အကြောင်းအရင်းကတော့ အချက်အတော်များများမှာ အခြေခံတယ်။ ထပ်ပြီးတော့ မရှင်းသင့်တော့ဘူးလို့လဲထင်မိတယ်။ ဒီနေရာမှာ ကဗျာကို အဓိကသွားမှာဖြစ်လို့ ပို့စ်မော်ဒန်ရဲ့ ကဗျာမဟုတ်တဲ့ အခြားသော ဘက်ခြမ်းတွေဆီ မသွားတော့ပါဘူး။ ဒါပေမယ့် ခုမှစပြီး လေ့လာမယ့်သူတွေအဖို့ ပို့စ်မော်ဒန်ရဲ့ အဓိကအခြေပြုတဲ့ ဒေါက်တိုင်လေးခုကို အနည်းငယ်ပြောဖို့လိုလာပါတယ်။ သီအိုရီတွေတော့ မဟုတ်ပါဘူး။ ပို့စ်မော်ဒန်အားပြုခဲ့တဲ့ အခြေခံအချက်အလက်တွေပါ။ မူရင်းဆောင်းပါးရေးသူကတော့ လက္ခဏာများ (features) လို့ခေါ်ပါတယ်။ မော်ဒန်လှုပ်ရှားမှုနောက်ပိုင်း ကာရံမဲ့ကဗျာ FV (Free Verse) ဟာ ဝေဖန်ရေးသစ် (New Criticism) ရဲ့ ဖိအားကို အပြင်းအထန်ခံရပါတယ်။ ပထမမော်ဒန် အက်ဗွန်းဂတ်(ထ)ဟာ "New Criticism" ရဲ့ ထိန်းချုပ်မှုဘက်ကို ရောက်သွားခဲ့ရတယ်။ မော်ဒန်ဟာ နည်းစနစ်ပြုပြင်ဖို့လိုလာပါတယ်။ ဒါကို ဆောင်းပါးရှင် ဂျွန်ဟိုကမ်ဘီ (John Holcombe) က (Technical Innovations of the Early Modernists) လို့ ခေါ်ပါတယ်။
မော်ဒန်ခေတ်ဦးက အက်ဇရာပေါင်းနဲ့ ဒီအိပ်ခ်ျလောရင့်တို့ကို ပြန်လည် မွမ်းမံဖို့လိုလာပါတယ်။ "New Critism" ဟာ ပိုပြီး အကင်းပါးတယ်။ ကျောင်းကောင်းကောင်းမှာ ပညာတွေသင်ထားပြီး ကင်နွန် (Cannon) တွေကို ကြေညက်နေတဲ့ အုပ်စုဖြစ်လေတော့ ဖန်တီးမှုတွေဟာ သူတို့လက်ထဲက ပြေးမလွတ်ဘူးပေါ့။ ပုံစံဟောင်းကို မွမ်းမံလိုတဲ့ "New Formalism" နဲ့ "New Critism" တွေ အလိုရှိနေတဲ့ ပုံစံခွက်ထဲကနေလွတ်မြောက်ဖို့ အခြေအနေက ဖန်တီးပေးခဲ့တယ်။ အဲဒါက စာရေးသူကို ဖျောက်ဖျက်ပစ်ခြင်းပဲ။ စာရေးသူရဲ့သြဇာကင်းကွာသွားတဲ့ ကဗျာတစ်ပုဒ်ဟာ ဇတ်ကြောင်းပြောသူနေရာမဲ့သွားပြီး ဘာသာစကား (Langague) ချည်းပဲ သီးသန့်ကျန်ရစ်နေခဲ့တယ်။ ဒုတိယမော်ဒန် လို့ခေါ်တဲ့ ပို့စ်မော်ဒန်ဟာ "New
Critism" တွေ အလွယ်တကူပစ်လို့ရတဲ့ တစ်ခုထဲသော ပစ်မှတ်နေရာကနေ ရှောင်ကွင်းပြီး ပစ်မှတ်အရှင်တွေကို ပြုလုပ်ခဲ့တယ်။ "Self Centre" နဲ့ "I" ဗဟိုပြု အရေးကို ခေါက်သိမ်းလိုက်တဲ့အတွက် သူတို့ကဗျာတွေဟာ ရေတွေလို ကြိုက်ရာပုံစံခွက်ထဲ လိုက်ပြောင်းဖို့ အသင့်ဖြစ်သွားပြီး ဝေဖန်ရေးတွေကို တန်ပြန်ဒုက္ခပေးတော့တာပဲ။ သူတို့ဟာ ကဗျာ (ဝါ) အနုပညာရဲ့ ဗဟိုချက်မတွေကို ဖွက်ထားလေ့ရှိတာက ပစ်မှတ်ပြောင်းစေချင်တဲ့သဘော ဖြစ်နေခဲ့တယ်။
ပို့စ်မော်ဒန်ရဲ့ ပင်မလက္ခဏာလေးခုကတော့ -
၁။ Iconoclasm (ရိုးရာ (ဝါ) လက်ရှိအခြေအနေကို စိန်ခေါ်ခြင်း)
၂။ Groundless (ဆင်ခြေပေါ်မှ အမှီအခိုကင်းခြင်း (ဝါ) အမှားအမှန်မရှိခြင်း)
၃။ Formlessness (ပုံစံတစ်ခုတည်း ပေါ်တွင် တည်ရှိမနေခြင်း)
၎။ Populism (မူလလူ့သဘောကို လေ့လာခြင်း (ဝါ) ဦးဆောင်မှုအား အာဏာလျော့ကျစေခြင်း)
