Goal is not to have a goal.............. (John Cage)
ကျုပ်တို့ ပန်းတိုင်ဆိုတာ ပန်းတိုင်တစ်ခုမရှိရေးပင်ဖြစ်၏။
- ဂျွန်ကေ့ခ်ျ
LP ကို ၁၉၇၁ မှာဖွားမြင်ပါတယ်။ သူ့ကို လူ့လောကထဲဆွဲသွင်းလာတဲ့မဂ္ဂဇင်းကတော့ "This" မဂ္ဂဇင်းပါ။ နောက်ထပ် ခုနှစ်နှစ်အကြာမှာတော့ L=A=N=G=U=A=G=E မဂ္ဂဇင်းထွက်လာတယ်။ ခုနှစ်ဆယ်ခုနှစ်များဆီက စာပေအပြောင်းအလဲတစ်ခုဖြစ်တယ်လို့ပဲ အကြမ်းဖျင်း သတ်မှတ်ထားကြတယ်။ ဒါပေမယ့် ဒီထက်မကပါဘူး။ မက်ဂန် (Jerome MCGann) ကတော့ ကဗျာလောကရဲ့ အသစ်အပြောင်းအလဲ တစ်ခုဖြစ်ပြီး စိတ်ကူးများ(ideas)၊ အတွေးများ (thoughts) နဲ့ အဓိပ္ပါယ်များ (Meaning) ပေါ်မှာ အခြေပြုထားတယ်လို့ခေတ်ပြိုင်ကဗျာ၊ အခြားသော ထွက်ပေါက် (Contemporary Poetry, another Route) အက်ဆေးထဲမှာ ရေးခဲ့ဖူးတယ်။ LP ပေါ်ပေါက်ခြင်းရဲ့နောက်ကွယ်က တရားခံတွေထဲမှာခြောက်ဆယ်နဲ့ခုနစ်ဆယ်ခုနှစ် အစပိုင်းကဗျာဆရာများ အားလုံးရဲ့ လက်ချက်ဖြစ်တယ်လို့သူက ဆိုပါတယ်။ ဒီလိုဆွဲသွင်းလာသူများ (Precursors) လို့ ခေါင်းစဉ်တပ် ထားတဲ့မက်ဂန်ရဲ့ တရားခံစာရင်းထဲမှာတော့ ရောဘတ်ဖရော့စ်(Frost)၊ ဝီလျံဘတ်တလာယိစ် (Yeats) ၊အော်ဒင် (Ayden) နဲ့ ဝေါလေ့စတီဗင်တို့ အပြင် မော်ဒန်ဆရာကြီး အက်ဇရာပေါင်း (Pound)၊ ဂါထရုစတိုင်း (Stein) နဲ့ ဇူကော့ဇကီး (Zukofsky) တို့လည်း ပါဝင်တယ်လို့ ဆိုတယ်။ဒါကဘာနဲ့တူလဲဆိုတော့ ဗြိတိသျှ စစ်သားတွေ လယ်ကွင်းထဲ ရပ်နေတာကိုအမေရိကန်လယ်သမားတွေက သစ်ပင်နောက်ကွယ်က သေနတ်နဲ့ ချောင်းပစ်သလိုပါပဲတဲ့။ ဟုတ်ကဲ့။ ကြီးမားခိုင်ခံ့လွန်းတဲ့ အင်္ဂလိပ်ဘာသာစကားကို အမေရိကန်ကဗျာဆရာများ ချောင်းမြောင်းတော်လှန်ခြင်းပါပဲ။ အမေရိကန်ကဗျာဖတ်သူတွေက LP ကဗျာသဘောအရ လိုအပ်ရင် လိုအပ်သလို စာသား (Text) ကိုပြောင်းလဲ အဓိပ္ပါယ်ဖွင့်ဆိုဖို့ အမြဲတမ်း အသင့်ရှိနေပါတယ်တဲ့။ LP ဟာ ကမ္ဘာ့ကဗျာလောကမှာတစ်ခါမှ မပေါ်ဖူးသေးတဲ့ နည်းစနစ်များနဲ့ ကဗျာကို ချဉ်းကပ်ပါလိမ့်မယ်လို့ မက်ဂန်ကဆိုပါတယ်။ အဲဒီအက်ဆေးထဲမှာ မက်ဂန်က ဆရာမကြီး ဘက်နဒစ်မေယာ (Bernadette Mayer) ရဲ့"Experiments" ထဲက စာသားတွေနဲ့ ဥပမာ ပေးခဲ့တယ်။ ကျွန်တော့်အတွက်တော့ဒါဟာလုံလောက်မှုမရှိပါဘူး။ တစ်ချို့စာသားတွေကို ကျွန်တော်က ဂါးထရုစတိန်းရဲ့"New" ကဗျာက ယူကြည့်တယ်။ မက်ဂန်က အဓိကစရိုက် ခုနှစ်မျိုးကို အခုလိုဖေါ်ပြခဲ့တယ်။
1. Systematically derange the language, for example, write a word consisting only of prepositional phrases, or add a gerundive to every paragraph, etc. (Anne docome too, to come and to come not to come as to)
