ဓာတ်ပုံရိုက်ပေးသူကတော့ အယ်ဖရက်စတိုင်လစ်ပါ။ ခေါင်းစဉ်ကတော့ အသစ်ပြုလုပ်ပြီးသားများ Readymades ဆိုတဲ့ ခေါင်းစဉ်အောက်မှာ ပြခဲ့တာဖြစ်တယ်။ ဒူးရွန့် ဟာ ရေပန်း "Fountain " ဆိုတဲ့နာမည်နဲ့ ပြခဲ့တာပါ။ အခုဆိုရင် နှစ်ပေါင်း ၁၀၀ ရှိပါပြီ။ Readymades ဆိုတဲ့စကားကို " Found object " လို့  ဆိုလိုချင်တာဖြစ်ပြီး အဲဒီတုန်းက ဒူးရွန့်ရဲ့ ပြကွက်အားလုံးကိုပြသခွင့်ရခဲ့ပေမယ့် ရေပန်းကတော့ မရခဲ့ပါဘူး ။ ဒါပေမယ့် ၁၉၆၀ ကစလို့  အဲဒီ " ရေပန်း " ဟာနိုင်ငံတိုင်းရဲ့  အနုပညာပြခန်းတိုင်းလိုလိုမှာ ရှိခဲ့တာပါ ။
ဘာထူးခြားလဲ ?
အိမ်သာကြွေအိုးကို 90ံ လှည့်ထားတယ်။ R. Mutt 1917 ဆိုတဲ့ကြွေအိုးပေါ်ကို ရေးထားတဲ့လက်မှတ် ပါဝင်တယ်။ ဒီထက်ကို ဘာမှမထူးဘူး ။ ဒူးရွန့် ဟာ အဲဒီအချိန်မှာ " လွတ်လပ်သော အနုပညာရှင်များအဖွဲ့ " ( Society of Independent Artists ) မှာဘုတ်အဖွဲ့ဝင်တစ်ယောက် ဖြစ်နေတယ်။ (သူကအဲဒီအိမ်သာအိုးကို သူ့ အနုပညာမှန်းမသိရလေအောင် အမည်ဝှက် R. Mutt ဆိုပြီး လက်မှတ်ထိုးခဲ့)။ ရေပန်းရဲ့ ဖြစ်တည်မှုဟာ အချက်နှစ်ချက်အပေါ်မှာမူတည်တယ် ။ ပထမအချက်က 90 ဒီဂရီ အလှည့်ဖြစ်ပြီး ဒုတ်ယအချက်က လက်မှတ်နဲ့ ရက်စွဲ R. Mutt 1917 ပဲဖြစ်တယ် ။ ဝေဖန်သူတွေကတော့ အာမတ် ( R.Mutt ) ဟာ ဒီအိမ်သာအိုးကို ဘယ်လိုလုပ်ခဲ့သလဲ ။ ဒါမှမဟုတ် သူ့ ရဲ့ကြွေထည်ဖန်တီးမှုကိုစိတ်မ၀င်စားပါဘူး။ ဒါဟာ လီယိုနာဒိုဒါဗင်ချီတို့ခေတ်နဲ့  ဒူးရွန့်တို့ ခေတ် ကွာခြားတဲ့အချက်ပါပဲ ။ အနုပညာသည် ဖန်တီးမှု ဟူသောစကားကို အဓိပ္ပါယ်ဖွင့်ရန် အဘိဓါန်တွင် နေရာများနှင့် စာလုံးများပိုမို လိုအပ်လာပြီဖြစ်တယ်။ လက်မှတ် " signature " စကားလုံးသည် မူလအဘိဓါန်တွင် လူတစ်ယောက်အား ကိုယ်စားပြုသော လက်မှတ်မှ သူ၏အနုပညာ သို့ မဟုတ် ဖန်တီးမှုကိုကိုယ်စားပြုသော အမှတ်အသား ဖြစ်လာသည် ။
ထိုင်ခုံသုံးခုပေါင်းတစ်ခု (Oneand Three Chairs) - 1965
1965 တွင်ပြသခဲ့သော ဂျိုးဆက်ကူးဆက် " Joseph Kosuth " ၏ထိုပြကွက်သည် ယခုထိတိုင် ကွန်းဆက်(ထ်)အတ်(ထ်) သမိုင်းတွင်အလုပ်အကျွေးပြုမှုတစ်ခု ဖြစ်စေခဲ့သည်။ ပါဝင်မှုများအနေဖြင့် -
၁။ ကုလားထိုင်တစ်လုံး (အစစ် )
