ဂရိလူမျိုးတွေရဲ့ အခေါ်အရတော့ "Lipogrammatos" လို့ခေါ်တယ်။အဓိပ္ပါယ်ကတော့ "စာလုံးများပျောက်ရှခြင်း" "missing letter" လို့အဓိပ္ပါယ်ရတယ်။ ဒါက "ဘောင်သွင်းအရေးအသား" လို့ ကျွန်တော်အမည်ပေးထားတဲ့(Constrained Writing) တွေပါပဲ။ တနည်းအားဖြင့်တော့ "word game" တွေပါပဲ။မပါမဖြစ် စာလုံးတစ်လုံးကို ရှောင်ပြီး ခဲရာခဲဆစ်နဲ့ ဝါကျတွေ၊ ကဗျာတွေနဲ့ ဝတ္ထုတွေကိုတည်ဆောက်ပါတယ်။ အဓိက ပစ်မှတ်ထားတဲ့ စာလုံးကတော့ "E" ပါပဲ။ ဘုံ "သရ"အနေနဲ့ရော၊ အများဆုံးအသုံးပြုတဲ့ စာလုံးအတွက်ရော "E" ကို ရှောင်လွှဲဖို့ဟာမဖြစ်နိုင်ဘူးလို့ ထင်ရတဲ့ ကိစ္စတစ်ခုပါပဲ။ "Z", "J","Q", "X" တို့ကို ရှောင်ကွင်းရေးဖို့ကတော့ သိပ်ခက်ခဲမှာ မဟုတ်ပါဘူး။
ဒါပေမယ့် "E", "T" နဲ့ "A" ကိုမြှုပ်ပြီးရေးရတဲ့ကိစ္စကတော့ မလွယ်လှပါဘူးဆိုတာလူတိုင်းအသိပါပဲ။ ရေးတဲ့သူဟာ အဲဒီစာလုံးတွေကို ရှောင်ကွင်းဖို့အတွက် အဓိကဝေါဟာရတွေကိုလည်းရှောင်ရပါတယ်။ အဓိကဝေါဟာရတွေမှာ "E" တို့ "A"တို့ဟာ အမြဲတမ်းပါဝင်နေလေ့ရှိတယ်မဟုတ်လား။
"လစ်ပို" ရေးသူဟာ သဒ္ဒါချောမွေ့ဖို့နဲ့ အဓိပ္ပါယ်ရှိဖို့အတွက်ကိုအတော်လေးကို အားစိုက်လုပ်ရပါတယ်။ ဥပမာ "လျင်မြန်တဲ့ အညိုရောင်မြေခွေးဟာ ပျင်းရိတဲ့ခွေးပေါ်ကိုခုန်ခဲ့တယ်" ဆိုတဲ့စာသားမှာ "S" မပါပါဘူး။ "S" ကို မြှုပ်နှံခြင်းဆိုပြီးရေးပြထားတဲ့ အင်္ဂလိပ်မူက "The quick brown fox jumped over the lazy dog"ပါပဲ။ အစကို ပြန်ကောက်ရရင်တော့ ၁၉၃၉ မှာ ပထမဆုံး လစ်ပိုဂရမ် ဝတ္ထုထွက်ပါတယ်။ ဝတ္ထုနာမည်က ဂါ့(ထ)စဘိုင် (Gatsby) ဖြစ်ပြီး အားနက်(စ)ဗင်းဆင့်ရိုက်(Ernest Vincent Wright) က ရေးတာပါ။ စာအုပ်မျက်နှာဖုံးပေါ်မှာပဲ "စာလုံး ၅၀၀၀၀ဝတ္ထု "E" အက္ခရာမပါ" လို့ ရေးထားပါတယ်။ဒုတိယအကြိမ်ကို ၁၉၆၈ မှာ ထပ်ထုတ်တယ်။ အခုတော့ မူပိုင်ခွင့်ကို ပြန်လည်လျှောက်တင်ရန်ပျက်ကွက်လို့ အများပိုင် (Public Domain) စာရင်းဝင်သွားတယ်။ လူတိုင်း ဖတ်နိုင်၊ ဘာသာပြန်နိုင်တယ်ပေါ့။အတိအကျပြောရရင် စာလုံးပေါင်း ၅၀၁၁၀ ပါဝင်တဲ့ အဲဒီဝတ္ထုကိုရေးသူဟာ မူလက အတိတ်ကြိယာတွေမှာမှာပါတဲ့"-ed" ကိုပဲ ဖြုတ်ဖို့ ရည်ရွယ်တာပါ။ ဥပမာ လမ်းလျှောက်ခဲ့သည်"walked" ကို do နဲ့ပေါင်းပြီး "did walk" လို့ရေးတယ်။
