ဒီနေရာမှာကဗျာရေးသူဟာ "ဟမ်းဟမ်း"ကောင်တွေ အကြောင်းကို ထည့်ရေးသွားတာဟာ နှစ်ဆယ့်တစ်ရာစု "ဂိမ်းစွဲလမ်းမှုပြဿနာ" ကို ထင်ဟပ်စေပါတယ်။ ဒါဟာ မျိုးဆက်ကွာဟချက်ကို ထင်သာမြင်သာရှိစေတဲ့အသုံးပါ။ ဗန်းစကားဖြစ်တဲ့ "ickle wickle" ကိုလည်း သုံးထားတယ်။ ကျွန်တော်ပြောချင်တာက ဖလက်(ဖ)ကဗျာတွေထဲမှာ "Shashaa" တို့ "Ticky-Ticky" တို့ကိုတွေ့ရင်အဓိပ္ပါယ်ကို တခြားနေရာမှာ မရှာပါနဲ့။ "ဟမ်းဟမ်း" ဆိုဒ်တွေမှာ ရှာလို့ရပါတယ်။ ဒီတော့ ဖလက်(ဖ)ကဗျာဟာ ဒီကနေ့ပြောင်းလာတဲ့ နည်းပညာသက်ရောက်မှုပါပဲ။ ဒါပေမယ့် အခုအချိန်အထိဖလက်(ဖ)ရဲ့ ပုံသဏ္ဍာန်ကို ကန့်သတ်ခြင်း မရှိသေးဘူးလို့ ဆိုရမယ်။ ဖလက်(ဖ)ရဲ့ ထိပ်ပိုင်းအုပ်စုဝင်အဖြစ် သတ်မှတ်ခံရတဲ့ ကေဆလင်းမိုဟာမက် (K.Silem Mohammad) ဟာ တောင်ပိုင်း အော်ရီဂွန်တက္ကသိုလ်မှာ ရှိတ်စပီးယားကို ဘယ်လို ပြန်ရေးမလဲဆိုတဲ့ ခေါင်းစဉ်နဲ့ တပည့်တွေကို ပို့ချပေးနေသူပါ။ သူက ရှိတ်စပီးယားရဲ့ ဆွန်းနက် (၁၅၄) ပိုဒ်ကို ရိုင်း(မ) နဲ့ မီတာ သွေဖယ်ခြင်းမရှိဘဲ ပြန်လည်တည်ဆောက်ပါတယ်။ သူအသုံးပြုသွားတာက အင်တာနက် အနာဂရမ်ဂျင်နရေတာ (Annagram Generator) ကိုပါ။ ဒီအတွက် မိုဟာမက်ရဲ့ကဗျာတွေကို ဖတ်တဲ့အခါမှာ အနာဂရမ် (Annagram) ဆိုတဲ့ စနစ်ကို လေ့လာထားရပါမယ်။ ဂူဂဲလ်ရဲ့အနာဂရမ်ဆာဗာအားကိုးနဲ့ လွယ်လွယ်ရေးလို့ရပေမယ့် မိုဟာမက် (K.Silem Mohammard) ဟာ ရှိတ်စပီးယားဆွန်းနက်တွေကို အနာဂရမ်နည်းနဲ့ တည်ဆောက်တယ်လို့ ဆိုခဲ့ရာမှာ ကျွန်တော်တို့ဟာ ဂူဂဲလ်ရဲ့အင်တဲလီဂျင့်ကိုလည်း သိဖို့လိုလာပါတယ်။ ရှိတ်စပီးယားကဗျာတွေက Blank Verse အမျိုးအစားတွေများတယ်။ မိုဟာမက်ဟာ မီတာနဲ့ ရိုင်း(မ )နှစ်ခုစလုံးကို မသွေဖယ်ဘူးဆိုတော့ သူ့ကဗျာတွေကိုလေ့လာရာမှာ ဆွန်းနက်၊ ဘလန်(ခ)ဗား(စ)၊ မီတာ၊ ရိုင်း(မ) နဲ့ နည်းစနစ် အနာဂရမ်ကိုပါ လေ့လာဖို့လိုလာပါတယ်။
