စကားပြောအနေနဲ့တစ်မျိုးတစ်ဖုံ ပြောင်းလဲသွားတဲ့ရေးဟန်ကိုတော့ ဆရာမ ကာလာဟယ်ရီမန် (Carla Harryman) ရေးတဲ့ “သူမအတွက်” (For She) ဟာ စံပြတစ်ခုပါပဲလို့ ဆိုတယ်။ ဆရာမဟာ ဇတ်ပြောသူခံစားမှုဈာန်၏သဘာဝကင်းမှု (naturalness) ကို စိန်ခေါ်ခဲ့တယ်။ ခက်ခဲတဲ့ ကိစ္စကတော့ သူပြောချင်တဲ့ အကြေင်းအရာကိုဖတ်သူက အကျဉ်းချုပ် နားလည်ဖို့ ခက်ခဲသွားတယ်ဆိုတာပါ။ ဒီလို အရှိကို အရှိအတိုင်း (ဝါ)သဘာဝအတိုင်း ဖတ်သူဆီကို ပို့ရေးဆိုတာ အယ်(လ)အုပ်စုရဲ့ အဓိက ဦးတည်ချက်ပါပဲ။ တံတားအောက်ဝယ် (Under the Bridge) ထဲက ကောက်နှုတ်ချက်ကို ကြည့်ပါ။
“The back of the head resting on the pillow was not wasted. We couldn’t hear each other speak. The puddle in the bathroom, the sassy one. There were many years between us. I stared the stranger into facing up to Maxine, who had come out of the forest bad from wet nights. I came from an odd bed, a vermilion riot attracted to loud dogs.Nonetheless, I could pay my rent and provide for him. On this occasion she apologized.” (from: Under the Bridge)
“ခေါင်းအုံးပေါ်မှာ အနားယူနေတဲ့ ဦးခေါင်းရဲ့နောက်ဘက်အခြမ်းဟာအလဟဿတော့ မဖြစ်ခဲ့ပါဘူး။ တစ်ယောက်စကားပြောသံကို တစ်ယောက်ကြားဖို့ ငါမတတ်နိုင်ခဲ့။ သက်ဝင်လှုပ်ရှားထင်ထင်ရှားရှားရှိတဲ့ အရာတစ်ခုကတော့ ရေချိုးခန်းထဲက လှော်တက်ပြားပါပဲ။ ငါတို့ကြားမှာနှစ်ပေါင်းများစွာ။”
- တံတားအောက်ဝယ်စာအုပ်မှ
ကျွန်မဟာသူစိမ်းတစ်ယောက်ကို အိပ်မက်စိမ်း ဆိုတဲ့ စိုစိုစွတ်စွတ်ညများကနေ အညံ့စား သစ်တောဆီကိုထွက်လာခဲ့တဲ့ အရာအဖြစ် လက်ခံအောင် မွှေနှောက်ခဲ့တယ်။ ကျွန်မဟာ ပုံမှန်မဟုတ်တဲ့ အိပ်ယာဆီကလာခဲ့တာဖြစ်ပြီး၊ အသံကျယ်လောင်ခွေးများကို ပူးတွဲထားတဲ့ လိမ္မော်နီရင့်ရင့် အုပ်စုဖွဲ့လူထုဆူပူသောင်းကျန်းမှု တစ်ခုဖြစ်ပြန်တယ်။ မည်သို့ပင်ဖြစ်စေ ငှားခကိုတော့ ကျွန်မအတွက်ကျွန်မဘာသာ ပေးနိုင်သလို သူ့အတွက်ကိုပါ ထောက်ပံ့နိုင်ပါတယ်။ ဒီပွဲမှာတော့ သူမ တောင်းပန်ခဲ့။
- ကောက်နှုတ်ချက်-“သူမအတွက်” - တံတားရဲ့ အောက်ဝယ်စာအုပ်မှ
