ရှိသင့်တယ်လို့ တခြားလူတွေက ပြောလာရင် ကျွန်တော် လက်ခံနိုင်ပါတယ်။ ဒါပေမဲ့ အနုပညာဖန်တီးမှုဆိုင်ရာနဲ့ အတွေးအခေါ်ဆိုင်ရာ အပြုအမူမျိုးတွေမှာ သူ့လက်ရာ သူ့လက်ရာအတွက် တာဝန်ယူမှုတစ်ခုခု ရှိသင့်တယ်လို့ ပြောလာရင် အဲဒီ အယူအဆကို လက်မခံဘူးလို့ ငြင်းဆန်ရပါလိမ့်မယ်။ လူတစ်ယောက်ဟာ အနုပညာနဲ့ အတွေးအခေါ်ဆိုင်ရာကိစ္စတွေမှာ သူ့လက်ရာ သူ့အယူအဆကို လွတ်လပ်စွာ ထုတ်ဖော်ပြသရုံကလွဲပြီး ဘာတာဝန်မှ ယူစရာ မလိုအပ်ဘူးလို့ ကျွန်တော် ယူဆပါတယ်။
ဒါဟာ " အနုပညာနဲ့ အတွေးအခေါ်ဆိုင်ရာ လွတ်လပ်မှုကိုကျတော့ အပြည့်အဝ အသုံးချလိုစိတ်ရှိပြီး လက်ရာ/အယူအဆနဲ့ ပတ်သက်တဲ့ တာဝန်ခံမှု/တာဝန်ယူမှုကျတော့ မလုပ်ချင်ဘူး။ ကျင့်ဝတ်စောင့်ထိန်းမှု မရှိဘူး" ဆိုတဲ့ သဘောမျိုး သက်ရောက်ကောင်း သက်ရောက်နေနိုင်ပါတယ်။
အခု "တာဝန်ယူမှု" ဆိုတဲ့ ကျင့်ဝတ်ဆိုင်ရာ စိတ္တဇနာမ်အကြောင်း/ အဲဒါနဲ့ ဆက်စပ်နေတဲ့ အပြုအမူ/လုပ်ငန်းနယ်ပယ်နဲ့ ကိုယ်ရည်ကိုယ်သွေးအကြောင်း ကျွန်တော်တို့ ဥပမာတွေနဲ့ ချိတ်ဆက် စဉ်းစားကြည့်ကြရအောင်ပါ။ ဥပမာဆိုပါစို့။
၁။ အိမ်သုံးဆေးဝါးထုတ်လုပ်ရေး ကုမ္ပဏီ ဒါမှမဟုတ် မီးဖိုချောင်သုံး စားသောက်ကုန်ပစ္စည်းထုတ်လုပ်ရေးလုပ်ငန်းတစ်ခု။ သူတို့ရဲ့ထုတ်ကုန်ပစ္စည်းတစ်ခုခုက စားသုံးသူရဲ့ရုပ်ပိုင်းကျန်းမာရေးနဲ့ အကျိုးစီးပွားကို တစ်နည်းနည်းနဲ့ ထိခိုက်နစ်နာစေမယ်ဆိုရင် ကုန်ပစ္စည်းထုတ်လုပ်သူက သူ ထုတ်လုပ်လိုက်တဲ့ ကုန်ပစ္စည်းအတွက် နောက်ဆက်တွဲတာဝန်ယူမှုတစ်ခုခု လုပ်ဆောင်ပေးသင့်ပါတယ်။ အဲဒီကျင့်ဝတ်ကို ကုန်ပစ္စည်းထုတ်လုပ်သူက လိုက်နာစောင့်ထိန်းသင့်တယ်လို့ တစ်ယောက်ယောက်က ပြောလာရင် ဒီကျင့်ဝတ်ဟာ လူအများလက်သင့်ခံနိုင်စရာ ကျင့်ဝတ်အမျိုးအစား/ တရားမျှတမှုရှိတဲ့ ကျင့်ဝတ်အမျိုးအစားလို့ ဆိုိုနိုင်ပါတယ်။
၂။ ဒါဆိုရင် သေနတ်ထုတ်လုပ်တဲ့ ကုမ္ပဏီနဲ့ အရက်ဘီယာ စီးကရက်ထုတ်လုပ်တဲ့ လုပ်ငန်းနယ်ပယ်မျိုးတွေမှာဆိုရင်ရော။ လူတစ်ယောက်က မောင်းပြန်သေနတ်တစ်လက်ဝယ်ပြီး စာသင်ကျောင်းထဲ ဝင်ပစ်လို့ အပြစ်မဲ့ ကျောင်းသားတွေ သေဆုံးသွားရမယ်ဆိုရင် ပြစ်ဒဏ်ကိုခံယူဖို့ သေနတ်သမားမှာ တာဝန်ရှိသလား/ သေနတ်ကုမ္ပဏီမှာ တာဝန်ရှိသလား။ လူတစ်ယောက်က သူ့ရွေးချယ်ဆုံးဖြတ်ချက်နဲ့သူ အရက်ဘီယာ စီးကရက်သောက်လို့ ကျန်းမာရေးထိခိုက်နစ်နာ အသက်အန္တရာယ် ဖြစ်ရတယ်ဆိုရင် ကာယကံရှင်မှာ တာဝန်ရှိသလား/ ကုန်ပစ္စည်းထုတ်လုပ်သူမှာ တာဝန်ရှိသလား။ ဒီလို တာဝန်ယူမှုနဲ့ ကျင့်ဝတ်ဆိုင်ရာ ပြဿနာမျိုးမှာ ကုန်ပစ္စည်းထုတ်လုပ်သူဖြစ်တဲ့ သေနတ်ကုမ္ပဏီနဲ့ အရက်ဘီယာ စီးကရက်ကုမ္ပဏီမှာပဲ အပြည့်အဝ တာဝန်ရှိတယ်လို့ ယူဆမယ်ဆိုရင် အဲဒီအမြင်ဟာ တရားမျှတမှု ရာနှုန်းပြည့် မရှိတဲ့/ လူတချို့စောဒက တက်ကောင်းတက်နိုင်ခြေရှိတဲ့ ကျင့်ဝတ်အမြင်မျိုး ဖြစ်နေလိမ့်မယ် ထင်ပါတယ်။
အထက်က ဥပမာ [၁] ပြဿနာမှာ တာဝန်ယူမှုနဲ့ ကျင့်ဝတ်စောင့်ထိန်းမှုဟာ စားသုံးသူရဲ့အကျိုးစီးပွားထိခိုက်နစ်နာမှု ရှိမရှိ အခြေအနေအပေါ် မူတည်စဉ်းစားရတာမျိုး ဖြစ်ပါတယ်။ ဥပမာ [၂] မှာတော့ စားသုံးသူရဲ့အကျိုးစီးပွား ထိခိုက်နစ်နာမှု ရှိနေတယ်ဆိုတာ မှန်ပါတယ်။ ဒါပေမဲ့ စားသုံး သူရဲ့တစ်သီးပုဂ္ဂလ ရွေးချယ်ဆုံးဖြတ်ချက်ကိုပါ ထည့်သွင်းစဉ်းစားလိုက်တဲ့အခါ မူလကုန်ပစ္စည်းထုတ်လုပ်သူရဲ့တာဝန်ယူမှုနဲ့ကျင့်ဝတ်ပိုင်းက ရာနှုန်းအထိုက်အလျောက် အလိုလို လျော့ကျပျက်ပြယ်သွားနိုင်တယ်ဆိုတဲ့အချက် ပေါ်လွင်လာပါလိမ့်မယ်။
အနုပညာလက်ရာ လွတ်လပ်စွာ ဖန်တီးမှုကိစ္စမှာဆိုရင်ရော။ လူသုံးကုန်ပစ္စည်းထုတ်လုပ်မှုလုပ်ငန်းတွေလို ကိုယ် ထုတ်လုပ်လိုက်တဲ့ လက်ရာပစ္စည်းအတွက် တာဝန်ခံမှု တာဝန်ယူမှု ရှိရမယ်/ ရှိသင့်တယ်ဆိုတဲ့ ကျင့်ဝတ်မျိုးကို အနုပညာသမားတွေက လိုက်နာစောင့်ထိန်းပေးရမှာလား။ တကယ်လို့ ကျင့်ဝတ်လိုက်နာစောင့်ထိန်းပေးရမယ်ဆိုရင် ၊ အဲဒီလို လုပ်ပေးသင့်စေတဲ့ အကြောင်းရင်း [ ဆိုလိုတာက အနုပညာလက်ရာ ခံစားသူရဲ့ရုပ်ပိုင်း စိတ်ပိုင်းကျန်းမာရေးနဲ့ အကျိုးစီးပွားထိခိုက်နစ်နာမှု] က ဘာတွေလဲ။
ကိုယ့်အမြင် ပြောရရင် အနုပညာဖန်တီးသူက သူ့လက်ရာအတွက် တာဝန်ယူမှုတစ်စုံတစ်ရာ လုပ်ပေးဖို့ ဒါမှမဟုတ် အဲဒီလိုကျင့်ဝတ်ကို စောင့်ထိန်းလိုက်နာစေဖို့အတွက် အနုပညာစားသုံးသူ ဒါမှမဟုတ် ဝေဖန်သူတွေမှာ ကြောင်းကျိုးခိုင်လုံတဲ့ ကျင့်ဝတ်ပိုင်းဆိုင်ရာ တန်ဖိုးစံနှုန်းနဲ့ အခြေခံစည်းမျဉ်းတွေ မရှိဘူးလို့ ယူဆပါတယ်။ လူ့အဖွဲ့အစည်းထဲက လူအများ သဘောတူနားလည်လက်ခံထားတဲ့ ကျင့်ဝတ်စည်းမျဉ်းမှန်သမျှဟာ " ဘယ်ကိစ္စမျိုးမှာ ဘယ်လိုတော့ ဖြစ်သင့်တယ်/ ဘယ်လိုတော့ မဖြစ်သင့်ဘူး" ဆိုတဲ့ တစ်သီးပုဂ္ဂလ လိုအင်ဆန္ဒ/ ထင်မြင်ယူဆချက်နဲ့ တန်ဖိုးစံနှုန်းသတ်မှတ်ချက်တွေကို အခြေခံလာတဲ့ အမြင်တွေသာ ဖြစ်ပြီး တကယ့် ပကတိအမှန်တရားတွေ ပကတိအရှိတရားတွေ မဟုတ်ဘူးဆိုတဲ့ အချက်ကို ထည့်သွင်းစဉ်းစားဖို့ လိုလိမ့်မယ်လို့လည်း ပြောချင်ပါတယ်။
