ရေးပြီးသူများအတွက်ရော လေ့လာရေးသားဆဲဝါသနာ ရှင်များအတွက်ရော ကိုယ်တွင်းပြည့်ပိုဒ်စုံတေးထပ်
ရေးနည်းလေး မျှဝေပေးလိုပါတယ် ။
အခြေခံ တေးထပ်တစ်မျိုးစီမှာ အပိုဒ်(၇)ပိုဒ် နဲ့ ပါဒရေ (၁၈)ကြောင်း ရှိပါတယ် ။ "ပိုဒ်စုံ" ဆိုတဲ့အတိုင်း
ပိုဒ်စုံရတုလို တေးထပ်(၃)ပုဒ် ရှိရပါမယ်။ တေးထပ်တစ်ပုဒ်ကို ပါဒ(၁၈)ကြောင်းစီနဲ့ စုစုပေါင်း ၁၈ + ၁၈
+ ၁၈ = ၅၄ ပါဒ ရှိရပါမယ် ။ "ကိုယ်တွင်းပြည့်" ဆိုတဲ့အတိုင်း တေးထပ် (၃) ပုဒ်စလုံးကိုပဲ သက်ဆိုင်ရာ
အမျိုးတူပါဒတွေ အလိုက် ပါဒလင်္ကာရတွေမှအပ ပဓာနကာရန်များ အပါအဝင် ကျန်ဝဏ္ဏစာလုံး အားလုံးကို
နဘေတူ ထပ်ပေးရမှာ ဖြစ်ပါတယ်။ ပါဒ(၁၈)တိုင်းကိုတော့ (လေး)သဒ္ဒါ တွေကိုပဲအဆုံးချ ပေးရပါမယ် ။
နဘေတူထပ်တဲ့အခါ အချို့က ပါဒလင်္ကာရအချင်းချင်းကိုတောင် ပါဒလင်္ကာရချင်း ထပ်တူရအောင် နဘေ
ထပ်နိုင်ကြပါတယ်။ နဘေထပ်ချင်တဲ့ ပါဒလင်္ကာရဟာလည်း ပါဒလင်္ကာရပဲ ဖြစ်ရပါမယ် ။ နဘေထပ်တဲ့
အခါ သာမညတေးထပ်(၃)ပုဒ်က တစ်ပါဒကို နဘေ(၃)ကြိမ်စီပဲ ထပ်ရမှာမို့ စကားလုံးရှာရ နီးစပ်လွယ်ကူ
နိုင်ကြပေမယ့် အရိုးခံတေးထပ်မှာ နောက်ပါဒဝက် နဲ့ ရှေ့ပါဒဝက်ချင်း နဘေပြန်ထပ်ရတာမို့ တေးထပ်(၃)
ပုဒ်လုံးအတွက် ကိုယ်တွင်းပြည့်အောင် ပါဒချင်းအလိုက်နဘေတူ ထပ်ပေးရတာ အလွန်ခေါင်းစားလှပါ
တယ် ။
အခက်ဆုံးကတော့ သုံးချက်ညီတေးထပ်ကို ကိုယ်တွင်းပြည့်ပိုဒ်စုံ(၃) ပုဒ်ရအောင် စပ်ရတာက ပိုခက်လွန်း
ပါတယ်။ သုံးချက်ညီတေးထပ်တစ်ပုဒ်ကိုတောင် ရှေ့ကပါဒဝက်နဲ့ နောက်ကပါဒဝက် နဘေပြန်ထပ်ပေးရ
တာ မလွယ်သလို နောက်ပါဒဝက်ကို ရှေ့ပါဒဝက်ဆီ ပြန်နဘေထပ်ပေး ရတဲ့ အပြင် တေးထပ် (၃)ပုဒ်လုံး
အတွက်သက်ဆိုင်ရာ ပါဒတွေပါ နဘေ ညီအောင်ထပ်ပေးရတာ လက်အဝင်ဆုံးပါ ။
တေးထပ် အသီးသီးအလိုက် ကိုယ်တွင်းပြည့် ပိုဒ်စုံရအောင် သက်ဆိုင်ရာ ပါဒအချင်းချင်း နဘေရအောင်