ဘာပဲဖြစ်ဖြစ် ဆရာမ ကာလာဟာရီမန်ရဲ့ အရေးအသားကိုကျွန်တော်ကြိုက်ပါတယ်။ ဆရာမ “ကာလာ” ရဲ့ အရေးအသားတွေဟာ စကားပြေအနေနဲ့ချည်း ရှိနေတာ မဟုတ်ပါဘူး။ ကဗျာပုံစံတွေ အနေနဲ့လည်း တွေ့ရတယ်။ သူ့အမျိုးသားဟာ အယ်(လ)ကဗျာ ဦးဆောင်သူတွေထဲမှာ ထင်ရှားတဲ့ဘာရက်ဝတ်တန် (Barrett Watten) ပါပဲ။ သူမဟာ အရှေ့မက်ချီဂန်တက္ကသိုလ် (Eastern Michigan University) မှာ ဖန်တီးမှုအရေးအသား ဘာသာရပ်ကို သင်ပြနေသူ တစ်ယောက်ပါ။ နောက်ဆုံးစာအုပ်အနေနဲ့အန်ဒေါနို့(စ်) ရဲ့ အသံ (Adorno’s Noise) စာအုပ်ဟာ သူမရဲ့ ကွန်ဆက်ချူရယ် စကားပြေအရေးအသားတွေကိုစုစည်းထားတာ ဖြစ်တယ်လို့ “နှစ်ဆယ့်တစ်ရာစုကဗျာနဲ့ ကဗျာလောက ပြောဆိုဆွေးနွေးမှုများ” (12x12: Conversations in 21st Century Poetry and Poetics) စာအုပ်မှာစာတည်း ခရစ္စတီးနားမန်းဂရက် က ညွှန်းပါတယ်။ ကာလာကို ခေါင်းစဉ်တပ်တာကတော့ စာသားတွေ မတည်မငြိမ် ဖြစ်အောင်လုပ်တဲ့ ပုံမှန်စာသားတွေ ဆီကနေခွဲထွက်သွားတဲ့၊ လီနီယာအငြင်း သဘောဆောင်တဲ့ အပြတွေ (ပြဇတ်)နဲ့ အရေးအသား (ကဗျာ၊ စကားပြေ)တွေကြောင့် “Genre-disrupting” လို့ ခေါ်ကြတယ်။ ဒီ (genre) ဆိုတဲ့ စကားကတော့ လုပ်ရိုးလုပ်စဉ်ပုံစံလို့အဓိပ္ပါယ် ဖွင့်ပေမယ့် ရုပ်ရှင်လောကမှာတော့ ပိုပြီး ထင်သာမြင်သာရှိတယ်။ ဖြစ်နေကျ၊ ပုံသဏ္ဍန်လို့ခေါ်ရင်လည်း ရပါတယ်။ ဥပမာ ဟောလီးဝုဒ်ရဲ့ ဇတ်ကားတွေဟာ ထုံးစံအရ တည်ငြိမ်မှုကို ပြမယ်။ နောက်တော့ ပြဿနာတွေကို ဖန်တီးပြီး နှောက်ယှက်မယ်။ ပြီးရင် တည်ငြိမ်မှုကို ပြန်ပေးမယ် ဆိုတဲ့ “Equilibrium-Disruption-Return to equilibrium” ဆိုတဲ့ “genre” ပုံမှန်/အမျိုးအစား သတ်မှတ်ထားခြင်း ခံရတယ်။ အဲဒီ ပုံမှန်အပြတွေ၊စာသားတွေကို ကောင်းကောင်းအလုပ်မလုပ်နိုင်အောင် အခြားသော သင်္ကေတတွေ၊ အဓိပ္ပါယ်တွေနဲ့ အစားထိုးပြီးချောမွေ့မှုကို နှောင့်ယှက်တာဟာ ပွဲဖျက်နှောင့်ယှက်ခြင်း (disrupting) လုပ်တယ်လို့ ဆိုတယ်။ ပုံမှန်လုပ်ဆောင်မှုကို မလုပ်နိုင်အောင် ဖြစ်သွားတာ ဆေးပညာအခေါ်အဝေါ်နဲ့ ခန္ဓာပုံမှန်အလုပ်မလုပ်ခြင်း(dysfunction) လို့လဲခေါ်တယ်။ ချား(လ)ဘဇာမန် (Charles Bazerman) ရေးတဲ့ အရေးအသား လေ့လာချက်များ (Handbook of