ဘာသာစကားအား စနစ်ကျစွာအစီအစဉ်မဲ့အောင် လုပ်သည်။ ဥပမာအားဖြင့် စာကြောင်းမှာ prepositional phrases ပါတဲ့စကားလုံးတစ်လုံးနဲ့ (သို့မဟုတ်) ကြိယာ (Verb) ကို(-ing) ပေါင်းပြီးသုံးတဲ့"Gerund" တွေရဲ့ ကတ္တားပုဒ် အသုံးတွေကို စာပိုဒ်တိုင်းလိုက်ဖြည့်စွက်ခြင်းအားဖြင့် စာသားအစီအစဉ်အား ကမောက်ကမဖြစ်စေသည်။ ဥပမာ- I do not see it making any difference. အဲဒီထဲက (it making) တို့ (to come) တို့တွေ ကိုစာပိုဒ်တွေထဲ ပေါင်းထည့် ထားခြင်း ကိုဆိုပါတယ်။ Making ကို Subject မှာ နာမ်အနေနဲ့ သုံးရင် Gerund ပါ။ ဒါပေမယ့် (it making) ဆိုတဲ့ အတွဲကို ကတ္တားမှာသုံးရင်တော့ လက်တင်ဘာသာစကားရဲ့ အလိုအရ Genitive ဖြစ်တယ်လို့ဆိုတယ်။
2. Get a group of words (make a list or select random), then from this words (only) intoa piece of writing – whatever the word allow. Let them demand their own form,and/or စကားလုံးများကို အစုဖွဲ့ (စာရင်းလုပ်သလို ဒါမှမဟုတ်ကျပန်းကောက်ထားသလိုမျိုး) ဘာပဲဖြစ်ဖြစ် အဲဒီစကားလုံးများ ခွင့်ပြုသလောက်ခင်ဗျားရေးပစ်ပါ။ အဲဒီစကားလုံးတွေဟာ စာရေးခြင်း အပိုင်းအစအထိကို စီးဆင်းခွင့်ပြုလိုက်ပါ။ သူတို့ပုံစံကိုသူတို့တောင်းဆိုပါစေ။
The same word in every line or a certain place in every paragraph etc ... Design word.
စကားလုံးတူတွေ ဒါမှမဟုတ်စကားလုံးတစ်လုံးထဲကိုပဲ ရှိပြီးသား စကားပြေစာပိုဒ် ဒါမှမဟုတ် ကဗျာထဲသို့ထည့်ရေးပါ။ စာကြောင်းတိုင်းမှာ ထည့်ရေးပါ။ စာလုံးများကို ဒီဇိုင်းလုပ်ပါ။
ဥပမာ။ ။ ဆူဆန်ဟိုး (Susan Hwoe)ရဲ့ကဗျာဖြစ်တဲ့ (Beffalo) ကိုဥပမာပေးလည်းရပါတယ်။ ဒါမှမဟုတ် အယ်လန်ဂျင်းဇဘတ်ရဲ့ဘော်ဒါ ဂျက်ကာရူးဆေ့ (Jack Kerouac) ရဲ့ စနေမွန်းလွဲပြတင်း (Saturday After-noon Window) ပေါ့။ ကဗျာကို ပြောရင်လည်းရတယ်။
RO-LET
Raw Bay Whom
Debt Gush Big
Hums Worm Year
Yogi Tide Dust
(P-323) JACK KEROUAC (BOOK OF SKETCHES)
အထက်ပါ အပိုဒ်က ကဗျာရဲ့ ပထမအပိုဒ်ပါ။
3. Write what cannot be written; for example, compose an index (Read an index as a poem) ရေးလို့မရနိုင်တဲ့ အရာကိုရေးပါတဲ့။ ဆိုလိုတာက စာရေးသားနည်း ပုံမှန်မဟုတ်တဲ့အမျိုးအစားကိုဆိုပါတယ်။ စာရင်းရေးသလို တစ်ခုချင်းချရေးပစ်ပါ။ (စာရင်းတွေကိုကဗျာအနေနဲ့ဖတ်ကြည့်စမ်းပါ)ဥပမာ။ ဂျက်ကာရိုးလေ့ခ်ရဲ့ ကဗျာကိုပဲ ဥပမာလုပ်ရမှာပဲ။ အခြားသောကဗျာဆရာများရေးတဲ့ပုံစံတူတွေကိုလည်း ခင်ဗျားတို့တွေ့ဖူးပါလိမ့်မယ်။ ဂျက်ရဲ့ကောက်ကြောင်းရဲ့စာအုပ် (BOOK OF SKETCHES) ထဲမှာပါတဲ့ ကဗျာပါ။ စာမျက်နှာ ၁၀၉ ဖြစ်ပြီး ကဗျာအဆုံးသတ်မှာ1047E. Santa Clara St. လို့ရေးထားပါတယ်။ နေရာများကို မှတ်စုထဲချရေးထားရဲ့။