ဝေဖန်ရေးဆရာတွေကမယုံနိုင်လောက်အောင် ချောမွေ့တယ်လို့ဆိုတယ်။ "ရိုက်" ဟာ ပထမဆုံး လစ်ပိုရေးသူအဖြစ် မှတ်တမ်းတင်ခြင်းခံရပါတယ်။ ၁၉၂၆ နဲ့ ၁၉၂၇ အတွင်းမှာ စပိန်ပြဇတ်ရေးဆရာ ပွန်ဆီယာ (Enrique JardielPoncela)က ဇတ်လမ်းတို ငါးပုဒ်ကို "သရ" တွေမပါဘဲ ရေးဖူးတယ်လို့ သိရတယ်။ ၁၉၆၉မှာတော့ ဂျော့ခ်ျပီးရီး (Geogrges Perec) ရဲ့ "La Disparition" ဟာ "ရိုက်"ရဲ့အရိပ် မကင်းဘူးလို့ ဆိုရမယ်။ အင်္ဂလိပ်မူကိုပြန်တော့လည်း "A Void" ဆိုပြီး"E" တွေမပါအောင် ဂယ်ဘတ်အဒဲ (Gilbert Adair) က ပြန်ပေးခဲ့တယ်။ ၁၉၇၂ မှာတော့"Les revenentes" ကိုထုတ်တော့ "E" က လွဲပြီး တခြား "သရ"တွေမပါအောင် ရေးပြန်တယ်။ သူဟာ ပြင်သစ်အော်လီပို (Olipo) ကဗျာဂိုဏ်းဝင်တစ်ဦးလည်း ဖြစ်တယ်။ဘာကြောင့် သင်္ချာကဗျာဂိုဏ်းဝင်တွေဟာ "လစ်ပို" တွေ "ယူနီ" တွေကိုစိတ်ဝင်စားရပါသလဲ။
ပန်ဂရမ် (Pangram) ဆိုတဲ့ ဝါကျတည်ဆောက်ပုံစနစ်အရ စာလုံး "word" တိုင်းဟာ မူလအက္ခရာ (Alphabet) ကို တစ်ကြိမ်တော့ အနည်းဆုံး သုံးရမယ်လို့စည်းကမ်းသတ်မှတ်ချက်ရှိတယ်။ "ပန်ဂရမ်" (Pangram) ဆိုတာက ဂရိလို စာလုံးတိုင်း (Every Lettter) လို့ အဓိပ္ပါယ်ရတယ်။ ဒါကို ဝါကျတည်ဆောက်မှုအခေါ်အရတော့ holoalphabeticsentence လို့ ခေါ်တယ်။ ဥပမာ ၂၆ လုံးပါ "The quick brown fox jumps over thelazy dog" ဟာ မူလက jumped ကို "jumps" ပြောင်းရေးထားတဲ့ မူလအက္ခရာ အားလုံးပါဝင်တဲ့၂၆ လုံးဝါကျ ဖြစ်တယ်။ ဒါက အင်္ဂလိပ်ရဲ့ "Pangram" နမူနာပါ။ အခုတော့ ကွန်ပြူတာအကူအညီနဲ့ ရေးလို့ရပြီလို့ ဆိုတယ်။
ဖော်ပြချက်ထဲမှာ ဘယ်စာလုံးက ဘယ်လောက်ပါဝင်တယ်ဆိုတာ ရေးရင်းနဲ့အဲဒီစာလုံးတွေရဲ့ ပမာဏကို ဖော်ပြချက်စာလုံးတွေရဲ့ အကူအညီနဲ့ ရေးတာကိုတော့ အော်တိုဂရမ်(Autogram)လို့ ခေါ်တယ်။ ဒီနည်းကိုတော့ ဒတ်ခ်ျလူမျိုး ဘာသာဗေဒပညာရှင် ဒေါက်ကလပ်ဟော့စတတ်တာ(Douglas Hofstadter) နဲ့ အက်ဆေးဆရာ ရူဒီကတ်စဘရော(ခ) (Rudy Kousbroek)နဲ့ အင်္ဂလိပ်လူမျိုးလီးဆဲလို (Lee Sallows)တို့က စရင်းနောက်ရင်း ရေးခဲ့ရာက အစပြုတယ်။ ရေးပုံက -
Only the fool would take trouble to verify that hissentence was composed of ten a's; three b's, four c's, four d's, forty-six e's.... sixteen r's, forty
( အရူးတစ်ယောက်သာပဲ ဒီစာကြောင်းမှာပါဝင်တဲ့a ဆယ်လုံး၊ b သုံးလုံး၊ c လေးလုံး၊ d လေးလုံး၊ e လေးဆယ့်ခြောက်လုံး.... ကို သက်သေပြရန်ခက်ခဲလိမ့်မည်။......)
