အမေး ။ ။ ကျွန်တော့်ကို ကဗျာစရေးသူလူငယ်များက ကဗျာဗေဒနဲ့ပတ်သက်၍မေးခွန်းများ မကြာခဏမေးလေ့ရှိပါသည်။ အမှန်အတိုင်းဝန်ခံရပါလျှင် ကျွန်တော်တို့မြန်မာရိုးရာကဗျာများတွင် တိကျမှန်ကန်သောကဗျာဗေဒစနစ်ရှိပါသည်။ မော်ဒန်ကဗျာများနှင့်ပတ်သက်၍ တိကျသော ကဗျာဗေဒစနစ်ရှိမရှိ ကျွန်တော်မသိပါ။ (ယောင်ဝါးအာရွှီးများလည်းတွေ့ရပါသည်) ထို့အပြင် ကျွန်တော်ရေးနေသော ကဗျာများသည် ရိပ်ဖမ်းသံဖမ်းမျှသာဖြစ်ကြောင်း ရိုးသားစွာဝန်ခံပါသည်။ မြန်မာပြည်တွင် ဆရာကြီးများရေးနေသော ကဗျာများသည်နှလုံးသားသက်သက် ဖွင့်ဆိုချက်ဟုသာ ကျွန်တော်ထင်မြင်မိပါသည်။ ယေဘူယျအားဖြင့် မော်ဒန်ကဗျာသည်ပြည်ပနိုင်ငံများမှ ဆင့်ပွါးကူးလူးဆက်ဆံစီးဝင်မှု့များဟု သိရှိထားပါသည်။ ထို့ကြောင့် လူငယ်များမေးနေသော မေးခွန်းများကို ကျွန်တော်လည်း နည်းစပ်ရာ လက်လှမ်းမီရာ ဆရာသမားများကိုမေးခဲ့ဘူးပါသည်။ သို့သော် သူတို့အဖြေကိုကျေနပ်မှုမရ၍ပြန်မဖြေခဲ့ပါ။ လူငယ်များ၏မေးခွန်းများက (1) ခေတ်ပေါ်/ခေတ်ပြိုင်/မော်ဒန်ကဗျာရေးဖို့ ဘာကိုစတင်လေ့လာရမလဲ။ (2) ကျန်တော်အခုရေးနေတဲ့ကဗျာပုံစံများက ဘယ်အမျိုးအစားထဲတွင်ပါဝင်နေသလဲ။ ကျွန်တော်လက်လှမ်းမှီသလောက်လေ့လာနေပါသည်။ ရင်ထဲ၌လည်းအောက်ပါမေးခွန်းများ မကြာမကြာမေးနေလေ့ရှိပါသည် ။ (1) ခေတ်ပေါ်မော်ဒန်အနောက်တိုင်းကဗျာများ မှာတိကျတဲ့ဝါကျတည်ဆောက်ပုံကအစ တက္ကနစ်နဲ့သီအီုရီရှိပါသလား? (2) မြန်မာမော်ဒန်ကဗျာတွေမှာ တိကျတဲ့ဝါကျတည်ဆောက်ပုံကအစ အမျိုးအစားမှန်ကန်စွာခွဲခြားပြနိုင်ပါသလား?
အဖြေ ။ ။ ပထမဆုံး မေးခွန်းဖြစ်တဲ့ ခေတ်ပေါ် ခေတ်ပြိုင် မော်ဒန်ရေးဖို့ ဘာကိုလေ့လာရမလဲဆိုတာကျွန်တော်ဖြေကြည့်မယ်။ မေးခွန်းမှာ ခေတ်ပေါ် /ပြိုင်/ မော်ဒန်ဆိုတာပါနေတော့ သုံးမျိုး လို့ယူဆပါတယ်။ မဖြေခင် ကဗျာတခုချင်းဆီ အဓိပ္ပါယ်သတ်မှတ်ချင်တယ်။ ခေတ်ပေါ်ဆိုတာ မြန်မာခေတ်ပေါ်ကို ရည်ညွန်းတယ်လို့ယူဆပါတယ်။ အဲဒီလိုသာမြန်မာခေတ်ပေါ်ကဗျာကိုသာပြောရင်တော့ ခေတ်ပေါ်စတင်ရာ ဆရာဦးသာနိုးရဲ့ထင်းရူးပင်ရိပ် (၁၉၆၈) ကိုဖတ်ရူလေ့လာသင့်ပါတယ်။ ဘာကြောင့်လဲဆိုတော့ ခေတ်ပေါ်မြစ်ဖျားခံရာ ဖြစ်လို့ပါ။ အဲဒါအပြင် ဘောင်းဘီဝတ်မိုးတိမ်ကို ချန်ထားလို့မရပါဘူး။ ဆရာမောင်သစ်မင်းရဲ့ သုံးယောက်ကောင်းကင်ဟာ အရှေ့ဥရောပ ကဗျာဆရာ(၃)ယောက်ရဲ့ကဗျာတွေဟာ အဲဒီတုန်းက မြန်မာခေတ်ပေါ်ဆရာတွေ လွှမ်းမိုးခံရတဲ့ ကဗျာစာအုပ်ပါ။ ဒီနေရာမှာ ဆရာသစ္စာနီရဲ့ မြင်းစိုင်းသူများကို ချန်ထားမရပါဘူး။ ဆရာဦးအောင်ချိမ့်ပြောခဲ့သလို ခေတ်ပေါ်ကဗျာဟာ တဦးကိုတဦး လေ့လာ (ဝါ) ကြည့်ရေးခဲ့ကြတယ်လို့ဆိုလေတော့ ခေတ်ပေါ်ရဲ့ခေါင်းကိုင်အဖတွေဖြစ်တဲ့ ဆရာမောင်ချောနွယ်၊ အောင်ချိမ့်၊ သုခမိန်လှိုင်၊ ဖော်ဝေး တို့ရဲ့ကဗျာတွေ လေ့လာကြရမှာဖြစ်တယ်။ ဒါ့အပြင် ဆရာနေမျိုး ပိုင်စိုးဝေ (ယခင်) မောင်ပြည့်မင်း (ယခင်) ခင်အောင်အေး တို့ကအစ ဝင်းမြင့်၊ မိုးဝေး၊ စိုင်းဝင်းမြင့်တို့အထိ လေ့လာသင့်ပါတယ် ။ သီအိုရီအနေနဲ့သတ်မှတ်ချက်တချို့ပေါ်ထွက်လာခဲ့ပါတယ်။ ရှောင်ရမယ့်ချောက်ကမ်းပါးများ၊ မျဉ်းသဘောထက် အကွက်သဘောဆောင်မှု စသည်တို့ဟာ ဖွံ့ဖြိုးလာတဲ့ ခေတ်ပေါ်ကဗျာအပေါ် ကိုယ့်နည်းကိုယ်ဟန်နဲ့သီအိုရီဖန်တီးဖို့ကြိုးစားခဲ့တယ်လို့ ကျတော်ယူဆပါတယ်။ (ကဗျာလောက၏ ဇင်နိုးကြူး အထူးထုတ်တွင်လေ့လာနိုင်ပါတယ်)။ ဒါဆို သူတို့ရေးတာဟာ မြန်မာခေတ်ပေါ်ကဗျာဆိုရင် ကမ္ဘာ့ကဗျာရဲ့ ဘယ်နေရာမှာရှိနေသလဲလို့မေး ရမှာဖြစ်တယ်။ ကျွန်တော်ဆက်ပြောပါမယ်။ မြန်မာခေတ်ပေါ်ကဗျာအစောပိုင်းကာလကဗျာတွေဟာ ကမ္ဘာ့ ရေစီးဘယ်နေရာမှာရှိသလဲဆိုရင် ကျွန်တော်တို့ပြန်မေးရမှာက ထင်းရူးပင်ရိပ်ထဲ ဘယ်လိုကဗျာအမျိုးအစားတွေပါခဲ့သလဲဆိုတာပါ။ ထင်းရူးပင်ရိပ်ထဲ ရိုမန်းတစ်ခ်ကဗျာတွေအဓိကပါဝင်ပြီး သင်္ကေတကဗျာ ရုရှားဆိုရှယ်ရီရာယ်လစ်ကဗျာတွေနဲ့ ပြင်သစ်အကျော်အမော်နည်းနည်းပါဝင်ပါတယ်။ မော်ဒန်ထဲက နှစ်ဦးလောက်သာပါတယ်။ အဲဒီထဲကမှ အမေရိကန်ဆိုလို့ အဲလီယော့ တယောက်ပဲပါတယ်။ ဒါဆိုကျတော်တို့ကဗျာဆရာတွေ ထင်းရူးပင်ရိပ်က ဘာရခဲ့သလဲဆိုတော့ ရိုမန်းတစ် ၊သင်္ကေတ ၊ တော်လှန်ရေး ကဗျာစတဲ့ အကျိုးဆက်တွေခံစားခဲ့ရတယ်။ ကာရန်ကို လုံးလုံးစွန့်ရဲဖို့ဖြစ်လာတယ်။ ဒီလိုလည်းရေးလို့ရပါလားဆိုတာသိသွားတယ်။ လေးလုံးစပ်ရဲ့ဘောင်ကို ကျဉ်းလို့ကစားရခက်နေတဲ့ကဗျာဆရာတွေအတွက်တော့ ထင်း၇ူးပင်ရိပ်ဟာ တံခါးတချပ်ဖြစ်ခဲ့တယ်။ ဒါပေမယ့် လိုင်းတို တည်ဆောက်မှုအားနည်းသွားတယ်။ တကြောင်းတဝါကျဟန်ပုံသေဖြစ်သွားတယ်။ အမျိုးသမီးကဗျာဆရာမ ထင်းရူးပင်မှာမပါလို့အမျိးသမီး ကဗျာပေါ်ထွက်ဖို့အားလျှော့သွားတယ်။ ထင်ရူးပင်ရိပ်ဟာ တအုပ်လုံးကို ဟန်တခုတည်းနဲ့ပြန်ထားတာဖြစ်လို့ အဲဒီဟန်ဟာခေတ်ပေါ်ကဗျာဟန်အဖြစ် အတည်ပြုပေးလိုက်သလိုဖြစ်သွားရတယ်။ ဒါဆိုရင် ခေတ်ပေါ်ကဗျာထဲရေးသူမသိပဲပါသွားတဲ့ သီအိုရီတွေရှိနေမလားမေးရင် ရှိတယ်လို့ ကျွန်တော်ဖြေမယ်။ ကျွန်တော် အဲဒါလေးဆက်ပြောမယ်။
ခေတ်ပေါ်ကဗျာတွေဟာအများအားဖြင့် ပုဂ္ဂလအမြင်နဲ့ခံစားမှုဖေါ်ကြူးနိုင်ခဲ့တယ်။ ဖေါ်ပြခံစား Declarative Lyric ရော နေရာတခုကိုစူးစိုက်ပြီး ဒဿနနဲ့ညှိတဲ့ Meditative Lyric ပါ နိုင်နင်းသုံးစွဲခဲ့တယ်။ ပထမလူ ဇာတ်ကြောင်းပြောမှုကို အရေးများပေမယ့် အသွင်ယူ ဒရာမက်တစ် မိုနိုလော့ခ်တွေ သုံးလာခဲ့တယ်။ စိတ်ထဲကနာကျင်လို့ ပြည့်လျှံလာတဲ့ ရိုမန်းတစ်ခ်သီအိုရီ spontatineous over flow ရော အနောက်တိုင်းနီယိုမော်ဒန် ဖွင့်ဟဝန်ခံကွန်ဖက်ရှင်းအရေးအသားတွေဟာ ခေတ်ပေါ်ကဗျာဆရာတွေနိုင်နင်းတဲ့ဟန်တွေပါ။ ဒါပေမယ့် ၆၈ ထင်ရူးပင်ရိပ်ဟာ ခေတ်ပေါ်ကဗျာဆရာတွေကို ကမ္ဘာ့မော်ဒန်နဲ့နီးစပ်အောင်မလုပ်ပေးနိုင်ခဲ့ဘူး ။ ဘာတွေကဝေးကွာသွားစေခဲ့သလဲဆက်ပြောမယ်။ ပြင်သစ်ဘက်က အထင်ကရတွေထဲ ထင်းရူးပင်ရိပ်မှာ ၃ ယောက်ပါတယ်။ အပိုလီနာရေး ၊မာလာမေ၊ ဘော်လဒဲလ်ယား တို့ပါ။ မာလာမေအတွက်ပြောစရာမရှိပေမယ့် အပိုလီနာရေးနဲ့ ဘော်ဒလဲယားကို ပြောစရာရှိတယ်။ အနောက်တိုင်းမော်ဒန်ကဗျာထဲမှာ ပုံစံအရ လိုင်းဖြတ်မဟုတ်တဲ့ အခြားသောပုံစံတွေပါသေးတယ်။ ဥပမာ အက်ဇရာပေါင်း(ဒ) အိုင်ဒီယိုဂရမ်တရုတ်စာလုံးလက်ရေးလှ ၊ အပိုလီနာရေး ဦးဆောင်တဲ့ ကွန်ကရိအမြင်ကဗျာနဲ့ ဘော်ဒလဲားနာမည်ကြီးတဲ့ စကားပြေကဗျာတို့ဖြစ်တယ်။ ထင်ရူးပင်ရိပ်မှာ အမေရိကန်မော်ဒန်ခေါင်းကိုင် ပေါင်း(ဒ) မပါလို့ အိုင်ဒီယိုဂရမ်လက်ရေးလှနဲ့ဝေးသွားတယ်။ အပိုလီနာရေးပါပေမယ့် ဘာသာပြန်သူက ကွန်ကရိကဗျာဟန်ကိုမကြိုက်လို့မပြန်ဖြစ်ခဲ့ဘူးဆိုတယ်။ ဘော်ဒလဲယားပါပေမယ့် သူ့အမှတ်အသားစကားပြေကဗျာကိုမပြန်ခဲ့ဘူး။ ဒီသုံးချက်ဟာမြန်မာခေတ်ပေါ်ကဗျာကို မော်ဒန်နဲ့ဝေးစေခဲ့တယ်။ အနောက်တိုင်းမော်ဒန်ကဗျာရဲ့အားကြီးတဲ့ထောင့်တိုင်နှစ်ခုဟာ ကွာစီပါဒ နဲ့အမြင်ကဗျာပဲ။ quasi stanzaic ဆိုတာ ပါဒအတိအကျသတ်မှတ်မရတဲ့ ကဗျာစာကြောင်းတွေပါ။ တကြောင်းတပါဒကနေ စကားပြေကဗျာလို တပုဒ်တပါဒထိအကြုံးဝင်ပါတယ်။ ဒါကမော်ဒန်အမှတ်အသားပါပဲ။ ဒါပေမယ့်ခုထိကျတော်တို့အသုံးမချနိုင်သေးဘူး။ နောက်တခုက အဲလီယော့မော်ဒန်နည်းစနစ်ဖြစ်တဲ့ မတူကွဲပြားရည်ညွန်း zigzag allusion စာကြောင်း နဲ့ ဌါပနာအရေးအသား allegory ကိုအသုံးပြုနည်းသီအိုရီ ထင်ရူးပင်ရိပ်မှာမပါလို့ကျတော်တို့ကဗျာဆရာတွေနဲ့ဝေးခဲ့တာပါ။ ကျတော်တို့ခေတ်ပေါ်ဟာ ထင်ရူးပင်ရိပ်က prose cut တည်ဆောက်ပုံကိုတော့အသေချာရခဲ့တယ်။
တကယ်တော့ ၆၈ ထင်းရူးပင်ရိပ်ထွက်ပြီး ၉၀ ခုနှစ်များမှာ ဦးသာနိုးရဲ့တောမှော်ရုံလမ်းထွက်လာတယ်။ မြန်မာကဗျာဟာ ခေတ်ပေါ်ဒီရေအမြင်ဆုံးဖြစ်နေလေတော့ တောမှော်ရုံဟာ ကဗျာဆရာတွေကိုမပံ့ပိုးနိုင်ခဲ့ဘူး။ထင်ရူးပင်ရိပ်မှာ အမေရိကန်တယောက်သာပါပေမယ့် တောမှော်ရုံမှတော့ အင်မလီဒစ်ကင်ဆင် နဲ့ဆားဗီးယားပလာ့(ဖ) တို့လို နီယိုမော်ဒန်နစ်တွေအထိပါဝင်လာတယ်။ ဝေ့ါဝှစ်(တ)မင်း ပါလာတယ်။ အမေရိကန်တွေပါလာပေမယ့် အဲဒီလူတွေဟာ မော်ဒန်ကဗျာနဲ့မဆိုင်တဲ့သူတွေဖြစ်နေတယ်။ ရှေးမတ်ဟေနီ ၊လူးဝှစ်မက္ကနေ့စ် တို့ပါလာပေမယ့် မော်ဒန်အိုင်ကွန်တွေမဟုတ်ကြဘူး။ ပြန်ကြည့်ရင် လူးဝှစ် တို့ထက်ပိုတင်ပြသင့်တဲ့ ဝှစ်လမ်ကားလို့၊ ဝေါလေ့စ်စတီဗင်၊ အိတ်ခ်ျဒီ၊ ပေါင်း(ဒ) ၊ မိုး၊ စတိုင်းတို့ဟာ နှစ်ပေါင်းသုံးဆယ်အတွင်းထုတ်တဲ့ စာအုပ်နှစ်အုပ်ထဲမပါဝင်ခဲ့တာ ခေတ်ပေါ်ဆရာတွေလေ့လာခွင့်မရခဲ့ဘူးဆိုရမယ်။ အကယ်၍သာသူတို့ကို ပထမထင်းရူးပင်ကတည်းကပါခဲ့ရင် မြန်မာကဗျာလမ်းကြောင်းတမျိုးဖြစ်သွားနိုင်တယ်။ ပါဝင်သူတွေကြည်ြ့ပီး ဘာသာပြန်သူရဲ့မူရင်း အန်သော်လော်ဂျီဟာ အင်္ဂလိပ်မူဖြစ်ဖို့များတယ်။ နောက်ထပ်အရေးကြီးတဲ့တချက်က မြန်မာကဗျာကာရန်မဲ့ဖြစ်တာနဲ့ခေတ်ပေါ်ကဗျာစတင်တာနဲ့overlapping ထပ်နေတယ်။အနောက်ကဗျာက ကာရန်မဲ့ဖြစ်ပြီးပုံရိပ်ဝါဒ (imagist group) ပေါ်သေးတယ် ။ အဲဒီကမှ မော်ဒန်ကိုသွားတယ်။ ပထမမေးခွန်းရဲ့အဖြေကိုဒီမှာပဲအဆုံးသတ်ပါရစေခင်ဗျာ။
ဘယ်လိုလေ့လာရမလဲဆိုတဲ့အဖြေကတော့ အထက်ကပြောတဲ့ဆရာကြီးတွေရဲ့ကဗျာတွေဖတ်ဖို့ပဲ နောက်တယောက်က မန္တလေးသိန်းဇော် ရဲ့ကဗျာတွေဟာ ခေတ်ပေါ်မှာ သိပ်သြဇာရှိခဲ့တဲကဗျာတွေပါ။ သူ့ဟန်ကိုလေ့လာဖို့တိုက်တွန်းချင်တယ်။ မြန်မာခေတ်ပြိုင်နဲ့ပတ်သက်ပြီး ဘာကြေငြာ စာတမ်းအဓိပ္ပါယ်သတ်မှတ်ချက်မှ ကျတော်မဖတ်ဖူးပါ။ ခေတ်ပေါ်နဲ့ကွဲပြားလို့ သူများကပေးထားသောအမည်တမျိုးဟုသာမြင်ပါသည်။ သို့သော် သူတို့ကဗျာများသည်လည်း ခေတ်ပေါ်နဲ့မကွဲပြားပါ။ အနောက်တိုင်းမော်ဒန်ကိုလေ့လာမယ်ဆိုရင်ကျတော့်စာအုပ်နှစ်အုပ်ကိုသာဖတ်ကြပါ ခင်ဗျား ။
မော်ဒန်ကဗျာ ဘယ်လိုတည်ဆောက်ကြသလဲဆိုတာလေးဖြည့်မယ် ။ အက်ဇရာပေါင်းက တရုတ် လက်ရေးလှအိုက်ဒီယိုဂရမ် ၊ ဟိုက္ကူဆန်တဲ့ကဗျာတို့ကို မတူကွဲပြားနေရာချတည်ဆေက်တဲ့ juxtaposition နည်းကိုသုံးတယ်။ အဲလီးယော့က ခရိယာန်ကျမ်းစာလာသင်္ကေတတွေကိုဖြတ်ဆက် Cento နည်း Allusion ရည်ညွှန်း Allegory ဌါပနာ နည်းတွေသုံးတယ်။ မေရီအန်းမိုးက အသေးစိတ်နဲ့ နမိတ်အပြင်းစားတွေကိုပြတ်ရွေ့ dropped line တွေနဲ့ဖွဲ့တယ်။ ဂါးထရုစတိုင်းက ကဗျာကိုပန်းချီဆွဲသလို square off ရေးပြီး လေးထောင့်စပ်စပ် စကားပြေထဲထည့်တယ်။ အိတ်ခ်ျဒီက သင်္ကေတအားပြု ဂရိ ဒဏ္ဌာရီ ။ ဝီလီယံကားလို့စ်က လိုင်းတို ဆန်းသစ်ဟန် ၊ ဝေါလေ့စတီဗင်က နေ့စဉ်သုံးစကား စသည်ဖြင့်ပေါ့လေ။ လိုင်းဖြတ်မီတာ မသုံးတော့ပဲ prose cut ရော prose ပါ ရေးကြတယ်။ "မော်ဒန်နစ်ဇင်ထဲမှာ ဆူရီရယ် ၊ အနာဂတ်ဝါဒ ၊ ဗော်တိုင်းဇင် ၊ တည်ဆောက်ရေးဝါဒ ၊ ဆူပရီမက်တစ်ဇင် ၊ ဆိုရှယ်ရီးရာယ်လစ်ဇင်စသည်ဖြင့်ပါဝင်ကြပါတယ်။ "
- ဇော်ဇော်ထွန်း ၊ အောင်ငြိမ်း