Research on Writing: History, Society, School, Individual, Text) မှာတော့စာသားများအား နှောင့်ယှက်ခြင်း (သို့မဟုတ်) ပုံမှန်အလုပ်မလုပ်နိုင်အောင် ဖန်တီးတည်ဆောက်ခြင်းအားအသင်းအဖွဲ့များနှင့် လူမှုရေးအဖွဲ့အစည်းများ ကြားတွင် အကယ်၍များ ဇတ်ပြောသူနဲ့ နမိတ်ပုံများကမတည်ငြိမ်အောင် ပံ့ပိုးနေပြီဆိုလျှင် “genres” တွေဟာ ကွဲပြားသော ကိုယ်စားပြုဆောင်ရွက်မှုများကိုကျော်ဖြတ်ကာ အခြေအနေပြန်လည်တည်ငြိမ်ရန် အဓိက လုပ်ဆောင်သည် ဟု ဆိုသည်။ သူပြောတဲ့အရာကတော့အကူးအပြောင်းကာလမှာ တည်ငြိမ်မှုပြန်ရရန် “သညာအမျိုးအစား” (genres) တွေကသာ တည်ငြိမ်မှုရအောင်ထိန်းနိုင်တယ်လို့ ဆိုတယ်။ သူ့စာအုပ်ထဲက ပုံသဏ္ဍာန် အမျိုးအစား “genere” ဆိုတဲ့ အစုအဖွဲ့ထဲမှာဇတ်ကြောင်းပြန်၊ ဝေါဟာရ၊ နမိတ်ပုံ သင်္ကေတတွေ ပါဝင်တဲ့အတွက် ဇတ်ရေးသူ စာရေးဆရာဟာ အဲဒီအမျိုးအစား“genere” ကို သတိပြုပြီး အကျိုးရှိအောင် အသုံးချဖို့ တိုက်တွန်းထားတယ်။ မူရင်းက ၁၉ရာစု အစောပိုင်း ပြင်သစ်စာပေဝေဖန်ရေး အသိုင်းအဝိုင်းက လာတာဖြစ်ပြီး စာပေအမျိုးအစား (Gender) (ဝါ) အမျိုးအစားလို့ အဓိပ္ပါယ်ရတယ်။
ဆရာမ ကာလာရဲ့ နောက်ကဗျာ တစ်ပုဒ်လောက် ဖတ်ကြည့်ရအောင်။ ကောက်နှုတ်ချက် တစ်ခုပါပဲ။
soma အကိုက်အခဲပျောက်ဆေး
on meadow aching ကုန်းမြေရိုင်းပေါ်တွင် ကိုက်ခဲနေသော
Modern မော်ဒန်
Annie အန်နီ
Minding စိတ်ထဲမှာထားခြင်းလည်း
Indefinitely သတ်မှတ်ရန်ခက်ခဲစွာ
Not မဖြစ်ဘူး
Dreamy which way စိတ်ကူးဆိုတဲ့လမ်း
Portraits shadow every action လှုပ်ရှားမှုတစ်ခုစီတိုင်းပုံတူအရိပ်
The curving line ကွေ့ကောက်သောမျဉ်း
is not abstraction ဟာအတွေးချည်းတော့မဟုတ်
Completely dissed ပြည့်စုံစွာဖြင့် အရိုအသေတန်ခဲ့
I didn’t know I even knew you ငါသည်သင့်အား သိခဲ့ရင်တောင်သင့်ကိုငါ မသိခဲ့ဘူး
is that a big ဆိုတာ ကြီးမားခြင်းအရာတစ်ခု
Has the hook ဒီချိတ်ကောက်ရှိခဲ့ပြီး
Fish ငါး
* soma ဆိုသည်မှာ အော်ဒိုးရပ်ဟက်စလေ (Aldous Huxley) ၏ ၁၉၃၂ တွင် ထုတ်ဝေခဲ့သောရဲရင့်ကမ္ဘာသစ် (Brave New World) မှ အကိုက်အခဲ ပျောက်ဆေး တစ်မျိုးဖြစ်သည်။