၂။ မူလကုလားထိုင်နှင့် ညီမျှသောအရွယ်အစားရှိသည့် ဓါတ်ပုံတစ်ခုကို နံရံတွင် ချိတ်ဆွဲ၍ယှဉ်ပြ
၃။ အဘိဓါန်မှ ကုလားထိုင်အားရှင်းလင်းထားသောစကားလုံးများအား ပုံကြီးချိတ်၍ နံရံတွင်ချိတ်ဆွဲ
* မေးခွန်းမှာ ကုလားထိုင်အစစ်သည် မည်သည့်အရာနည်း။ ( What is real here ? )
* အဖြေမှာ အဓိပ္ပါယ်ဖွင့်ဆိုသောစာလုံးသည် အစစ်အမှန်ဖြစ်သည်။ ထိုဖွင့်ဆိုချက်မရှိပါက ထိုင်ခုံအစစ်အား ညွှန်းဆိုရခက်ပေမည်။ ( The difinition is real ; Without a definition , one would never know what an actual chair is )
အစစ်အမှန်သည်ဘာလဲ ( What is real ) and ( Repeatation )
နှစ်ဆယ်ရာစုတွင် လူသားများရင်ဆိုင်ရသော ပြသနာအစစ်အမှန်ပျောက်ဆုံးခြင်းနှင့် နိစ္စဓူဝ အဖန်တလဲလဲ ပြုလုပ်နေရခြင်းပင် ဖြစ်သည် ။ စက်မှုတော်လှန်ရေး၏ အကျိုးဆက် အစိတ်အပိုင်းအပိုပစ္စည်းများ တပ်ဆင်နေရသော လုပ်သားများ၏ဘ၀သည်နေ့ တဓူဝ အကြောင်းအရာတစ်ခုတည်းကိုပင် အဖန်တလဲလဲ ပြုလုပ်နေရခြင်းဖြင့် ဘ၀ကိုအဆုံးသတ်ရ၏။ ၁၈၈၈ နောက်ပိုင်း ဓါတ်ပုံကင်မရာပေါ်ပေါက်မှုကြောင့် အစစ်အမှန်ကို " သိမှု " မှာေ၀၀ါးလာခဲ့သည် ။ ၁၉၅၀ မှစ၍ မိတ္တူကူးစက်များ၏ ချဲ့ နိုင်၊ ချုံ့ နိုင်စွမ်းမှာ လူသားများအတွက် အစစ်ကိုသိမှု လုံးလုံးပျေက်ကွယ်ခဲ့ရသည် ။ ဂျိုးဆက် ပြချင်သည်မှာ ( ဓါတ်ပုံ + မိတ္တူ = အစစ်အမှန်ထင်မှု ) ပင်ဖြစ်သည် ။ ဝေခွဲရ ခက်ခဲမှုအား အဘိဓါန်ဖြင့် ဖြေရှင်းခဲ့သည် ။ ထို့ကြောင့် ဖွင့်ဆိုချက်သည် အမှန်ဖြစ်တယ် လို့ ဆိုတယ်။
သုံးခုဥပဒေသ ( Rule of Three )
ဂျိုးဆက်ကဘာကြောင့် (စာသား) (အစစ်) (ဓာတ်ပုံ) သုံးခုကို ထားရပါသလဲဆိုတာ စိတ်ဝင်စားစရာ ကောင်းပါတယ်။ အနောက်တိုင်းစာပေမှ ဥပဒေတစ်ခုရှိပါတယ်။ အဲဒါကတော့ သုံးခုဥပဒေသ ( Rule of Three ) ပါ ။ ဇာတ်ကောင်နှစ်ခု ဖြစ်တာဟာ ပျင်းစရာဖြစ်ပြီး သုံးခုဖြစ်ရင်တော့ ပျော်စရာပိုကောင်းပါတယ် လို့ ဆိုတယ်။ ဒါကြောင့် ဂျိုးဆက်ဟာ တူညီတယ်လို့  ထင်ရတဲ့ အရာသုံးခုကို ပြသခြင်းဖြစ်တယ် ။
ကွန်ဆက်ချူရယ်ကဗျာ ( Conceptual Poem )
" အတွေးကိုယ်ဝန် အရင့်အမာဖြစ်သော ကဗျာ ဟုဆိုသည် " - ချားလ်စ်ဘန်းစတိုင်း