ပို့စ်မော်ဒန်ကို ဝေဖန်မယ့်သူဟာ "တည်" ပြီးပစ်ရတာ ခက်ခဲနေခဲ့တယ်။ ပို့စ်မော်ဒန်ဟာ လမ်းကြောင်း
အားလုံးကို ဖွင့်ထားတယ်။ တပြိုင်နက်ထဲမှာပဲ ဖတ်သူကို လမ်းကြောင်းရွေးချယ်စေတယ်။ အရင်က ဘေးပို့ထားတဲ့ နယ်မြေတွေကိုလည်း ပစ်ကွင်းထဲ ဆွဲထည့်ပစ်တယ်။ ကာပယ်တယ်လစ်ဇင် (Capatilism) နဲ့ မော်ဒန်အဟောင်းကို တစ်မျိုးတစ်ဖုံ ပြောင်းလဲတဲ့ Alternative တွေလုပ်ပြီး ပုံရိပ်ဝါဒ (Imagism)၊ သင်္ကေတဝါဒ (Symbolism)နဲ့ Structural Economy ကိုလည်း အလွတ်မပေးခဲ့ဘူး။ ဒီတော့ ပို့စ်မော်ဒန်ကို အဓိကလေ့လာမယ့်သူဟာ ကဗျာရှုထောင့်အနေနဲ့ New Formalism နဲ့ New Criticism ကို ကောင်းကောင်းသိဖို့လိုတယ်။ ဒါမှ သူဘာကဆန့်ကျင်ချင်သလဲဆိုတာ ဖမ်းလို့ရမှာဖြစ်တယ်။ ဂျွန်ဟိုကမ်ဘီ ထုတ်ပြထားတဲ့ လက္ခဏာတွေက ကဗျာကို အခြေခံပြီး ရွေးထုတ်ထားတဲ့ ပို့စ်မော်ဒန်လက္ခဏာတွေဖြစ်လို့ ဘောင်သိပ်ကျယ်တဲ့ ပို့စ်မော်ဒန်အတွေးအခေါ်တွေနောက်ကို ကဗျာသမားတွေ လိုက်ရတာထက်စာရင် ပိုပြီးလွယ်ကူစေပါတယ်။ ဖြစ်နိုင်ရင်တော့ ပို့စ်မော်ဒန်တွေ သွေဖယ်ပစ်ချင်တဲ့ နယူးဖော်မယ်လစ်ဇင် (New Formalism) နဲ့ နယူးခရစ်တစ်ဇင် (New Critism) ကိုလည်း အနည်းငယ်သိဖို့တော့လိုလိမ့်မယ်လို့ ယူဆတယ်။ ဂျွန်ဟိုကမ်ဘီရဲ့ ပို့စ်မော်ဒန်လက္ခဏာတွေကို သူကပြန်ရှင်းပါတယ်။ မြောက်များရှုပ်ထွေးလှတဲ့ ပို့စ်မော်ဒန်သီအိုရီ တွေထဲက ကဗျာနဲ့သက်ဆိုင်တာလေးကိုပဲ ဆွဲထုတ်ပြသွားတဲ့အတွက် ဂျွန်ဟိုကမ်ဘီ ကို ကျေးဇူးတင်ရမှာဖြစ်တယ်။ နည်းနည်းပြန်နွှေးတဲ့သဘောပါ။
၁။ Iconolasm (အဟောင်းနှင့် အဆင့်ြ့်မင့်ရိုးရာကို စိန်ခေါ်ခြင်း)
- ရိုးရာအဆင့်မြင့် ဂန္ထဝင်ကျမ်းများကို သွေဖယ်ခြင်း (decanonizes culture standards)
- ရှေးကလုပ်ခဲ့သမျှ အနုပညာတွေနဲ့ သြဇာသက်ရောက်မှုတွေကို ဆန့်ကျင်ခြင်း
- စာရေးသူ၏ သြဇာနဲ့လုပ်ပိုင်ခွင့်ကို ငြင်းဆန်ခြင်း (denies authority to the author)
- စာရေးသူ၏ အနေအထားမှ ခေတ်ကာလ၏ ပြောရေးဆိုခွင့်ရှိသူအဖြစ် လျှော့ချပစ်ခြင်း (discounting his
intentions and his claim to act as spokeman for a period)
- မျှော်လင့်ချက်ကို လက်မခံခြင်း
- ဖတ်သူအား တာဝန်ယူစေခြင်းကို ရည်ရွယ်ချက်ရှိစွာပြုလုပ်ခြင်း (Often deliberately alienating)
- အခြားသော အနုပညာများမှ ကူးယူခြင်း၊ ဆန့်ကျင်ဘက်ကို အရွဲ့တိုက်ခြင်း၊ ရောယှက်ခြင်းများဖြင့်
အနုပညာ၏ မူလအရင်းအမြစ်များကို မတည်ငြိမ်အောင် ပြုလုပ်ခြင်း (Subverts its sources by parody, irony and pastiche)
- လူမျိုးခွဲခြားမှု၊ လိင်ခွဲခြားမှု နှင့် ရိုးရာဓလေ့ခွဲခြားမှုတွေကို ငြင်းဆိုခြင်း။
- စာသားမှာ ပါဝင်ရောယှက်မှုကို ဖုံးအုပ်ထားခွင့်မပေးဘူး၊ ပါဝင်မှုကို နည်းနိုင်သမျှနည်းအောင် လုပ်ခြင်း
(Reading Content)