အတော်လေးကောင်းပါတယ်။ ဒါပေမယ့်ရေးတဲ့ အထဲမှာ j,q,z မပါဘူးတဲ့။ နောက်တော့ပန်ဂရမ်စက် ဆိုတာ ပေါ်လာတယ်။ ဒီလိုဟာမျိုးကို ဘိုင်နရီဒီဆစ်ရှင်းဒိုင်ယာဂရမ်(binary decision diagrams)တွေနဲ့ ရှင်းလို့ရတယ်တဲ့။ သင်္ချာနည်းနဲ့ ရှင်းလို့ရတယ်လို့ဆိုတယ်။ ဒါကြောင့် ဒီအရေးအသားမှာ အော်လီပိုသင်္ချာဂိုဏ်းက ပါဝင်ပတ်သက်ခဲ့တယ်။ ညီမျှခြင်းတစ်ကြောင်းထုတ်ပေးခဲ့တယ်။ အဲဒါက ပုံနဲ့တွဲပြီး တွက်ထုတ် ပေးရမယ့် f(x1, x2, x3)=x1x2x3+ x1x2+x2x3 ဆိုတဲ့"Function" ညီမျှခြင်းပါ။
အက်ဒမ်အက်ဒမ် (Adam Adam) ဝတ္ထုစာအုပ်ဖြစ်တဲ့ "Toxic Panda" မှာ ဝတ္ထုတစ်အုပ်လုံး "E" စာလုံးမပါဘူး။ ဝေါ့တာအဘစ်ရှ်"Walter Abish" ရဲ့ အာဖရိက၏ မူလစကားလုံးများ "Alphabetical Africa" (၁၉၇၄) မှာတော့ ပထမအခန်းကို အက္ခရာ "A"နဲ့ စပြီးရေးတယ်။ ဒုတိယအခန်းကိုတော့"B" ပေါ့။ ဒီလိုနဲ့ (၂၆) ခန်းအထိ အက္ခရာအစဉ်အတိုင်းပဲ။ ဒါပေမယ့် နောက်ထပ် ၂၅ခန်းမှာတော့ သူဟာ ပထမအစဉ်အတိုင်းကို ပြောင်းပြန်ပြန်လုပ်ခဲ့ တယ်။ နောက်ဆုံးအခန်းရဲ့အစက "A"ပဲ။
ဂိုင်းလီဘရန်ဒရက် (Gyles Brandreth) ကတော့ ဘိုးတော်ရှိတ်စပီးယားရဲ့ ဟမ်းမလက် (Hamlet)ကို "I" မပါဘဲ ပုံပြောင်းလုပ်ခဲ့တယ်။ မက်ဘက်(Macbeth)"A" ဒါမှမဟုတ် "E" ဖြုတ်ပြီးရေးတယ်။ အော်သယ်လို (Othello) ကို"O" မပါဘဲ ရေးတယ်။
၂၀၀၁ ခုနှစ်မှာတော့ ခရစ်ရှန်ဘော့(Christian Bök) ရဲ့ "Eunoia" ထွက်တယ်။ ခရစ်ရဲ့ ဘောင်သွင်းအရေးအသား(Constrain) ထဲက နည်းစနစ်တစ်မျိုးဖြစ်တဲ့ ယူနီဗောကယ်လစ်(စ) (Uni-vocalic) အရေးအသားနဲ့သူ့စာအုပ်ကို တည်ဆောက်တယ်။ အခန်းလေးမှာတော့ "O" (အို) တွေချည်း စုထားတယ်။စာလုံးတိုင်းမှာ "အို" တွေပါတယ်။ တစ်ကြောင်းလောက် ရေးကြည့်မယ်။
"Profs from Oxford show frosh who do past–docs how to gloss work of Wordsworth"
