မနေ့က ငါ့ရဲ့ နှင်းဆီတွေ အခိုးခံရတယ်။
ဘယ်သူကများ လရောင်ရဲ့တန်ခိုးတော်ကို ရှင်သန်ထမြောက်ခွင့် ပေးခဲ့ပါသလဲ။
ဂျိမ်းတိတ် (James Tate) ကို ကင်းဘတ်မြို့တော်မှာမွေးဖွါးခဲ့တယ်။ မွေးနေ့အတိအကျက ၁၉၄၃ ဒီဇင်ဘာလ ရှစ်ရက်နေ့ပါ။ သူ့အဖေက တိုက်လေယာဉ်မှူးတစ်ဦးဖြစ်ပြီး သူငါးလသားအရွယ်မှာ ဒုတိယ ကမ္ဘာစစ်ထဲ ပျောက်ဆုံးသွားခဲ့တယ်။ သူ့ရဲ့ ပထမဆုံးကဗျာစာအုပ်ရဲ့အမည်က ပျောက်ဆုံးစစ်သည် (The lost Pilot-1967) ဖြစ်တယ်။ အိုင်ဂိုပါတက္ကသိုလ်ရဲ့ကဗျာအလုပ်ရုံတွေမှာ အသက်အငယ်ဆုံး ကဗျာဆရာဆုကို ရတယ်။ ဂျိမ်းတိတ်ရဲ့ ပျောက်ဆုံးစစ်သည်ကဗျာစာအုပ်ဟာ ခြောက်ဆယ်နဲ့ခုနှစ်ဆယ်ခုနှစ် ကဗျာဆရာများအပေါ် အတော်လေးကို လွှမ်းမိုးခဲ့တယ်လို့ ဆိုတယ်။ သူက တကယ့် ဆာရီရယ်လစ်ဇင် အစစ်။ နာမည်ကြီးချာလီဆီးမစ် (Charles Simic) နဲ့ ဒိုနယ်ဂျပ်စတစ်တို့ကြားထဲမှာ ဂျိမ်းတိတ်ရဲ့ အရေးသားဟာမတူညီတဲ့၊ တစ်မျိုးကွဲပြားတဲ့ အင်္ဂလိပ်စာအရေးအသား ဖြစ်တယ်လို့ ၁၉၉၈ ခုနှစ်တုန်းက ဝေဖန်ရေးဆရာဒါနဂလိုရ (Dana Gloia) က ရေဒီယိုက ပြောကြားခဲ့တယ်။ အနှစ်နှစ်ဆယ်အတွင်းမှာ ဂျိမ်းတိတ်ဟာ ကဗျာစာအုပ်တွေ အတော်များများ ထုတ်ဖြစ်ခဲ့တယ်။ ၁၉၉၁ က ထုတ်ဝေခဲ့တဲ့ ဂျိမ်းတိတ်ရဲ့လက်ရွေးစင်ကဗျာများ Selected Poems ဟာ ပူလစ်ဇာဆုနဲ့ ဝီလျံကားလို့စ် ၀ီလျံဆုကိုရ…။ ၁၉၉၇ ခုနှစ်မှာ ဂျိမ်းတိတ်ဟာThe Best American Poetry အတွက် အယ်ဒီတာအဖြစ် ဆောင်ရွက်ခဲ့သေးတယ်။ သူက အမျိုးသားအနုပညာနဲ့စာပေတက္ကသိုလ်က ပေးတဲ့ဆု (National Institute of Arts and Letters Award) ၊ဝေါ့လေ့စတီဗင်ဆု (Wallace Stevens Award) နောက်တော့ တန်းနီးပရိုက်ဇ် (Tanning Priza-1995)၊ ဂူဂန်ဟင်းအဖွဲ့ရဲ့ထူးချွန်ဆု (Guggen Foundation and the National Endowment for the Arts) နဲ့ ၂၀၀၁ ခုနှစ်မှာတော့တိတ်ဟာ အမေရိကန်ကဗျာဆရာ အကယ်ဒမစ်အဖွဲ့ (The Academy of American Poets) ရဲ့ အဓိပတိ အဖြစ်ရွေးချယ်ခြင်းခံရတယ်။ နယူးယောက်တိုင်းသတင်းစာမှာတော့ ဂျွန်အက်ရ်ှဘရီက တိတ် ကို ဒီလိုဝေဖန်ခဲ့တယ်။ ”ကျုပ်ဟာ ကဗျာဥာဏ်အလင်းကို ပြန်ရလိုတဲ့အခါမှာ ဒါမှမဟုတ်ပြန်ပြီး လန်းဆန်းလိုတဲ့အခါမှာ ဂျိမ်းတိတ်ရဲ့ ကဗျာတွေကို အခြားသူများရဲ့ကဗျာတွေထက်ပိုပြီး ဖတ်ဖြစ်တယ်။” - တဲ့။