အနုပညာရှင်က ပြင်ပလူမှုပယောဂ မပါဝင်စေဘဲ အနုပညာလက်ရာတစ်ခုကို သူ့ဘာသာ လွတ်လွတ်လပ်လပ် ဖန်တီးထုတ်လုပ်လိုက်တယ်။ အနုပညာခံစားသူက အဲဒီအနုပညာလက်ရာရဲ့ရသနဲ့အတွေးအခေါ်ကို စုပ်ယူစားသုံးတယ်။ အဲဒီထက်ပိုပြီး အနုပညာခံစားသူက အနုပညာရှင်ဆီကနေ ဘာတွေများ ထပ် တောင်းဆိုချင်သေးလို့လဲ။ ရုပ်ပိုင်းစိတ်ပိုင်း ကျန်းမာရေးထိခိုက်နစ်နာစေတဲ့ စားသောက်ကုန်ပစ္စည်းမျိုး ထုတ်လုပ်နေတာမဟုတ်လို့ အနုပညာဖန်တီးမှုကိစ္စမှာ ဘယ်လို တာဝန်ခံမှု အာမခံမှုမျိုးမှ လုပ်ပေးဖို့မလိုဘူးလို့ ယူဆပါတယ်။
အိမ်ထောင်သားမွေးအလုပ် လုပ်နေတာ မဟုတ်လို့ အနုပညာလွတ်လပ်စွာဖန်တီးမှုကိစ္စမှာ ဘယ်လို လူမှုရေးတာဝန်မျိုးမှ မရှိဘူး/မလိုဘူးလို့ ယူဆပါတယ်။ နိုင်ငံရေးလုပ်ကြံသတ်ဖြတ်မှု ပြစ်မှု ကျူးလွန်ခဲ့တာမဟုတ်လို့ အနုပညာကိစ္စမှာ ဘယ်လို တရားဥပဒေဆိုင်ရာ တာဝန်ယူမှုမျိုးမှ မရှိဘူး/မလိုဘူးလို့ ယူဆပါတယ်။ နျူကလီးယားလက်နက်ထုတ်လုပ်နေတာ မဟုတ်လို့ အသေခံဗုံးခွဲ အကြမ်းဖက်လုပ်ငန်းလုပ်နေတာမဟုတ်လို့ အနုပညာဖန်တီးမှုမှာ ဘယ်လို လူမှုရေးနဲ့ ကိုယ်ကျင့်တရားဆိုင်ရာ တာဝန်ယူမှုမျိုးမှ မရှိ/မလိုဘူးလို့ ယူဆပါတယ်။ အနုပညာရှင်တစ်ယောက်မှာ သူဖန်တီးလိုက်တဲ့ အနုပညာလက်ရာအတွက် တာဝန်ယူမှုတစ်စုံတစ်ရာ ရှိသင့်တယ်/ အနုပညာလွတ်လပ်စွာဖန်တီးမှုနဲ့ ဆက်စပ်နေတဲ့ ကျင့်ဝတ်ကို စောင့်ထိန်းလိုက်နာသင့်တယ်လို့ ထပ်တောင်းဆိုနေမယ်ဆိုရင် အဲဒီလို အနုပညာခံစားသူနဲ့ ဝေဖန်သူဟာ ဝိသမလောဘကြီးနေတာပဲလို့ ကိုယ် မြင်ပါတယ်။ ဒါ စကားအသုံးအနှုန်း ထိန်းပြောလိုက်တာပါ။
ကိုယ့်အမြင်ကို ဒီထက် ပိုပြီး လွတ်လွတ်လပ်လပ်ပြောရမယ်ဆိုရင် ဒါဟာ လောဘကြီးရုံတင်မက အနုပညာဖန်တီးသူရဲ့လွတ်လပ်စွာဖန်တီးခွင့်ကို " နောက်ဆက်တွဲ တာဝန်ယူမှု/ကျင့်ဝတ်" စတဲ့ သံမဏိနှောင်ကြိုးတွေနဲ့ လွှမ်းမိုးထိန်းချုပ်ဖို့ ကြိုးစားနေတာ/ အဲဒီလို နည်းလမ်းနဲ့ အနုပညာခံစားသူရဲ့ပါဝါကို တည်ဆောက်ဖို့ကြိုးစားနေတာ လို့ပဲ မြင်ပါတယ်။
