အန်းကို ကနေဒါနိုင်ငံ၊ တိုရွန်တို မြို့မှာမွေးတယ်။ ၁၉၅၀ ဇွန်လ ၂၁ ရက်နေ့ဟာ သူမကိုမွေးတဲ့နေ့ဖြစ်တယ်။ အထက်တန်းကျောင်းက လက်တင်စာပြဆရာကြောင့် သူမဟာ လက်တင်ဘာသာကို စိတ်ဝင်စားလာပြီး ဂန္တ၀င်စာပေအပေါ်မှာပါ လေ့လာသင်ယူဖို့ စိတ်အားထက်သန်လာခဲ့တယ်။ တိုရွန်တိုယူနီဗာစီတီ လက်အောက်ခံ စိန့်မိုက်ကယ်ကောလိပ် (St. Michael’s college ) က ဘီအေဘွဲ့ကိုရတယ်။ ၁၉၇၅ မှာတော့ အမ်အေဘွဲ့ကို ရပြီး ၁၉၈၁ မှာ Ph.D ကိုရခဲ့တယ်။ စကော့တလန်က စိန့်အင်ဒရှူးကောလိပ်မှာတော့ ဂရိဘာသာကို တစ်နှစ်လောက် လေ့လာခဲ့တယ်။ ၁၉၈၇ မှာတော့ သူမရဲ့ကဗျာရှည် “ရေအမျိုးအစားများ” (Kinds of Water) နဲ့ ကမ္ဘာ့ကဗျာလောကထဲ ၀င်ရောက်လာခဲ့ပြီးနောက် စာအုပ်များစွာထုတ်ဝေခဲ့တယ်။ ဝေဖန်သူတွေက တော့ သူမရဲ့ကဗျာတွေထဲမှာ ဆန်းပြားသစ်လွင်မှု (Incentive) ပြင်လွယ်မှု (visionary) နှင့် အထက်တန်းကျမှု (Highly unique) တို့ကို တစ်ပြိုင်နက်တွေ့ရတယ်လို့ဆိုတယ်။ သူမရဲ့ အကယ်ဒမစ် သမိုင်းနဲ့ ပတ်သက်ပြီး ရောဘတ်ဂေဘတ်ဆိုသူက “အန်းဟာ အခြားသော တက္ကသိုလ် အဆင့်ကဗျာ ဆရာတွေနဲ့ ကွဲပြားပြီး သူမ အရေးအသားများဟာ လွမ်းဆွေးစရာတွေရှိတဲ့ တူရိယာ တစ်ခုလို့ပဲဆိုတယ်။ ပြီးတော့ သူမဟာ လင်နင်စာပေဆု (Lannan Literary Award) တို့ ဂရစ်ဆင် ကဗျာဆု (Griffin Poetry Prize) တို့ ပွတ်ရ်ှကတ်ဆု (Pushcart Prize) တို့ အပါအ၀င် ဆုအမြောက်အများ ရရှိထားသူလည်းဖြစ်တယ်။ သူမဟာ ယခုမင်ချီဂန်တက္ကသိုလ် (University of Michigan) မှာ ဂန္တ၀င် နှင့်ခေတ်ပြိုင်စာပေ ပါမောက္ခ အဖြစ်ဆောင်ရွက်နေတယ်။ အန်းရဲ့ကဗျာတွေဟာ ကျွန်တော့်အတွက် ခပ်ဆန်းဆန်းပါပဲ။ မှန်စကားပြေ (Glass Essay) ဆိုရင် အေဖိုးစာရွက်နဲ့ စာမျက်နှာငါးဆယ်လောက်ရှိပါတယ်။ ၀တ္ထုလတ် တစ်ပုဒ်စာပါပဲ။ ကျွန်တော်ဟာ ဘယ်လိုမှမယုံနိုင်လောက်အောင်ဖြစ်ခဲ့ရပြီး အဲဒီ့ “မှန်စကားပြေ” ကိုဖတ်ခဲ့ရတယ်။ အန်းဟာ သူ့ကိုယ်သူ စကားပြောတယ်။ သူ့အမေကို စကားပြောတယ်။ နောက်စာရေး ဆရာမ အင်မလီဘရွန်တီ ကို စကားပြောကိုဘာသာပြန်ချင်ပါတယ်။ မှန်စကားပြေရဲ့ စာမျက်နှာမျာက အခုထိကျွန်တော့် အိပ်ယာအောက်မှာရှိနေတုန်းပါပဲ။ သူမရဲ့ရေးဟန်ကိုသရုပ်ခွဲပြသူတွေက မော်ဒန်နဲ့ ဂန္တ၀င် အရောလို့ရေးပါတယ်။ ရေးဟန်ကတော့ မော်ဒန်ပါ။ ဒါပေမယ့် အကြောင်းအရာ၊ နာမည်နဲ့ စကားလုံးတွေကတော့ လင်တင်ဘာသာထဲက အရာတွေ ဖြစ်တယ်။ ခင်ဗျားရဲ့ကဗျာကို ဂရစ်ဖင်အဖွဲ့ကရွေးချယ်ထားတဲ့ ဆုပေး ဆန်ကာတင်စာရင်း ထဲမှာပါဝင်သွားခဲ့ရင်တော့ ဆရာမဟာအန်းဟာ ကဗျာကို အသေးစိတ်ဖတ်ပါလိမ့်မယ်။ ဘာဖြစ်လို့လဲဆိုတော့ သူမဟာ ဂရစ်ဖင်ကဗျာဆု (Griffin Poetry Prize) ရွေးချယ်တဲ့ ဒိုင်လူကြီး အဖြစ်ဆောင်ရွက်နေလို့ ပါပဲ။
စိုးရိမ်ခြင်းကင်းစွာကျန်ရှိကုန်သော အကြောင်းပြချက်နှင့်အတူ (And Reason Remains Undaunted)
မြင့်မားသော အသိဥာဏ်များအားရှာဖွေရန် ငါဟာ လေတိုက်တဲ့ ရွံ့ညွန်များတဲ့ ကုန်းမြင့်တွေဆီ လမ်းလျှောက် ထွက်ခဲ့။ မြို့ကလေးရဲ့နောက်ဘက်မှာတော့ဖြင့် သစ်ပင်များ အနှောက်အယှက်ကင်းစွာ သူတို့၏ ကိုယ်ပိုင်ဥပဒေသများအတိုင်း တည်ရှိတယ်။ သစ်တစ်ပင်ဟာ များပြားလှတဲ့ နည်းစဉ်များနှင့် အစိမ်းရောင်ရွေ့လျားမှုကိုရှာဖွေတွေ့ရှိနိုင်တယ်။ အောက်မှာ အပေါ်မှာ၊ အနီးအနားမှာ၊ ဖြတ်လျှက် တည်ရှိရာ နေရာမှာ၊ နောက်ဘက်စွန်းစွန်းမှာ၊ ပို၍ မြင့်မားသော၊ အေးရန်ပြုလုပ်ခြင်း၊ သိပ်သည်းခြင်း၊ ပစ်ခတ်ခဲ့၊ မျက်ဝန်းများထဲက အလွှာ၊ အကယ်၍ အထက်အောက် ရွေ့နေသော ဆဲလဲတစ်ခုလို၊ တန်ဖိုးကြီးအရာများစွန့်ပစ်မှု တစ်ခုလို၊ သေးငယ်စွာ စုပ်ယူခဲ့ပေါ့။ တစ်ကြိမ်မှာ သစ်ရွက်တစ်ရွက်စီ၊ ပင်လယ်-ဒေါသကြီးသော၊ အပင်ငယ်အများနှင့် မတူသော ၊ ကြိုးကဲ့သို့ အလျားလိုက် တွဲလိုက်ကျလိုက်၊ မရိတ်ဖြတ်ထားသော၊ ရေအိုင်ငယ်များ၏ အသားလွှာကို ထုတ်ယူ၊ တစ်ယောက်တစ်ပေါက် ဆူညံသံကဲ့သို့ ရှင်းလင်းသော၊ မျှော်စင်တစ်ခု ကဲ့သို့၊ နှလုံးသားတစ်လျှောက် ပျံ့ကြဲခဲ့ကြ၊ မုန်တိုင်းဆန်တဲ့ခံစားမှုက အစိမ်းရောင်၊ အလင်းမဲ့သော ထိတ်လန့်မှု ပန်ဆင်စွာ၊ ကိုယ်ပိုင်မြင့်မားခြင်း၏ လျို့ဝှက်ချက်များကို သယ်ပိုးရင်း၊ ထိုတောင်းဆိုမှု တစ်ခုထက်ပိုသော ခဏတာ၊ မယ်လတန် ထက် ဂုဏ်သရေရှိစွာ သို့မဟုတ် သူ့ဘုရင်၏ အကြမ်းဖက်မှုများကိုတောင်မှ၊သူ့အမှောင်ဘက်အပိုင်းများထဲက စံပြ၊ စာလုံးတစ်လုံးက ''မုန်တိုင်း” ဆိုတဲ့ အဓိပ္ပါယ်ကိုဖန်ဆင်းပေးတယ်။ (အချစ်၏) ဒါမှမဟုတ် ”မျဉ်းများလွန့်လူးခြင်း” (ဗိသုကာပညာနှင့်ဆိုင်သော)၊ ပယ်ချခဲ့သော၊ သန့်စင်သော၊ သစ်ပင်ပေါ်က နှာခေါင်းပေါက်များ အမှတ်အသားနှင့် အတူ၊ ကျွန်တစ်ယောက်မဟုတ်၊ လျှင်မြန်မှုဟုတ်။ လျှင်မြန်မှု။
- အန်းကာဆန် (Anne Carson)
- ဇော်ဇော်ထွန်း