အယ်(လ)ကဗျာရေးသူတွေအနေနဲ့ ခံယူထားတဲ့ အဓိကကျောရိုးတစ်ခုရှိပါတယ်။ ကျွန်တော်တို့ ချားလ်ဘန်စတိုင်းရဲ့ “The L=A=N=G=U=A=G=E Book” ကို ပြန်သွားရအောင်။
ချားလ်ဟာ အဲဒီစာအုပ် “LB” ရဲ့ စာမျက်နှာ (၄၅) မှာ သဘာဝစစ်ဖြစ်တဲ့ ရေးဟန်ဆိုတာမရှိပေ (there is no natural writing style) လို့ ရေးခဲ့ဖူးတယ်။
ပြုလုပ်ခြင်းကင်းတဲ့ ရေးဟန်ဆိုတာမရှိဘူး။ ကဗျာတစ်ပုဒ် ဖန်တီးပြီ ဆိုတာနဲ့ လုပ်ထုံးလုပ်နည်းများစွာနဲ့ ကဗျာရေးသူဟာ ကဗျာကိုဖန်တီးမယ်။ အနည်းနဲ့အများတော့ ကဗျာရေးသူဟာ သူကဗျာရေးနေစဉ်မှာ ကဗျာဖြစ်ဖို့ အာရုံစိုက်မှာပဲ။ အဲဒီကောက်ယူချက်တွေ၊ ဖြစ်စဉ်တွေကို အာရုံစိုက်မိတာနဲ့ တည်ဆောက်မှု (construction) ဟာကိုယ်စားပြုမှု (convention) တွေ ဖြစ်သွားတယ်။ အဲဒီ ကွန်ဗန်းရှင်းတွေထဲမှာ ဇတ်ပြောခြင်းဝေါဟာရ၊ နမိတ်ပုံတို့ ပါဝင်တယ်။ ဒါကြောင့် ဘယ်အရေးအသားမဆို ဆက်နွယ်မှုရှိစွာ ဥာဏ်အမြော်အမြင်နဲ့တည်ဆောက်ပေးလိုက်ခြင်းကို မလုပ်ဖို့ အယ်(လ)ကဗျာသမားတွေ တိုက်တွန်းတယ်။ လုပ်ရိုးလုပ်စဉ်ကိုယ်စားပြု “genre” ဘောင်တွေကို ကျော်လွှား ဖို့ပါပဲ။
သူတို့ဟာ ဈာန်ဝင်စားခြင်းကိုတော့ ရှောင်လွှဲလို့မရပါဘူး။ ဒါကြောင့် ချားလ်ဘန်စတိုင်းက ဈာန်ဝင်စားခြင်းများဟာ ဘယ်လိုမှ လွတ်မြောက်နိုင်တယ်မရှိဘူး (Modes cannot be escaped) လို့ ရေးခဲ့ပြီး အဲဒါဟာ အဓိပါယ်ဖွင့်ဆိုခြင်းပါပဲ။ ဒါကြောင့် အယ်(လ)ကဗျာဆိုတာ နောက်ကွယ်က အဓိပါယ်ကို ရှာဖွေခြင်းဖြစ်တယ်။ သိစိတ်နဲ့ တည်ဆောက်ထားတဲ့ပုံမှန်ပြုလုပ်မှု အဆင့်ဆင့်ကိုကိုယ်စားပြုမှု (Convention) တွေအထိ ရောက်သွားအောင်ပို့စ်မော်ဒန်တွေကကြိုးပမ်းခဲ့တဲ့ နောက်တစ်နည်းကတော့ ဖြိုဖျက်ခြင်း (deconstruction) ပါပဲ။ အနှစ်ချုပ်ရရင်တော့ အယ်(လ)ကဗျာသမားတွေဟာ သူတို့တည်ဆောက်ချင်တဲ့အရာကတော့ ပြုလုပ်သူ (ဝါ) စာရေးသူ (The active writer) နဲ့ တစ်ဆင့်လက်ခံသူ (ဝါ) စာဖတ်သူတို့ကြားမှာရှိတဲ့ ကိုယ်စားပြုဆက်နွယ်မှုရဲ့ဇျက်သိမ်းမှု (ဝါ) ဖယ်ရှားမှု (demolition) ကို ပေးရင်း သူတို့ဆိုလိုတာတွေကို ပြောခြင်းပါပဲ။ ဒီလိုမှ မလုပ်ရင်တော့ သူအသုံးပြုထားတဲ့ ဘာသာစကားဟာ ထိုးထွင်းသိမြင်မှုကို ဖတ်သူက မရနိုင်တော့ဘူး။ ဘာကြောင့်လဲဆိုတော့ ရေးသူ တစ်နည်းအားဖြင့် စာဖတ်သူကို ငြင်းဆန်ခွင့်မပေးသူ (ဝါ) စာမျက်နှာပေါ်မှာအကြွင်းမဲ့အာဏာရသူ (dictatorial writer) နဲ့ ပြုလုပ်ခြင်းခံရတဲ့သူ (ဝါ) စာဖတ်သူ (victimized reader) တို့ ကြားထဲက ဖြစ်ပေါ်နေတဲ့ဖြစ်စဉ် (the production process) ကို ဆွဲထုတ်ဖို့ကြိုးစားရာမှာ မတူသော ပါဝင်အကြောင်းအရာများကို ဖွင့်ဟခြင်းဖြင့်ရတဲ့ ဆက်နွယ်မှုကို ရေးသူနဲ့ဖတ်သူကြားမှာ ထားခဲ့ချင်တယ်။ ဒါကြောင့် ဖတ်သူဟာ အဲဒီဖြစ်စဉ်ထဲမှာ သူပါဝင်နေတယ်။ ရေးသူမပေးတာကိုသူရှာနေရတယ်လို့ သိလာမယ်။ ဒါဟာ အယ်(လ)ကဗျာသမားတွေရဲ့ ကျောရိုးပါပဲ။ ဒီကျောရိုး အခြေခံနဲ့ပြန်ပြီးအရင်ကရှိနှင့်ခဲ့တဲ့ ကဗျာဆရာတွေရဲ့ လက်ရာတွေကို ခြေရာကောက်ကြည့်တော့ အဲဒီလို ရည်ရွယ်မှ (concern) ရှိသူတွေက အောက်ပါ ကဗျာဆရာတွေဖြစ်ကြောင်း တွေ့ရတယ်။
၁။ အင်မလီဒစ်ဆင် (Emily Dickinson)
၂။ ဂါးထရုစတိုင်း (Gertrude Stein)
၃။ ဝီလျံကားလို့(စ်)ဝီလျံ (William Carlos William)
၎။ လူဝစ်ဇိုကော့စကီး (Louis Zukofsky)
၅။ ဂျွန်အက်ရ်ှဘရီ (John Ashbery)
ဒီတော့ အယ်(လ)ကဗျာသမားတွေဟာ ရှေ့က လမ်းဖောက်သူများရဲ့ဟန်နဲ့ လက်ရာကို လေ့လာဖို့ လိုလာ ပါတယ်။ ဒီ့အပြင်အခြားသော အယ်(လ)ကဗျာဆရာများရဲ့ လက်ရာတွေကိုလည်းလေ့လာဖို့ လိုပါလိမ့်မယ်။ ၁၉၇၈ ခုနှစ် ဒီဇင်ဘာလထုတ် L=A=N=G=U=A=G=E ဂျာနယ်မှာတော့ ဘရု(စ်)အင်ဒရူး (Bruce Andrew) နဲ့ ချားလ်ဘန်စတိန်း တို့နှစ်ဦးဟာ ၁၉၁၄ ထုတ် ဆရာမကြီးဂါးထရုစတိုင်းရဲ့ ကဗျာလေးတစ်ပုဒ်ကို ပေးပြီး အယ်(လ)ကဗျာသမားတွေဆီက မှတ်ချက်တွေ တောင်းခဲ့ကြတယ်။ အဲဒီထဲမှာ မိုက်ကယ်ဒဗစ်ဆင် (Michael Davision)၊ ဂျက်ဆင်မက်ကလိုး (Jackson Mac Low) ၊ရောဘတ် ဂရင်းနီးယား (Robert Grenier) တို့ ပါဝင်ဆွေးနွေးခဲ့တယ်။ အဲဒီကဗျာလေးက ဆရာမကြီးစတိုင်း ရဲ့ နူးညံ့ခလုတ်များ စာအုပ်ထဲက “ဖန်ကလပ်၊ အဲဒါ မမြင်ရတဲ့ဖန်ခွက်တစ်ခု” (Acarafe, that is a Blind Glass) ဆိုတဲ့ ကဗျာလေးပါပဲ။
A CARAFE, THAT ISA BLIND GLASS
A kind in glass and a cousin, a spectacle and nothing strange a
Single hurt color and an arrangement in a system to pointing.