"The Written Flarf" ခေါင်းစဉ်အောက်မှာ ဂယ်ရီဆူလဗန် (Gary Sullivan) ရေးထားတဲ့ ကဗျာ "I used to Believe" (ယုံကြည်ခဲ့ဖူးပါသည်) ထဲက ကောက်နှုတ်ချက်ဝါကျ(Excerpt) တချို့ကို ရေးကြည့်ပါမယ်။ ကျွန်တော်က ဖလက်(ဖ)ကဗျာတွေထဲမှာတော့ ဂယ်ရီရဲ့ဒီကဗျာကိုသဘောကျပါတယ်။ ခေါင်းစဉ်က "I used to Believe" တဲ့။ သဒ္ဒါတည်ဆောက်ပုံအရ "used to" ဆိုတာ အတိတ်ကာလကို ဖော်ပြတဲ့ ဖွဲ့စည်းပုံအသွင်ကွဲတစ်ခု ဖြစ်ပြီးတချိန်က လုပ်ခဲ့ဖူးတာကို ဆိုလိုပါတယ်။ "I used to believe" ဆိုတော့ ယုံကြည်ခဲ့ဖူးတယ်ဆိုတာမျိုး။ ဆူလဗန်ဟာ ဒီကဗျာကို သဒ္ဒါဖွဲ့စည်းပုံ နှစ်မျိုးနဲ့ပဲ တည်ဆောက်ပါတယ်။ တစ်မျိုးကအတိတ်ကိုပြသော "used to" ပုံသဏ္ဍာန်ဖြစ်ပြီး နောက်တစ်မျိုးကတော့ မဖြစ်နိုင်တာ ဒါမှမဟုတ် ဖြစ်နိုင်ခြေနည်းတဲ့ အရာတွေကို ပြောတဲ့အခါမှာသုံးတဲ့ If+Past ပုံစံ၊ ဒါမှမဟုတ် If I did ပုံစံပါ။ စိတ်ကူးယဉ်တဲ့ အခါမှာ သုံးပါတယ်။ If you won a million pounds ဆိုတာက"အကယ်၍များ သင်ပေါင်တစ်သန်း ပေါက်ခဲ့သော်" ဆိုတဲ့ အဓိပ္ပါယ်ပါ။ ဖြစ်နိုင်ခြေနည်းတဲ့(ဝါ)မဖြစ်နိုင်တဲ့အတွက် "won" ကို သုံးပါတယ်။ ဒါက "Structure" တည်ဆောက်ပုံကိုနည်းနည်းပြောကြည့်တာပါ။ ဝါကျတွေဟာ ရိုးစင်းပါတယ်။ ခလေးတစ်ယောက်ရဲ့ အတွေးပါ။ ကျွန်တော်တို့ငယ်ငယ်တုန်းကလည်း သူ့လိုပဲ တွေးခဲ့ဖူးတာပေါ့။
ယုံကြည်ခဲ့ဖူးပါသည် (I used to Believe)
နားကြပ်များသည်သင့်ဦးခေါင်းကို ဖိနှိပ်စမ်းသပ်ပါက သင်၏အတွေးများကို ကြားနိုင်လိမ့်မည်ဟု ကျွန်တော်ယုံကြည်ခဲ့ဖူးပါသည်။ သင် အိမ်ထောင်မပြုမချင်း မသေဆုံးနိုင်ဟု ကျွန်တော်ယုံကြည်ခဲ့ဖူးပါသည်။ကျွန်တော်ထင်ခဲ့တာက အိမ်ထောင်ကျတဲ့ စုံတွဲများ ဟန်းနီးမွန်းထွက်သည်မှာ လပေါ်သို့ တကယ်သွားကြသည်ဟူ၍ဖြစ်သည်။ ကျွန်တော် ယုံကြည်ခဲ့ဖူးသည်မှာ သင်၏ဘဝသည် အိပ်မက်တစ်ခုဖြစ်ပြီး သင်သေဆုံးသွားသည့်အခါ၌ကလေးတစ်ယောက်ကဲ့သို့ နိုးထလာ၍ မတူသောအဖြစ်အပျက်များ ထပ်မံပေါ်ပေါက်လာမည့် ဘဝမပြောင်းသောလူတစ်ယောက်အဖြစ် ဘဝကို ပြန်စလိမ့်မည်။ ဥပမာအားဖြင့်၊ အကယ်၍ သင်ဆင်းရဲပါက နိုးလာမည့်အချိန်တွင်ချမ်းသာနေမည်။ ကျွန်တော် လက်ခံခဲ့ဖူးသည်က အဝတ်အစားများ သင်နှင့်အတူကြီးထွားလာသည် ဆိုသည်ပင်ဖြစ်သည်။ကျွန်တော်တွေးခဲ့ဖူးသည်က အသက်တစ်ဝက်သို့ ရောက်သောအခါ ဆန့်ကျင်ဘက်လိင်အား ပြောင်းလဲ၍ရသည်။