ချားလ်ကြီးကတော့ ခပ်ရှင်းရှင်းပါပဲ။ " ကွန်းဆက်ဗိုက်ကြီးသည်ကဗျာ"တဲ့ ။ သူပဲကြီးဖူးသလိုလိုနဲ့  ။
သီးခြားခေါင်းစဉ်ဆက်စပ် ကွန်းဆက်ကဗျာများ
လက်နှိပ်စက်ပေါ်ပေါက်မှု (၁၈၆၈) မှစ၍ ပထမကမ္ဘာစစ်နှင့် ဒုတိယကမ္ဘာစစ်ကြားရှိ ကဗျာမျိုးဆက်များအတွင်း ပုံသဏ္ဍာန်တော်လှန်မှုများစွာပေါ်ပေါက်ခဲ့တယ်။ အထင်ရှားဆုံးမှာ မော်ဒန၀ါဒခေါင်းဆောင် အက်ဇရာပေါင်း ၏ အသစ်လုပ်ကြ ( Make it New ) ဖြစ်ပြီး ကဗျာ၏မူရင်းအလှများကို တွန်းလှန်ပစ်ကာ ကဗျာတွင်အရေးပါမှုဟူသည် အိုင်ဒီယာပဲလို့ ဆိုတယ် ။ အက်ဇရာပေါင်း ၊ ဂျိမ်းဂျွိုက်(စ်) ၊ ဂါးထရုစတိန်း တို့ တွေရဲ့ မျိုးဆက်မှာ လက်နှိပ်စက်စွမ်းအားသက်ရောက်မှု အခံရဆုံးဖြစ်ပြီး စာရေးသူကိုယ်တိုင်စာရိုက်သူဖြစ်ကာ စကားလုံးများဆော့ကစားမှု ( Words Play ) များပြုလုပ်လာကြသည်။ ဂါးထရုစတိန်း၏" Geography and Play " မှာ ကြောက်တဲ့ အမ်မလီ ( Scared Emily ) တွင် မူလရှိနှင့်သော " ထပ်တူညီမှုဥပဒေ "( Law of Identity) အားစကော့ကဗျာဆရာကြီး ရောဘတ်ဘန်း ( Robert Burn ) ၏ နာမည်ကြီး My love is like a Red , Red Rose . ဟူသော ဂန္တ၀င်နှင်းဆီအား ကပ်ပေးကာ ရှေ့ က ဆရာကြီးနှစ်ဦးစလုံးကို ပြောင်ပင်တော်လှန်ပစ်ခဲ့သည်။ ရှေ့က ကူးဆက်ဆီကို ပြန်သွားကြစို့ ။ သူ့ ခေါင်းစဉ်ကိုက " ကုလားထိုင်တစ်လုံးနဲ့သုံးလုံး " ဖြစ်တယ် ။ သူဘာကြောင့် ကုလားထိုင်ကို သုံးခဲ့သလဲ ။ တစ်ခြားဟာသုံးလို့ မရဘူးလား ဆိုတဲ့မေးခွန်းကို ရင်ဆိုင်တယ်။
" I use common , functional objects - such as a chair "
ကျွန်တော်အများသုံး ၊ အသုံးချရုပ်ဝတ္ထုပစ္စည်းကိုသုံးခဲ့တယ် ။ ကုလားထိုင် တစ်လုံးလိုမျိုးပေါ့ လို့  ၁၉၇၀ ၊ မတ်လ ( ၇ ) ရက်နေ့ မှာပြောခဲ့တယ် ။ ဒါဆိုရင် ဘာကြောင့်အများသုံး ပစ္စည်းကိုရည်ရွယ်ရသလဲ ။ ဒီအတွေးအခေါ်ကို သူဘယ်ကရသလဲ ။ ဒူးရွန့် ရဲ " ရေပန်း" ကလား ? ကူးဆက် က ဘာလဲ ? ဘယ်အုပ်စုထဲကလဲ ? ဒီလိုနောက်ကြောင်းပြန်ကြည့်တော့ " Fluxus " ဆိုတဲ့ ကြီးမားတဲ့အနုပညာ လှုပ်ရှားမှုကြီးကို တွေ့ ရတယ် ။ ဒီတော့ အဲဒီ " Fluxus " ဆိုတဲ့လှုပ်ရှားမှုကြီးကို ကျွန်တော်တို့ရင်ဆိုင်ရမယ် ။
- ဇော်ဇော်ထွန်း