All this and not ordinary, not unordered in not resembling. The
Difference is spreading.
ဖန်ကလပ်တစ်ခု၊ အဲဒါက မမြင်ရတဲ့ ဖန်ခွက်တစ်ခုပါ
ဖန်အမျိုးအစားတစ်ခုနဲ့ မျိုးတူအုပ်စုဝင်တစ်ခု၊မျက်မှန်တစ်ခုနှင့် ထူးခြားမှုမရှိသော သီးခြား
စိတ်နောက်စရာအရောင်နှင့် ညွှန်ပြရန်အလို့ငှာစနစ်တစ်ခုအတွင်း၌ ရှိနေသော စီစဉ်မှုတစ်ခု။
မတူညီမှုထဲတွင် ရှိသော အစီအစဉ်မကျခြင်းမဟုတ်ခြင်း
ပုံမှန်မဟုတ်ခြင်းနှင့် ဒီအရာများအားလုံး။ဒီကွဲပြားမှုဆိုတာက ဖြန့်ကားမှုပင်ဖြစ်သည်။
- ဂါးထရုစတိုင်း၏ နူးညံ့ခလုတ်များမှ
အယ်(လ)ကဗျာနဲ့ ပတ်သက်ပြီး ကျွန်တော်တို့အနေနဲ့ သိစရာတွေ အများကြီး လိုနေတာ အသေအချာပါပဲ။ အယ်(လ)ကဗျာသမားများရဲ့ ပင်မ အယူအဆ၊ ထိုအယူအဆကို ဖော်ဆောင်ခဲ့သော “Poststructurist” ဆရာသမားများ၏ ဘာသာဗေဒအပေါ် ခွဲခြမ်းစိတ်ဖြာမှုကျမ်းများ၊ အယ်(လ)ကဗျာသမားများ၏ မတူညီသော ရေးဟန်များ၊ ကျွန်တော်တို့ ကိုယ်ပိုင်ဘာသာစကားရဲ့ အားနည်းချက်များ၊ မတိကျမှုများ၊ ဇတ်ကြောင်းပြောရေးဟန်၏ အားနည်းချက်များ၊ အတွေ့အကြုံ (experience) နဲ့စိတ်လှုပ်ရှားမှု (emotion) ၏ ဈာန်ဝင်စားမှု (mode) နှင့် ကွဲပြားချက် စသော အခြေခံထောက်တိုင်များကို အယ်(လ)ကဗျာရေးသူအနေနှင့် သိရှိရန် လိုအပ်ပါတယ်။ ထို့အပြင် အယ်(လ)ကဗျာ အရေးအသားကို လမ်းပြပေးခဲ့သောရှေးဆရာကြီးများ၏ ခွဲထွက်ဟန်ကိုလည်း သိဖို့လိုအပ်ပါတယ်။ အကယ်၍များ ကျွန်တော်တို့ရဲ့သိမှုဟာ မပြည့်စုံခဲ့ရင် ကျွန်တော်တို့ရေးတဲ့ အယ်(လ)ကဗျာတွေဟာ ပုံစံတစ်မျိုးထဲကိုပဲထပ်ကာထပ်ကာ ပေးနေမယ့် တစ်ခုတည်းသော ဟန်ကို တုပနေခြင်းပဲ ဖြစ်နေမှာပဲ။ ဒါကြောင့် ကျွန်တော်တို့ဟာရှေ့ကို တစ်လှမ်းတိုးဖို့အတွက် နောက်ကို တစ်လှမ်း ဆုတ်ပေးရမှာပါ။
When I Say ‘’equals’’, I don’t mean indifference but difference
ကျွန်မက ညီမျှသည်ဟုဆိုလိုရာတွင် မထူးခြားခြင်းကို ဆိုခြင်းမဟုတ်။ အကွာအဝေးကို ဆိုလိုရင်းဖြစ်သည်။
- Lyn Hejinian (The composition of the cell) 17.1