ဂယ်ရီဆူလဗန် (Gary Sullivan)
အခုတစ်ခါ လေ့လာကြည့်မယ့် ကဗျာကတော့ ဖလက်(ဖ)လောကမှာနာမည်ကြီး ကဗျာတစ်ပုဒ်ဖြစ်တဲ့ ဒရူးဂါနာရဲ့ ဖလက်(ဖ)ဟာ ဘာကြောင့် ကွန်ဆက်ချူရယ်လစ်ဇင်ထက်ပိုကောင်းရသလဲ (Why Flarf is better than Conceptualism) ပါပဲ။ တချို့စာကြောင်းတွေကိုပဲပြန်ကြည့်တော့မယ်။ ဒါမျိုးက တစ်ဖက်သတ် ရေးကြတာမျိုး။
"ကွန်ဆက်ချူရယ်လစ်ဇင်က ကွန်ဆက်ချူရယ်လစ်ဇင်ဘာလဲဟု မေးသည်။
ဖလက်(ဖ)သည် ကဗျာဖြစ်သည်။ ကဗျာမဟုတ်သောအရာများအကြောင်းလည်းဖြစ်သည်။
ကွန်ဆက်ချူရယ်လစ်ဇင်သည် လှုပ်ရှားမှုမဲ့ခြင်းခံရသည်
ဖလက်(ဖ)ကမူ မြေသြဇာလို အရောအနှောမျိုးဖြစ်သည်။
ကွန်ဆက်ချူရယ်လစ်ဇင်ဟာ အမျိုးမျိုးသောနည်းစနစ်တွေကို စေခိုင်းပြီး တောမရောက်၊ တောင်မရောက်နဲ့ ရှုပ်ထွေးပွေလီတဲ့မေးခွန်းရဲ့ ဘလာဘလာ ဘလာဘလာ…" (တစ်ဖက်နဲ့တစ်ဖက် နစ်နစ်နာနာတွေ ရေးဖို့ကြိုးစားကြတော့တာပါပဲ။)
ဖလက်(ဖ)က သဘာဝတရားဖြစ်သည်။ ကွန်ဆက်ချူရယ်လစ်ဇင်ကမူသဘာဝကို ပြောင်းရန်ကြိုးစားသည်။ (ဇတ်လမ်းကမပြီးသေးဘူး။ ဝေဖန်ရေးဆရာမ မာဂျိုရီပါးလော့ဘက်လှည့်လာတယ်။)
မာဂျိုရီက ကွန်ဆက်ချူရယ်လစ်ဇင် ကိုကြိုက်သည်။
မာဂျိုရီက ဖလက်(ဖ)ကို မကြိုက်ပါ။
ကဗျာသည် ကွန်ဆက်ချူရယ်လစ်ဇင် ဖြစ်၍
ဖလက်(ဖ)သည် ဘဝဖြစ်သည်။
(ကောက်နှုတ်ချက်) ဒရူးဂါနာ
အားမနာတမ်းပြောရရင်တော့လောလောလတ်လတ် အဲဒီဘလော့(ခ)မှာ တင်ထားတဲ့ ကွန်မန့်ကိုပဲ ဘာသာပြန်ပေးစရာ ရှိတော့တ.်။"စတုပစ်" တဲ့။ ဖလက်(ဖ)ကဗျာဟာ အဲဒီလို ခပ်ပေါ့ပေါ့ရေးတဲ့ကဗျာလား ဆိုရင်တော့မဟုတ်ပြန်ဘူး။ ဒန်ဟွိုင်းရဲ့ မှတ်ချက်ကိုပဲကြည့်ပါ။ အိုက်ချင်းကဗျာ၊ ရာသီဥတုပြစကားလုံး၊သင်္ချာဖော်မြူလာ၊ ဂျွန်ကေ့ခ်ျ (John Cage) နဲ့ အော်လီပိုကျပန်း (Chance Operation)တွေပါနေတယ်။ ဒါဟာ ခပ်ပေါ့ပေါ့အရေးမျိုး မဟုတ်ပါဘူး။ မိုဟာမက်ဟာ ရှိတ်စပီးယား ၁၅၄ ပုဒ်လုံးကိုအနာဂရမ်ဆာဗာ (Anagram Server)ထဲ ထည့်ရိုက်ပစ်ခဲ့တယ်။ စာလုံးတွေ အယ်လဖာဘတ် တွေကတော့ရှိတ်စပီးယားအတိုင်းပါပဲ။ ဒါပေမယ့် အဓိပ္ပါယ်ကွဲသွားတယ်။ အနာဂရမ်ကို လေ့လာသင့်တယ်ထင်လို့ဖလက်(ဖ)ကဗျာရေးသူတစ်ဦးကို ကျွန်တော်ပြောရင် ခင်ဗျား ခေါင်းညိတ်ကိုညိတ်ပေးရမယ်။ ဘာကြောင့်လဲဆိုတော့ရှိတ်စပီးယား ၁၅၄ ပုဒ်ကို မိုဟာမက် ပိုင်သွားလို့ပါပဲ။
Ref:KG. Poetry Foundation
အနာဂရမ်စနစ် (Anagram)
ဂရိစကားလုံး [ana- (up, again, back,new) + -gram (letter)] ပါပဲ။ အဓိပ္ပါယ်ကတော့"A word or phrase formed by rearranging the letters of another word orphrase" လို့ရေးတယ်။ "စကားလုံးတစ်လုံး (သို့) စကားစုတစ်ခုအား အခြားစကားလုံးတစ်လုံး(သို့) စကားစုတစ်ခုအား အခြားစာလုံးတစ်လုံး (သို့) စကားစုတစ်ခု ဖြစ်အောင် ပြောင်းလဲဖွဲ့စည်းသည်။"လို့ အဓိပ္ပါယ်ရတယ်။
မူလအက္ခရာစာလုံးတွေပါပြီး အစီအစဉ်အပြောင်းအရွှေ့၊ နောက်စာလုံးတွေ ဘာဖြစ်လာမလဲလို့ အစီအစဉ်ပြန်ချ(Rearrange) ပြန်လုပ်တာပဲဖြစ်တယ်။ဥပမာ ပါလီမန် ဆိုတဲ့စာလုံး(Parliment)ဟာ အနာဂရမ်စနစ်နဲ့ပြန်ဆောက်ရန် (Partial men)ဖြစ်သွားတယ်။ ကလင့်အိတ်စ်ဝု(ဒ) (Clint Eastwood) ဟာ ကောင်းဘွိုင်ကားဟောင်း(Old West Action) ဖြစ်သွားတယ်။ ဒီအနာဂရမ်တည်ဆောက်ပုံကို ဖလက်(ဖ)တွေပြန်သုံးခဲ့တော့ကွန်ဆက်ချူရယ်သမားတွေနဲ့ ဒီအနေအထားမှာ ရှုပ်ထွေးကုန်တယ်။ အုပ်စုနှစ်ခုစလုံးဟာ နည်းပညာအနေနဲ့ခေတ်ပေါ်အင်တာနက်နဲ့ ကွန်ပြူတာပရိုဂရမ်ကို "ဂျမ်းတုံး" ခုပြီး တက်ဖို့ ကြိုးစားကြတဲ့အတွက်တချို့ တည်ဆောက်ပုံတွေဟာ သွားပြီး ထပ်(Overlap)သွားတာ ဖြစ်တယ်။ ဒါကြောင့် ကက်နက်ဂိုးစမစ်လို ပုဂ္ဂိုလ်ဟာ လှေနံနှစ်ဖက် နင်းရုံတင်မကဘူး၊ ခွထိုင်ပစ်ဖို့ ကြိုးစားလာတယ်။ ရှေ့မှာရေးခဲ့သလိုပဲ"အနာဂရမ်" ဟာ စာလုံးကို ကစားတဲ့နည်း (word play)ဖြစ်တယ်။ မူလစကားလုံးဟာ သူ့ရဲ့"Subject" ဖြစ်တယ်။ မူလမှာ အက္ခရာ "၆" လုံးရှိတယ်။ အနာဂရမ်ဟာ"၆" လုံး အတိအကျပါပဲ။ ဒါပေမယ့် နေရာတွေပြောင်းသွားပြီး အဓိပ္ပါယ်က တစ်မျိုးထွက်လာတယ်။အဲဒီလို