("အောက်စဖို့ဒ်ရှိ ပါမောက္ခများက ဒေါက်တာဘွဲ့နှင့်ကျမ်းပြုသူအသစ်များအားဝေါ့စဝေါ့သ်၏ လက်ရာများအား မည်သို့စုဆောင်း အကျဉ်းချုပ်ရမည်ကို ပြသသည်။")......................From chapter (O),Eunioa by Christian Bok
ဒီလို လစ်ပိုဂရမ်တွေကို ရေးတဲ့အခါ သရ တစ်လုံးတည်းကို တည်ပြီးရေးတဲ့အရေးအသားကိုတော့ ယူနီဗော်ကယ်လစ် (univocalic) လို့ ခေါ်တယ်။ ခရစ်ရှန်ဘော့ (Christian Bök) ရဲ့ ၂၀၀၁ ကပေါက်သွားခဲ့တဲ့ "Eunoia" ဟာ "ယူနီ" တွေချည်းပဲ။ ယူနီတွေဟာ ခုမှပေါ်လာတဲ့အရေးအသားမျိုး မဟုတ်ပေမယ့် ခရစ်ရှန်ဘော့ရဲ့ လက်စွမ်းထက်မှုနဲ့ ကွန်ဆက်ချူရယ် အရေးအသားဖြစ်လာတယ်။ ကွန်တန်ပိုရာရီ အရေးအသားအဖြစ် သတ်မှတ်ကြတယ်။ခရစ်ရှန် နဲ့ပတ်သက်ပြီး အနောက်တိုင်းကဗျာဝေဖန်ရေးနဲ့ လေ့လာသူတွေဟာ အများကြီး အသိအမှတ်ပြုခဲ့တယ်။
ကဗျာအရေးအသားအသစ်ဟာ ကာရံရစ်သမ် ချိုးဖောက်မှု (Free Verse) ဆီကို လွတ်လွတ်လပ်လပ် တိုးဝင်ခဲ့ပြီးတဲ့နောက်မှာကာရံစနစ် (Rhythm and Meter) ဘောင်ထက် ပိုပြီးအလုပ်ရှုပ်တဲ့ "ယူနီဗော်ကယ်"ဆီကို ခရစ်ရှန်က ပြေးဝင်ပစ်ခဲ့တယ်။ ဒါကြောင့် "Eunoia" ဟာ ထိတ်လန့်တုန်လှုပ်ဖွယ်ဖြစ်တယ်။ရုရှက ကွန်တန်ပိုရာရီ စာရေးဆရာ ဆာဂျီဒေါ့လတော့(ဗ) (Sergei Dovlatov) ဟာ စာလုံးနှစ်လုံးကိုလုံးလုံးမသုံးဘဲ စာကြောင်းတိုင်းမှာ အစစာလုံးနှစ်လုံးကို အတူတူရေးလေ့ရှိတယ်။ ဆိုလိုတာကသူ့ဝါကျတိုင်းရဲ့ ရှေ့ဆုံးစာလုံးနှစ်လုံးဟာ အတူတူပါပဲ။ ဇီးရိုးဒီဂရီ (Zero Degree)(2001)မှာ တမယ်လ်ဘာသာနဲ့ (Tamil Language) ချာရုနီဗီဒိုင်တ (Charu Nivedita) ဟာ ဘယ်လိုမှမဖြစ်နိုင်တဲ့ အဓိကစာလုံးနှစ်လုံးကိုထားပြီး ဇီးရိုးဒီဂရီ ကို ရေးပါတယ်။ အဖြတ်အတောက်အမှတ်အသား လုံးဝမပါဘူး။ အစက်တွေ (dots)က လွဲရင်ပေါ့လေ။ ဟန်ဂေရီတွေရဲ့ ဘောင်သွင်းအရေးအသားကတော့"Eszperente" လို့ခေါ်တယ်။ အဲဒါက သရ "E" ကို ကစားတဲ့ လစ်ပိုဂရမ်ရေးနည်းတစ်ခုပါပဲ။
Ref:
(1)Poetry Skill Builder by Mary Manning
(2)Tri- Quarterly ,Classics and
Contemporaries,Editor Mark Rudman
- ဇော်ဇော်ထွန်း