အနုပညာခံစား/ဝေဖန်သူတွေအနေနဲ့ "အနုပညာရှင်တစ်ယောက်မှာ သူ့အနုပညာလက်ရာကို လွတ်လပ်စွာဖန်တီးခွင့် အပြည့်အဝ ရှိသင့်တယ်" ဆိုတဲ့ အယူအဆကို ဆန့်ကျင်ငြင်းဆန်ဖို့ တစ်နည်းအားဖြင့် အနုပညာရှင်ရဲ့တစ်သီးပုဂ္ဂလလွတ်လပ်ခွင့်ကို ထိပါးစော်ကားဖို့ အခွင့်အရေး လုံးဝမရှိပါဘူး။ အဲဒီအခွင့်အရေးကို ရယူမယ်ဆိုရင် အနုပညာရှင်ရဲ့လွတ်လပ်ခွင့်ကို ချိုးဖောက်ရာကျပါတယ်။ အနုပညာလွတ်လပ်စွာဖန်တီးခွင့် အယူအဆမှာ အရေးနိမ့်ခဲ့တဲ့ အနုပညာခံစား/ဝေဖန်သူတွေဟာ သူတို့ အရေးနိမ့်ဆုံးရှုံးခံလိုက်ရတဲ့ ပါဝါကို တခြားနည်းနဲ့ ပြန်ယူဖို့ " အနုပညာလက်ရာကို လွတ်လပ်စွာ ဖန်တီးခွင့် ရှိတယ်။ ဒါပေမဲ့ အနုပညာလက်ရာနဲ့ ပတ်သက်ပြီး တာဝန်ယူမှုတစ်ခုခု ရှိရမယ်/ အဲဒီကျင့်ဝတ်ကို စောင့်ထိန်းလိုက်နာရမယ်/ စောင့်ထိန်းလိုက်နာသင့်တယ်" ဆိုတဲ့ ကျင့်ဝတ်စည်းမျဉ်းသစ်တစ်ခု တည်ဆောက်ယူလိုက်တာ ဖြစ်ပါတယ်။ တစ်နည်းအားဖြင့် ပြောရရင် အနုပညာရှင်ရဲ့တစ်သီးပုဂ္ဂလလွတ်လပ်ခွင့်တွေကို ဒဿနရေးရာအရ လွှမ်းမိုးထိန်းချုပ်လို့ မရနိုင်လို့ တခြားနည်းနဲ့ နှောင့်ယှက်လွှမ်းမိုးထိန်းချုပ်ဖို့ ကြိုးစားနေတာပဲ ဖြစ်တယ်လို့ ယူဆပါတယ်။ သူတို့ရဲ့ စွက်ဖက်လွှမ်းမိုးထိန်းချုပ်လိုမှုကို စဉ်းစားဆင်ခြင်နိုင်စွမ်းမြင့်တဲ့ အနုပညာရှင်တွေက အလွယ်တကူ လက်ခံကြလိမ့်မယ်လို့ လျှော့တွက် ထင်မြင်နေကြလေသလားပဲ။ အဲဒီလို အနုပညာခံစား/ဝေဖန်သူတွေကို ပြောချင်တာ တစ်ခု ရှိပါတယ်။
တာဝန်ယူမှု/ကျင့်ဝတ်ဆိုတဲ့ စကားလုံးတွေကို သူ့အတိုင်းထားလိုက်ပါ။ အနုပညာဆီ သယ်မလာပါနဲ့။ လူသတ် လက်နက်ထုတ်လုပ်သူတွေနဲ့ အရက်ဘီယာ စီးကရက်ကုမ္ပဏီတွေကို တရား စွဲချင်ရင် သွားစွဲလိုက်ပါ။
အနုပညာနယ်ပယ်ထဲ လာမယ်ဆိုရင်တော့ ခင်ဗျားတို့ရဲ့တစ်သီးပုဂ္ဂလလိုအင်တွေ ကျင့်ဝတ်စည်းမျဉ်းတွေကို ပလက်ဖောင်းဘေး ရေနုတ်မြောင်းထဲ ပစ်ချထားခဲ့ပါ။ အနုပညာရှင်နဲ့ အနုပညာလက်ရာတွေနားကို ခင်ဗျားတို့ တည်ဆောက်ယူထားတဲ့ တန်ဖိုးစံနှုန်းတွေ ကျင့်ဝတ်စည်းမျဉ်း အမြင်တွေနဲ့ ချဉ်းကပ်မလာပါနဲ့။ အနုပညာဖန်တီးမှုကိစ္စက လွတ်လပ်ကျယ်ပြန့်ပါတယ်။ ခင်ဗျားတို့ ကိုင်စွဲထားတဲ့ အနုပညာအမြင်နဲ့ ကျင့်ဝတ်ဆိုင်ရာ တန်ဖိုးစံနှုန်းတွေက အာဏာရှင်ဆန်တဲ့အပြင် ကြောင်းကျိုးခိုင်လုံဆီလျော်မှု မရှိဘူးလို့ ကျွန်တော် မြင်ပါတယ်။
"ကဗျာဆရာ၊သူ၏အရေးအသားများနှင့် တာဝန်ယူမှု" - သရိုင်းတေးအိမ်
တာဝန်ယူမှုဆိုတာဘာလဲ ?
