ငါးမည်ရ - ပြည်ရွှေဘို ။
ဘေးရန်ကပြို ။
မုဆိုးဘို
ရန်ပြိုတဲ့ - နသိင်္ခ ။
ဘိုးတော့် ဒေသ ။ ။ (ရှေးစာဆို)
ကျွန်တော်ငယ်ငယ်က မိသားစုအား လုံးဟာ ဇာတ်ပွဲအရမ်းကြိုက်တဲ့ ပွဲကြိုက်ခင် တွေဖြစ်တော့
တစ်နွယ်ငင်တစ်စင်ပါပြီး ကျွန်တော်လည်း ပွဲကြိုက်မောင်ဖြစ်ခါ ဇာတ်ပွဲကြိုက်ခဲ့ရပါတယ်။
ကျွန်တော့ဇာတိမြို့လေး ပုတီးကုန်းကလည်း ဇာတ်ကြိုက်မြို့ဖြစ်တော့ ဇာတ်ပွဲကားတွေမြို့ထဲဝင်
လာရင် စည်တော်သံရွမ်းပြီး မြို့ကိုဝင်ကြတယ်လေ ။ ခံ့ညားတဲ့ စည်တော်သံကို အဲဒီကတည်းက
ရင်နှီးပြီး သဘောကျခဲ့တာ ။ ဇာတ်ပွဲမှာကလည်း နောက်ပိုင်းဇာတ်ထုပ်ပြရင် မင်းခမ်းမင်းနားနဲ့
ရှင်ဘုရင် ကြွချီခန်းတွေမှာ နောက်လိုက်က "စည်တော်ရွမ်းစေဗျား"လို့ ဆိုင်းဆင့်တဲ့အခါ စည်တော်
သံတေးကွက်ကိုဆိုတီးပေးပြီး အင်မတန်နှစ်သက်ခဲ့တယ်။ အဲဒီတုန်းကတော့ ခံ့ညားလို့နှစ်သက်မိ
တာလောက်ပဲ။ ရေးနည်းတွေမသိခဲ့ဘူး။ နောက်ကြီးလာတာ့ သဲကုန်းမြို့မှာ တာဝန်ကျရင်း မဟာဂီတ
နဲ့ ပတ်သက်ရင်းနှီးခွင့်ရခဲ့တယ် ။ ဆရာတွေထံလေ့လာဆည်းပူးရင်း သဲကုန်းဆရာတော် သီတဂူ
ရှင်ဉာဏိဿရ ရဲ့ မွေးနေ့သဘင်ပွဲနဲ့ကြုံခဲ့တယ်။ ဆရာတော်က ပုတီးကုန်းဇာတိဖြစ်ပေမင့် ဆရာတော်
ငယ်စဉ်ကပညာဆည်းပူးခဲ့ရာ သဲကုန်းမြို့အဝင် တပ်ရွာထိပ်ဘုန်းကြီးကျောင်းမှာ မွေးနေ့သဘင်ကို
ကျင်းပပေး ခဲ့ပါတယ်။ ဆရာတော်ကို ချီးကျူးပူဇော်တဲ့ ရတုတွေ တေးထပ်တွေရဲ့တေးသွားသံစဉ်တွေ
ကရင်းနှီးမှုရှိတာမို့ ဒီလောက်မဖြစ်ပေမင့် ဆရာတော်ကားနဲ့ ကြွချီလာရင် ပူဇော်ဖို့ ဆရာတော်ရဲ့
ဘုန်းတော်ဘွဲ့ စည်တော်သံ တေးကဗျာကိုတော့ အလွန်နှစ်သက်ခဲ့မိပါတယ်။ စည်တော်သံတေး
ကဗျာကို တယောဆရာ ဦးသိန်းထွန်း (စာရေးဆရာ သင်းရီ NLD ကွယ်လွန်) က ရေးစပ်ပေးပြီး
သင်တပည့် ကျွန်တော့်ကို အဆိုနဲ့ ပူဇော်ခိုင်းပါတယ်။ ဆရာက ပါးစပ်နဲ့ လက်တန်း သီဆိုပေးတာကို