ထပ်ရတဲ့ အခါ မိမိစာပေါ်မူတည်ပြီး စာအဓိပ္ပာယ်လည်းပြည့်ဝအောင် စာအချင်းချင်း / အကြောင်းရာအချင်း
ချင်းလည်း ဆက်စပ်မိအောင်လည်း အထူးဂရုပြုရပါမယ် ။ အချို့က နဘေထပ်တယ်ဆိုပြီးရော နဘေ မရရ
အောင် မိမိစာက ဘာအဓိပ္ပာယ်မရှိ ။ ခက်ဆစ်မသိနိုင် ။ ဂိုးဂွင့်ဂွက်ဂွေ = တိုးမြင့်ကျက်သရေ = ရိုးရင့်ရွက်
ရေ = စိုးမြင့် ကြွက်သေ တွေဖြစ်ကုန်ရောမို့ နဘေကို အလေးထားထပ်ပေး ရပါမယ် ။ ကဗျာစွယ်စုံကျမ်းကြီး
မှာတော့ နမူနာအဖြစ် အရိုးခံ ကိုယ်တွင်းပြည့် ပိုဒ်စုံတေးထပ်တစ်ပုဒ်ကို ဥဒဟရုဏ်ပြပေးထားပါတယ် ။
ခန်းတော်ဝင် မနော်ဟရီ အိပ်မက်ဖွဲ့
(၁)
ရွှေနံ့သာ ထုံကာသ
စုံစွာပ စီခြယ်
ဖုံဇာမြ ကတီလယ်မှာ
မဒီမယ် စက်မြန်း ။
မြင်မက်တဲ့ သုပိန္နံ
မှုကြိမ်ဖန် တွေ့ပေါ့တစ်ခန်း ။
ချစ်သူနှင့် တွေ့ကာယှဉ်
မွေ့ရာတွင် ဖက်ရမ်း ။
ငွေ့ဇာသင် တက်လှမ်းလို့
တစ်သက်တန်း ကြံကာ ။
အုံးတော်ကို ယောင်ကာဖက်
တောက်ညာရှက် ရှက်ရလေတာ ။
မေချစ်တဲ့ ကိုဒေဝါရယ်
ပျိုမေမှာ လာမကလိပါနှင့်
တချိချိ ပန်းလှပါသရှင်
ခန်းဝ ဇာသင် ။
ရှောင်ရှားဖို့ ပဏာဆင်မယ်
ကညာခင် ထိတ်လွန်းလို့လေး ။
(၂)
မေကညာ ကြုံပါရ
တုန်ကာဖျ ကျီစယ်
အုံနာလှ မဒီမယ်မှာ
မကြည်ဖွယ် ယှက်သန်း ။
ကြင်ဖက်နှင့် ညုချိန်မှန်သည်
သုပိန္နံ ပေးရော့အဆန်း ။
လှစ်လှူသင့် မေ့ညာခင်
ငွေ့ဇာသဉ် လက်လှမ်း ။
တွေ့ကာယှဉ် မပျက်တန်းဟာမို့
ဘဝဂ်မှန်း ပန်ထွာ ။
ဘုန်းမော်ပျို ရှောင်ကာထွက်လျှင်ဖြင့်
မောင်ညာခက် ခက်ကြလေမှာ ။
သွေမပစ်နဲ့ ဆိုပေရှာတယ်
ငိုနေမှာ တကယ်အဟိပါရှင့် ။
ကလိ ကလိ စန်းလသာတွင်
မြန်းကြွလာရှင် ။
ထောင်လွှာဖို့ ကညာတင်မယ်
နှစ်ဖြာပင် စိတ်ယွန်းစို့လေး ။
(၃)
ဖေအသာ ငုံကာစ
လုံညာက ရည်မယ်
မှုန်ဇာသ မတည်ခြယ်ကာ
ပလီဖွယ် ပျက်ခန်း ။
ရွှင်လျက်နှင့် ရှုကြိမ်ဖန်တယ်
လူ့ဇိမ်စံ ပေးပေါ့ နှစ်ပန်း ။
လှစ်ကြူရှင့် လေ့လာလျှင်
သွေ့ပါရင် ပက်ဖျန်း ။