- လူသားတွေ အခြေအနေအဖြစ်အပျက်တွေကို ပူပင်ပြီး စာပေခွဲခြမ်းစိတ်ဖြာတဲ့နည်းတွေနဲ့ ဖွင့်ဟဖို့ကြိုးစားခြင်း။ (broods in the human condition disclosed by radical literary theory)
ဒီအချက်တွေ အတော်များများကိုတော့ စာပေဝါသနာပါတဲ့သူတွေက ရှေ့ကဆရာကြီးများ ရှင်းလင်းချက်
တွေကြောင့် သိနှင့်နေပြီးသားလို့ ယူဆပါတယ်။ ဒီနေရာမှာ ဂျွန်ဟိုကမ်ဘီ ထောက်ပြထားတဲ့ အချက်လေး တစ်ချက်ရှိတယ်။ မော်ဒန်ပထမလှုပ်ရှားမှုအပြီးမှာ မော်ဒန်လမ်းသစ်ဖောက်သူတွေဟာ တီထွင်ဖန်တီးနိုင်မှု လျော့ကျသွားတယ်ဆိုတဲ့အချက်ဟာ အံ့သြစရာကောင်းတယ်။ မော်ဒန်သူရဲကောင်းတွေဟာ အိတ်သွန်ဖာမှောက် လက်စွမ်းပြပြီးတဲ့နောက်မှာ "ကုန်" သွားသလို ရှိခဲ့တယ်။ အသက်အရွယ်ကြီးမားလာတာက တစ်ကြောင်း၊ စိတ်ဝင်စားမှုတွေဟာ အနုပညာဆီက တခြားဘက်ကို ရွေ့လျောသွားတာက တစ်ကြောင်းကြောင့် ဆက်မထွင်နိုင်တော့ဘူး။ ဆောင်းပါးရှင်က သူတို့တွေရဲ့အာရုံတွေ တခြားဘက်ကို ရွေ့သွားတယ်လို့ ဆိုပါတယ်။
ကဗျာမှာ မော်ဒန်ဝါကျဟာ အသစ်တွေကိုမဖန်တီးနိုင်တော့သလို ပုံစံခွက်ဟောင်းထဲ ပြန်လှည့်ချင်နေတဲ့
အုပ်စုတွေကြောင့် အနုပညာလေ့လာသူတွေဟာ ရှေ့တိုးဖို့ခက်သွားတယ်။ ၁၉၆၀ ကာလများဆီက တက္ကသိုလ်သင်ရိုးတွေဟာလည်း မော်ဒန်နဲ့ရိုးရာတပြိုင်ထဲ တန်းတူလှုပ်ရှားမှုတွေ ဆက်ဖြစ်နေလေတော့ ဘယ်ဟာကို သင်ရိုးထဲမှာတွဲပေးရင် အဆင်ပြေမလဲဆိုတဲ့ ဖိအားကိုခံရပြန်တယ်။ အက်ဇရာပေါင်းဟာ နိုင်ငံရေးဘက်ကို လှည့်သွားတယ်။ "Left-Wing" လှုပ်ရှားမှုနဲ့ ဖက်ဆစ်ဝါဒဘက်ကို အာရုံရောက်သွားလို့ ကဗျာကို သိပ်အချိန်မပေးနိုင်တော့ဘူး။ အဲလီးယော့က ပိုပြီးဘောင်ကျဉ်းတဲ့ "tight form" အရေးတွေကို ဖန်တီးပြီး နိုဘယ်လ်ဆုကို လက်ခံတယ်။ နာမည်ကြီးလာမှုရဲ့နောက်မှာ ထပ်ဆန်းသစ်ပစ်ဖို့ အသစ်တွေကို စွန့်စွန့်စားစားလုပ်လိုစိတ် နည်းသွားသလိုပဲ။ ဝီလျံကားလို့စ်ဝီလျံရဲ့ ကဗျာတွေက အသစ်ကလေးတွေအတွက် လူဘယ်လောက်ရဲရဲတင်းတင်း လုပ်ရဲသလဲဆိုတာမျိုးလောက်ပဲ ပြနိုင်တော့တယ်။ ဆိုလိုတာက လက်ဟောင်းမော်ဒန် သူရဲကောင်းကြီးတွေ "ညောင်း" စ ပြုလာပြီလို့ ဆိုရမယ်။ ပညာရေးအသိုင်းအဝိုင်းဟာ အတုအယောင်တွေကိုပဲ ဖတ်ပြီး ဝယ်ရရှာတာကိုး။ ကဗျာနဲ့ပန်းချီကားတွေဟာ တခြားအနုပညာပစ္စည်းတွေလို မဟုတ်ပါဘူး။ ထွက်သမျှကို ဝယ်လေ့မရှိဘူး။ အဲဒီအချိန်မှာ ဒုတိယ အက်ဗွန်း(ထ)ဂါး(ထ) ထပ်ပေါ်ဖို့ တာစူနေပါပြီ။ အနုပညာသစ်ဟာ စစ်မျက်နှာနှစ်ခုဖွင့်ပြီး ဝင်လာတယ်။ ပထမတစ်ခုက မော်ဒန်တွေ ဆယ်စုနှစ်တစ်ခုကျော်ကြာအောင် ဝတ်ဆင်ခဲ့တဲ့ဝတ်စုံကို ပြောင်းပုံနဲ့တိုးတက်လာတဲ့ လူ့အဖွဲ့အစည်းက ဆုံးဖြတ်မယ့်