Raleigh, N.C
Pittsboro
Asheboro
Lexington
Statesville
4. Attempt writing in a state of mind that... seems least congenial.
စိတ်လှုပ်ရှားမှု ခံစားချက်နဲ့ ရေးပါ။ဒါပေမယ့် ခင်ဗျားရေးတဲ့စာတွေဟာ အငြင်းပွားဖွယ်များများ ဒါမှမဟုတ် လက်ခံနိုင်စရာနည်းနည်းရှိတဲ့ စကားလုံးများကိုသုံးပါ။
ဥပမာ။ Attempt writing in a state ofmind. (ခံစားချက်ကိုမူတည်တဲ့အသုံး)
ဒီအချက်ကတော့ ကဗျာရေးသူနဲ့ ဝေဖန်သူတွေအငြင်းများများပွားဖို့ LP က ရည်ရွယ်တယ်။ ဥပမာ ရောဘတ်ဂရီးနီးယား (Robert Grenier) ရဲ့ Alchering စုစည်းမှုများမှာ ပါဝင်တဲ့ စာတစ်ကြောင်းကို ကြည့်ပါဦး။
So m e o l d g u y s w I t h s c y t h e s
ဒါက စာလုံးလေးလုံးပါတဲ့ စကားစု ဖြစ်ပြီးအဓိပ္ပါယ်က တံစဉ်းများနှင့်လူအိုတချို့ (Some/ old guys/ with/ scythes) ပါ။
5. Consider word & Letter as forms - the concretistic distortion of a text, for example, too many o's or a multiplicity of thin letter.
စာလုံးနဲ့ စကားလုံးတိုင်းကိုပုံသဏ္ဍန်လို မြင်ပါ။ စာပိုဒ်ထဲက စာကိုယ်တွေကို ပုံဏ္ဍန်အမျိုးမျိုးလုပ်ပြီး ရေးပါ။ ဥပမာအားဖြင့် "O"များစွာ စာလုံးတစ်လုံးထဲမှာ ဒါမှမဟုတ်စာကြောင်းတစ်ကြောင်းမှာ သုံးခြင်း နှင့် "I" ကဲ့သို့ ပိန်သွယ်သွယ်အက္ခရာများအား အဆများစွာ ပူးတွဲရေးခြင်း။ (illftiii, etc) ဥပမာအားဖြင့် ပြောရရင် ပြင်သစ်ကဗျာဆရာမ ကက်သရင်ပေါ့ဇီ (Catherine Pozzi)(1882-1934) ရဲ့ Nyx ကဗျာကို ဥပမာပေးချင်ပါတယ်။ ဒီကဗျာက LP ထက်ရှေ့ကို အများကြီး စောပါတယ်။ Nyx ကဗျာရဲ့ ပြင်သစ်မူရင်းမှာတော့ ဝါကျအစတွေမှာ 'O' တွေနဲ့စပြီးနောက်ဆုံးနှစ်ကြောင်း ကတော့ "Je"နဲ့ စပါတယ်။ ပင်းဂွင်းထုတ် ပြင်သစ်ကဗျာများ (၁၈၂၀-၁၉၅၀) ရဲ့ အင်္ဂလိပ်မူမှာတော့
O you my nights, O anticipated blackness O proud land,
O stubborn mysteries O prolonged gazes, O cloud striking thunder
O∆ ∆ ∆..........