ကျွန်တော်က လိုက်ရေးရပါတယ်။ သူကတယောနဲ့ အသံရှာပါတယ် ချီချအသံတွေရဲ့ ကာရန်စီးဆင်းပုံ
ကို ရှင်းပြပေးတယ်။ အဲဒီကျမှ စည်တော်သံသီချင်းရေးဖွဲ့စပ်ဆိုနည်းကို ရင်းနှီးခွင့်ပိုပြီး ရခဲ့ပါတယ်။
တကယ်တော့ စည်တော်သံ ဆိုတာရှေးမြန်မာ ရှင်ဘုရင်တွေ လက်ထက်က မင်းညီမင်းသား ဘုရင်မင်း
မြတ်တို့ မြို့တော် နန်းတော်များကို ဝင်တော်မူ ထွတ်တော်မူတဲ့အခါ တိုင်းခမ်းလှည့်လည်တဲ့အခါ ကျက်
သရေ မင်္ဂလာရှိတဲ့ မင်းခမ်းမင်းနားတွေကျင်းပတဲ့အခါ စစ်ချီတက်ကြတဲ့အခါ စည်တော်ကြီးများရွမ်း၍
တီး၍ ငြိမ့်ညောင်းစွာ သီဆိုတီးမှုတ်ကြတဲ့ တေးကဗျာ ဖြစ်ပါသတဲ့ ။ သီချင်းသံကို "စည်တော်သံ"လို့
ခေါ်တွင်လာခဲ့သတဲ့ ။ ခုခေတ်မှာလည်း ကြီးကျယ်တဲ့ အခမ်းအနားတွေမှာ သီဆိုတီးမှုတ်လေ့ရှိပြီး
စည်တော်သံနဲ့ တွဲဖက်ပြီးကတဲ့ အကကိုတော့ စည်တော်အက လို့ ခေါ်ကြပြန်သတဲ့ ။
စည်တော်သံ ရေးစပ်နည်း
လေးချိုးအမျိုးမျိုးရေးစပ်နည်းတွေထဲက အလွယ်ဆုံး အခြေခံ လေးဆစ်ရေးနည်းနဲ့ တစ်ပုံစံတည်းပါပဲ။
ဒါပေမယ့် သီဆိုရာမှာ လေးဆစ်ကဗျာရဲ့ အသံနေ အသံထားနဲ့မတူဘဲ များစွာကွဲလွဲပြီး စည်တော်သံ
တေး အလိုက်နဲ့ သီဆို ရတာမို့ ပါဒအသီးသီးမှာရှိတဲ့ စာလုံးရေ/ချီသံချသံ/ကာရန်အချိတ်အဆက်တွေ
ဟာ ကွဲလွဲမှု အနည်းငယ် ရှိပါတယ်။ ရေးဟန်ကတော့ လေးဆစ် ကဗျာအတိုင်းဖြစ်ပါတယ် ။
ရေးနည်း
လေးဆစ်အတိုင်းဖွဲ့ရပါတယ်။
၁။ အချိုးလေးချိုးပါရပါမယ်။ (အချိုး ၃ ချိုးလည်း စပ်ဆိုနိုင်တယ်လို့သိရပါတယ်။)
၂။ ပထမအချိုးကို ၂ပါစီ စပ်ဖွဲ့လေ့ရှိပြီး ပါဒဝက် ၂ခါစီယူရပါတယ် ။ ပါဒဝက်စီကို စာ၃လုံးစီပါပါစေ။
(လေးဆစ်မှာ ပါဒဝက်သာထားတာများပါတယ်) လေးဆစ်လိုပဲ ချသံ(လဟု)နဲ့ ဒုတိယပါဒဝက်မှာ
ပဓာနကာရန်ယူလိုက်ပါ ။ ပါဒလင်္ကာရထည့်ပါ ။ (တေးသွားအရထည့်ရပါတယ် ။ လေးဆစ်မှာ