စည်းကမ်းဘောင်ပြင်းတဲ့ သူတော်စင်ဆန်တဲ့ အဆုံးအဖြတ်ပေးမှုမျိုးကို ငြင်းဆန်ပါတယ်။ ဘယ်လိုဟာမျိုးလဲဆိုတော့ ရှေ့ကလက်ခံထားတဲ့ ရိုးရာလက်ခံမှုတွေကို "အနား" ပေးခဲ့တယ်။ ဒုတိယစစ်မျက်နှာက တန်ပြန်တိုက်ခိုက်တာပါပဲ။ "The second war an attack on the culture achievement of the past". အတိတ်က လက်ခံထားတာမှန်သမျှ ပြန်လည်ငြင်းဆန်ပြန်တယ်။
၂။ Groundless (ဆင်ခြေမှ အမှီအခိုကင်းခြင်း၊ အမှားအမှန်ကင်းခြင်း)
ဒီခေါင်းစဉ်က ပို့စ်မော်ဒန်လမ်းကြောင်းပေါ်ကိုတွန်းပို့ပေးလိုက်တဲ့ အချက်ဖြစ်တယ်။ အနုပညာ၊ နိုင်ငံရေးနဲ့ လူထုအကျိုးပြုလုပ်ငန်းတွေဆိုတာ လုံးဝဥသုံ အမှားအယွင်းကင်းမဲ့တဲ့ အမှန်တရားတွေဆိုတဲ့ အချက်အလက်အမှီပြု (bedrock of unassailable probity) ဖွဲ့စည်းပုံမျိုး မဟုတ်ဘူး။ ရှာလို့လဲမတွေ့ဘူး။ သိပ္ပံပညာရပ်၊ သင်္ချာ၊ ဘာသာဗေဒ၊ လူမှုဗေဒ၊ အတွေးအခေါ်ပညာတွေ အားလုံးဟာ ယူဆချက်တွေ (assumption)၊ ညှိနှိုင်းနားလည်မှုယူထားတာတွေ၊ (cultural understanding) သဘောတူတည်ဆောက်မှုတွေ (Aggrements) နဲ့ အမှန်တရားဆိုတဲ့ အရာဆီကို ချဉ်းကပ်တာ သက်သက်ပဲ။ ကျွန်ုပ်တို့ရဲ့ ဘာသာစကားက အဲဒီဘာသာတွေနဲ့ အမှန်တရားဆီကို ချဉ်းကပ်တဲ့ပညာရပ်တွေရဲ့ အဓိကဝင်ရိုးပါပဲ။ ဘာသာရပ်တွေကို ဘာသာစကားနဲ့တည်ဆောက်ထားတာကိုး။ အဲဒီကျွန်ုပ်တို့ရဲ့ ဘာသာစကားကိုယ်၌က "Imprecise Language" (မတိကျတဲ့ဘာသာစကား) ဖြစ်နေတယ်။ ဒါဆိုရင် သင်္ချာတို့၊ ဖီလော်ဆော်ဖီတို့မှာ “A” ကို “B” ဖြစ်မည်ဟု ဆိုကြပါစို့" ဆိုတဲ့ ယူဆချက် (Assumption) တွေကို သုံးတာကရော ဘယ်လောက်မှန်နိုင်မလဲ။ မတိကျတဲ့ ဘာသာစကား "Imprecise Language" တိုတာက ဘာလဲ။ ဘာသာစကားမှာ သူ့အလိုလိုကို မှားယွင်းအဓိပ္ပါယ်ကောက်ခွင့်ရှိတဲ့ အားနည်းချက်တချို့ရှိနေတယ်။ အများစုပေါင်း ရှယ်ယာလုပ်တဲ့ "communal" ဖြစ်နေပြီး အဆင့်ဆင့်လက်ဆင့်ကမ်းလာတဲ့ "secondhand" ဖြစ်နေပြန်တယ်။ အချက်ငါးခုနဲ့ ဘာသာစကားရဲ့ အားနည်းချက်ကို ထပ်ပြီး ထုတ်ဖော်ပါတယ်။ အဲဒီအားနည်းချက် (၅)ချက်ကတော့ အမှားအမှန်ကိုထင်ယောင်ထင်မှားဖြစ်စေတဲ့ ဘာသာစကားရဲ့ အားနည်းချက်ပဲဖြစ်တယ်။
အဲဒါတွေကတော့ "Imprecise Language" မတိကျတဲ့ ဘာသာစကားဆိုတဲ့ အသုံးကပေးတဲ့ အဓိပ္ပါယ်ဖွင့်ဆိုချက် (၅) ခုပါပဲ။
၁။ Ambiguity (အဓိပ္ပါယ်တစ်ခုထက်ပိုပြီး တည်ရှိနေခြင်း)
၂။ Vagueness (အဓိပ္ပါယ်ဖွင့်ဆိုရန် လုံလောက်သော တိကျမှုမရှိခြင်း)
၃။ Equivocation (Argument ပြောဆိုမှုတွင် "ambiguty" သို့မဟုတ် "vagueness" ပါဝင်နေခြင်း)
၎။ Accent (ဖော်ပြချက်တစ်ခုမှာ မလိုအပ်တဲ့နေရာကို ထင်ရှားစေတဲ့အတွက် အဓိပ္ပါယ်သတ်မှတ်ချက် ရွေ့သွားကာ
"ambiguity" ကို ဖြစ်ပေါ်စေပါသည်။)
၅။ Amphiboly (စကားလုံးအထားအသို (ဝါ) အစီအစဉ်ကြောင့် ဝါကျထဲမှ အဓိပ္ပါယ်နှစ်မျိုးထွက်နေပြီး ထိုနှစ်မျိုးစလုံးအား မှန်သည်ဟု ယူဆနိုင်ခြင်း။)
တို့ပဲဖြစ်တယ်။ မသေချာသည့်ကိစ္စတွင် ထိုမသေချာမှုကို ဖော်ပြနိုင်သော ဘာသာစကားကိုယ်၌က မသေမချာဖြစ်နေသည်။ ဒီတစ်ခါ လူသားကို တုန်လှုပ်မှုဖြစ်စေတာက ရုပ်ဝတ္ထုမဟုတ်တော့။ မော်ဒန်အပြောင်းအလဲ၌ ရုပ်ဝတ္ထုအပြောင်းအလဲကို တုန်လှုပ်သွားခဲ့သော အနုပညာရှင်များသည် ယခုအခါ ထပ်မံတုန်လှုပ်ရသော ကိစ္စများထဲမှ အရေးအကြီးဆုံး တစ်ခုမှာ "ဘာသာစကားအပေါ်မယုံသင်္ကာဖြစ်မှု" ပင်ဖြစ်သည်။ ဘာသာစကားထဲ၌ ဖော်ပြချက်များနှင့်ငြင်းခုန်မှုများက မှားသည်မှန်သည် ဆုံးဖြတ်ရန် မစွမ်းသာတော့ပါ။ အမှန်တရားက ဘယ်မှာဆုံးပြီး အဓိပ္ပါယ်ဖွင့်ဆိုချက်က ဘယ်မှာစသလဲ။ အနုပညာနှင့်ဘဝဆိုသော အရာနှစ်ခုစလုံးက အမှန်တရား (Truth) ဟူသော ခေါင်းစဉ်နှင့် ချိန်ထိုးကြည့်လျှင် သိပ်တော့ကွဲပြားခြားနားချက်မှုမရှိ။ "အနုပညာ" ရော "ဘဝ" ပါ ဇတ်လမ်းဆင်ထားသော (Fictions) ပင်ဖြစ်သည်။ ထို့အတူ သမိုင်းဆိုသည်မှာလည်း ပုဂ္ဂလရှုထောင့်ရေးသားသူပေါ်မူတည်၍ ဖြစ်စဉ်ကိုဖေါ်ပြသော ဇာတ်ပြောပင်ဖြစ်၍ ထိုးဇာတ်ဟုဆိုပြန်သည်။ အယူအဆတွေဟာ မှားတယ်လို့မဆိုနိုင်တဲ့ သူတို့ကိုယ်ပိုင်အမြင်တွေနဲ့ ကမ္ဘာကြီးကို ကြည့်ဖို့
ဒါမှမဟုတ် အဓိပ္ပါယ်ဖွင့်ဖို့ကြိုးစားတယ်။ ဒါပေမယ့် အဲဒီအယူအဆတွေကို ဘာသာစကားနဲ့ပဲတည်ဆောက်ကြတယ်။ အဓိပ္ပါယ်ဖွင့်ကြတယ်။ အဲဒီနောက်မှာ သူတို့ဖွင့်ထားတဲ့အဓိပ္ပါယ်တွေကို အမှန်တရားတွေလို့ ယူဆကြတယ်။ ပြီးရင် လူတွေကို စည်းရုံးတယ်။ လှုံ့ဆော်တယ်။ ဝါဒကွဲပြားသူတွေကို အစုလိုက်အပြုံလိုက် မျိုးဖြုတ်ပွဲတွေ ဆင်နွှဲပြန်ရော။ ဒါကြောင့် အယူအဆတွေဟာ သူတို့ကိုယ်ပိုင်အမြင်ကိုပဲ တည်ဆောက်တယ်။ ညီမျှမှုကိုပေးတယ်လို့လက်ခံနိုင်စရာမရှိဘူး။ ပို့စ်မော်ဒန်ဟာ မှန်တယ်လို့ထင်ထားတဲ့ ကန့်သတ်ချက်တွေရှိတဲ့ လှုပ်ရှားမှုများ (Actions)၊ ဘာသာစကား (Language) ကြောင့်ဖြစ်ပေါ်လာတဲ့သတ်မှတ်ချက်/အရှိတရားလို့ယူဆထားတဲ့ တရားသေသတ်မှတ်ချက်နဲ့ကိန်းကြီးခန်းကြီးတသီးပုဂ္ဂလအနုပညာ (Art) ကို ငြင်းဆန်တယ်။ ပြောရရင် အနုပညာရဲ့နက်ရှိုင်းမှု (depthness) နဲ့ခမ်းနားမှူ (Greatness) ကိုငြင်းတယ်။ တစ်ယောက်ကမှန်တယ်လို့ပြောရင် ကျုပ်တို့ပြန်မေးရမှာက ဘယ်ဘက်ကကြည့်တာလဲ၊ မှန်ဖို့ဘယ်လောက်နီးစပ်သလဲဆိုတာပါပဲ။ ပို့စ်မော်ဒန်မှာ မှားတယ်၊မှန်တယ် ဆိုတာ ကြည့်သူနေရာမှာ မူတည်သွားပြီ။
ဆောင်းပါးရှင်က နောက်ထပ်အချက်တစ်ချက်ထောက်ပြတယ်။ အဲဒါကတော့ တစ်ခါတရံတွင် မက်ဂျစ်ရီရယ်လစ်ဇင် (Magic Realism) ထဲမှာ ဘဝ (Life) နှင့် အနုပညာ (Art) နှစ်မျိုးလုံးကို ရောထွေးတင်ပြတယ်လို့ ဆိုပါတယ်။ ပို့စ်မော်ဒန်တွေဟာ အဓိပ္ပါယ်ဖွင့်ဆိုခြင်းဆိုတာကို ငြင်းပါတယ်။
၃။ Formlessness (ပုံသုံသုံသဏ္ဍာန်အတည်တကျမရှိခြင်း)