နိဂုံးချုပ်အနေနဲ့ "လင်း" ရဲ့ကဗျာလေးတစ်ပုဒ်ကို ကြည့်ရအောင်။ ဒီကဗျာကို တင်ထားတာကတော့ အမေရိကန် ကဗျာအကယ်ဒမီကပါ။သူတို့ရွေးချယ်ထားတဲ့ "လင်း" ရဲ့ ကဗျာသုံးပုဒ်ကို ရွေးချယ်ပြီး လိုင်းပေါ်ကိုတင်ခဲ့တယ်။ ဒီကဗျာကို ရွေးတဲ့အကြောင်းက လွယ်ကူလို့ပါပဲ။
To achieve reality (where objects thrive on people's passion), enormous effort
and continuous social interactions are required, and I can't get started
without you. Not here-over there's abetter place to begin a funny story.
History with its dead all shot through with regularities in the woods
and following what looks like a cow-path
is part of a creature's sexual magic. Its recorded words
now are just a small memento meant to trigger memories
which will give us energy when the right time comes.
Every afternoon high in a tree
the forest vagabond naps while time hangs
like a swarm of midges, trembling on. It might be female
but it has a phallus's tendency to jump up. How lonely it is
to think that I can only think what I think even while he is thinking-our
thinking
just our respective working body's hum. And while the warlords of Mycenae
were storming
Troy the foundations of their own societies were crumbling, too.
အစစ်အမှန်ဖြစ်ခြင်းကို ရရှိဖို့အတွက်
(လူသားများရဲ့ ခံနိုင်ရည်အားအပေါ်မှာ အကြောင်းအရာများ ရှင်သန်ကြီးထွားရာ နေရာမယ်)၊
အဆမတန် ခွန်အားများနဲ့ စဉ်ဆက်မပြတ်တဲ့ လူမှုရေးအပြန်အလှန်ဆက်နွယ်မှုတွေ လိုအပ်တယ်၊
မင်မရှိဘဲနဲ့ အစပြုခြင်း မရှိနိုင်တဲ့ငါ။
ဒီမှာမဟုတ်ဘူး- အဲဒီနေရာမှာ ပျော်ရွှင်ဖွယ်ရာဇတ်လမ်းတစ်ပုဒ် အစပြုဖို့ ပိုကောင်းတဲ့ နေရာပါပဲ။
သမိုင်းနဲ့အတူ သူ့ရဲ့သေဆုံးခြင်း၊ ပစ်လွှတ်ချက်အားလုံးဟာပုံမှန်ဖြစ်ပျက်ခြင်းများ ရှိနေတဲ့ သစ်တောများနဲ့အတူ ဖောက်ထွက်
ပြီး နွားများဖြတ်လျှောက်ရာ လမ်းကလေးနဲ့တူတဲ့နောက်၌ရှိနေခြင်း
ဆိုတာ သတ္တဝါတစ်မျိုးရဲ့ လိင်ကိစ္စပိုင်းဆိုင်ရာလျှို့ဝှက်ဆန်းကြယ်ခြင်းရဲ့ တစ်စိတ်တစ်ဒေသ