(P-621 the Penguin Book of French Poetry) (1820-1950)
အိုအသင် ကျွန်ုပ်၏ညများ၊ အို ကောင်းမြတ်သော မျှော်လင့်ချက်အနက်ရောင်၊ အိုမာနရှိကုန်သောကုန်းမြေ၊
အိုခေါင်းမာလွန်းသော လျှို့ဝှက်ချက်များ၊ အို ဆန့်ထွက်သော ငေးမောမှုများ၊ အိုတိမ်တိုက် ရိုက်ခတ်နေသော မိုးကြိုးသွား
အို∆ ∆ ∆
ဒါမှမဟုတ်ရင် ဂျက်ကရူးဆေ့ရဲ့သစ်တောဆီက အသံများ (Sound in the woods) ရဲ့ တတိယအပိုဒ်မှာတော့ စာကြောင်းတွေအားလုံးရဲ့အစဟာ (Or-) တွေနဲ့ဖြစ်တယ်။ အဲဒီကဗျာထဲမှာပဲ သူက ဒီလိုအရေးမျိုး ရေးသေးတယ်။
"Yes"voice
Of human child
"Oh!-"Zzzz
(ရေး ဟူသော လူသားခလေးငယ်ဆီမှအသံ၊အိုး……) ဟူသော အဓိပ္ပါယ်ကို ဂျက်၏ ရေးဖွဲ့မှုမှာ ရုပ်ပြကာတွန်း အရေးကဲ့သို့ ဖြစ်သည်။
6. Attempt to eliminate all connotations from a piece of writing vice versa.
စာရေးသားခြင်း အစိတ်အပိုင်းထဲမှာရှိတဲ့အဓိကကျတဲ့စကားလုံးတွေ၊ ဝါကျအဓိပ္ပါယ်ကိုပိုပြီး ပြည့်စုံစေတဲ့ စကားစုတွေ၊ အမှီးဝါကျတွေအားလုံးကို ဖြုတ်ပစ်ပြီးရေးပါ။ အဲဒီ အဓိကကျတဲ့ စကားလုံးတွေကလာတဲ့ စာရေးသားခြင်းအစိတ်အပိုင်းကိုလည်း အပြန်အလှန်အားဖြင့် ငြင်းဆန်ပါ။
ဥပမာ။ ။ ရွန်ဆီလီမန် (Ron Silliman) ရဲ့(Sitting Up, Standing, Taking Steps) ကိုကြည့်ပါ။ ဝါကျများ အားလုံးသည်စကားစုများဖြင့် ကဗျာတစ်ခုလုံးကိုဖွဲ့သည်။
His sister. The olive trees of Sacramento Street. Chipped cup. The Submarine on the horizon in the sunset.
သူ၏ညီမ။ ဆပ်ကရာမန်တိလမ်းရဲ့ သံလွင်ပင်များ။ကျိုးကြေနေသောခွက်။ ဆည်းဆာထဲက ဝင်ရိုးတန်းပေါ်ရှိသော ရေငုပ်သင်္ဘော။
7. Work your ass off to change the language.
ဒီနေရာမှာမက်ဂန်ဟာ ဗန်းစကား(ass off) ကို သုံးထားပါတယ်။ အဓိပ္ပါယ်ကတော့ with great effort ပါ။စာကြောင်းရဲ့ အဓိပ္ပါယ်က ကြီးစွားသောလုံလနဲ့ အတူဘာသာစကားပြောင်းလဲအောင်လုပ်ပါ လို့ဆိုတယ်။ ကျွန်တော် ဆရာမကြီးဂါးထရုစတိန်းရဲ့ "New"ကဗျာထဲကစာကြောင်းလေးတွေနဲ့ ဥပမာ ပေးရမယ်။ အတော်လေးကို စောပြီး LP ကို အစပျိုးစေတဲ့အရေးပါ။
Half of it
Was it
Windows
Was She