ရွှေ့ပြောင်းကစားတဲ့ ပညာရှင်တွေကိုတော့ Anagrammatist လို့ခေါ်တယ်။ မူလစာလုံးတွေအားလုံးသုံးရတယ် ဆိုပေမယ့် တစ်ချို့နေရာတွေမှာခက်ခဲတယ်။ တစ်လုံးလျှော့ နှစ်လုံးလျှော့တွေ ဖြစ်သွားပေမယ့် အဲဒီလိုလို မူလအတိုင်းအတိအကျ သုံးထားရင်တော့ ပြည်စုံသော အနာဂရမ် (Perfect Anagram) လို့ ခေါ်ပြီး စာလုံးမစုံရင်တော့“Imperfect” လို့ခေါ်တယ်။
ဘယ်ကစခဲ့သလဲ။ ဒီမေးခွန်းရဲ့အဖြေ အတွက်တော့ တမန်တော် မိုးဇက်(Moses)ဆီ ပြန်သွားရပါမယ်။ တမန်တော်မိုးဇက်ရဲ့ “Themuru” ထဲကနာမည်တွေမှာ မြုပ်ထားတဲ့အဓိပ္ပါယ်တွေ တွေ့ရတယ်။ အလယ်ခေတ်မှာတော့ တေးရေးဆရာ “Guillaume de Machaut” တို့ လုပ်ခဲ့သေးတယ်။ ၁၅၈၉ မှာ အင်္ဂလိပ် စာပေအတွက်အရေးပါတဲ့အနာဂရမ် ကျမ်းတစ်စောင်ထွက်ခဲ့တယ်။ အဲဒါကတော့ ဂျော့ပုတင်ဟမ် (George Puttenham)ရေးတဲ့“of the Anagram or Posy Transposed in The Art of English Poesie” ပါပဲ။ အနောက်တိုင်းဘာသာစကားရဲ့ အရင်းအမြစ် လက်တင်ဘာသာမှာတော့ အနာဂရမ် တွေလည်းတွေ့ရတယ်။ အဲဒီထဲကတစ်ခု ကတော့“Quid est veritas” ဖြစ်ပြီး အင်္ဂလိပ်လို “What is truth” (အမှန်တရားသည် မည်သည့်အရာနည်း။)ကို “Est vir qui adest” (အဲဒါဤနေရာ၌နေတဲ့လူ)လို့အဖြေရှိခဲ့တယ်။ ၁၇ ရာစုမှာတော့ နာမည်တွေကို အနာဂရမ်နည်းတွေနဲ့ အဓိပ္ပါယ်ဖွင့်ခဲ့ ကြတယ်။၁၉ ရာစုမှာ Florence Nightingale ကို “Fliton, cheering angle” လို့ရေးခဲ့သလို သြဂတ်စတပ်ဒီမော်ဂန် (Augustus De Morgan) ကို“Great Gun, do us sum!” လို့ရေးပြန်တယ်။ “ဆာရီယယ်လစ်ဇင်” ကဗျာခေတ်မှာ ဂျာမန်ကဗျာဆရာယူနီကဇွမ်း “Unica Zürn” တို့က နာမည်တွေတွင်တွင် လုပ်နေသေးတယ်။ သူက အနာဂရမ်ကို“Dangerous fever” (အန္တရာယ်ရောဂါ) လို့အမည်ပေးတယ်။ အဲဒါတွေလုပ်နေတာ သူ့ကို အခြားကဗျာတွေနဲ့အဆက်ဖြတ်လိုက်သလို ရှိခဲ့တယ်လို့ မှတ်ချက်ပေးခဲ့တယ်။ ဆာရီရယ်လစ်ဇင် ခေါင်းဆောင်ကြီးအွန်ဒရေဘရီတွန် (Andre Breton) တို့လည်း အနာဂရမ်ကို စိတ်ဝင်စားခဲ့တယ်။
- ဇော်ဇော်ထွန်း