မထည့်လို့ရပါတယ်။)
၃။ ဒုတိယပါဒရဲ့ ရှေ့ပါဒမှာ ပိုဒ်တွင်းကာရန် ပြန်ယူပါ ။ (ပါဒလင်္ကာရ ထည့်ပေးပါက ပိုအသံလှပါတယ်။
မထည့်လည်းရပါတယ်။) နောက်ပါဒဝက် အချကို လေးဆစ်လို ချီသံ(ဂရု)နဲ့ ချပေးရမယ်။
၎။ ဒုတိယအချိုးမှာလည်း ၂ ပါဒစီ ပါရပြီး ပထမပါဒကို စာ၃လုံးစီနဲ့ ပါဒဝက် ၂ ခါ။ နောက်ပါဒဝက်ကို ချသံ (လဟု) နဲ့ ပဓာနကာရန်ယူပါ။ ပါဒလင်္ကာရ ထည့်ရပါမယ်။
၅။ ဒုတိယပါဒဟာ လေးဆစ်အတိုင်း စာ ၄ လုံးသာရှိရပြီး ပိုဒ်တွင်းကာရန် ဆက်ယူကာ နောက်ဆုံးအချ
ကိုလည်း လေးဆစ်အတိုင်း ပထမအချိုးအချလို ကာရန်တူချီသံနဲ့ ချလိုက်ပါ။
၆။ တတိယအချိုးမှာလည်း ၂ ပါဒရှိရပါမယ်။ ပထမပါဒဟာ လေးဆစ်လို စာ ၃/၄ လုံး သာထားပြီး ပ/ဒုချိုး
အချအတိုင်း နောက်ဆုံးစာလုံးကို ခွာထောက်ကာရန်ပြန်ယူပါ။
၇။ ဒုတိယပါဒဟာ ပါဒဝက် ၂ ခုရှိပြီး ရှေ့ပါဒဝက်ကို ပိုဒ်တွင်းကာရန် ဆက်ယူပြီး နောက်ပါဒဝက်အချကို
လေးဆစ်အတိုင်း ချသံ(လဟု)မှ အောက်မြစ်/ဝစ္စံပေါက် အသံနဲ့ချလိုက်ပါ။ စာ၅လုံးခန့်ထားပါ။
၈။ စတုထ္တအချိုးကိုတော့ အများအားဖြင့် ပါဒ ၂ ကြောင်းသာထားပါတယ်။ ထို့ထက်လည်းပိုနိုင်ပါတယ်။
(၃ချိုးထဲဆိုရင်တော့ တ/စ ပေါင်းထားလို့ ၄ ပါဒ ရှိပါမယ်။)
၉။ ပထမပါဒမှာ ပါဒဝက်၂ ခုရှိပြီး စာ ၃ လုံးစီရှိပြီး နောက်ပါဒဝက်မှာ ချသံ(လဟု)နဲ့ယူပြီး ပါဒလင်္ကာရ
ထည့်ရပါမယ်။
၁၀။ ဒုတိယပါဒဟာ လေးဆစ်လိုပဲ စာ ၄ လုံးသာ ရှိရပြီး ပိုတွင်းကာရန် ဆက်ယူကာ နောက်ဆုံးစာလုံးကို
တ - အချိုးအချအတိုင်း ကာရန်တူ ချပါ။
ရေးနည်းကတော့ ဖော်ပြခဲ့အတိုင်းစပ်ကြည့်ပါ။ ထူးခြားတာက အချိုး ၄ ချိုးလုံးကိုမှ တစ်ပိုဒ်ခေါ်ပြီး စည်တော်
သံမှာ အဲလို အပိုဒ်ပေါင်း ၃ပိုဒ် အနည်းဆုံးနဲ့ မိမိ အလိုရှိသ၍ အပိုဒ်ပေါင်းများစွာ ရေးသားနိုင်ပါတယ်။ တစ်
ပုဒ်နဲ့ တစ်ပုဒ် အကူးမှာ ပိုဒ်ဆက် ကာရန် ထပ်မိရန် မလိုပါ။ စည်တော်သံ နမူနာများ ဥပမာပြပါမယ်။