ဒီအချက်တွေကတော့ မက်ဂန် ထုတ်နှုတ်ပြတဲ့ LP ရဲ့ စရိုက်လက္ခဏာတွေပါပဲ။LP ဖတ်သူတွေ အနေနဲ့ရင်ဆိုင် နေရတဲ့ ပြဿနာတချို့ ရှိနေပါတယ်။ အဓိပ္ပါယ်မဖေါ်နိုင်တဲ့ဝါကျပြတ်များ (fragments)၊ တောင်စဉ်ရေမရများ (nonsense) နဲ့ အဓိပ္ပါယ်မဲ့မှုများ(unmeaning)စတာတွေကို စာဖတ်နေစဉ်မှာ ကြုံရတယ်။ LP ဟာဇာတ် ကြောင်းပြောသူ အခန်းကဏ္ဍကိုသေးငယ်အောင်လုပ်ပြီး ငြင်းပယ်ကြပါတယ်။ ဇာတ်ကြောင်းပြောသူဆိုတာ ဘယ်စာပေမဆိုရှိတဲ့အဓိက အခန်းကဏ္ဍပါပဲ။ ဒါပေမယ့် LP က ငြင်းတယ်။ (Rejection of the narrative model) တဲ့။ သူတို့ဆီက ကဗျာဆရာ တွေက LP ကို မရေးဖြစ်ခဲ့ဖူးဆိုရင်တောင် LPရဲ့နည်းစနစ်တွေကို အသိအမှတ်ပြုခဲ့တယ်။ ကံအားလျော်စွာ ဂျွန်အက်ရ်ှဘရီရဲ့ရေးသားပုံဟာ LP သမားတွေနဲ့ သွားတူနေပါတယ်။ ဂျွန်အက်ဘရီဟာ LPတွေကိုမယုံပြန်ဘူး။ဆောင်းပါးရှင်ကတော့ ဂျွန်အက်ရ်ှဘရီပြောတဲ့ စကားကိုရေးထား တယ်။(He doesn't align himself with these poets because he believes language)အဓိပ္ပါယ်ကတော့ သူက သူ့ကိုယ်သူ LP သမားတွေနဲ့ သွားညှိနေမှာမဟုတ်ဘူး။ သူကဘာသာစကားကို ယုံကြည်သူတစ်ဦး ဖြစ်တယ်လို့ဆိုတယ်။ ဟန်းဘာတန် (Hans Bertens) နဲ့ဂျိုးဆက်နာတိုလီ (Joseph Natoli) တို့ အယ်ဒီတာ လုပ်တဲ့ ပိုစ့်မော်ဒန်ရဲ့အဓိကပုံရိပ်များ (The Key Figures / Postmodernism) ရဲ့ အခန်း(၃) စာမျက်နှာ(၁၃) မှာ ဆောင်းပါးရှင် စတီဗင်မွန်တီ ( Steven Monte) က ဂျွန်အက်ရ်ှဘရီဟာပိုစ့်မော်ဒန်ခေါင်းစဉ်တပ်ခြင်းခံရတာကို ငြင်းဆန်လိုခြင်းမရှိဘူးလို့ ဆိုပါတယ်။၁၉၉၃ ခုနှစ်က ဘယ်လီကာစတန် (Bleikasten interview) အင်တာဗျူးမှာတော့ သူဟာပိုစ့်မော်ဒန်သမား တစ်ယောက်ဖြစ်ကြောင်း ဝန်ခံခဲ့ပါတယ်။
L=A=N=G=U=A=G=E မဂ္ဂဇင်းပထမအုပ်မှာ ဒေးဗစ်မဲလ်နစ် (David Melnick) ဆိုတဲ့ ပုဂ္ဂိုလ်ကတော့ အဲဒီ LP ဆိုတဲ့ကဗျာဟာ ခင်ဗျားကို ဘာလုပ်ပေးနိုင်သလဲတဲ့။ သင်ဟာ သင့်ရဲ့ ပင့်ကူအိမ်ထဲ ရုန်းကန်နေရရှာတဲ့ပင့်ကူတစ်ကောင်လို ဖြစ်နေလိမ့်မယ်။ နားလည်ဖို့ ကြိုးစားရင်းနဲ့ပဲ စာဖတ်သူဟာလွတ်မြောက်ရာလမ်းကို ကဗျာဆီက ပြန်တောင်းပါလိမ့်မယ်။ သူက မေးရှာပါတယ်။ ကိုယ့်လူရယ်စကားလုံးအဓိပ္ပါယ် ကမ္ဘာကြီးက ခင်ဗျားအဖို့ သိပ်ကြီးလွန်းနေမလား?သိပ်များငယ်လွန်းနေမလား? သိပ်ကိုများ ဆိုးရွား နေလွန်းမလား။ ဆက်ဖတ်စမ်းပါကိုယ့်လူရယ်။ ကျုပ်လဲ အတူတူပါပဲလို့ ရေးခဲ့တယ်။
- ဇော်ဇော်ထွန်း