တည်ဆောက်မှုအနေနဲ့ ပထမဦးဆုံး ပို့စ်မော်ဒန်တွေ ကြိုးစားတာက မော်ဒန်ရဲ့ တည်ဆောက်မှုကို ငြင်းတယ်။ ဆောင်းပါးရှင်ကတော့ "Repudiate" လုပ်တယ်လို့ ဆိုတယ်။ ဖယ်ရှားတယ်။ "cast off" လုပ်တယ်လို့ ဆိုတယ်။ အဓိကကတော့ မော်ဒန်တွေ ပြေပြစ်တယ်လို့ထင်ထားတဲ့ ဟာမိုနီကို ဖျက်လိုက်တယ်။ နောက်တစ်ချက်က "unrefine" "သန့်ဖို့မလို" လို့ယူဆတဲ့ မော်ဒန်တွေရဲ့ ပါရမီအစွမ်းနဲ့အလိုအလျှောက်ဖန်တီးမှု "organic" form" ကို ပြန်ချောမယ်လို့ ဆိုပြန်တယ်။ အနုပညာကြီးမားမှုကို ချုံ့ပစ်လိုက်တယ်။ အနုပညာကို မဖော်ပြတော့ဘူး။ ဖော်ပြချက်ထဲမှာ အနုပညာကို ထည့်သွင်းမယ်။ စာသားထဲမှာ အပိုင်းအစတွေ ရောမယ်။ ပြီးရင် ဆက်စပ်အနုပညာမျိုး (collages) တွေလုပ်မယ်။ နိမိတ်ပုံနှိုင်းယှဉ်ချက်တွေ (shaping power of metaphors and other literary tropes) နဲ့ စာပေအလှအပတွေကို အနားပေးရမယ်။ အနုပညာဆိုတာ အဲဒီအနုပညာကို ဖော်ပြတာထက်ကို အများကြီးပိုတယ်။ ပြီးတော့ ကမ္ဘာကြီးတစ်ခုလုံးဟာ အနုပညာပဲ။ အနုပညာရဲ့အနှစ်သာရဆိုတာ ဘယ်လိုမှ သရုပ်ပြ (demonstrate) လို့ မရဘူး။ ဝေဖန်ရေးသစ် (New Criticism) နဲ့ ရိုးရာရသတွေဟာ ဒါကို လစ်လျူရှုထားတယ်။ အနုပညာဟာ ပုံသဏ္ဍာန်မဲ့သွားရင် ပိုပြီးအင်အားကြီးမားလာတယ်။ အရည်အသွေးမြင့်မားလာတယ်။ တစ်စုံတစ်ခုကို မျှော်လင့်ချက်ပေးတာ၊ ဒါမှမဟုတ် တစ်စိတ်တစ်ပိုင်းကို ထင်သာမြင်သာရှိအောင်ပြပြီး အခြားအရာတွေနဲ့ကွဲပြားစေတာကို ပို့စ်မော်ဒန်က ဆန့်ကျင်တယ်။ အတိအကျအမျိုးအစားဖော်ပြတဲ့ ကွန်ဗင်းရှင်းနယ် (conventional) ရိုးရာပုံစံဆီက ခွဲထွက်ပြီး ရိုမန်ဂျက်ကော့ဆင် (Roman Osipovich Jakobson) နဲ့ ရုရှဖော်မယ်လစ် (the Russian Formalists) တွေ တင်ပြခဲ့တာမှ အနှစ်သာရလို့ဆိုရမယ်။ ဆောင်းပါးရှင်က ("Deviation from foregrounding. Departure from the conventional are the essence of art, as Roman Jacobson and Russian formalists demonstrated") လို့ ရေးပါတယ်။ ဆောင်းပါးရေးသူဟာ ဒီလောက်နဲ့ "Formlessness" ကို မကျေနပ်သေးပါဘူး။ ပုံသဏ္ဍာန်အတိအကျမရှိခြင်းကို ထပ်မံအဓိပ္ပါယ်ဖွင့်ပါတယ်။
အနုပညာမှာ အမျိုးအစားသတ်မှတ်ခြင်း "Genre" ဆိုတာရှိပါတယ်။ ရသ (Aesthetic) ကို ခေါင်းစဉ်တပ်ပြီး
အုပ်စုခွဲ (Categorize) လုပ်တာပါ။ စတိုင် (style) နဲ့ အကြောင်းအရာ (subject matter) ကို လိုက်ပြီး
အုပ်စုတွေခွဲလို့ရတယ်လို့ တချို့က လက်ခံပါတယ်။ ဥပမာ စုံထောက်ဝတ္ထုဆိုရင် လုပ်ဇာတ် (Fiction) ထဲမှာ ပါရတယ်။ ပို့စ်မော်ဒန်က အဲဒီအုပ်စုခွဲခြင်း "Genere" ကိုငြင်းပယ်ပါတယ်။ အနုပညာပိုပြီးလေးနက်ဖို့အတွက် အထက်ကဆိုခဲ့သလို အုပ်စုခွဲခြင်းလိုမျိုး တင်းကျပ်တဲ့အနေအထားမျိုးနဲ့ခေါင်းစဉ်တပ်တာက အနုပညာကို သေးနုပ်စေတယ်။ ခေါင်းစဉ်ပေါင်းစုံက အကြောင်းအရာပေါင်းစုံကို စုစည်းပြီး ဒါမှမဟုတ် ကျပန်းကောက်ပြီး