သူက
နှစ်လိုဖွယ်ရှူမြင်သူတစ်ဦး (Poet of possibilities)၊
ဝါကျတည်ဆောက်မှု ကောင်းမွန်သူ (of morph)၊
အံဘနန်းဖွယ် ချိတ်ဆက်မှုများဖန်တီးသူ (of surprising consequences)၊
ချစ်စရာ စကားလုံးများနှင့် စနစ်တကျ ဖျက်ဆီးမှုများရှိသူ (lovely and disastrous)၊
နောက်ပြီး သူတင်ပြတဲ့အကြောင်းအရာကနေရာတိုင်းမှာ ရှိနိုင်တွေ့နိုင်တယ်။ (These phenomena exist everywhere) လို့ချီးမွမ်းခဲ့တယ်။
ဂျိမ်းတိတ်ဟာ သူ့ကဗျာစာသားတွေကို သိပ်ခက်တဲ့စာလုံးတွေနဲ့ ရေးလေ့မရှိသလို ရာဇဝင်ထဲကစကားလုံးတွေကိုလည်း သိပ်သုံးလေ့မရှိတာ တွေ့ရတယ်။ သူ့ကဗျာစာအုပ်ခေါင်းစဉ် တွေကိုက ကဗျာတွေဖြစ်လိုဖြစ်နဲ့။
မေ့လျောခြင်းသကာလ (Theoblivion-1970)၊
ပျက်ကွက်မှုများ (Absences-1972)၊
ချစ်မိသူများဆီမှ အကွာအဝေး (Distance from Love Ones-1990)၊
လင်းယုန်တစ်ကောင်ရဲ့မှတ်စု (Memoir of theHawk-2001)
အဖြူရောင်မြည်းများ၏မြို့တော်ဆီသို့အပြန် (Return to the City of WhiteDonkeys-2004)၊
ဝိဥာဉ် စစ်သည်တော်များ (The Ghost soliders-2008) တို့ဟာ လှပတဲ့ခေါင်းစဉ်တွေပေ့ါ။
A Knock On The Door
They ask me if I've ever thought about the end of
the world, and I say, "Come in, come in, let me
give you some lunch, for God's sake." After a few
bites it's the afterlife they want to talk about.
"Ouch,"I say, "did you see that grape leaf
skeletonizer?"Then they're talking about
redemption and the chosen few sitting right by
His side. "Doing what?" I ask. "Just sitting?" I
am surrounded by burned up zombies. "Let's
have some lemon chiffon pie I bought yesterday
at the 3 Dog Bakery." But they want to talk about
my soul. I'm getting drowsy and see butterflies
everywhere."Would you gentlemen like to take a
nap,I know I would." They stand and back away
from me, out the door, walking toward my
neighbors,a black cloud over their heads and
they see nothing without end.