ကိုယ့်အပြုအမူ၊ အပြောအဆို၊ လုပ်ဆောင်ချက်တစ်ခုနဲ့ပတ်သက်ပြီး တစ်ပါးသူတွေအနှောင့်အယှက်ဆိုးကျိုးတစ်စုံတစ်ရာဖြစ်ခဲ့ရင် ကိုယ်ကဖြေရှင်းပေးရမယ်လို့ (လူ့အဖွဲ့အစည်း က) သတ်မှတ်ပေးထားတဲ့ အရာ လို့ ယေဘုယျ အဓိပ္ပါယ် ဖွင့်ဆိုလို့ရမယ်။ တာဝန်ယူမှုနဲ့အဓိပ္ပါယ်ဆင်တာတွေက ကိုယ့်ကျင့်တရား နဲ့ ကျင့်ဝတ် ဆိုတာတွေပဲ။ ကိုယ်ကျင့်တရား ရော၊ ကျင့်ဝတ်ရော၊ တာဝန်ယူမှုရောဟာ ဥပဒေလို တင်းတင်းကြပ်ကြပ် လိုက်နာကို လိုက်နာရမယ်လို့ချမှတ်ထားတဲ့ စည်းကမ်းချက်တွေမဟုတ်ပဲ လိုက်နာသင့်တယ်လို့ ပျော့ပျော့ပျောင်းပျောင်း အဆိုပြုထားတဲ့ စည်းကမ်းတစ်မျိုးပဲ။ ကိုယ့်ရှေ့မှာ လဲကျနေတဲ့ အမယ်အိုကို ထူပေးတာမျိုး၊ သူများစားနေသောက်နေတုန်း ဝေါ့ ထွီ ဆိုပြီး မလုပ်ရတာမျိုး တွေဟာ ကိုယ်ကျင့်တရားတွေကျင့်ဝတ်တွေ (လို့သတ်မှတ်ထားကြတာ) ဖြစ်ပြီး ကိုယ့်ဆိုင်ကယ်နဲ့တိုက်မိလို့ ဆေးခန်းပို့ပေးတာမျိုးကကျ တာဝန်ယူမှု (လို့သတ်မှတ်ထားကြတာ)ဖြစ်တယ်။
ဒီလိုဆို ကိုယ်ကျင့်တရားတွေ၊ ကျင့်ဝတ်တွေ၊ တာဝန်ယူမှုတွေက ဥပဒေနဲ့တင်းတင်းကြပ်ကြပ်ပြဠာန်းထားတာမဟုတ်ပေမဲ့ လူ့အဖွဲ့အစည်း ကြီးအတွက် အရေးပါတဲ့ လုပ်သင့်တဲ့ ရှိသင့်ရှိထိုက်တဲ့အရာတွေပဲ ဖြစ်တယ်လို့ ယေဘုယျယူဆလို့ရမယ်။ သို့သော် အဲ့ဒီကိုယ်ကျင့်တရားတွေ၊ ကျင့်ဝတ်တွေ၊ တာဝန်ယူမှုတွေဆိုတာက လူ့အဖွဲ့အစည်း ကိုရှေးရှုပြီး လူတွေတီထွင်ထားတဲ့ စည်းကမ်းတွေပဲ။ ဆိုလိုတာက ပြုသူ (subject) ထက် အပြုခံရသူတွေ (objects) ဘက်ကို မျက်နှာမူထားတဲ့ ဒဿနတွေပဲ။ ထိုကိုယ်ကျင့်တရားတွေ၊ ကျင့်ဝတ်တွေ၊ တာဝန်ယူမှုတွေက ပြုသူရဲ့ ဆန္ဒကို control လုပ်ထားပြီး အပြုခံရသူတွေနစ်နာမှုမရှိစေရန်၊ တနည်း လူ့အဖွဲ့အစည်းကြီးပိုကောင်းစေရန် လုပ်ဆောင်ပေးတယ်။ အဲ့အတွက် ကိုယ်ကျင့်တရားတွေ၊ ကျင့်ဝတ်တွေ၊ တာဝန်ယူမှုတွေဟာ လူ့အတ္တနဲ့ အမြဲရန်ဖြစ်နေရတယ်။ ဘာလို့လဲဆို လူ့အတ္တသဘောက ကိုအောင်သူရစကားနဲ့ပြောမယ်ဆို တိရစ္ဆာန်စိတ်လည်းရှိသလို