အပေါင်းအစပ်အနုပညာ (Pastiche) တို့ ကူးယူသရော်တဲ့စတိုင် (Parody) တို့ ဖန်တီးပစ်ရမယ်လို့ ဆိုတယ်။ ပြီးပြည့်စုံသော မည်သည့်အနုပညာမျှဖော်ပြ၍ မစွမ်းသာခဲ့ပါ။ (No such essence of art was ever demonstrated) လို့ ပို့စ်မော်ဒန်တွေ သတ်မှတ်တယ်။ ပို့စ်မော်ဒန်တွေဟာ၊ ဝေဖန်ရေးသစ် "New Critics" သမားတွေဟာ အနုပညာဆိုတာကို ခပ်ပေါ့ပေါ့ပဲပြောတာပဲလို့ စွပ်စွဲပါတယ်။ သူတို့ပြောတဲ့အတိုင်းလိုက်ပြီး ကဗျာဖတ်သူတွေက လိုက်ဖတ်ရမလိုဖြစ်နေတယ်။ သူတို့ဟာ လုံလောက်တဲ့ အသိဥာဏ်မြင့်မားမှုကို ပေးစွမ်းသူတွေလို့ သူတို့ကိုယ်သူတို့ ထင်တယ်။ ပုံစံသတ်မှတ်ပိုင်ခွင့်အတိုင်းအတာဆိုတာ ရှိတယ်။ အဲဒီဘောင်ကိုကျော်သွားရင် ပုံစံသတ်မှတ်လို့ကိုမရတော့ဘူး။ ကျွမ်းကျင်ပိုင်နိုင်တဲ့ စွမ်းရည်ပြည့် အနုပညာနဲ့ ထင်ရှားတဲ့ အနုပညာကွဲပြားမှုကို ပထမနှစ်ကျောင်းသားတစ်ယောက်တစ်လေလောက်ပဲ သိဖို့လိုမယ်။ လူတိုင်းလက်ခံတာက ကျွမ်းကျင်တဲ့ လက်ရာမြောက်တဲ့ အနုပညာတိုင်းကျော်ကြားမှု၊ ကွဲပြားမှုရတာမျိုး မဟုတ်ပါဘူး။
၎။ Pupulism (လူအများအား ပစ်မှတ်ထားခြင်း)
"Postmodern is very appealing" လို့ဆိုပါတယ်။ သိပ်ကို ညှိနှိုင်းတဲ့ ဘာသာရပ်တစ်ခုပါ။ လူတန်းစားမရွေးခံစားလို့ရတယ်။ အဲဒီလိုခံစားဖို့အတွက် ဖတ်သူ (ဝါ) ခံစားသူကလည်း အားထုတ်ရပါတယ်။ ဖန်တီးတဲ့ အနုပညာနဲ့ ကိုယ့်မြင်ကွင်းကို ညှိနှိုင်းရပါတယ်။ ပညာတွေတတ်မှ (ဝါ) အသိဥာဏ်တွေမြင့်မှ ပါဝင်လို့ရမယ်ဆိုတာကို လက်မခံပါဘူး။ ကဗျာဆိုတာက ဝေဖန်ရေးသစ်တွေ ကျောင်းကောင်းကောင်းမှာသင်လာခဲ့သလို အမြင့်ကြီးတွေမဟုတ်ဘူး။ "Diversity" ဆိုတဲ့ မူလမျှော်လင့်ထားရာက သွေဖယ်ကွဲပြားသွားမှုကို ကြိုဆိုပါတယ်။ လူထု ဒါမှမဟုတ် ပရိတ်သတ်နဲ့ တိုက်ရိုက်ညှိနှိုင်းပြီး အဓိပ္ပါယ် ဒါမှမဟုတ် အနုပညာကို "ပေးမယ်/ယူမယ်" လို့ ဆိုတယ်။ ကိန်းခန်းကြီးတဲ့ အဆင့်မြင့်စာအုပ်တွေကို မြောင်းထဲပို့မယ်လို့လဲ ဆိုပြန်တယ်။ (Without level of book learning interceding) လို့ ရေးပါတယ်။ ဒါဟာလူအများကို ပါဝင်လာစေတဲ့ အဓိကအချက်ဖြစ်တယ်။ လူမှုရေးရာ ကိစ္စတွေပါလာမယ်။ ဒါပေမယ့် ဘယ်ဟာကိုမှ ရှေ့တန်းတင်မှာ မဟုတ်ဘူး။ ပြဿနာအားလုံးဟာ တူညီတဲ့အနေအထား (ဝါ) ဆက်သွယ်မှုပါပဲလို့ခံယူပြန်တယ်။ ခေါင်းစဉ်ပေါင်းစုံကို ရောထွေးပစ်တယ်။ ပြန်ကြည့်လို့ တစ်ခုခုကို လျှမ်းသွားတာ (ဝါ) သတိမမူဖြစ်သွားတာကို