အချိုး ၄ ချိုးပါ စည်တော်သံ
------------------------------- (ရှေးစာဆို)
၁။ ကူရေဖန် - အောင်ပြည်(ထီး) ဆီက
အောင်စည်(ကြီး) - ရွမ်း[ဆော်]။
၂။ အောင်တပ်တော် - သဘင်(ထူး) ကို
(ဖူး)လိုက်ကြ [နော်] ။
၃။ အိမ်ရှေ့[ပျော်]
မ[ဟော်] မင်းတပ်{မျိုး} ။
၎။ ရဲဘော်တွေ - မြိုင်(မြိုင်) နှင့်
လက်နက်ကိုင် - ဗိုလ်ခြေ(တင်း) တယ်
(မင်း)တို့ တန်{ခိုး} ။ ။
အချိုး ၃ ချိုးပါ စည်တော်သံ
------------------------------- (ရှေးစာဆို)
၁။ ထောင့်ကိုးဆယ် - စွန်းပ(ဉ္စ) တွင်မှ
ညွှန်းဆင်(သ) - ရာဇ[ဝင်] ။
၂။ ကနက်ပြိုင် - ရှစ်ဆူ(မိုး) တယ်
(စိုး)တဲ့ ဘု[ရင်] ။
၃။ မြနန်း[ခွင်]
စံမြန်းတော် - ဘုန်းကြွယ်[အင်] ကြောင့်
သုံးဆယ်[တွင်] - ရှစ်ခု(ဆောင်း)အောင်
(ကောင်း)ကျိုး သ{တိုး} ။ ။
မြဝတီမင်းကြီး ဦးစ ရေး အီနောင်ဇာတ်မှ စစ်ချီစည်တော်သံများ
(၁)
၁။ ဝတိံသာ - စိန်ကြာမြင့် ဆီက
ဣန္ဒာမင့် - နွယ်တော်လာ ။
၂။ တောင်ယံမှာ - အောင်လံဝင့် တယ်
ထူးတင့် သမ္ဘာ ။
၃။ သေနင်္ဂါ
ဗျူဟာဖွဲ့ - တပ်ခင်း ။
၎။ စက္ကဝါ - တောင်ခါးပန်း မှာ
ကမ်းသတ်မည့် မင်း ။ ။
(၂)
၁။ ဝဇီရာ - ရှိန်လျှံလက် ပေတဲ့
စိန်သံလျက် - ရှင်ပါ ။
၂။ ဘထွေးတော် - ပျော်စံမြန်း တယ်
နန်းမြို့မာယာ ။
၃။ သည်တစ်ခါ
ချီလှာပေါ့ - ရှောင်ရှား ။
၎။ ခုနစ်ပြည် - စစ်တလင်း မှာ
ရှင်းမဲ့ ဘုရား ။ ။
(၃)
၁။ ပွဲတွေရ ပြီမို့
ရဲနေကြ - ကျွန်ယုံပေ ။
၂။ တစ်ယောက်ကောင်း ငယ်နှင့်
တစ်သောင်းဖြိုက - ဖျက်နိုင်တဲ့
ရဲမက်တော်တွေ ။
၃။ မြင်းမိုရ်ကိုခြွေ
ပျက်စေမယ့် - လူသား ။
၎။ မတစ်ထောင် - တစ်ကောင်ပွား တယ်
ကျားဆိုမှ ကျား ။ ။
ကန္ဒီမြို့စား စစ်ကဲမင်းထင်ရာဇာရေး ရွှေဘို စည်တော်သံများ
(၁)
၁။ ရန်ကြီးအောင် - တပေါင်သ ပါတဲ့
တန်ဆောင်လ - ပုဏ္ဏမီ ။