စက်ရုပ်စိတ်လည်းရှိတဲ့အတွက်ပဲ။ ကိုယ်ကျင့်တရားတွေ၊ ကျင့်ဝတ်တွေ၊ တာဝန်ယူမှုတွေက လူသားကို စက်ရုပ်ဆန်ဆန် နေထိုင်ဖို့အလေ့အကျင့်တွေပေးပြီး လူ့အဇ္ဈတ္တထဲမှာ ကိန်းအောင်းနေတဲ့ (တိရစ္ဆာန် ဆန်တယ်လို့လည်းသတ်မှတ်ကြတဲ့) အတ္တ တချို့နဲ့ အမြဲ ထိပ်တိုက်တွေ့ကြရတယ်။ ဒီအပိုဒ်မှာ တာဝန်မှုဆိုတာက လူ့အဖွဲ့အစည်းအကျိုးငှါ ရှိသင့်တယ်လို့ လူတွေသတ်မှတ်ထားတဲ့ (လူ့အဖွဲ့အစည်း အတွက်တကယ်လည်းအကျိုးရှိတဲ့)၊ စက်ရုပ်ဆန်ဖို့ တွန်းအားပေးတဲ့၊ တစ်သီးပုဂ္ဂလအဇ္ဇျတ္တနဲ့ ရန်ဖြစ်ပြီးထွက်လာရတဲ့ အရာ ဆိုတာကို သတိထားစေချင်တယ်။
ကိုယ်မွေးထားတဲ့ကလေး ကိုယ်တာဝန်ယူရမယ်၊ ကိုယ်ကြောင့်ဖြစ်တဲ့ပြဿနာ ကိုယ်တာဝန်ယူရမယ် ဆိုတဲ့ တာဝန်ယူမှုတွေဟာ "ဒါ သဘာဝ ပဲ" လို့ပြောရလောက်အောင် တစ်သားတည်းဖြစ်နေခဲ့ကြပြီ။ လူ့အဖွဲ့အစည်း သာယာအေးချမ်းစွာနေထိုင်ဖို့ နှစ်ပေါင်းများစွာ အထောက်အကူပေးခဲ့/ပေးလျက်ရှိနေပြီ။ တချို့တာဝန်ယူ"သင့်"တယ်လို့ ယူဆခဲ့ကြတဲ့အရာတွေလည်း အခုဆို "တာဝန်ယူကိုယူရမယ်" လို့ ယူဆပြီး ဥပဒေ မှာထည့်သွင်းရေးဆွဲကြရတဲ့အထိပဲ။ ဒီအချိန်မှာ လူပညာရှိလိုလူ့အဖွဲ့အစည်းက အတိုင်းအတာတစ်ခုထိ အမှတ်ပေးထားတဲ့ စာရေးဆရာ၊ ကဗျာဆရာလိုလူမျိုးက ကိုယ့်အနုပညာဟာ ကိုယ်တာဝန်ယူစရာမဟုတ်ဘူးလို့ ဖွင့်ထုတ်ချခြင်းဟာ အတော်တော့ မထော်မနန်းနိုင်တဲ့ကိစ္စဖြစ်လာမှာပဲ။
အရေးအသားတွေနှင့်တာဝန်ယူမှု
ဆိုကြပါစို့ ဆရာဝန်တစ်ယောက်ရဲ့ ဆေးစာကြောင့် လူနာတစ်ယောက် အသက်ဆုံးရှုံးသွားရတယ်ဆိုကြပါစို့။ ထိုဆေးစာအရေးအသားကြောင့် သေရတာပါလို့ သက်သေပြနိုင်ရင် အဲ့ဆရာဝန်ထောင်ကျမယ့်ကိန်းပဲ။ ဘာလို့လဲဆို အဲ့အရေးအသားကြောင့်သေသွားတဲ့အတွက် အဲ့အရေးအသားကိုရေးသူ ဆရာဝန်က သူ့အရေးအသားအတွက်သူတာဝန်ယူရတဲ့သဘောပဲ။ ဒါဆို ဆရာဝန်ကကျ သူ့အရေးအသားကို တာဝန်ယူရပြီး ကဗျာဆရာက သူ့အရေးအသားကို သူတာဝန်မယူဘူးလို့ဘာကြောင့်ပြောရသလဲ။ အနုပညာသမားက ဘာကြောင့် သူ့အနုပညာကို တာဝန်မယူစရာမလိုတာလဲ?