စိတ်ဝင်စားတယ်။ အခြားတစ်ဖက်က ဘာတွေကျန်သွားလဲဆိုတာကို သိချင်တယ်။ လူတွေက ဘာမှန်းညာမှန်းမသိတဲ့ ၁၅ ရာစုက *ဖလီးမက်ခ်ျ (Flemish) ပန်းချီတွေကို နားမလည်ပဲ ကြည့်ကြတယ်။ ( *ဖလီးမက်ခ်ျ (Flemish) ပန်းချီ - ၁၅ရာစု ဥရောပမြောက်ပိုင်းနိုင်ငံများမှ ထင်ရှားသော ပန်းချီရေးဟန်) သဘောကျကြတယ်လေ။ ဒါပေမယ့် ပို့စ်မော်ဒန်ကတော့ ဒါမျိုးမဟုတ်ပါဘူး။ နားမလည်တာကို အရသာခံခိုင်းတာမဟုတ်ဘူး။ သီအိုရီဆုပ်ကိုင်ခွင့်ကို လက်မခံတာပါ။ တခြားဘာမှ ထူးထူးခြားခြားမရှိပါဘူး။ လူထုရဲ့စိတ်အနှောင့်အယှက်ဖြစ်တာလေးကို ရှင်းလင်းတင်ပြပေးတာနဲ့ ဘာမှမကွာဘူး။ ပို့စ်မော်ဒန်အနုပညာတွေကိုကြည့်ရင် အရည်အသွေးမပြည့်ဝသလို ခံစားရမယ်။ အမြင့်ဆုံးသော ပို့စ်မော်ဒန်ရဲ့ရည်ရွယ်ချက်က ဘာလဲဗျ။ ဘဝရဲ့ဝေဖန်စစ်ကြောမှုတွေရဲ့ အောက်ခြေဟာ အနုပညာလား။ မဟုတ်ပါ။ အဲဒီလိုဖြစ်စရာမရှိဘူး။ ခံစားမှုတွေကို သူတို့က ချွန်ထက်အောင်လုပ်ပေးတယ်။ ကျုပ်တို့ကို ပိုပြီး နက်ရှိုင်းအောင် ကြည့်ခွင့်ပေးတယ်။ လှပတဲ့ကမ္ဘာကြီးပေါ်မှာ ပိုပြီးနေပျော်အောင် လုပ်ပေးတယ်။ အမှန်တရားနဲ့ပိုပြီးနီးစပ်အောင် လုပ်ပေးတယ်။ ဝေဖန်သူတွေ၊ ဝေဖန်မှုတွေက အဲဒီလိုလုပ်ပေးတယ်လို့ ထင်ပါသလား။ လုံးဝမဟုတ်ဘူး။ အတွေ့အကြုံများအောင်၊ ဆင်ဆာတွေနည်းအောင် သူတို့ကဒီလောက်ပဲတတ်နိုင်တာပါ။ ပို့စ်မော်ဒန်ဟာ ရိုးရာအနုပညာမဟုတ်ဘူး။ အနုပညာကို "Anti" လုပ်တယ်။ ပေါက်ကရဝေဖန်တာတွေကို စိတ်ရှည်မှာမဟုတ်ဘူး။ ဘာကိုရည်ရွယ်သလဲလို့ မေးချင်နေတယ်မဟုတ်လား။ အိုကေ။ ဖြေမယ်။ ဘာရည်ရွယ်သလဲဆိုတော့ ပျင်းရိငြီးငွေ့ဖွယ်လူ့အဖွဲ့အစည်းကို ဖျော်ဖြေမှုလေးပေးချင်တာပါ။ အဲဒါထက် မပိုဘူးဗျာ။ အနုပညာဆိုတာ အတုအယောင် မရိုးမသားဖြစ်ခြင်း၊ လိမ်ခြင်း "spurious" ထက်မပိုပါဘူး။ ဒါကြောင့် အရေးတကြီးတေွး ခေါ်ကြံဆ "serious consideration" လို့ရေးပါတယ်။
ဒါကကဗျာသဘောတရားမြင်တဲ့ရှုထောင့်ကပဲ သူက သာမန်လူနားလည်အောင်ချဉ်းကပ်ပြတာပါ။ ပို့စ်မော်ဒန်ဟာ ပြောမယ်ဆိုရင် အတော်ကြီးကိုရှည်လျားပြီး နက်နဲတဲ့ဘာသာရပ်တစ်ခုပါ။ ဆောင်းပါးရှင်က ပို့စ်မော်ဒန်ကို ကိုယ်စားပြုတဲ့ ကဗျာတချို့ကို ချရေးပစ်ပါတယ်။
- John Ashbery: ရဲ့The Burden of the Park
- Frank O'Hara: ရဲ့ Khrushchev is coming on the right day!
- Barbara Guest" ရဲ့ Wild Gardens Overlooked by Night Lights
- Charles Bernstein: ရဲ့ Thinking I Think I Think
- Andrew Levy: ရဲ့ Tom hanks is a homosexual
- Jim Rosenberg: ရဲ့ Completing the Square
- Tom Raworth: ရဲ့ All Fours
- J.H. Prynne: ရဲ့ On the Matter of Thermal Packing
- David Antin: ရဲ့ War
- Jackson MacLow: ရဲ့ Very Pleasant Soiling
- Michael Basinski: ရဲ့ The Atmosphere of Venus
- Susan Howe: ရဲ့ Eikon Basilike
- Kenneth Goldsmith: ရဲ့ Fidget
- Robert Grenier: ရဲ့ Greeting
- George Hartly: ရဲ့ Envy Pride Glutonny
ဒီထဲကကျွန်တော် Michael Basinski: ရဲ့ The Atmosphere of Venus ကိုကြိုးစားပြီးဘာသာပြန်ထားတယ်။ နောက်မှဆက်မယ်။
- ဇော်ဇော်ထွန်း