၂။ လက်ရုန်းတော်-ဘုန်းထိန်တောက်တယ်
သုံးကြိမ်မြောက်ညီ ။
၃။ ရွှေဘိုဆီ
မထီတဲ့ - လူစား ။
၎။ မောင်ချစ်ညို - မင်းဟန်တု ကို
သွန်းရန်ပြု ရှား ။
(၂)
၁။ မြစ်ဧရာ - နောက်မြောက်စွန်း ရယ်က
ထွန်းတောက်တဲ့ - သမ္ဘာတော် ။
၂။ မုဆိုးဘို - အမည်မှည့် တယ်
ငါးဘွဲ့ လှည့်ခေါ် ။
၃။ လောင်းနတ်တော်
ကောင်းမြတ်ကျော် - အခါဝင် ၍
မကြာခင် - ရာမည ကို
ဘုန်းပြလို့ လင်း ။ ။
(၃)
၁။ ငယ်မည်မှာ - အောင်ဇေယျ လို့
တောင်ဒီပ - ကျွန်းဇမ္ဗူ ။
၂။ မင်္ဂလာ - သြဘာညွှန်း တယ်
ထွန်းတဲ့ တစ်ဆူ ။
၃။ ရှုံးရသူ
ထုံးဖြူဖို့ ကွက်ကြား ။
၎။ ပြည်ဟံသာ - တိုင်းစွန်ပျက် တယ်
လိုင်းမွန်ဘက်သား ။
(၄)
၁။ ထောင့်တစ်ရာ - တစ်ဆယ့်လေး တွင်မှ
အလှည့်ပေး - ကံဘုန်းတော် ။
၂။ မြန်မာမှာ - တသကောင်း တယ်
ဆောင်းရိပ်ဖြူပျော် ။
၃။ အုတ်သြသြော်
မည်ခေါ်တဲ့စကား ။
၎။ ဘွဲ့နာမံ - နာသိင်္ဃ ကို
ခွန်းဟ တည်ထား ။ ။
(၅)
၁။ အသက်တော် - လေးဆယ့်ခြောက်ကယ်နှင့်
နံသောကြာ့ - ရွှေသမ္ဘာ ။
၂။ အနွယ်တော် - ပဉ္စာခ
ကျမ်းပြ မိန့်မှာ ။
၃။ နန်းအဌာ
နတ်ငြမ်းတော် - ရွှင်ပျော်ရှာ ၍
ထင်ပေါ်လာ - မြေနှင့်မိုး မှာ
ရိုးတော်ကောက်ပွဲ ။ ။
လယ်တီဆရာတော်ဘုရားကြီး၏ ဘုန်းတော်ဘွဲ့ စည်တော်သံ (လယ်တီပဏ္ဍိတ ဆရာဦးမောင်ကြီးရေး)
(၁)
ကမ္ဘာတိုင် - သူရိန်မင်း လိုပ
ရှိန်လျှံဝင်းပါတဲ့ - ရွှေဘုန်းတော် ။
မြတ်လယ်တီ - ရှင်ဘုရား ငယ်
များသိထင်ပေါ် ။
ဘုံတိုင်းမှာကျော်
တေဇော်တည့် - တန်ခိုး ။
နတ်ခြောက်ဘုံ - ဗြဟ္မာရောက် အောင်
ထွန်းတောက်လို့မိုး ။
(၂)
ဘိဓမ္မာ - စွေသွန်ဖြိုး က
မေဃဝန်မိုး လိုပ - တဖြိုင်ဖြိုင် ။
နာရသူ - သိဉာဏ်ပွား တယ်
အားမရနိုင် ။
မဂ်ဖိုလ်တိုင်
လက်ကိုင်ဖို့ - ကျင့်တရား ။
ရုပ်ခန္ဓာ - နာမ်ကိုခွင်း တယ်
လင်းဘိအများ ။
(၃)
သီလကို - မဏ္ဍိုင်ထား ပါလို့