- James Tate
တံခါးခေါက်သံတစ်ချက်
သူတို့ ကျုပ်ကိုမေးရဲ့။ အကယ်၍များ ကျုပ်ဟာ ကမ္ဘာပျက်မဲ့ အကြောင်းကို စဉ်းစားခဲ့ဖူးရင်၊ နောက်တော့ကျုပ်က ပြောတယ်။" ဝင်ခဲ့ပါ ၊လာခဲ့ပါ ၊ သင့်ကိုနေ့လယ်စာတစ်ချို့ပေးပါရစေ"။ ဘုရားသခင်ရဲ့ ဆန္ဒအတွက် တချို့သော ကိုက်ခဲမှုတွေအပြီးမှာတော့ သူတို့ပြောချင်တဲ့အကြောင်းအရာက အသက်ရှင်ခြင်းရဲ့ အခြားတစ်ဖက် ဆိုတာပဲ။ “အို့ခ်ျ” လို့ ကျုပ်ပြောတော့ “အရွက်စားလောက်လန်းကောင်ကိုမြင်ခဲ့ပါသလား?” နောက်တော့ သူတို့ဟာ ကတိအတိုင်း ပြုမူဆောင်ရွက်ခြင်းဆိုတဲ့ အကြောင်းအရာကိုပြောနေကြပြီး တစ်ချို့ဟာသူ့ရဲ့ဘေးမှာ ထိုင်ချတယ်။ “လုပ်နေတာဘာလဲ?” လို့ ကျုပ်ကမေးတယ်။ “ထိုင်နေတာပဲလား?”။ လောင်ကျွမ်းနေတဲ့အရူးတွေ ကျုပ်ကို ဝိုင်းထားခြင်းခံရတယ်။” လီမွန်ကျောက်ကျောအစာသွပ်မုန့်ပေးစားရကောင်းလား။ မနေ့ကပဲကျုပ် (၃) ခွေးမုန့်တိုက်က ဝယ်လာခဲ့တာ”။ ဒါပေမယ့် သူတို့ဟာကျုပ်ရဲ့ ဝိဥာဉ်အကြောင်းကိုပြောချင်နေကြတယ်။ ကျုပ်က ခေါင်းမူးနေတယ်။ ပြီးတော့ လိပ်ပြာတွေကိုနေရာအနှံ့မှာ မြင်နေရတယ်။ “လူကြီးမင်းခဏ တစ်ဖြုတ်အိပ်ချင် ပါသလား။ ကျုပ်က ကျုပ်အိပ်ချင်မှန်းကျုပ်ကိုယ်ကျုပ် သိတယ်”။ သူတို့ မတ်တပ်ထရပ်ပြီး နောက်ကိုဆုတ်ကာ ကျုပ်နားကခွာ တံခါးအပြင်ကိုထွက်ကြ။ ကျုပ်ရဲ့ အိမ်နီးနားချင်းတွေဆီ တန်းပြီးသွားနေကြ။ တိမ်အနက်တစ်စင်း သူတို့ခေါင်းပေါ်ကဖြတ်တော့ သူတို့ဟာဘာကိုမှ မမြင်တော့တာ အဆုံးမရှိနိုင်အောင်ပါပဲ။
- ဂျိမ်း(စ်)တိတ်
ထင်ရှားသောဦးထုပ်များစာရင်း ( The list of Famous Hats )
နပိုလီယံရဲ့ဦးထုပ်ဟာ ကျုပ်စိတ်ကူးပြီးရေးထားတဲ့ ထင်ရှားသော ဦးထုပ်များစာရင်းအတွက်တော့ ရွေးစရာ အကောင်းဆုံးပါပဲ။ သို့ပေမယ့် စိတ်ထဲတော့ သိပ်ဘဝင်ကျလှတယ်မဟုတ်ဘူး။ ဒီဦးထုပ်ကိုပဲ ပြောစရာ ရှိနေတယ်။ ကျုပ်စဉ်းစားနေတာလည်း ဒီနပိုလီယံရဲ့ ကိုယ်ပိုင်စွပ်ဦးထုပ်ကိုပဲ။ ရေချိုးဆောင်း ဦးထုပ်မျိုးလေ။ ဒါကလည်း အဓိကသိပ်မကျတဲ့ ကွာခြားတဲ့ထူးခြားမှုလေးနှစ်ခုကလွဲပြီင်္း