တာဝန်ယူမှုဟာ အပေါ်မှာပြောခဲ့သလိုပဲ လူ့အဖွဲ့အစည်း အကျိုးအတွက်အရေးကြီးလှတာမှန်ပေမဲ့ တာဝန်ယူမှုဟာ universal truth မဟုတ်ဘူး၊ ခုချိန်ထိလည်း လူ့အတ္တနဲ့ ထိပ်တိုက်တွေ့နေရတုန်းပဲ (ဥပမာ-ကိုယ်ချစ်လို့ကြိုက်လို့ ရည်စားအဖြစ်တွဲခဲ့တဲ့ နှစ်ဦးသဘောတူ ကာမလည်းရယူခဲ့တဲ့ မိန်းကလေးကို လက်ထပ်ပြီးတာဝန်ယူရမယ်ဆိုတဲ့ တာဝန်ယူမှုလိုမျိုးပေါ့)။
အနုပညာသမား ဝါ ကဗျာဆရာဟာ (ကျနော်က ကဗျာသမားဖြစ်တဲ့အတွက် ကဗျာဆရာဆိုတဲ့အထိုင်ကပဲပြောသွားပါ့မယ်။) လူ့အဖွဲ့အစည်း အကျိုး ကိုဖြည့်ဆည်းပေးမည့်သူလို့ ခင်ဗျားတို့ယူဆနေသလား။ ကဗျာဆရာဟာ လူ့အဖွဲ့အစည်းကောင်းကျိုးအတွက် တီထွင်ထားတဲ့ ကိုယ့်ကျင့်တရား ၊ ကျင့်ဝတ် တွေကို ထပ်မံဖြည့်ဆည်း ကူညီလည်ပတ်ပေးမယ့်သူလို့ ခင်ဗျားတို့ ယူဆနေပါသလား။ ကဗျာဆရာဟာ အဲ့စက်ရုပ်ဆန်တဲ့ အပြုအမူတွေကိုအားပေးဖို့ချည်း ကဗျာရေးရသလား။ အင်း . . . ဟုတ်တယ် အဲ့တာတွေအတွက်ပဲ ကဗျာရေးရတာလို့် ယူဆရင်တော့ စာကိုဆက်မဖတ်ဖို့ပဲ ကျနော် တိုက်တွန်းပါရစေ။
ကဗျာဆရာဟာ လူ့အဖွဲ့အစည်းကောင်းစားဖို့အတွက် ကောင်းခြင်းတွေကိုပဲချပြတဲ့ လူသားကိုစက်ရုပ်ဆန်ဆန် လည်ပတ်စေတာတွေကိုပဲရေးတဲ့ သူမဟုတ်ဘူး။ ကဗျာဆရာဟာ လူသားရဲ့ တိရစ္ဆာန် စိတ်ရော၊ စက်ရုပ်ဆန်ဆန်တွေရော သူရေးချင်တာရေးမှာပဲ။ ကဗျာဆရာဟာ လူ့အဖွဲ့အစည်း ကောင်းကျိုးအတွက် ကဗျာရေးရတာပါလို့ အာမဘန္ဒေခံထားတာမဟုတ်ဘူး။ အနုပညာသည်ပြည်သူ့အတွက်မဟုတ်ဘူးဆိုတာလည်း ဟိုရှေးရှေးမှာ ပြီးခဲ့ပြီ။
အိုကေ ... ဒါဆိုရင် အပေါ်မှာ ဥပမာပြခဲ့တဲ့ ဆရာဝန်ရဲ့အရေးအသားတာဝန်ယူမှုနဲ့ အခုပြောနေတဲ့ကဗျာဆိုသူရဲ့အရေးအသားတာဝန်ယူမှု တို့ကို ယှဉ်ပြီးစဉ်းစားကြည့်ရအောင်။ သူ့အရေးသားကြောင့် သေဆုံးသွားရတဲ့အတွက် ဆရာဝန်ဟာ တာဝန်ယူရတယ်။ ထောင်နန်းစံရတယ်။ ဒီနေရာမှာ ကဗျာဆရာနဲ့ ဆရာဝန်ရဲ့ မတူတဲ့အချက်က သူတို့ရဲ့အခန်းကဏ္ဍပဲ။ ကဗျာဆရာဟာ လူ့အဖွဲ့အစည်း အကျိုးအတွက် ဖြည့်ဆည်းပေးရတဲ့ ကဏ္ဍကို တရားဝင်ယူထားတာမဟုတ်ဘူး။ ဆရာဝင်ကတော့ လူ့အဖွဲ့အစည်း အကျိုးကိုဖြည့်ဆည်းပေးရတဲ့ ကဏ္ဍကို သူကိုယ်တိုင်ကတရားဝင်ရယူထားတာဖြစ်တယ်။ သူ့ရဲ့အလုပ်က