ရွေ့ကြာလျှင် အသက်နွမ်းမှာမို့
မထွက်တန်း စံမှာ ။
နိုးသော်ဆို ပြောင်ကာစွက်
ယောင်ကာဖက် ဖက်မိလေတာ ။
ပွေရစ်ဖွဲ့ ထိုထွေဖြာတယ်
ဆိုလေတာ မေမချိတာမို့
တအိအိ နွမ်းသဖျ ဟာ ဟင်
ပန်းလှပါသရှင် ။
မောင်ကစားလို့ နှစ်ဖြာရွှင်တယ်
စကားဝါပင် ရိပ်ကွန်းမို့လေး ။ ။
ဒီနမူနာလေးကိုမှီငြမ်းပြီး ကျွန်တော် ကိုယ်တွင်းပြည့်တေးထပ် (၃) ပုဒ်ရေးကြည့်ထားတာလေးပါ ဥဒဟရုဏ်
ပြပေးလိုက် ပါတယ်။
နွေဦးရင်လွမ်း မောင့်ကိုတမ်း
(၁)
(မိန်ရာသီ နွေဦးစ)
လေရူးက ပွေလာ
ကြွေလူးကျ မြေလွှာဝယ်
ရွှေဝါ၀ါ ရွက်မြန်း ။
(မြိုင်တစ်ကြော ဥသြပျိုရယ်)
နှုတ်ပြောငို ချိုမြရင်လွမ်း ။
(တစ်ကောင်ကွဲ ပင်ထက်ပေါ်ဝယ်)
ကြင်ဖက်ခေါ် မြည်တမ်း ။
ယှဉ်လျှက်ပျော် ဒီလမ်းက
စီတန်းကြ ရွှေဖီ ။
ပွင့်ဝတ်ဆံ ကြူကာမွှေးသမို့
ယူလာပေး မေကဆိုပြီ ။
(မောင်ချစ်တဲ့ မေဒါလီရယ်)
ဝေဖြာစီ ခြွေကာကုံးလို့
ကေညှာထုံး မြအခက်ဆင်
လှသထက်ယဉ် ။
(နွေအလှ မောင်ကမမြင်တယ်)
ခေါင်နှမခင် ယဉ်လွန်းသတဲ့လေး ။
(၂)
(ဣန္ဒာနီ ရွှေခြူးလှ)
နွေကူးစ နေဖြာ
ဝေဖူးမြ လေညာငယ်
ကြွေအညှာ ခက်နွမ်း ။
(ဂနိုင်တော ဘုတ်ရောချိုဖွယ်)
ဥသြကြို ဖိုလျခင်တန်း ။
(ရှောင်မခွဲ ခင်သက်မျှော်တယ်)
မြင်ရက်နော် သည်လမ်း ။
ပင်ယှက်မော် ဒီစခန်းမှ
သီစမ်းမြ ရေကြည် ။
တင့်လွတ်ဟန် မူရာသွေးနဲ့
ဖြူပြာရေး မေလှပိုသည် ။
(နှောင်ရစ်မဲ့ နွေရာသီဝယ်)
ဆွေသာကီ သွေခွာပုန်းမို့
ဖွေရှာမဆုံး နှမမျက်ရှင်
ဘ၀ဖက်ကြင် ။
(နွေတစ်ည. မောင်ကကြဉ် တယ်)
နောင်တမထင် ရင်မွှန်းလှည့်လေး ။
(၃)
(ချိန်ခါမီ လေမြူးခ)
နွေမူးည မဖြေသာ
သွေဖူးရ မေကလျာမယ်
ဝေဒနာ စက်ခန်း ။
(ငိုင်အမော လှုပ်ဇောဖိုတယ်)
ဥသြလို ငိုပြချင်စမ်း ။
(နောင်မလွဲ စဉ်ဆက်ပျော်မယ်)
သခင်လက်တော် ရည်မှန်း ။
တမင်ဖျက်သော် မဟီနန်းက
မဒီလွမ်းရ ခွေသီ ။
မြင့်ထွဋ်စံ ပူဗျာတေးနဲ့
ကူကာဖေး နွေညခိုမှီ ။