ပညာအား ရယ်က - ဝရဇိန် ။
တောင်မြင်းမိုရ် - သမာဓိရယ်
ကြီးဘိမဟိန် ။
လက်လက်ကယ်ထိန်
စက်ရှိန်နှင့် - စိန်သွား ။
ကျမ်းသုံးပုံ - နယ်အတွင်း မှာ
ကြွင်းမဲ့ ကျက်စား ။
(၄)
ဒီပနီ - ထိုထိုများ ကိုလ
ကိုယ်တော်စား ရယ်နဲ့ - တည်ရစ်စေ ။
တစ်ရာကျော် - စီရင်ထား တယ်
များဘိအခြေ ။
နောင်ရေးတွေ
မျှော်ပေရဲ့ - ဘုရား ။
အံ့သြဖွယ် - ဂုဏ်တော်ထူး ကို
ဦးညွှတ်လို့တွား ။
(၅)
သာသနာ - ဆုံးအောင်တင့် စေဖို့
ဘုန်းခေါင်ဖွင့်ပါတဲ့ - ကျမ်းတွေကို ။
မြလယ်တီ - စံရာတိုက် မှာ
ဦးခိုက်မှီခို ။
များကုသိုလ်
ကြည်ညိုဖို့ - ရည်စူး ။
ကျောက်စာတော် - တည်ထောင်ဖွင့်တယ်
ကျမ်းဆင့်ဆင့်ကူး ။ ။
ကျွန်တော်ကတော့ လူတွေရဲ့ ဘုန်းတော်ဘွဲ့အစား နွေရဲ့ သူရဲကောင်းတွေဖြစ်တဲ့ ပိတောက်ပန်းလေးရဲ့
မိုးအပေါ်ထားတဲ့ လေးစားတုယူဖွယ်သစ္စာတရား / ငုဝါပန်းလေးရဲ့ ရနံ့မွဲပေမင့် မိမိအလှကို မိမိယုံကြည်မှု
နဲ့ နွေကာလတစ်လျှောက် နွေ့ အလှကို ကူဖေးပြီး မိုးရွာမှသာ ကြွေကျသွားတဲ့ငုပန်းလေးရဲ့ သတ္တိ/ စိန်ပန်း လေးရဲ့ နွေထဲမှာ အနေရဲတဲ့ အားမာန် ရနံ့ကင်းပေမင့် မသာပန်းလို့ ကဲ့ရဲ့ကာ ခွဲခြားပေမင့် မိမိတာဝန်ကျေ
အောင် နွေ့အလှကို အားမာန်ပြည့်ကူးဖေးတတ်တဲ့ စိတ်ခွန်အားမို့ သူရဲကောင်းများအဖြစ် လူသားနှယ် တင်
စားပြီး စည်တော်သံ တေးသွားအလိုက်နဲ့ ရေးထိုက်လို့ ရေးလိုက်မိပါတယ်။
ပိတောက်သစ္စာ
(၁)
ဒေါင်းယာဉ်ပျံ သူရိန်မင်းရယ်က
ရောင်ရှိန်ပြင်းပါတဲ့ တန်ခူးနေ ။
ထက်ကောင်းကင် ဝေယံဦးမယ်
တိမ်ကျူးကျော်စေ ။
လေရူးငယ်ပွေ
မြူဝေလို့ ခြုံသိုင်း ။
မြန်ဇမ္ဗူ ပြည်တစ်လွှားမှာ
ထူးခြားနွေရိုင်း ။
(၂)
တံလျပ်ဖြာ နေခြည်လှိုင်းမှာလ
အုံပျဆိုင်းပါတဲ့ ပိတောက်အို ။
မေဃဝန် ကိုရွှေမိုးငယ်
မျှော်ကိုးစောင့်ကြို ။
ဥသြငယ်ပျို
လွမ်းငိုဖို့ တွန်ကြွေး ။