လူတွေရောဂါဘယပျောက်ကင်းဖို့ဖြစ်တယ်။ သူ့ရဲ့ကဏ္ဍသူ့ရဲ့အလုပ်နဲ့ ဆန့်ကျင်စွာ လူသေစေမိတဲ့အတွက် သူ့မှာတာဝန်ရှိသွားရတာပါ။ ဒါပေမဲ့ ကဗျာဆရာကတော့ ဆရာဝန်လို တရားဝင်ရယူထားတဲ့ကဏ္ဍမရှိပါဘူး။ အစကတည်းက သူရေးချင်တာရေးမှာလို့ ကြိုမပြောပေမဲ့ကြိုပြောထားသလိုပဲ၊ ကဗျာဆရာက သူရေးချင်တာရေးမှာပါ။ ဖတ်တဲ့သူကိုလည်း ဖတ်ပါ ဖတ်ပါလို့ အတင်းအဓမ္မတိုက်တွန်းနေတာမဟုတ်ဘူး။ ဒီနေရာမှာ ကဗျာဆရာ ယူထားတဲ့ပါဝါဟာလည်း ဆရာဝန်နဲ့မတူပါဘူး။ ဆေးပညာ/ကျန်းမာရေးနဲ့ပတ်သက်လို့ လူနာနဲ့ဆရာဝန်ကြားမှာ ဆရာဝန်က Auto ပါဝါအပြည့်နီးပါး ကိုင်ထားပြီးသားဖြစ်နေတာ (လူနာကအပ်နှင်းပြီးသားဖြစ်နေတာ) ။ ကျန်းမာရေး/ဆေးပညာနဲ့ပတ်သက်ပြီး ပါဝါအပြည့်နီးပါးရှိထားသူတစ်ယောက်ရဲ့ဆေးစာ (အလွဲ)ကြောင့် သူ့ပါဝါသူ့ကဏ္ဍနဲ့အချိုးညီစွာ တာဝန်ယူရသလိုဖြစ်သွားတာ။ ကဗျာဖတ်သူနဲ့ကဗျာဆရာကြားမှာတော့ ကဗျာဆရာက ထူးပြီးပါဝါကြီးမနေပါဘူး။
ဒါတွေကို စာဖတ်သူတုံ့ပြန်မှုသီအိုရီတွေ၊ ဘာသာစကားအနက်ပြန်ပုံတွေ၊ စာရေးဆရာသေဆုံးချင်းလို အယူအဆတွေကနေ အတော်အတန်ရှင်းပြပြီးပါပြီ။ ကဗျာဆရာရဲ့ ကဗျာတစ်ပုဒ် ကြောင့် လူတစ်ယောက် က ကိုယ့်ကိုယ်ကို သတ်သေသွားတယ်ဆိုရင်တောင် ထိုကဗျာဆရာမှာ တာဝန်ရှိမနေတော့ဘူး။ နောက်ပြီး တာဝန်ယူမှုဆိုတာ တစ်သီးပုဂ္ဂလ အဇ္ဇျတ္တနဲ့ ရန်ဖြစ်ပြီးမှထွက်လာရတယ်လို့ ယူတဲ့အတွက် ကဗျာဆရာရဲ့အဇ္ဇျတ္တကိုထုတ်ဖော်ရေးသားမှုတွေဟာ တာဝန်ယူမှုနဲ့ ထိပ်တိုက်တွေ့နေတယ်။ ကဗျာဆရာတစ်ယောက်ကို ခင်ဗျားအရေးအသားတွေနဲ့ပတ်သက်ပြီး ခင်ဗျားတာဝန်ယူရဲသလားလို့ မေးတာဟာ လူ့ရဲ့အဇ္ဇျတ္တ(တိရစ္ဆာန် စိတ်လိုမျိုးလည်းဖြစ်နိုင်) တွေ နှိုက်ထုတ်ရေးသားနေသူကို လူ့အဇ္ဇျတ္တရဲ့ရန်ဖက်ဖြစ်တဲ့ အဖွဲ့အစည်းအကျိုး ရှေးရှုမှုထဲပြန်သွင်းလိုက်သလိုပါပဲ။ ခင်ဗျားဘာသာ အဇ္ဇျတ္တပဲရေးရေး ဘာပဲရေးရေး လူ့အဖွဲ့အစည်း အကျိုးစီးပွားကိုဆန့်ကျင်နေရင် တာဝန်ယူ/တာဝန်ခံရမှာပဲ လို့ပြောလာတာဟာ ခင်ဗျား လူ့အဖွဲ့အစည်း အကျိုးစီးပွားကိုဆန့်ကျင်နေတဲ့ အဇ္ဈတ္တတွင်းက တိရစ္ဆာန် စိတ်တွေ မရေးရဘူးလို့ ကန့်သတ်လိုက်တာနဲ့အတူတူဖြစ်သွားတယ်။
- အောင်ရင်ငြိမ်း