(မောင်ပစ်ခဲ့ နွေခါမီရယ်)
ဖြေပါမည် စေသဒ္ဓါဖုံးစို့
ပြေကာပြုံး ဘ၀ဆက်စဉ်
နှမတွက်ပင် ။
(နွေအစ. မောင်ကမခင်တယ်)
လှောင်ပြအသွင် မြင်ယွန်းခဲ့လေး ။ ။
(အရိုးခံ ကိုယ်တွင်းပြည့် ပိုဒ်စုံ တေးထပ်) - နေဘုန်းမိုရ်
သဇင်ကြွေ နွေအလွမ်း
(၁)
(ရွှေဘ၀င် မေခင်ညဉ်းပါလို့)
နွေအင်ကြင်း မိန်ရာသီ
ငွေဇင်သင်း စိန်ဖြာစီကို
ချိန်ခါမီ ယူပေး ။
(သွေမခူး နွေကျူးကျော်မှာ)
ဝေဖူးနော် ထုတ်ပြောခဲ့သေး ။
(သဇင်ခက် ခင်ဆက်လိုတယ်)
ရွှင်လျှက်ချို ပန်မနှေး ။
ဆင်ခက်သဗျို မကျန်သေးသမို့
စံရွေးတဲ့ မူဟန် ။
မလွှဲသာ ဆွဲကာသုံးပါရော့
ရဲဝါမှုန်း အင်ကြင်းပန်းမန် ။
(ရွှေတစ်ဝက် ငွေဖက်စံတယ်)
ဝေထက်ယံ လှစ်ခါကြွားရာသို့
ချစ်ပါလား နန်းမြင့်ဝေ
နမ်းခွင့်မို့စေ ။
(ပန်းအဆင့် ဆန်းတင့်ပေတယ်)
ကမ်းလင့်ခြွေ လှမ်းလာကွဲ့လေး ။
(၂)
(မေမကြင် ဝေအင်ကြင်းငယ်တို့)
ရွှေစင်မင်း သိန်ဒါလီ
နွေရင်တွင်း လိမ်မာသည်ကို
ကျိန်ပါစီ သူမရွေး ။
(ရွှေအလူး နွေဦးပျော်ရာ)
ခြွေခူးဖော် ဥသြနဲ့ဆွေး ။
(သဇင်မက် ယဉ်သက်ပျိုရယ်)
မဆင်ရက်လို ပြန်ပြေး ။
ရင်ထက်ခို ပျံမွှေးလို့
ပန်ဝေးခဲ့ ပူပန် ။
ငရဲပမာ အသည်းနာမုန်းပါနဲ့
တွဲကာကုံး အင်ကြင်းနန်းရံ ။
(နွေအထက် ကြွေသက်မပြန်မီ)
မေလက်ခံ မေတ္တာပွားပါလို့
သစ္စာထား ပန်းပွင့်ဝေ
လှမ်းသင့်လို့ခြွေ ။
(နန်းအမြင့် လျှမ်းဝင့်နေတယ်)
မြန်းချင့်စေ နမ်းဖြာလှည့်လေး ။
(၃)
(နွေသဘင် ငွေဇင်ကင်းဟာမို့)
ရွှေအင်ကြင်း ဣန္ဒာနီ
ဝေဟင်တွင်း ထိန်ဝါရီရယ်
မိန်ခါညီ ကြူမွှေး ။
(လေအရူး ပွေမြူးဆော်လာ)
နွေကူးပျော် ဥသြဖွဲ့ တေး ။
(မမြင်ရက် သင်ငှက်ပျိုရယ်)
ကြင်ဖက်ကြို သံကြွေး ။
သဇင်ခက်ကို ပန်မပေးမို့
ကံရေးက. တူစံ ။
ခွဲခွာရာ သဲညာပုန်းပြန်တော့
လဲကာနုံး ရင်တွင်းကျွမ်းသန္တာလန် ။
(လေအသက် နွေရွက်ပျံနှယ်)
မေသက်နှံ ပြစ်ရှာသွားတာမို့
သစ္စာသမား နွမ်းလွင့်ကြွေ