ကျုပ်အနေနဲ့ အရိုးသားဆုံးပြောရရင် ငတုံးတစ်ကောင် လမ်းထောင့်ကဈေးဆိုင်မှာ ခပ်လွယ်လွယ် ဝယ်လို့ရတဲ့ ဦးထုပ်နဲ့ သိပ်မကွာဘူး။ ပထမတစ်ချက်က ရီစရာကောင်းတာထက်ပိုတဲ့ ဒီဦးထုပ်ဟာ အဖြူရောင်ရာဘာရေချိုးဆောင်းဦးထုပ် ဖြစ်နေတယ်။ နပိုလီယံဟာ သူ့ရဲ့သမာရိုးကျမဆန်တဲ့ခပ်ရှုပ်ရှုပ်ဘဝကို သူငယ်စဉ်ကတည်းကစခဲ့တာ အရွယ်ရောက်ပြီးတဲ့ အထိပါပဲ။ သူ့အဖေ အသက်ပြန်ရှင်လာရင် ဒီလိုဦးထုပ်မျိုးကို ပြန်ဝယ်နိုင်စရာ အကြောင်းမရှိသလို သူ့ရဲ့ခန္ဓာကိုယ်ဟာလည်း မွေးကတည်းကစပြီးသိပ်မကြီးထွားခဲ့ပေမယ့် သူ့ရဲ့ဦးခေါင်းကတော့ ကြီးလာခဲ့မယ်ဗျ။ သူဟာ ဒီလို ခပ်သေးသေးဦးထုပ်နဲ့မွေးဖွားလာသလို မွေးကတည်းက သူ့ဦးခေါင်းဟာ အလွန်သေးတယ်။ သို့ပေမယ့် ဒီဦးထုပ်ကပဲ သူ့ကိုနာကျင်မှုတွေနဲ့ခေါင်းစားစရာတွေ တစ်သီတစ်သန်းကြီး ပေးခဲ့တယ်လို့ အဓိပ္ပါယ်ဖွင့်ရမယ်။ ဒါကြောင့်ပဲ သူဟာ အဲဒီဦးထုပ်ကို ဆောင်းဖို့အတွက် အဆင်ပြေအောင် သူ့ခေါင်းကို အရူးတစ်ယောက်လို ဆီတွေလိမ်းဖို့လိုခဲ့တာပေါ့။ နောက်ဆုံးထူးခြားချက်တစ်ခုကတော့ အဲဒီဦးထုပ်ဟာအနားသုံးဖက်ကိုချိုးပြီးဆောင်းလို့ရတဲ့ဦးထုပ်ဖြစ်နေတာပဲ။ လေ့လာသူ ကျောင်းသားတွေ အတွက်တော့ အကောင်းဆုံးဖြစ်ပြီး အလုပ်လုပ်လိုဖြစ်လွယ်ကူစေတဲ့ပုံပဲ။ ရိုးစင်းလွန်းတဲ့ ငါ့ရဲ့အတွေးတစ်ခုကတော့ သူ့ရဲ့အများပိုင်တဲ့ ခေါင်းအောက်ထဲမှာ အခြားသော ခေါင်းတစ်လုံးရှိနေခဲ့တယ် ဆိုတာရယ် နောက်ပြီး အဲဒီအရာဟာ ပိရမစ် ဒါမှမဟုတ်တစ်စုံတစ်ရာဖြစ်ခဲ့မယ် ဆိုတာပါပဲ။
- ဂျိမ်း(စ်) တိတ် (Jame Tate)
ကဲ …. ဒီတစ်ညမှာတော့ဖြင့် နို့ရည်ဆမ်းထားတဲ့ လရောင်နဲ့ နောက်ဆုံးညစာပန်းချီကားကို ယုဒအတွက်ဖြစ်ဖြစ်၊ ပန်းချီဆရာ ဒါဗင်ချီအတွက်ဖြစ်ဖြစ်စားဖြစ်အောင် စားလိုက်စမ်းပါ။ ဘုရားသခင် မနက်ပိုင်းက လုပ်ထားတဲ့ တိမ်တွေလည်းခရီးထွက်သွားနှင့်ပြီ…….. မိုးလင်းသွားတော့ တိမ်တစ်ဆုပ်ဟာ နင့်ခေါင်းပေါ်မှာ ရှိနေဦးမယ်။
Ref: James Tate's Collective Poems
- ဇော်ဇော်ထွန်း