စိမ်းမှောင်သွယ် အရွက်ကြားမှာ
နွေ့အားကူဖေး ။
(၃)
အခိုင်ခိုင် ယှက်ပြိုင်ထွေးပါလို့
မြမြသွေးရယ်တဲ့ ဖူးတံဖြာ ။
နွေနေဆူ ကြံ့ခိုင်ရပ်တယ်
မတ်မတ်မာန်ပါ ။
မိုးမရွာ
ရွှေလွှာငယ် ဘယ်မပွင့် ။
ပူပါစေ လျပ်လျပ်ကျဲစေတော့
အားဇွဲသူလင့် ။
(၄)
တောင်မုတ်သုံ မာန်ဟုန်ဝင့်ပါလို့
အမ္ဗုန်ဆင့်ပါတဲ့ ဝရဇိန် ။
တိုင်းမြန်ပြည် စံတောင်ကျွန်းမှာလ
ရွာသွန်းမာဃိန် ။
ပွင့်ပေါ့ထိန်ထိန်
အတာချိန်နှင့် မင်္ဂလာဦး ။
သင်္ကြန်မယ် ပန်ဆင်ဖို့ရယ်
တူးပို့နှင့်မြူး ။
(၅)
ပိတောက်ဝါ မာနထူးရယ်က
မိုးရေလူးမှ ပွင့်တတ်သူ ။
မိုးနှင့်သာ မေတ္တာမျှမယ်
အာဂမဉ္ဇူ ။
မိုးမကူ
ငြူစူလည်း သူမပွင့် ။
ပိတောက်ညှာ သစ္စာတရားရယ်
စံထားယူသင့် ။
(၆)
တစ်ရက်သာ သူပွင့်လို့
ကြွေလွင့်ပါပေါ့ ပိတောက်ဝါ ။
နှောင်းလက်ကျန် ငယ်အဖူးရယ်
စောင့်ဦးနောင့်ခါ ။
သုံးကြိမ်သာ
မိုးသစ္စာ သိင်္ဂါလွှမ်း ။
အဖူးငုံ အကုန်ဆက်ရယ်
မိုးမက်တဲ့ပန်း ။ ။
နွေ၏သဒ္ဓါ ပန်းငုဝါ
(၁)
ယုဂန်တောင် ဘွေအစွန်းဆီက
လျှံရှိန်ထွန်းပါတဲ့ နေဒေါင်းပျံ ။
နွေကလျာ မိန်အကူးဝယ်
လေရူးခက်ထန် ။
ကြွေရွက်ကျန်
ရိုးတံနှင့် ပြိုင်းပြိုင်း ။
ဥသြပျို သံချိုတေးက
ပူဆွေးရင်လှိုင်း ။
(၂)
ဖြူရော်ရော် ခက်လက်ကိုင်းမှာလ
တွဲဆိုင်းရယ်တဲ့ စီရရီ ။
ရွှေငုဝါ ထိန်ထိန်ဝင်းရယ်
ရှုခင်းကူညီ ။
နွေ့ဌာနီ
မာန်ချီလို့ သူပွင့် ။
ပဒေသာ ငုံအဖူးဝယ်
ခြူးနွယ်ဆင့်ဆင့် ။
(၃)
မြရွက်စို ပင်ယံမြင့်မှာလ
ပဏ္ဏာတင့်ပါဘိ ဖြာဖြာလှိုင် ။
မြင်ရသူ စိတ်ကြည်နူးဖွယ်
ပွင့်ဖူးယှက်ဆိုင် ။
ပင်လုံးမြိုင်
လှပြိုင်လို့ မော်ကြွား ။
ဝတ်ပန်းလွာ ရွှေပန်းပုက
တုလွှတ်မခြား ။
(၄)
အလှမှာ မာနထားပါလို့
ဂုဏ်များပါတဲ့ ငုခမျာ ။
ပန်းမဟူ ရနံ့သင်းပေမင့်
ကံညဉ်းကြမ္မာ ။
သူသူငါ
ချူလာဖို့ လက်ကမ်း ။
သူမှာလေ ရနံ့ဝေးတော့