လွမ်းနှင့်ဖို့စေ ။
(လွမ်းသင့်လို့. လွမ်းခွင့်နွေဝယ်)
လွမ်းရင့်ခြွေ လွမ်းပါရဲ့လေး ။ ။
( သုံးချက်ညီ ကိုယ်တွင်းပြည့် ပိုဒ်စုံတေးထပ် ) - နေဘုန်းမိုရ်
နှင်းဆီပန်းဘွဲ့ သုံးချက်ညီ ကိုယ်တွင်းပြည့် ပိုဒ်စုံရတု
(၁)
(နှင်းဆီ သင်းကြည်မြပါလို့)
နှင်းရည်ခ လက်ဖြာ
ဆင်းနီလွ ခက်အဝါဝယ်
ယှက်ကာလာ ရောင်သန်း ။
(ပွင့်ဖတ်လှ ဆင့်ထပ်ထူငယ်)
သင့်အပ်ချူ ကြိုလို့ခြံနန်း။
(မွှေးရနံ့ ဘေးပြန့်ကြိုင်တယ်)
အေးမြလှိုင် ရွှင်လန်း ။
ဘေးကထိုင် မြင်စမ်းတော့
ဘဝင်နွမ်း အမောဖြေ ။
ဝါဝတ်ဆံ ဗဟိုစုမှာလ
အညိုနု သင်းပျံ့တဝေဝေ ။
(ခြူးလှလှ စူးကြွနေတယ်)
ဦးခ,ပေ အလံထောင်မလဲဟာမို့
မာန်ရှောင်မလွဲ အထွဋ်မှာ
နုအလှမူရာ ။
(ပသာဒ စာဂသဒ္ဓါရယ်)
လွှာမြညှာ နုမူလျှမ်းပါရဲ့လေး ။
(၂)
(နှင်းဆီ ဝင်းမီစဟာမို့)
ခင်းညီမျှ ရွက်ညှာ
အချင်းစီသ မြွက်သဒ္ဒါရယ်
မက်စရာ ခေါင်ပန်း ။
(ပွင့်ပပ်က မြင့်ရပ်ကူတယ်)
ဝင့်ချပ်ကလူ ခိုလို့စံမြန်း ။
(သွေးရွရွ ဖေးမခိုင်ဝယ်)
ထွေးလှပြိုင် ယှဉ်စမ်း ။
ဆေးခ,မြိုင် အဆင်ကမ်းသမို့
အပြင်ပန်း ချောတမေ ။
လွှာညွှတ်ပျံ နဂိုနုမှာလ
အပိုဆု ဝင်းဖန့်ရွှေရွှေ ။
(ဆူးမြမြ ထူးလှပေတယ်)
ခူးကြလေ ရန်စောင်မြဲဟာမို့
နှောင်အတွဲ မလွတ်ကြမ္မာ
သူ့ဘဝသူကာ ။
(သဘာဝ ပမာပြစရာနှယ်)
ဉာဏဖြာ တုယူစမ်းပါကွဲ့လေး ။
(၂)
(နှင်းဆီ ရှင်းပီသစေဖို့ )
မယွင်းဂီတ ဆက်ခါ
ညင်းသီတ ထက်ရာဇာကို
သက်လျာ ဆောင်နန်း ။
(မြင့်မြတ်စွ ခင့်ဇာတ်နမူရယ်)
ချင့်အပ်ကြူ ဆိုလို့သံဆန်း ။
(တေးသသ ရေးချနိုင်ဖွယ်)
ငေးရမှိုင် အယဉ်ပန်း ။
တွေးဆမနိုင် အစဉ်လန်းသမို့
သခင်နမ်း မနောချွေ ။
တျာဆွတ်ပျံ အဆိုရှုမှာလ
အပျိုညု ညင်းညံ့လေပြေ ။
(ဖူးမဝ ရူးရပေမယ်)
နှူးပြစေ ကြံဆောင်ကဲပါလို့
စံခေါင်အသည်း ညွှတ်ကဗျာ
ယုယသူဇာ ။
(သဒ္ဒါလှ ကထာက ဖြာတယ်)
ကလျာနှမမှာ ဆုကူကမ်းပါရဲ့လေး ။ ။
- နေဘုန်းမိုရ်