ပစ္စုပန်တာ သေးငယ်တဲ့ မှတ်စုလေးတစ်ခုသာဖြစ်ပြီးမောင်းခလုပ်အမှတ်တရများကို ဆိုလိုတယ်
အဲဒီအရာက ကျွန်မတို့ကို ခွန်အားပေးမယ့်အချိန်အခါဟာ အချိန်ကောင်းပဲဖြစ်တယ်
မွန်းလွဲတစ်ခုစီတိုင်း သစ်ပင်ထက်မှာ မြင့်တက်တာပဲ
ဒီသစ်တော တေလေဂျပိုးနေ့လည်ခင်း တစ်ရေးတမောများကတော့အချိန်ကာလ တွဲလွဲခိုနေစဉ်
ခြင်တွေ အုပ်စုဖွဲ့ပျံသန်းမှုတစ်ခုလို၊တဆတ်ဆတ်တုန်နေကြ။ ဒါက ကုတ္ထိယဖြစ်နိုင်လောက်တယ်
ဆိုပေမယ့် သူ့မှာခုန်ပျံဖို့အတွက် ဖိုသဘာဝလိင်အင်္ဂါမာကျောမှုရဲ့ စရိုက်မျိုးလည်းရှိရဲ့။
သူစဉ်းစားနေတုန်း ငါတောင် စဉ်းစားရမဲ့ကိစ္စကတော့ငါစဉ်းစားရုံလေးစဉ်းစားနိုင်တယ်ဆိုတာ
စဉ်းစားဖို့အတွက် ဘယ်လောက်များ အထီးကျန်ဆန်နေမလဲ- ငါတို့ရဲ့စဉ်းစားမှု
ဟာ ငါတို့အသီးသီးခန္ဓာရဲ့ ဖြည်းညင်းစွာအလုပ်လုပ်နေတာပါပဲ။ ပြီးတော့ မိုင်စီနေး ရဲ့ စစ်ဘုရင်များ မုန်တိုင်း
ထန်သလို လှုပ်ရှားနေတာက
ထရွိုင်မြို့ သူတို့ရဲ့ ကိုယ်ပိုင်လူမှုအဖွဲ့များရဲ့အုတ်မြစ်ဟာလည်း အဲဒီလိုပဲ ကွဲကြေနေကြရဲ့။
- လင်းဟီဂျနီယန်း (Lyn Hejinian)
စဉ်းစားစရာတွေ တော်တော်များသွားပါတယ်။ ဟာသလေးပါ။ သူဋ္ဌေးက အတွင်းရေးမှူးမလေးကို ဘောလ်ပန် ပေးတယ်။ အဲဒီကောင်မလေးက ဘောလ်ပန်လေးကောင်းကြောင်း SMS ပြန်ပို့တယ်။ အဲဒီ SMS ကို အမြန်ရိုက်တော့ Gap ချန်ဖို့ မေ့သွားတယ်။ "Yourpen is wonderful" ဟာ "Your penis wonderful" ဖြစ်သွားတယ်။ ဒါကို သူဋ္ဌေးမိန်းမကဖတ်ရတော့ ….. စဉ်းစားစရာတွေ တော်တော်များသွားပါတယ်.။ ကျွန်တော် သဘောကျပါတယ်။ ဒါပေမယ့် ဒီကိစ္စဟာ ကျွန်တော့်အဖို့ ဒီမှာတင် မပြီးသွားဘူး။ ဒါဟာ ခပ်ပေါ့ပေါ့ကိစ္စမဟုတ်တော့ဘူး။ ဒါဟာ ဘာသာဗေဒ ပြဿနာဖြစ်လာပြီ။ ကျွန်တော့် အဖို့တော့ဒါဟာ "Case" ပါပဲ။ ကျွန်တော် စဉ်းစားတယ်။ ထပ်စဉ်းစားတယ်။ ဘာသာစကားဟာ ပြဿနာတွေကို ဖန်တီးတဲ့အရာ။ ဒီလိုပဲ ပြဿနာတွေကို ဖြေရှင်းတဲ့အရာ။
စဉ်းစားစရာတွေ တော်တော်များသွားပါတယ်...........
ဘာသာစကားဟာ ပြဿနာတွေကို ဖန်တီးတဲ့အရာ။
ဒီလိုပဲ ပြဿနာတွေကို ဖြေရှင်းတဲ့အရာ.............................
ဘာသာစကားဟာ ပြဿနာ......
ဘာသာစကားဟာ...
စကားဟာ
- ဇော်ဇော်ထွန်း