မျှော်ငေးကြိတ်လွမ်း ။
(၅)
မပန်ဆင် မလှူတန်းပေမင့်
ငုပန်းရယ်က ဘယ်မဖြုံ ။
မွှေးဂန္ဓာ မကြိုင်သင်းပေမင့်
ယမင်းနှယ်ပုံ ။
ကိုယ့်ကိုယ်သာယုံ
နွေကုန်ထိ ပွင့်ဖူး ။
နွေ့တန်ဆာ ကူညီရဖို့
နေခသူမြူး ။
(၆)
နွေယွန်းလာ ဝသန်ဦးမှာဖြင့်
လေထန်ရူးရယ်က ငုကိုခြွေ ။
မိုးအမ္ဗုန် မာဃမင်းရယ်
ပစ်ခွင်းလွင့်ကြွေ ။
ဂိမှာန်နွေ
ဝတ်ကျေလို့ လက်ရမ်း ။
မိုးမျက်ရည် ရေစီးထက်မှာ
နှုတ်ဆက်သည့်ပန်း ။ ။
အညတြ စိန်ပန်း
(၁)
ရာသီကုန် နွေအဦးမှာလ
လေပွေရူးငယ်နှင့် တံလျပ်ပျံ ။
နေသူရိန် မြူတိမ်ကင်းရယ်
ပူပြင်းရောင်လျှံ ။
ဒေါင်းပြင်စက်စံ
ဇမ္ဗူမြန်၏ နွေတွင်း ။
ဆောင်းဗလာ နေရောင်ထဲမှာ
ပွင့်ရဲဘိခြင်း ။
(၂)
နီတျာတျာ ရောင်အဆင်းငယ်နှင့်
နေမင်းကိုတဲ့ မျက်နှာမော် ။
ခြုံဝတ်လွှာ ပတ္တမြားရယ်
မာန်အားဖွင့်ဖော် ။
မိုးမမျှော်
နွေပျော်တဲ့ စိန်ပန်း ။
အံချီးဖွယ် သတ္တိထူးကို
ဦးညွှတ်မိစမ်း ။
(၃)
ပူပါစေ ဆယ်နေလွှမ်းစေတော့
ရေမတမ်းပါငဲ့ ဘဝထူ ။
နွေကန္တာ မိန်ရတုကိုလ
ဖော်ပြုလို့ကူ ။
အားမာန်ယူ
လှသူရဲ့ ဝတ္တရား ။
သူ့ရောင်စဉ် နီနီလွကို
ခြယ်သလို့ထား ။
(၄)
ဝတ်ရုံလွှာ ခြယ်ဆင်ငြားပေမင့်
ရနံ့များရယ်က မွှေးမကြိုင် ။
ဝဋ်ကြမ္မာ ဘယ်အခင်းနှယ်
မသင်းတဲ့နိုင် ။
အခက်အခိုင်
ယှက်ပြိုင်လို့ နီနီမြန်း ။
ပန်ဆင်သူ လာလေနိုးရယ်
မျှော်ကိုးလို့မှန်း ။
(၅)
သနားစရာ မိစိန်ပန်းရယ်က
ရင်ပွင့်ကမ်းပါတဲ့ ပန်စေလို ။
ဘယ်ဘယ်လူ ချူယူလိုက်မှာ
ပြုံးလှိုက်လို့ကြို ။
လွမ်းဖွယ်ငို
ငြူဆိုလို့ ကျော်သွား ။
အမင်္ဂလာ မသာပန်းရယ်
နေစမ်းတဲ့လား ။
(၆)
မညှာတာ ပြောရက်အားပါဘိ
ဘဝခြားပါတဲ့ ဝဋ်ကြမ္မာ ။
လွမ်းစိတ်ဖြေ မာန်ကိုဖြည့်လို့
မိမိဝန်တာ ။
နွေ့ရတနာ
အလှဖြာ ရှုမြင်ကွင်း ။
သူသူငါ စိတ်ကြည်နူးအောင်
ကျေးဇူးဆပ်ရင်း ။ ။
- နေဘုန်းမိုရ်
